قضية انتحار دامية

بارت51

#قضية_انتحار_دامية

#بارت51_وماقبل_الاخير

#بقلمي_سارة_المجيد

مساء الخير حبايب گلبي شلونكم

طبعا شفت التعليقات البعض مستغربين من موقف اركان وخيانتو لوتين وكأنما نسيتوا اركان انسان عادي مو معصوم ولانبي حتى مايغلط ..شوفوا بعض الرجال اكيد مو الكل بيهم شخصية متناقضة وازدواجية يعني تشوفوا بفترة شخصية ملاك وانسان مالو نضير وراها بفترة ينقلب حالو ١٨٠ درجة يتغير حالو واركان جان اناني يحب نفسو وبس وشفتوا ببداية علاقتو بوتين شكد ركض وراها حتى تنطي لزمه بس وتين مانطتو مجال واكيد الصعب ينحب وكل ممنوع مرغوب وبعد ماتزوجها نفر ومل منها ومشى ورا غريزتو وخانها وصارت فجوة بينهم بحجة الاطفال لان تعرفون الام تنشغل بامور التربية والرضاعة وشغل البيت وانوب عدها توأم يعني ماتلحك تنطي الاهتمام للرجل مثل بداية الزواج ف اكو رجال يتحملون وضع الزوجة مثل زوجي ابو هيثم الله يحفظو الي هم جنت شوية مشغوله عنو باول ايام ولادتي التوأم واغلبكم قارئ قصة حياتي جان يداريني ويعيني ع تربيتهم وابد ماتغير عليه بحبو وحنانو ...واكو لا يتحججون مثل استاذ اركان نفسيتو ضعيفه ...يروح يدور اهتمام وراحة بغير مكان وبغير حضن واكيد هل نماذج مو كفو مثل اركان رجع لحبيبتو الاولى الي اغوتو واغرتو وسحبتو لحضنها وهيه ع ذمة رجال ثاني يعني خيانة مزدوجة من الطرفين والمثل ايكول الطيور ع اشكالها تقع ...عذرا للاطالة بس حبيت اوضح السالفة وارد  ع استفساراتكم يعني اركان مجان يمثل لا بس صار عندو ملل ووكع بنزوة وكام يلوص وخان وتين وهدم حياتو وذب اللوم ع عثمان وع اغتصابو لسابين الي صارت شماعة يعلك عليها اغلاطو
وبالنسبة ع المصاريف الي تسألون امنيلها تصرف ع كليتها اكيد اركان جان يصرف عليها لان هل مدة جانت يمو بحكم زوجتو ولحد اخر سنة دراسية وصارت الاحداث هاي ومامتحنت اخر مادة ومكدرت اتكمل المرحلة الاخيرة من الهندسة واكيد بعد هل احداث كامت تصرف من التقاعد مال طارق الي تسجل بأسمها من بعد مامات ...وبعد اكو مصدر دخل ثاني الها بعدين راح تعرفوا منين اجاها بنهاية القصة وشفت ايضا يكولون ليش سابين ماعترفت بالاغتصاب هل شي بنفس سابين بقى محد يعرف يمكن حتى ماتأذي اختها وتخليها تزوج ويصير عدها اطفال ومن اجتها بالحلم جان عدها علم بخيانة اركان لان الكل يعرف الميت يعلم بحياة اهلو واكيد روحها ممرتاحه ورادتها تكشف القضية لان وتين اصلا ممرتاحه بحياتها ويه اركان يعني تضرب عصفورين بحجر واحد منها تخلص اختها من زواج فاشل ومنها تضهر الحقيقة الي بقت مدفونه ويه سابين

البعض للاسف مايقرا بتركيز ومديعرف يربط الاحداث ويكول القصة بيها غموض مع انو اني حليت كل الغموض بالقصة وبسطت الاحداث بربطها مع بعض ان شاءالله هسه صار معلوم عن استفساراتكم

نرجع لاحداث القصة

وتين ...رجليه ثكلت مابعد اكدر اتحرك خفت كلت راح نموت