قضية انتحار دامية

بارت8

#قضية_انتحار_دامية

#بارت8

#بقلمي_سارة_المجيد

اسعد الله اوقاتكم بكل خير احبتي
اتحملوني اذا البارتات قصيره هل كم يوم تعرفون اني بحداد هسه ع استشهاد ابن خالتي والله اكتب وابجي ماداكدر انسى المواقف الي صارت جدامي بالفاتحة
😔😔
...ان شاءالله اعوضكم بالايام الجاية لان الاربعاء السبعة وهم لازم اروح ماكدر ماروح وراها تدللون عليه ازيد طول البارت
........................

القاضي ..بسبب محاوله من المدعيه سناء باعطائي رشوه مقابل الحكم بصالحها بهذه القضيه تقرر ان الوصايه للاب ورفعت الجلسه

طارق بصدمة وذهول ...شنو شنو هلا هلا بلا تعب بلا كلشي واحنا الجنا نتحضر طول هالشهر اوووووو والله وحمل ونزاح عن صدري ..

شلت يوسف وفريته ورحت بشرت حسين وعزمتهم بيت حسين كلهم ويوسف واني طايرين من الفرح خلصت من هالبهذله عاد رجعنا لحديثه ..

ومرت الايام طبيعيه وراها بشهرين سناء خابرت ماجد تريد ترجع

طبعا ماجد بحكم شغله طلع من بيت العائله وكعد ب k3 هوه ومرته

وبسبب شغله موظف يحقله بيت بلاش ولان مهندس بشارع المهندسين والاطباء يعني بيته حيل فخم وكبير وهوه رتبه شويه شويه وجان عنده تليفون ارضي ..

خابرته سناء تريده يكون صلح بيناتنه وانو البنات ميصير يعيشون مشتتين هيج

وانها عرفت غلطها وتريد تفتح صفحه جديده جا ماجد بلليل وحجالي الصار

اني تخبلت ماضل عقل بيه كتله كل عقلك تحجي هاي وانته شاهد شصار ..

ماجد ..بناتك يحتاجون امهم شكد تحاول يحتاجوها ولو تشعل العشره شموع ماتعوضهم حنية الام ..

طارق ..كتله اي شلون حنيه عاد

ماجد ..تعدلت هسه ماكو انسان مايغلط

طارق ..فات ابويه جان يسكت ماجد كتله كمل كمل شو سكتت .

ناظم ..ها شبيكم مثل ديج الهباري

طارق ..اسمع ابنك العاقل ابو گلب الرهيف مخابرته ست سناء تريد ترجع وناخيته يكون صلح بيناتنه والله وعرفت تختار ابويه عصب ..

ناظم وهوه ينتفض بصرخه ... الله بسما اشوف بيكم واحد يحجي ويه هالكلبه اتبرى منه وانعل ابو لابو الجابه ..

طارق بضحكه ...ابويه ترا انته الي جبتنا

ناظم ينافخ وهوه يكعد ع القنفه ويرزل طارق ويكله ..انجب انته يالاغبر

جانت ساعه غبره يوم جيت بيها لهاي الدنيا ماشفت منك الراحه راكب صماخك وماشي مثل المطي

متتحاجه ولاتسمع نصيحه الاكبر منك هاك استلم نتيجة هالزبل المخلي فوك كتفك

والله احلف عليك ما ولدت وبراسك عقل سدو الموضوع لنعل ابوكم لابو رجعة لهالمره ولهذا البيت ماكو