قضية انتحار دامية

بارت19

#قضية_انتحار_دامية

#بقلمي_سارة_المجيد

#بارت19

مساء النور والسرور على اغلا متابعين

سابين ...ركضت فتحت باب غرفة فرقد شفتهم اثنينهم كاعدين ع السرير ..

ركضت حضنتها بكل قوتي جانت ساكته امبين باجيه وخدها بارد انتبهت على الثلج فرقد خلالهيا اكيد

ها توته شلون صرتي حبيبتي اني اسفه جثييير

وتين ...عادي ليش ماتعودتي عليها بعد

سابين ...لتكولين هيج تقهريني كلو بسببنا انتي هيج يعاملوج

فرقد ركز ع كلام سابين واستغرب كال ...شلون يعاملوها وليش بسببكم

سابين فزت ...ها انتبهت انو داحجي شي ملازم احد يعرفو كبل تلاحكت نفسي لا ماكو شي فرقد تعالي توته تعالي للغرفه نامي ارتاحي شوي

فرقد ...لا اوكفي ماكو طلعه تعالي كملي وفهميني شلون تتعامل وتين

ليش سكتي ايلين احجي العندج اريد اعرف كولشي عنكم

وتين ...فرقد ماكو شي لتخلي بالك

فرقد ...وتين نظراتها جانت كلها يأس لطفله بعمر ال١٣سنه جان بيها وجع كبيييييير ماينوصف حسيت بداخلها ألم وقهر اكبر من عمرها معرف شصارلي

طفله بهيج عمر شنو شافت حتى ضهرت عليها هالنظرات من شنو عانت حتى بانت عليها علامات الوجع حياتهم غامضه محد مطلع عليها من عدنه جنه كلمن ملتهي بحياتو الخاصة ماجنه نسأل عنهم وعايفيهم ومنواصلهم

وسابين جانت نظراتها وكانو تتوسل انو ما اسأل وكأنو اذا سألت راح يسوء الحال اكثر ..

سكتت بس جنت مليان فضول اريد اعرف وضع هالبنتين ابيتهم شلون جانوا عايشين شنو من حياة مرت عليهم

اصلا اني الفضول كاتلني من اول يوم جو علينا

وسابين بهويه ايلين يتعاملون وياها بس غلست كلت يجوز صدمه ماتحملوها

اخذتها سابين وطلعوا للغرفه البصفي سدت الباب بس اسمع بجيها ووتين تهدي بيها

وتين ...سكتي دا اكلج متعوده ماتوجعت والله شبيج سكتي ليش مو انتي هم جنتي شكد تنضربين لو نسيتي هههههه

سابين ...اااه ياخيتي شلون انسى مأساتنه ..كلو من ورا ايلين لو مماتت مجان صارت هيج سناء

اني عايشه بشخصيتها وانتي غضب سناء وطارق كلو مصبوب عليج كلو بسبب ايلين الله لايوفقها الله ياخذها اتدمرنا من وراها

وتين ...شبيج سابين هو ايلين اصلا ماتت كافي خطيه هيه شعليها اهلج من قبل لاتموت ايلين همه يعاملونه بعنف وقسوة
وماشفنه بحياتنه وياهم يوم راحه لو حنان منهم علينه