قضية انتحار دامية

بارت4

#قضية_انتحار_دامية

#بارت4

#بقلمي_سارة_المجيد

مساء الورد والفل ع متابعيني الغوالي

#تنويه حبايب البعض اشوفهم يكولون اختصري الاحداث وخلصينه من زواج ناظم وطارق ...احب اكولهم اي شي ينبني ع سريع ينهار ويوكع ويفشل ..اني من اتبنيت القصة وعدت بطلة قصتي اكتب قصتها بكل تفاصيلها وماهمل حرف واحد حتى انطي حقها للقصة ...واساس القصة بداياتها حتى تفتهمون شنو هيه قضية الانتحار الدامية اذا انتوا مفاهمين بداية القصة واركض بيها ركض عجل شلون راح تفتهمون باقي القصة الي ماعندو صبر خلي يتركها للقصة لانها طويلة يمكن اكثر من 50 بارت ..وبيها احداث جثييرة واحداث جدا مشوقة وقوية ومفاجئات راح تخليكم تنصدمون منها وللعلم هاي اول قصة الي بهذا الطول لان المعروف عني كل قصصي ماتتعدى ال 30 بارت ...
هل قصة راهنت بطلتي عليها وكتلها راح تنجح ان شاءالله واحتمال بالمستقبل اطبعها كتاب ان شاءالله
لان هل قصة رادت تتبناها قناة الشرقية الفضائية بس وتين رفضت لان وكتها جانت منهارة حالتها ..ان شاءالله اني ماقصر وياها وانطيها حقها واكون وفيت بوعدي لبطلة قصتي ..

خلونه هسه نرجع لاحداث القصة

...................

وصلنا للشقة و نزلت وهو ماسك ايدي فوتني للشقه وسد الباب وقفله و وكف يم الباب وانتجه علي

طارق .. طبعا بسبوعين كملت ترتيبات الزواج وتزوجت غصب عن اهلي محد راضي عن تصرفي بس الغريب اهلها مامعارضين ولا هيه ..

ماصدكت شوكت تخلص هوسه العرس واخذها اوووف شكد مشتاقلها

صارت ساعه ثمانيه وصاحني حسين تعال اكل ويانا خلي العروس تاكل براحتها ..

طلعت وعفتها واني ماريد افارقها ثانيه كعدت اكلت شويه مالي نفس وشربت جاي

وضلوا يحجون واني اريد اطلع شو باوعت للساعه لا يربي الساعه 9 خررررب شوكت مشا الوكت ..

كمت كلتلهم يلا اني اروح هم تاخر الوكت لازم اطلع يادوب نوصل

وصاروا يهوسون ويركصون يابا مشبعتوا ركص

وصلت للصاله وغطيتها ع السريع لحد يشوفها مع العلم هيه سافره ولزمت ايدها شفتها قطعه ثلج ..

مسكتها قوي بس ما اذيتها واخذتها للسياره وطلعت كعدت يمها

يلا اودعناكم بكلبي اكول بس فكوني استفرد بيها شسويتوا بحالي ..

مشا التكسي وهالطريق احسه صار سنه ولايقبل نوصل وصلنا كتله عندك ننزل

حاسبت التكسي وطلعت ومسكت ايدها وسحبتها صارت تحت كتفي وحضنتها

وطلعتها للشقه فتت وقفلت الباب شو هاي ندارت عليه و مستغربه انتجيت وكتلها شكو

سناء ..ليش قفلت الباب