#بين الماضي والحاضر يوجد الغد
#نواره مفتاح م 🦍 💞
.
.
.
تعلم أن تقف وحيداً دون مساعده
تعلم ألا تعيش على الإنتظار
وإلا تكون هامش في حياه أحدهم
تجاهل مشاعرك كثيرا فقط لكي لا تؤذي قلبك❤️
.
.
نجود. امعاهم جسم بس فكر لا وهايمه
علي. نجود خيرها ديمه هكي تسهى وهايمه وحزينه تي ماتندري عالمحاضره شني
جيداء. خليها ربي يهديها
محمد تي ليش طول الأستاذ عليك حاله
جود. 🤷🏻♀️ قالوا في طلبه جدد
جيداء. أها 😍حقه
علي و محمد و جود. جيداااااااء شن قلنا😒
جيداء. ها سكتت🤐
ضحكوا عليها 😂😂
اشوي هكي خشوا المجموعه الجديده ولدين وبنت
نجود. لاا مستحيل كيف 😯😲 التفتت لجود جيداء هو ريتن هو يشبهله نسخه ههه مش امصدقه كانت رده فعلها غريبه لأنهم مافهوش مقصدها
محمد وعلي. منو؟
نجود. وهيا مبتسمه لاا حد حد وقعدت مبتسمه طول المحاضره
والكل مستغرب في تصرفها بس ماحبوش يحكوا معاها توه.
كملوا وطلعوا وبدوا ايراجعوا في دروسهم والملفت أن نجود منسجمه ومبتسمه على غير العاده
محمد. اليوم دوري حنحكي ماتسغربوش واجد🙂
القروب. هي تسمعوا فيك👂🏻
أنا محمد الولد يلي خوته الأكبر منه عاشوا حياتهم في الحروب والدوريات والتوكات كنت الصغير ولاهي في اقرايتي ويلي كانوا امحفزيني عليها خوتي الكبار مايبونيش انسيبها مشت الأيام وعدت في فتره صارت فيها حرب استشهد خوي الوسطي كلنا هبلنا انجنينا وأنيء اتأثرت واجد بعدها أنيء كبرت اشوي قعدت انشد في توكات وهكا، في نفس الفتره كنت انحب في بنت وكانت علاقتنا خياليه ❤️هيا كانت سندي وصبرتني كنت انصبح على صوتها ونرقد عليه كانت كل شي بالنسبه ليا نقرأ ونخدم عشانها بس هيا بس مافيش شي ايدوم بعد كم سنه من استشهاد خوي وطبعا كملوا الناس ولا كملت الحرب والفتن، ف صارت مناوشات كالعاده خوي طالع معاهم اختفيء فتره وصار فينا الويل أمي ساحت ماعاد قعد فيها جهد طبعا بوي ميت من احنىء اصغار 😔خوي هدا هو بوي فهمتوا يعني تقعد خايف تخسر بوك مره تانيه 😓😓بعدها امشن الأيام جانا خبر عن ستشهاد خوي كلمنا صاحبه تي باهي كيف وليش ماخبروناش ليش سكتوا الأيام هادي كلها والكل ايخمم 🤯أنيء ماعاد فهمت شي الحق تي عندهم الحرب والموت لعبه بعدها المهم فاتت سنه قاعد نا وهنادي زي السمن على العسل أمورنا تمام 👌🏻
جت الحرب هدي حرب 2019 حرب طرابلس هدي يلي دمرتني بس هيا هانك كل يوم حد يستشهد وعطاك عمك محمد تنهيده طويله😫
فيها خسرت جزء من شخصيتي،في الحرب هدي قررت إنيء نا انخش في الحرب هظي بس بدون مانفهم قالوا حرب طلعت زيء زي غيري من الشباب كنت مجرد توكات انشد فيهن وحتى قبل ماخشيتش حرب جديه واجد
بس في الحرب هدي عرفت الناس الأصول والناس البيئه كنت كل يون ننصدم ماطولتش فيها شهر روحت في نهايته حالتي النفسيه صفر فيها أول مره انخش خط نار 🔥 صار ضرب قوي وتقدمنا وفي ناس املوحه من الطرف التاني قعد يتكلم معاي أجنبي ويقولي ماتقتلنيش كان شكله ليبي بالكامل رديت عليه بدوتنا قتله مش رح نقتلك اشوي رد قالي تي كيف إنته ليبي قتله إيه 😲قعدنا مصدومين يعني خوت نقتلوا في بعضنا هههههه لااا مستحيل عاد خو يقتل خوه، حاولت انساعده بس يلي معاي قالولي اقتله هدا مش معانا أنيء قعدت مصدوم تي كيف هذا ليبي زينا تي روح مش رح نقتله شاد يلي في رقبتي قتلتهم بدون مانفهم وانهرت في مكاني لاا😫😭😭
هما قعدوا يضحكوا وأنيء قلت شن جيبني بينكم 😢مش مكاني بديت هذيان هما قتلوا الشاب التاني، في شخص جيء ساعدني طبعا هو علي تعرفت عليه غادي وولينا أصحاب هو
يلي ساعدني ورجعني لحوشنا وإنيء مانندري
على روحي، محمد يحكي ويبكي تعرفوا أمي وين روحت كان واصلها كل شي صار في طرابلس تعرفوا قعدوا الكل ايقولوا المجنون
لأن قعدت فتره في حاله هذيان وهستيريا بكي 😓 قابلتني وهيا لاويه وجها وتقولي حشمتني ياريتك مامشيت نضت عيطت على طول رقبتي إيه ياريتني مامشيت أنيء قتلت خوي خوووووووووتي ي شن استفدت قولي شن رح نستفيدوا🤔
(الحرب هدي حرب استنفاد الكل ادمر الكل يستنى في يومه خلونا نكرهوا بعضنا نحكموا عالشخص حسب أما مدينه منها هو خلى الكل نفسيته زفته كل يوم حد ينقص كل ساعه مش يوم بدال مانديروا أعراس جماعيه قعدنا انديروا في دفن جماعي وانزفوهم لقبورهم
حرب ناس بره بالله خوك يلي مسلم زيك زيه هو يسعى لدمارك لدمار خوه باالله خلو فيها إسلام ليش إيصلوا ويعبدوا في ربي كان يقتلوا هكي ليش #حسبي_الله _ونعم _الوكيل _في_كل_شخص_ايساعد_في_تدمير_البلاد)
طبعا نا قاعد لعند توه انحاول إنيء نتأقلم مع الوضع بس صعب علي وقف معاي وااجد وقررت إنيء انكمل اقرايه لأنيء سيبتها وشديت مسؤوليه هلي بعد استشهاد خوتي، طبعا قررت انسجل وسجلت معاي علي زبكته
محمد. هاذي جزء من قصتي ومعاناتي الطويله اختصرتها اشوي عشانكم
نجود. 😢أحزنتني حمادي صح هادي حرب استنزاف مليت
جيداء & جود. انته قوي وشخص عندك ضمير
دليل إنك فتتهم غادي وماحبيتش تقتل انته
انسان اكويس
نجود. انته علي نعمتك من ربي ساعدك
علي. حتى هو ساعدني تلقينا بعضنا
نجود. سوف أبكي😢
جود جيداء علي محمد. لاااا إلا إعياطك ماعاد تسكتي هي
نجود. 🤐بنسكت بكل
علي. خير. غدوه كسودي قالوا
جود. إيه
.
🌙وتأتيك رسائل الله ورحمته على هيئة شخص، فيمسك بيدك ليرشدك على طريق لم تكن تظن يوما بأنك ستسلكه خوفاً🌙
.
@nowara53 حسابي في الأنستا ❤️
أنت تقرأ
بين الماضي والحاضر يوجد الغد(روايات من واقع الشباب)
Genel Kurguهل للأقدار دور أم نحن من نختار قدرنا✨ أبطال الروايه كما يبدوا كان القدر هو من اختار لهم مسيرتهم ومهما حاولو لم يقدروا على تغيره @Nowaranona @nowara53 حساب الأنستا
