Inside a Poet's Mind

Panibagong Yugto

Tumataigting na halimuyak
Sarap na sa panlasa'y tumatatak
Tila ba may tumutulak
Sambahin, kapangyarihan ng alak

Ingay sa paligid ay hindi alintana
Hiyaw at tawanan bilang tanda ng saya
Mga kalokohang sa barkada makikita
Ilan lamang ito sa magagandang ala-ala

Kung iisipin parte na lamang ito ng nakaraan
Ibang-iba sa lagay ng kasalukuyan
Kung noo'y sa problema, babae ang takbuhan
Ngayon ay tanging Diyos Ama ang kasagutan

Tuluyang nag-iba, ikot ng mundo
Gaya Niya na sa'kin ay nagpabago
Mula sa lasinggero'y naging kagalang-galang na ginoo
Nagpapakilala, pastor ho ninyo