الرجل الأخر

تكمله الفصل التاسع

بقلمي : Jawhara

شفت تعليقاتكم وحبيت اهديلكم احداث جديده
تستاهلون حبايبي 🌹🌹🌹

*******
كعدت عالكرسي ونزعت حذائها ودلكت رجلها التون
عليها لان تعبت كولش ...
لزمت راسها بين ايديها تريد تستوعب الشافته
طول الوكت وهي مخدوعه اكيد جان يضحك عليها
ولوما الصار البارحه جان مكشفته على حقيقته
حقيقة العامل البسيط الجابه عصام وازوجته معقوله
جان ميعرف هويته اي اكيد هم خدعه ياربي ياربي
شلون خدعنا بكل هاي المهارة وكدر يغلغل بحياتي
.....اسئله هواي جانت بعقلها تريد الاجابه دائما جانت
تشك بتصرفاته توقعته يشتغل بعصابه واحد محتال
زوجها النفرض عليها ضابط امن
انتبهت لعلا دخلت والارهاق واضح عليها كعدت كبالها ..اويلي مدري شلون خلصت هالليله بس اريد
اوصل البيت وكبل اذب ازريك بالفراش.اااخ ساعه واروح.
ردتلها وبالها مو يمها ..هااا اي
_ملاذ شبيج ادري تعبانه بس وضعج مخربط اطلعي
للبيت تعبتي وانتي تفترين عالمرضى.
_اي اي راح اطلع لان ميته تعب.

رادت تروح للبيت ومتمر عليه وتطمن على صحته
بس شي اقوى منها خلاها ترجع لغرفته فتحت الباب
بهدوء جان نايم تقربت عليه اهدابه الطويله وسوادها القاتم بشرته الشاحبه مدت ايدها سحبت الغطا على جسمه جو الغرفه دافي مقارنه بالبرودة البرا السما جانت مغيمه وكئيبة بدايه شهر اذار ..تمعنت بملامحه
وجرت حصرة وذبتها وطلعت من الغرفه .

بالبيت دخلت مباشرة لغرفه منير فتشتها مخلت مكان مدورت بي تريد تعرف زوجها لان فعلا فقدت ثقتها متعرف منو هو المجرات والكنتور وكولشي بالغرفه فتشته مالكت اي دليل بس لكت عقد وبي اسمه منير عادل سليمان اسمه المزيف تزوجت رجال
مزيف ياالله ليش هيج يصير بيه كعدت عالجربايه
ودموعها نزلت بيأس وحيرة .
صفنت شوي وكامت مسحت دموعها ..بسيطه
منير مدري نشوان والله لخليك تندم كااافي اهانات
من ورا هالزواج الاغبر كولشي كذب كذب الجاي يصير مهزله بس والله لتندم على هالخداع.

كضت الوكت بالبيت وكل تفكيرها شلون تعاقب منير
بس اتصلت بالممرضه سألتها عنه وطمنتها نقلوا لجناح خاص والطبيب عاينه حالته مستقره.
اي ليش لا حضرة النقيب جناح خاص واهتمام وعنايه طبيه

.....

يومين يلا دخلت غرفته تطمن عليه لكته صاحي سلمت واخلاقيا مكدرت تتجاوزة متتحمدله بالسلامه
تقربت تعاينه جان يحجي..ها اشوف اختفيتي
رفعت الغطا تشوف جرحه ..صدكني اتمنى اختفي .
دحك بعيونها جانت مدنكه وقريبه عليه لابسه روبها الابيض وحجابها لايكلها وجها منور بي وجها خالى من المكياج وبهاللحظه خالي من اي عاطفه كانما غريبه عليه متعرفه.
يحسها فاقدة الاحساس وهذا الشي ضوجه معقوله
ماعدها ذره من القلق عليه وهي تشوفه طلع من الموت.
نزعت الشاش والضماد بكل هدوء وعقمت الجرح
عورته وجسمه تقلص من الالم روحه شاغت صرخ
بيها وهو يلوب متوجع ..ياالله ...ولج شنو هالقساوة
مشوفيني متوجع .
ملاذ توترت من شافت الالم واضح على وجهه وجسمه متقلص وكام يون تصرفت غريزيا بدون وعي مدت ايدها ومسحت صفحه خده المقابيلها براحت ايدها ..اسفه اسفه راح ارجع الشاش على كيفي يلااا ثواني .
نشوان كز سنونه ورجع عض شفته بقوة.. كملت ورجعت الغطا على جسمه العاري وحاولت تساعده
ينسدح على جنبه وخلتله مخده وهي تسأله..احسن
هسه .
خزرها بعينه وجها شاحب ..شتتوقعين اني رجال
جريح الالم مالي جسمي ويجوز بعد ماامشي على رجليه .
عيونها محاوطته وبيها نظره حنية لان فعلا انقهرت
عليه بس متريد تبينله ..عرضوا الاشعه على اكثر
من جراح والكل اتفق تكدر تمشي وهسه ارتاح ماكو داعي للتمثيل تستحق جائزة والله.
كزكز على سنونه ..شكد قاسيه بس اوعدج خل اتعافى وشوفي شسويلج.
ضايقته اكثر وهي تردله..صدوك وشسويلي اطكني
كلبجات ابيدي لو تعلكني بالسكف .
رغم الالم البي بس ردلهابمكر..والله افكر بعقاب احسن احتمال احبسج بغرفه النوم و...من يدري
بوكتها اعرفج على حقيقتج.
احمر وجها تريد تردله بس سكتت من انفتح الباب ودخل صديقه ماهر.

*******
يلاااا صوتوا للقصة حبايبي.💖