بقلمي: جوهرة
*****
فارس اليوم جان عنده موعد ويه المحامي الكلفه
بمتابعه ورث عبدالله يدري اخوته طماعين واذا بقى
ماطالبهم بحق عبودي مراح ينطونه فلس .
ديما متعرف بكلشي المحامي انطا الاوراق وقع عليهن ويحتاج توقيع ديما ..
مر للمعرض عنده سياراتين جايين عليهن شراية
خابره سعد الجان مخبوص وحده .
......
ديما اليوم مسويه تعزيله للبيت الجو حلو وصار وكت شيله الفراش بدت تنظف الزوالي بالمكنسه الكهربائية
نظيفات ميحتاجلهن غسل للظهر يلا كملت غسل البردات نشفتهن وعلكتهن كوه يلا صعدت عالدرج بس بقى شيلة زوالي غرفه النوم والصاله والهول والمطبخ متكدر وحدها جربت تشيل وحده وعبودي
وياها يفتر خبصها خبيصه سحبتها من الهول تريد تصعدها الدرج مكدرت بقتهن عالدرج وراحت مسحت الاخشاب والارضيه طلع البيت يضوي صار وكت رجعت فارس وبعدها ممسوية غدا بس سوت ممه لعبودي .
طلعت عالسريع كبة من المجمده وخبز حتى يفك كلت الكبه وكلت وياها بيتنجان وبتيته وسوت زلاطه
شافت عبودي غفى شالته وخلته بفراشه غرفته عافتها معزلتها مرتبه بس بيها زوليه صغيرة بعدين
تشيلها غطته وباسته طلعت عالسريع تريد تسبح
تحس روحها مكسرة اليوم هواي تعبت حتى ظهرها
كام يشظ عليها دخلت سبحت شافت شوي دم واكع
عليها عبالها دوره لان متأخرة عليها كملت سبح وطلعت بقت ترتب بروحها تنتظر جية فارس لبست
دشداشة قصيره كشمير مقلمه بالالوان ربع ردن اليوم اصلا الجو بي حروره تحس روحها ميته حر تعطرت وراحت طلعت اولويز
تريد تخليها ماكو شي تفاجأت لعد شنو النزل شهكت
وضربت على حلكها ..عزززا العزاني بس لا حمل ونزفت صفنت تحسب متأخره ٥ ايام خافت لان اليوم شغلها مال انتقام ..شيخلصني منه ياكل كلبي
بعد.
ضاربه صفنه ودخل فارس سلم عليها انتبهت عليه
وجها انخطف .
ركز عليها وتقربلها..اففف شنو هالجمال يربي دنك باسها وشمها بركبتها البارزه لان دشداشتها فتحتها واسعه .
ارتبكت دفعته تدري بي شيريد
فارس بدل لما اصب الغدا ترى سويت نواشف وكليت
كبه ماعندي وكت يلا عزلت .
تلمس وجها باصابيعه وحجى بهدوء..كالبه البيت شعندج بس والله طالع يضوي .
_الجو حار صار بس والله تعبت عفية الزوالي مكدرت اصعدهن وعبودي خبصني بين رجليه يخطف .
_ليش ماكتيلي اتصل عالمرة الجانت تنظف شلون وحدج شلتيهن.
تنهدت ..بعد صارت يلا حبيبي اسبح لما احضر الاكل
بقاها بين ايديه ورجع باسها بشفايفها..وين وين ترى كولش مشتاقلج .
ديما متدري شتسوي هسة بس تحجي راح تحصل رزاله والله استاهل شلون غبية محسيت على روحي.
فارس يحسها مو ويا ضاج لان ميحب تهمله يريدها مركزة ويا ..اليوم مدري شبيج بس تتنصفنين .
جرها للفراش .
_عوفني فارس تعبانه عفيه خليها غير وكت.
خزرها بعينه..غير وكت شنو جاي اكلج هسة مطلعتلي الزنود الجنهن كيمر والصدر نصه كامز هياته
..حجى ويأشر على صدرها ..وتردين غير وكت
ههه تعاي بابا اليوم ماهدج .
يبوووو خل تحجيله قابل شراح يسوي اقلها يوديها
للدكتورة.
_عفيه راح احجي بس عليك الله لاتعصب .
جر نفس وذبه بقوة ..كووولي فضيها .
_والله والله ماادري والتهيت اعزل واشيل الزوالي
ووو....زمخ بيها ..شكووو احجي .
_وكع عليه شوي دم يمكن حامل.
كالتها وبقت مركزة بوجهه تريد تعرف ردة فعله
تقربلها متفاجىء..صدك متأكدة خاف دورة.
استحت ديما يربي ولايستحي يحجيها بدون خجل.
بلعت ريك وهزت راسها..حسبتلها متأخرة عليه.
فارس فك عينه وعصب يحجي فوك راسها وهي عبالك صارت هالكدودتها من الخوف والقلق ..ولج
والله لوما اكول خطيه لا اهفج راشدي يفرمت دماغج
تفرمت شلون تشتغلين شغل مخابيل لا وتريد تصعد
الزوالي فوك يابه عوفيهن طبهن طب هسه اني شسويلج فهميني شسويلج عاط بيها لان كولش انقهر عباله خسرت الجنين.
_هاي مكان ماتفرحيني بحملج .
رفعت راسها ..والله محسيت بروحي خل اروح للدكتورة اخاف اصير اسقاط لان ظهري يوجعني
رجع التفتلها..يعني شنو ماطرحتي مو توج تكولين
نزل دم ماعرف شنو
ديما فهمت عصبيته عباله جاهضته للطفل .
_لااا اسم الله ان شاء الله كولشي مابي.
رجع حضنها وتنهد ..الحمدلله ولج عبالي طرحتي
امشي اخذج للدكتورة .
شوي ارتاحت من شافته هدا..العصر يلا تفتح العياده
_هاي هيه العصر حظري روحج ولخاطر الله عوفي
كولشي اني اتصل عالمرة تجي تشيلهن هنه شبيهن
اصلا نظيفات انتي ارتاحي .
_لعد عفية الزوالي عالدرج شيلهن بالغرفه الفوك.
_صار بس اكعدي راحه.
أنت تقرأ
الرجل الأخر
Literatura Femininaالنقيب نشوان عادل سليمان ..من مدينه الجمال ورائحه زهرة قداح البرتقال ديالى 🌼جريء ولديه روح المقاتل الشجاع .. لايتوانى عن فعل اي شيء في سبيل تحقيق هدفه كرجل امن اتخذ على عاتقه حماية وطنه.تفرض عليه امرأة فاتنه راقية هل يقبل بها وهو كل ما يهمه نداء ال...
