#بقلمي : Jawhara
انا عنك ما اخبرتهم......لكنهم
لمحوك تغتسلين في احداقي
أنا عنك ما كلمتهم.......لكنهم
قروؤك في حبري وفي اوراقي
للحب رائحة وليس بوسعها...
ان لا تفوح .....مزارع الدراق
نزار قباني💖
*******
نشوان جرها نومه للصبح كعد كولش مرتاح والالم اختفى حس بروحه عنده نشاط تلفت بالغرفه عباله
نايمه شكد راسها يابس كام يريد يسبح ويصلي الاوقات الفاتته ......
جانت بالمطبخ تحضر ريوك حتى تروح للمستشفى
رتبت الميز وكملت لتروح تكعده من البارحه نايم مرتين دخلت عليه تراقبه تخاف يصخن بس الحمدلله مبين نايم مرتاح ...
انتبهت عليه دخل صبح عليها والابتسامه شاكه وجهه مبين سابح ومبدل وعطره يفع لا اراديا حجت
بقلق ..ليش منكع روحك عطر موزين الجرح يلتهب
...كعد ورفعلها تك حاجب ٣ اسابيع صارله وتوني شفته من سبحت بمرايه الحمام بس انتي خايفه
عليه وهذا شي يبشر بخير ياالله ..رفع ايديه للسما
ورجع نزلهن وعينه عليها غمزلها يحسها تخربطت
وبين عليها شغلت روحها راحت اصب الجاي
كعدت تتريك ..اني حروح للدوام الغدا اجيب وياي
_ميحتاج اني اوصلج وطالع لديالى .
حجت بعدين تندمت..طريق يتعبك .
_هههههه مو اكلج تخافين عليه يسلمو يروحي احب
اهتمامج وخوفج عليه .
محبت هاي الاحاسيس الجاي تخليها تتهور وتحجي
ومبين كاعد يصيد كلامها..لا تفرح مجرد اهتمام طبي
لا اكثر.
هز راسه بدون كلام ورجع يتريك وبعقله يدور شي
كملوا وشالت المواعبن وكوبين الجاي غسلتهن ورتبت المطبخ وهو صافن عليها من جاي تمسح الميز
كام دفع الكرسي طلع صوت ويه لفتتها لزم ظهره...
اااخ ...
ركضت عليه ولزمته من ذراعه بخوف ..بيك شي
جرها بقوة وحظنها ودنك عليها عيونه بعيونها الخايفة همسلها ..مو كتلج اااخ منج ليش تكابرين
ابتعدت ملاذ والرجفه بروحها قبل جسمها ..ااا انت
تحجي بكيفك اني خفت لا رجعلك الالم طلعت كذاب.
تنهد وطلع من المطبخ بدون ميلتفت حجى اني نازل انتظرج بالسيارة.
لامت روحها غبيه غبيه
طول الطريق ساكته وتتنفس عطره الملى السيارة
حست راح تختنك متعرف شنو الكاعد يصير وياها
همزين المستشفى قريب نزلت سريع بدون متلتفت
عليه ولا هو حاجاها بقت عينه عليها الى ان دخلت للبوابة الداخلية .
حرك سيارته متجه لبعقوبة مشتاق لاهله وبالذات لامه المابطلت تليفوناتها تتطمن عليه منعهم يجون
لبغداد قنعهم ظروف امنية وجان هذا على اعصاب ام نشوان العوضت روحتها يومية تفتح كاميرا وتبقى تسولف ويا.
جر حصرة وذبها وهو يتخيل ملاذ وخوفها عليه جان يريد يختبرها اصلا حالته زينه بس حب يشوف خوفها وجان متأكد منها بس تكابر مايعرف سبب العناد يحسها مرات تهتم بي وخايفه عليه ومرات بارده نافرته وتحسسه غريب عليها.
قرر ميتركها ويخليها تتقبله وتحبه بس يرادله طولة بال وخلك وهو خلكه طويل وياها مو من النوع اليتنازل بسهولة عنده طاقه تحمل وصبر يمكن هذا الشي راجع لعمله وتدريباته الشاقه الجانت اختبارات
فضيعه لتحمل الضغط ومواجهة اي صعوبه ومشكله
تمر عليهم وهو اذا يكدر يواجه غرايب وعجايب شغله ميكدر يصبر على كل الرقة والانوثة المكابلته
هين هين ملاذ اخليج تستوين على نار هادية.
أنت تقرأ
الرجل الأخر
Chick-Litالنقيب نشوان عادل سليمان ..من مدينه الجمال ورائحه زهرة قداح البرتقال ديالى 🌼جريء ولديه روح المقاتل الشجاع .. لايتوانى عن فعل اي شيء في سبيل تحقيق هدفه كرجل امن اتخذ على عاتقه حماية وطنه.تفرض عليه امرأة فاتنه راقية هل يقبل بها وهو كل ما يهمه نداء ال...
