#بقلمي : #جوهرة
عصفورة قلبي..نيساني
يا رمل البحر ويا غابات الزيتون
ياطعم الثلج وطعم النار .......
ونكهة شكي ويقيني....
******
اليوم التحاق نشوان من الفجر كعد سبح وصلى
وملاذ جانت كاعده قبله حضرتله الجنطه من الليل
ويه جنطتها لان راح اداوم اليوم يرحون للشقه بعدها
يوصلها بطريقة للمستشفى حجت وياه على سيارتها
مقبل تسوقها كاللها ممحتاجتها واذا تريد يبيعها الها
بالبدايه اعترضت بس من شافته مصر قبلت الحجي
جان كدام اهله كاعدين يتفرجون عالمسلسل واطرقت للسالفه امه مقبلت عليه بس جان رأيه هو الماشي ملاذ سكتت عليش مخربه علاقتها بي من ورا سوالف متسوا .
دخل للمطبخ لابس بدلته العسكرية جانت صب بالجاي .حظنها من ورا وباس ركبتها جانت شايله
شعرها ومخبوصه بالريوك لان يتريكون ويطلعون لبغداد...
_ما ادري شلون راح افاركج ..عافت الكوب والتفت بحظنه وايدها تعدل رتبته وعينها بعينه..
_اني من هسة بديت اشتاقلك.
ضحك ..صدك ممعقوله شنو هالصراحه الحلوة .
_والله شبيك عفية نشوان لاتتأخر عليه والله اضوج ابقى وحدي بالشقة .
_لاتخافين العمارة مأمنه بعدين انتي كل الوكت راح تخلصي بالمستشفى.
_اممم ديلا تعال حبيبي اتريك واني اروح البس.
جرها وكعدها بحظنه عالقنفه بالمطبخ..وين خليج شوي .
ايديها على متونه وقربت راسها ..خاف احد يدخل ويشوفنه.
ضحك وعضلها شفته ..تعاي بالغرفه .
فكت عينها وعينها عليه..والكشخه هاي كلها .
غمزلها ..فداج يعمري .
_اسم الله ..يلا حبيبي هدني خل اروح ابدل .
جر راسها على راسه وشاورها ..شراح تلبسين.
ملاذ داخت بقربه ومعرفت شتحجي بقت مفهية عليه
_سالمين هههههههه.والله صايره غير شكل .
عكدت حاجبها مستغربه ..شنو يعني مفهمت.
_صايرة مطيعه حبابه .
مدت ايدها لمست حاجبه الرافعه ومسحت عليه بحنيه واضحه..احبك فأتقبل كولشي منك.
نشوان فقد عليها انقض عليها يبوس بيها ملاذ انتهت
بين ايديه بعدها وبقى قريب نفسههم اختلط ..دخيل
الله امشي للغرفة بعد ما اتحمل .
متدري بروحها مفهية عليه كومها ويا ايده بيدها واحاسيسها متفجرة دخلها وقفل الباب وشالها خلاها عالفراش وهي محاسه شلون دخلوا للغرفه .
......
ورا ساعه كاعدين يتريكون بالمطبخ بكل هدوء جانو مبدلين ومتحضرين للروحه .دخل همام ونور سلموا
وكعدوا يتريكون ..ام نشوان صبتلهم جاي نورة متشرب متحبه .
حجت وعينها على ابنها الكاعد يتريك بكل رزانه وملتذ بصفه..ماما لاتنسون الحافضات بيها الاكل من توصلون حطوها بالفريز .
_تسلمين خاله حبيبتي ليش تعبتي روحج .
_حبيبتي متعوده بعدين انتي دوام شوكت تلحكين
اطبخين.
ملاذ استحت..ان شاء الله مااقصر ادبرها.
_اي بنيتي ومثل ما علمتج اطبخي بالليل وخلي بالثلاجه.
هزت ملاذ راسها موافقتها لان قبل يومين كعدت وياها تنطيها نصائح سلون تهتم بزوجها واداري هي تقبلت هالشي منها لان تريد مصلحتهم وتحب ابنها يدلل ولازم تفهم وتستوعب كل كلمه لان حياتها تغيرت مو مثل قبل هسة بيت ورجال وعيال لازم تعود روحها .
أنت تقرأ
الرجل الأخر
أدب نسائيالنقيب نشوان عادل سليمان ..من مدينه الجمال ورائحه زهرة قداح البرتقال ديالى 🌼جريء ولديه روح المقاتل الشجاع .. لايتوانى عن فعل اي شيء في سبيل تحقيق هدفه كرجل امن اتخذ على عاتقه حماية وطنه.تفرض عليه امرأة فاتنه راقية هل يقبل بها وهو كل ما يهمه نداء ال...
