Bata ka pa lang , malandi ka na

Chapter 14 - Basag ! Inuman session

- Nagkita si Bugoy at Joey sa school-

Joey: Pambihira! hindi ka pa nauwi ? May pasok pa bukas , saan naman tayo pupunta? heto na yung tshirt mo, isoli mo sa akin yan ha ! Pakilabhan mo na din

-Agad agad na nagpalit si Bugoy at isinilid ang uniporme sa bag

Bugoy: Nagtext naman ako sa ermats ko na gagabihin ako. May alam ka bang bar dito?

Joey: Makahanap man tayo ng bar, hindi tayo bibigyan ng alak.

Bugoy: Eh bakit sa resort binigyan tayo ng beer

Joey: Resort yun , may kasama tayong matanda , si mang karding. Hindi tayo bibigyan ng alak sa bar.

Bugoy: Badtrip naman . tara uwi na lang tayo

Joey: May alam akong tambayan ng mga lakwatsero, kaso bilyaran at videoke. May kalayuan dito, pwedeng lakarin at sigurado bibigyan tayo ng alak doon.

Bugoy: Sus ! Kunwari ka pa . Tumatambay ka doon no?

Joey: Minsan lang

Bugoy: Tara

- Habang naglalakad -

Joey: Anong pumasok sa kukote mo at naisipan mong uminom? Nag away ba kayo?

Bugoy: Wala lang , gulo ng utak ko eh. Gusto kong makalma. Ang sakit sa ulo isipin. Alam mo naman pinagdadaanan ko ngayon eh.

Joey: Sabagay... Kung sa akin man mangyari yan hindi ko din alam gagawin ko.

- Tahimik lang ang dalawang magkaibigan hanggang marating nila ang bilyaran-

Bugoy: HIndi naman ako marunong magbilyar, pwede ba tayo dyan ? Gusto ko lang uminom

Joey: May mga lamesa ng inuman dyan , akong bahala

- Pumasok ang dalawa sa bilyaran-

Ate Malou (Bantay ng Bilyaran) - Joey boy ! Long time no see ! tagal mong hindi napasyal ah ! May kalaban ka ba ngayon? Magkano pusta ?

Joey: Wala ate Malou. Iinom lang

Ate Malou: Pucha level up ka na ah ! Toma naman trip mo ngayon. Dati-rati palagong pepot ka lang sa pustahan. Ngayon nainom ka na

- Tumingin si Bugoy kay Joey-

Bugoy: Minsan minsan lang ha ? Kilalang kilala ka ng bantay

Joey: Huwag mo na pansinin yan

-Naupo si Joey at Bugoy -

Ate Malou: Anong order mo  ?

Joey: Bigyan mo kami ng empi long neck chaser ice tea at pahingi na din ng yelo... tapos... ano pulutan niyo dyan ?

Ate Malou: Mukhang mabigat problema niyo ah ! Dibdiban ! Empi ! Kaya niyo ba yan ? Tarantado ka baka umuwi kang lasing at malaman ng erpats mo na dito ka uminom magkaroon pa ako ng problema. Heto pulutan namin, Kikiam, fishball at squidballs.

Joey: Wala ka na bang ibang pulutan ? Ginagalis na lalamunan namin dyan , purgang purga na kami sa labas ng school sa ganyang pagkain , hanggang dito ba naman ? Wala ka bang totoong pagkain dyan ?

Ate Malou: Lakas mo rin mang alipusta no ? May bangus ako sa ref, bayaran mo na lang pero syempre may tubo na yun pwede kong ipa-ihaw.

Joey: Lagyan mo ng kamatis at sibuyas sa loob tapos maglabas ka ng toyo, kalamansi at sili para sa sawsawan

Ate Malou: Masusunod po panginoon.. May ipag uutos po ba kayo?

Joey: Gusto ko agad agad ! Madali !