غموض قلبي

البارت2

الشيخ حازم،،بويه احمد اجاني بلحلم ووصاني عليچ فلازم ترحين وياي

شوق،،شلون اجي وياك ما اكدر

الشيخ حازم،،فدوه يبنيتي ريحي اخوج وهوه بكبره وتعاي وياي

شوق،،افهمني والله ماكدر بصفتي شنو اجي وياك

الشيخ حازم،،ازوجج واحد من احفادي

شوق،،اطمن شيخ الحمدلله عايشه بخير وسلام

الشيخ حازم ،،اني اعرفج ومطمن بس اخوج لا اذا تحبين اخوج ريحي وتعاي وياي

شوق،،اووووووف اوف هوه شدمرني غير اخوي خلاص الي تريده يصير خير بس بدون عرس ولا شي

الشيخ حازم،،عله راحتج حضري روحچ وباجر اجي اخذج

شوق ،،انشالله اخ لو ما  اخوي ولا اتزوج راح الشيخ واني رحت لمها حجيت السالفه هيه بجت من اتذكرت احمد رحت وحطيت بيدها اوراق كالت شنو هاي كلت المزرعه باسم اولادج صارت وانتي بكيفج بعد رحت للسوكت ورجعت بدون عشه بقيت مالي نفس صارت الساعه 11 ونص نزلت ركض عل الباب انتضر اخوي ساعتين وهوه ماكو صعدت بجيت ونمت كعدت الصبح سبحت وجهزت ملابسي صارن جنطتين نزلتهن تريكت ودعت مها وجهالها حضنتهم بقوه بيهم ريحه اخوي وره نص ساعه اجه الشيخ كتله شوي واجي صعدت لبست بنطرون وقميص لبست الحجاب والعبايه ونزلت صعدت بسيارته بلصدر  وحرك السياره وره ربعةساعه وصلنه نزلنا من السياره وكفنه كدام قصرررر دخلنه واشتغل الومي شنووهاي معقوله يدرون المهم ذبحو حدر رجلي خروفوبعدين دخلنا للبيت واشوف نسوان اجني هاي التحضني وهاي التبجي والتهلهل يا يا شبهم ذولي وجان يجن نسوان ثنين وحده عمرها بلخمسين والثاني كبيره ما اعرف يمكن الشيخه وجان تكلي

الشيخه زوجت حازم،،هل شوقه هله يبعد كلبي ولجوتعاي خل احضنج واشمج بيج ريحه الغالي

شوق،،بست راسها وايدها بس اني مثل الاطرش بلزفه كعدت يمهن وكلت انتم تعرفون بس اني ما اعرفكم

الشيخه،،اي يمه ادري بيج ما تعرفينه بس تره الشيخ احمد تربه بحضن الشيخ حازم ونعرفه ويعرفنه

بعديين اجت هاي المره الاصغر منها

ام خالد،،يمه اني ام خالد ااي رح تتزوجينه وبعديد صفنت حاطه عدسات

شوق،،لا هاي عيوني

الشيخه وام خالد،،اللهم صلي عله محمد شنو هل الجمال وكامن يقرن المعوذات

هواي نسوان سلمن علي منهن كبار ومنهن بكدي ومنهناصغر مني وبعدين اجت مره يجي عمرها بل الاربعين

نوال،،هله اني زوجت خالد

شوق،،فتحت عيوني عله وسعهن شنو يعين عله شرج وهيج خالد كبير لا يا الله

نوال،،ههههه عله كيفج تره اني اكبر منه بتسع سنين وما اجيب جهال زانتي اجيتي نعمه عمي هنياله عله هل الجمال

شوق ،،ارتاحيت لان كلبها طيب واكبر منه يعمي هوه مو جبير ووره شوي صاحولي حته يعقدولي دمعتي بطرف عيني تمنيت اخوي واهلي بهاذه اليوم قويت روحي وعقولنا واني ابد ما شايفته ولا اريد اشوفه رجعت كعدت ويه الشيخه والنسوان كامن يحطن غده بس اكو مره يجي عمرها بلعشرين  تباوعلي بحقد وتعوج حلكها رفعت حاجبي من رفعته بينت كطمته وجان تكول هاي المره الحاقده

جنان ،،هاي شنوو ما تستحين ما مربايه كاطمه حاجبج

شوق،،بكلبي ودي اكوم اكفخها بي كلتلها ببرود هاي وراثه من كل العائله

الشيخه،،ولج جنان انتي المامربايه شعليج بيها

جنان،،،فشلانه

شوق ،،النسوان دا يحطن غده اجت نوال

نوال،،شوفي حبيبتي انه. خالد تزوجنه غصب واني احسبه اخوي وهوه صح عصبي بس ما يكدر يمشي قبل سنه ونص سوه حادث واله بعمليه يله يكدر بمشي ووو قاطعتني

شوق،،خلص لا تكملين تره ما رح يصير بيناتنا شي اني اجيت خاطر اخوي والشيخ حازم فرجائن لا تجيبين طاري

نوال،،ادري بيج وفاهمتج بسةتره هوه منعزل والي يدنه يمه ما يرحمه والناس تصيحله الوحش

شوق،،رحم الله والديج انتي كلتيها ما يريد واحد يدنه يمه وهاي هيه

نوال،،تجي الايام ونشوف

شوق،،صبو الغده والكل التم نسوان وزلم بس هاذه خالد ما اجه هسه تكولون شادلون اعرفه نوال كالت ما يمشي يعني كاعد عله كرسي سالت نوال كالت نوديله اكل وحده مل يريد ياكل ويانه كلتلها اخذيني لغرفته كالت

نوال،،هااا مو كلتلج

شوق،، لا يروح بالج بعيد اخذتني لغرفته دخلت وهيه راحت جان الكرسي داير ومنطيني ضهره سلمت وما احس اله..............

اسفه اذا اكو اخطاء املائيه وبلييييز اربد دعم حته اعرف انتو حبيتوها واكملها تره القصه حقيقيه حته الاسماء يله بااااااااي