Hanan Adil:
#طلاقي_ليس_نهايتي1
من أجلك سيدتي💐
الساعه 4 عصر راقده في الغرفة الوراء وخاته يدي فوق عيوني الصابه دموع 😭 وبقت هزيييله وحوليها هالات من كتر النويح والسهر جاتني امي : الاء ي بتي م تقومي تشيليلك معانا لقمه تسند حيلك ، اصلا م رديت وعملت فيها نايمه 😑 امي : بتمثلي على منو انتي عارفاك صاحيه ردي علي
انا بصوت مبحوح : امي الله يخليك خليني على راحتي لم اجوع بجي اكل
امي : هي لكن لمتين ي بتي لمن تموتي ؟ لما م رديت لها مشت خلتني شوية وسامعه صوت ابوي بعلا ومقرب باتجاهي وامي شغاله تقولو براحه ي أحمد الفيها مكفيها 😢 ابوي : الفيها شنو اول واحده ولا اخر واحده تطلق صبرت عليها كتير قلت باكر تنسى وتقوم على اشغالا الا هي مكبرة راسها وجاني داخل مندفع قومي على حيلك 😠 وقفت وانا برجف من منظر ابوي لانو اول مرة اشوفو غضبان كده ويعلي صوتو علي ، قالي : قدامي بي جاي اول شي غسلي وشك ده وتعالي اكلي بعدين نتفاهم لو ابيتي الاكل وحبستي روحك بين 4 حيطان بترجعي الفات يعني 😡.طلعت من سكات وامي بس بتردد ف الصلاة على النبي (عليه الصلاة والسلام ) وتوحد الله ، غسلت وشي وجيت قعدت للغدا ومؤتمن بس يعاين لي ويعاين لابوي بلعت لي لقم زي الحنضل نزلن في بطني شوك شوك دي كانت اول مرة اقعد.معاهم في صينيه بعد طلاقي بشهرين😔 بعد شوية جا داخل منذر السلااااا...... هو زاتو اتخلع من قعدتي 😦
امي : وعليك السلام ارح حصل ☺ غسل يدو وقعد ابوي كان بياكل مدنقر وباين الزعل في وشو 😐 اتعمدت اتاخر شويه قمت تاني زول بعد امي عشان ابوي م يقولي م اكلتي مشيت المطبخ بحضر ف حاجات الشاي وامي واقفه جمبي بتقولي : الاء ي بتي م تزعلي من ابوك عارفه خايف عليك وبريدك قدر شنو انتي بتو الوحيده وبقول عليك نوارة البيت وعااقله وعليك التكل ملا اخوانك عشان كدي هو زعلان عليك ما منك ،
انا : امي ابوي لو شال السكين🔪ضبحني ماف زول بسألو ولا انا بزعل منو وعارفه بقصد شنو، منذر جا شايل الصينيه ختاها وبقى يعاين لي مساافه امي قالت ليه مالك ي ولد ؟ 😒
منذر : مافي شي 😢 شلت الشاي ومشيت مؤتمن قالي : ابوي فالصالون قاليك تعالي وديتلو الشاي قالي بحزم كده : اقعدي جمبي هنا ، قعدت شال جغمه من الشاي وقال الللللله ي سلااام.ياخ امك الجايباك ما بتظبط زي شاييك ده تسلم يدك ابتسمت ليه ابتسامه باااااهته شديد ختى يدو في كتفي وواصل : الاء ي بتي البتعملي فيه ده لا برضي الله ولا رسوله انتي زووله واااعيه ومكملة تعليمك تعملي زي عمايلك دي وعشان شنو ده كلو عشان زول ما قدرك وصانك لا هو ولا اهلو ومسح بكرامتك الارض لا راعا لحق الجيرة ولا العشرة البيناتنا ما بستحق تهملي روحك عشانو بت الرسول صلى الله عليه وسلم طلقوها انتي منو مقارنه بيها ، اي نعم ان ابغض الحلال الى الله الطلاق لكن كل شي مقدر ومكتوب ونحن لازم نرضى بقسمتنا بقلب صااااافي ونية طيبه عشان ربنا بعوضنا الاحسن ، انا م داير اشوفك مكسورة وضعيفه كدي طووول م انا عايش م علمتك على الهزيمه الحمدلله امك واخوانك جمبك وهنفضل سندك لاخر عمرنا تستكتري علينا لمتنا الحلوة وفرحتنا الناقصه بدونك ولا بسمتك المشتهنها زي عيونا ، انا بس بسمع ودموعي جاريه قالي : العمر ماااشي والحياة بتستمر والندم على الفات ماا بفيدنا كل م خسرنا كل ما نغتم اي دقيقه ماشه علينا في شي لمصلحتنا نعوض الخسارة دي مش نقيف عندها وخلاص اسي كان مت...وقبل يكمل مسكت يدو وسلمت عليها لا 😢 يابا ما تقول كده ربنا يطول لينا ف عمرك ان شاءالله
ضحك وقال : الموت علينا حق وماف زول ضامن يومو الناس بس تقول الشهاده والعمل الصالح اللي من ضمنو الصبر على المصائب وربنا بعظم اجرنا 🌸 ابوي فضل ينصح ويواسي فيني لحد ما عافيتو مني ووعدتو اني اقوى اصلا كيف اضعف وانا عندي اهل زيهم ابوي تاج راسنا وركيزة بيتنا وامي هي النور الساطع وسط الظلام والنفس الطالع وداخل فينا واخواني ضهرنا وحصنا 💙 بعد داك شلت الكباية من قدام ابوي ومشيت خليتو مبسووط وشو مهلل بعد.طمنتو ☺ طلعت اللحفات فرشتهن ورشيت الحوش وسقيت الزهور الفي القلل راصهن جمب الحيط كده مديات الحوش منظر جميل مؤتمن جا طالع ومستغرب فيني يعاين لي قلت ليه هوي انت 😄 مبحلق مالك تعال امشي جيبلي حاجات انعمل كيك لشاي المغرب دخلت جبتلو قروش وجيت لقيتو لسه مخلوع 😳ضربتو ف راسو براحه كده ☺ وقلت ليه سريع ما تتاخر فتح وطلع امي مدت راسها ماشي وين الولد ده ؟
رسلتو انا دايرة اعمل كيك ☺
امي : 😍 ي سلام صدقي مشتهنها من تكت يدك
منذر سمعنا جا ماشي : كانو الليله طلع لينا مارد ولا ساحر فجأة كده قلب الموازين😄
امي : دي رحمة الله وفضلو علينا الحممد لله ☺ ابتسمت ليهم ودخلت المطبخ اجهز للكيك ومبسوطه بشوفة اهلي فرحانين قدر ده عشاني حسيت قدر شنو انا ظلمتهم وعيشتهم معاي المر فالشهرين المرو ديل وكأنهم سنتين في بعدي منهم كنت طول اليوم في غرفتي وم بشوفهم الا لمحه حتى الشارع ده نسيت شكلو كيف ، مؤتمن جابلي الكيس وبديت طوالي اعمل فالكيك طلعتها ظابطه بشكل
