Hanan Adil:
#طلاقي_ليس_نهايتي16
اخدت قعدتي مع لدن وقلت ليها اول من امك تجي تعاليني نمشي لخالتو فاطنه عشان اقدر اقرأ قاتلي اي والله المحاضر الفقر ده ما عندو ضمان تحت اي لحظه بقلبها لينا تيست 😂 ضحكت وقلت ليها ده كلام صاح عشان نكون على استعداد طوااالي عندنا شنو غير قرايتنا
لدن : عليك الله اختفي من قدامي 😒 هعهههه مشيت لميت العده الخليتا مغسله ولعت لي بخور فالبرندات الصباح م عملتو حضرت شيتاتي ومشيت استحميت وبلبس كدا امي جات قاتلي منذر ما جا قلت ليها لسه
امي : الود ده اتاخر الساعه ماشه على12 ، قلت ليها م تخافي عادي ممكن يقلبو ليهم معسكر 😊 مسكلت للدن جاتني زرنا ام خالتو وجيت راجعه اخدت لي قريه كدا لحد الضهر شايفه امي تدخل وتطلع قلت ليها مالك ي امي
امي : قلبي اكلني ماشه اشوف الولد ده وين واشيلو غدا ما شال قروش كفايه
انا : ههههه والله ي امي شفقانه ساي ناس تامن ديل اصلا بعسكرو
امي : م مرتاحه بكرة لم تجيبي الجنا بتعذريني 😕
انا :😂😂 والله من اسي عاذراك امشي طيب 😘
شالت ليه ساندويتشات وطلعت بعد نص ساعه كدا جات تضحك 😄
انا : اها ان شاءالله اطمنتي 😂
امي : اي الحمدلله ههههه لقيتم بقرو وحارسم أستاذ، انا : طيب مالك 😄
امي : بضحك ف شكلو لي شبكني ليك انا شافع؟ تخافي علي ليه؟ اسي اصحابي يضحكو علي ويااا الله حتى شال الاكل ود متخلف خلاص يتخجل 😂😂 انا : ههههههه جأليه مأقدين ي قول ادروب 😂😂😂😂 قاتلي نظر اخوانك ديل م لاقاني
انا : اي كمان مؤتمن بتعلملك من ده مع انو ابوي ما كدا خالص ولا اعمامي صعبين كدا
امي : ها ما عاشرتيهم ساي والله عبدالله زي اخوانك ديل جابدم جدك الله يرحمو 😄😄
انا : الله يرحمهم جميعا ويعينك ي حاجه 😊لما جو العصر واتلمينا فالغدا امي تحكي لابوي ويضحك فيها منذر ياكل بشرهه ابوي قالو اسي امك دي م قالت لحقتك الغدا 😄 قالو اخاف اكلتو اتختفو اصحابي زي الصقور 😂
امي : فالحين والله حاكوك انت اقعد بجوعك ي العوير😂😂
ابوي : الليله فلان ده من يتغدا شربي اللبن طوالي بهمتت اسي 😂
امي : كر علي ما كان تنومو جمبك
ابوي : هو بنوم لافي من دكان لي دكان ، والله نفعني ف كم مرسال كدا قضاهم لي هههه وو فعلا قبل المغرب انجدع نام 😂بعد اسبوع بالضبط ويوم الجمعه تحديداً حوالي الساعة عشرة مساء داب من قفلنا ورقدنا منتظرة مكالمة سامي وفجأة تلفوني رن عاينت ليه لقيتها ساميه 😳 قلت ي ربي خير ان شاءالله ساميه مالا قلبي قبضني ومسكتني رجفه كدا لا شعوريا غلبني ارد عليها لمن التلفون قطع قلت امكن غلطانه ولا شيء لكن رجعت اتصلت تاني وبسرعه لقيت نفسي رديت عليها جاني صوتها وهي بتبكي الاء ابوي ي الاء 😭 ابوي مات كر علي ي سامي الما حضرتو 😭 اضاني صنت وقلبي وقف بعد سماعها لساني اتشل غلبني ارد.ليها وهي تبكي شابكاني سامعاني ي الاء الو😭بقيت اتمتم ليها قلتي شنوو عمي مالو الجاهو شنو مات كيف يعني انا ما خليتو كويس الحصل شنو قاتلي ما بعرف فجاءة وقع من طولو ودو المستشفى اسي والكلام غالبه نهائي تقطع فيه ي الله فهمتها سامعه لي مرة بتهدي فيها وشالت منها التلفون قالت الوو
انا : ف شنو عمي مالو قاتلي ي بتي م معروف الحصل بس وقع ودو المستشفى نحن الا سمعنا صريخ البت دي قفلت منها سرعه وجربت صحيت امي كانت دابها غفت وابوي غرقان ف النوم ، امي بخلعه ف شنو ي الاء
انا : امي ساميه اتصلت وقالت عمي مات والمرة قاتلي ودو المستشفى وما بعرف الحاصل شنو
امي : ساميه منو وعمك منو ي بت فهميني براحه
انا : عمي ابراهيم ي امي ابوي سامي
امي : لا حولا ولا قوة الا بالله العلي العظيم احمد ي احمد قوم ابوي اتنفض سريع سريع صحى منذر قاليه عاين معاك لاخوك وقفل البيت كويس وطلعنا دقى الباب ليوسف كان دابو جا موقف عربيتو وطوالي مشيا المستشفى خالتي كانت قاعده برة منزله راسها ووشها ملان دموع جمبها جاراتا اتنين وبشير وكم راجل كدا قتلا ف شنو عمي مالو رفعت راسها عاينت لي ودنقرت راجعه المرة قاتلي الحمدلله جات سليمه قالو ذبحه لكن خفيفه لكن لسه الدكاترة م طلعو منو، امي : الحمدلله ي رب قدر ولطف ان شاءالله خير ، انا : ضغطو كان مرتفع ولا مالو 😢 برضو م ردت لي امي قعدت جمبها وبقت تتكلم معاها ،، انا واقفه برجف كلي ودموعي جاريه ناس ابوي بتكلمو بعيد مننا شويه جات ساميه تبكي 😢 حضنتني وبقينا نبكي سوا واهدي فيها الحمد لله جات سليمه ابوك حي ي ساميه م تخافي الحريم اتكلمن معاها حتى ابوي كفرلها وهداها ولسه تبكي لم امها نهرتها نهرة امي دي لمن اتهجمت وبقت تعاين لي وفي وشها علامه استفهام؟؟؟ بعد.نص ساعه مرا بطيئ شديد الدكتور طلع وحمدلنا السلامه قال: زي م قلت ليكم جات خفيفه الحمدلله بكرة لمن يصحى هنتاكد ان شاءالله ما يحصل شلل هنخلي تحت العنايه المركزة لمدة 72 ساعه عشان راحتو حاليا الزيارة ممنوعه مافي لزوم لقعدتكم........مع كلمة شلل دي ساميه سدت خشمها وبقت تبكي وتولول براحه عشان م تسمع امها وانا ماسكاها ودموعي جاريه حمدنا ال
