#طلاقي_ليس_نهايتي19
الليله يومي السابع معاهم ونويت بكرة بإذن الله امشي اهلي ☺كنت بتونس مع لدن فالواتس وكل مرة طبعا كانت بتسالني عن الوضع كيف بقولها تمااام الحمدلله بتقولي ماااا اظن😂طوالي بغير منها الموضوع لاني لو خليتها تطول هتجرجرني فالكلام وبخاف انفجر واحكيلها وانا ما عايزة صورة خالتي تتاثر قدام اهلي او صحباتي دي مهما كانت ام سامي روح الروح😍🙈جات هاله لقتي بتبسم مع تلفوني لاني بتكلم مع لدن ☺ فقالت : احم جنيتي بتتبسمي براك
انا : ابدا مع تلفوني🙂
هالة : اهاا سامي ؟مفروض ما تشغلي لانو ده وكت الشغل
انا : ههههه منو قالك سامي ؟
هاله : اششي طلعنا بنحب من وراه😉
انا : 😳عفواً قصدك شنو ☹️
هاله : عادي يعني بتحصل انتي متزوجه مافي زول جايب خبرك هيقولو مع راجلا لو شفتي هناك عندنا واحدات ووب عللي انسي بس خصوصا انتي راجلك بعيد منك عادي ممكن تحني😉
انا : لو سمحتي ي هاله 😠 انا ما بسمح ليك ده شنو الكلام البتقولي فيه انتي شايفه انو انا كده انا لو اموت ما بفكر مجرد تفكير بطربقتك دي
هاله : هي ابردي كلكم بتقولو كده فالبدايه😏
انا : بصوت عالي لانها فعلتني قلت ليها هااله😡ساميه سمعتنا جات جاريه هي بسم الله في شنو مالكم😯
انا : مافي شي ي ساميه
هاله : بهظر معاها ساي منفعله مرة اخوك دي
انا : لحد هنا كفايه ✋انتي شايفه انو ده هظار؟
ساميه : كدي فهموني ف شنو بس
انا : خلاص ي ساميه قلت مافي شي كده كده بكرة ماشه واريحكم مني
ساميه : بسم الله ي الاء ده كلام شنو البتقولي فيه ده بيتك زي ما هو بيتنا
هاله : شوف الدراما 😄ساميه حمرت ليها😒 طوالي مشيت بيتي عندي هدوم فالسلكه نزلتها كويتها وحضرت شنطتي ويا بكرة الله يجيبك كان نفسي امشي طوالي بس ما حلوة في حقي عمو ابراهيم يجي يلقاني مافي والحمدلله خالتي كانت مافي ما حضرت نقاشنا ده ، ساميه جات قالت لي ارح ناس خالتو نفيسه نفرق شويه نسيتي انها قالت ليك تعالي لي ؟ لبست توبي ومشيت معاها المرة وناسه ياخ نستني زعلي😍 بس ما تمينا تلت ساعه ساميه تلفونها ضرب قالت دي امي وردت عليها لاحظت لساميه ملامح وشها اتغيرت تاني قالت لي يلا نمشي
خالة : نفيسه هي بسم الله متين جيتن
ساميه : معليش ي خالتي انتي عارفه خلينا هاله براها فالبيت مع ولدي
خالة : خلاص خلي مرت سامي تقعد شويه
انا : مرة تانيه ي خالتي والله اجيك
خاله : هي ي يمه ي حليلك خلاص ماشه سللمي على امك
انا : تسلمي يوصل ان شاءالله ☺ودعناها وطلعنا قلت لساميه خير في شنو؟
ساميه : مافي شي امي ونقتها انتي عارفاها
سكت طوالي اول ما وصلنا استلمتنا ليك وكانت اكتر شي بتوجه كلامها لي انا : تطلعن كيف بدون أذني ما تنظرني لم اجي ومخليات البت براها فالبيت وتحرسيها ولدك كمان يخسي عليكن 😠
ساميه : ي امي هي قالت بتقعد ما عندها مشكله والبيت يهدا ف شارعنا ما بعدنا
خالتي : اسكتي كفى كمان بتردي لي اصلا من تجي رفيقتك دي بتقلبي خلقتك يا الصفتك والبيك والعليك وجوطه شديده خلاص ي الله المرة هدت وسكتت وانا العبرة خانقاني ما قادرة افشها ،، والعجب لم عرفتني بكرة ماشه قالت لي تقعدي لحد ما ساميه تمشي نسابتها وتجي قلت خير وبلعتها..ساميه ما كانت ماشه ولا شي هي الاصرت انها تمشيلم قالت خالتك وصال تنبح بدرب الولد ودي ليها 😒 وفعلا بكرة ساميه مشت وخلتني فالنار دي براي 😭من جهه خالتي ومن جهة بت اخوها 😢وانا والله الحبشيه م تلحقني بعني هاله الطربيزة البتصبح جمب سريرها ما بتشيلا تدخلا وعفراء اصلا من الصباح بتمشي مدرستها غايتو بعد بجو اخر اليوم هي وعمر بفرقو لي شويه ومرات ينشغل معاهم واشرح ليهم وهم متكيفين مني عفرا قالت لهاله انتي القاريه صيدله ما فهمتيني الانجليزي زي الاء شرحها ساهل ومبسط😊
هاله : اها ان شاءالله تدوملك بكرة ماشه (وانتي قاعده لمتين ي السمحه😒😂)غايتو قدر ما وجعتني البت دي ما زي يومي الكنت بتكلم بالتلفون مع سامي لا احم ولا دستور جات قلعت السماعه من اضاني ده سمسم اديني اسلم عليه ولصقت جمبي تقول من حبها في. ..سماااسم ازيييك يخسي عليك ي جافي
سامي : اووو بت خالي المجنونه خباراتك والشوق ليك والله☺ طوالي عاينت لي عين مغرزة كدا ولا اشتغلت بيها لاني عارفه سامي هو شنو؟
هاله : شوقنا بحر اسكت بس لكن جد.زعلانه منك لا فون ولا مسج ما كان العشم
سامي : حقك علي ي ستي مشغوليات بس
هاله : مشاغل تنسيك هلولتك حبيبتك (اجي 😯)
سامي : ههههههه تخيلي بس ، والونسه ماشه طلعت فردة السماعه وبقيت اتفرج فيها اشوف اخرها شنو زولتنا ما خلت زكرة قديمه على وراها وكللو لم كنا صغار وشنو معرف وتتمايع ساعه ونص بالله ترغي وانا وصلت اخري خلاااص تاني قالت ليه اااي والله ما حسينا بالزمن اصلا الوكت معاك بمضي سريع ي سمسم اخدنا حق المسكينه دي 😒يلا باي ما تقطع خبرك وقاتلي سوري الوكت سرقني😊شلت التلفون ساميه قالي : حبيبي معليش ياخ
انا : اجي وبتعتذر على شنو مش اختك تتكلم معاها زي ما عايز وعاينت ليها فرستني لم ضحكت وطوالي طلعت من الغرفه اتكلمت مع سامي شويه وقلت ليه النوم وجب اخد.راحتك لانو بتكون تعبان ودعتو وقفلت الخط لقيت نفسي متكلمه معاه نص ساعه بس وهي ساعه ونص غاايتو ي رب تصبرني انا ببين اني ما مهتمه بس من جواي براكين بتتفجر فيني لو طلعتها بتحرقها والله😤يوم تشكي وتشكي من الصداع عندها هدوم دايرة تغسلن جات خالتي حلفت ما تغسلن انتي تعبانه ما شايفه نفسك شالت ورمتن فالغساله وجات اتحننت قاتلي طلعيهن معاك ي الاء وداقات الونسه وتقرقر اسي ما قلتي مصدعه😒طلعت الهدوم م مشكله اتصلت على ساميه قاتلي جايه بكرة طوالي العصر قلت لعمي انا بكرة ماشه امي قايمه عليها الرطوبه وما بتقدر براها عمي قال: الف سلامه ليها ان شاءالله ما قصرتي ي بتي ربنا يسعدك 😊،،ف حاجه غريبه لفتت انتباهي طول فترة قعادي معاهم زي الكأنو الجو عكران بين عمي وخالتي ما بتودي ليه الاكل ولا مويه ولا بتمشي تقعد معاه زي عوايدها💔💔كلو قايمه بيه ساميه حتى لم مشت قالت لي ما اوصيك على ابوي وقمت بالمهمه دي من بعدها من غير ما اسالها وادخل كنت متأكده هيجي اليوم البتحكي لي فيه براها ، جبت ارتب ف شنطتي للمرة التانيه هالة شافتني : انتي ماشه ولا شنو
انا : ااي هاله : عمتو ما قالت ليك انتظري سمو تجي
انا : ساميه جايه بكرة😊الغريبه ما مشت كلمت عمتها اظنها نست ولا حاجه عد باقي اليوم ده بي خيرو وشرو من الصباح ودعت ناس عفراء وزعلت شديد قالت لي يخسي عليك الجامعه بدري اقعدي معانا شويه😢والله كنتي مفرقالنا انا : امي عيانه ي عفراء بجيكم تاني 🙂عمي ناداني وهو طالع ودعني وقالي سلمي على امك ابوك اصلو بلاقيني طوالي😂وغمتلي في يدي😊هي ي عمي ده شنو😯
عمي : امسكي امسكي ف بت ما بتشيل من ابوها☺مسكتهن منو وانا زعلانه على فراقي للراجل الطيبان ده نهائي ما حسسني بفقد الاب وانا معاهم 💙خالتي جوة سامعه الكلام وقاعده فوق جمر لم جيتها : ما قلتي ماشه يعني😏
انا : امي عييت والله قامت عليها الرطوبه
خالتي : الواحد بكلم الناس المعاه ما قاعد ف زريبه هو (حتى ما قالت لي امك سلامتها )
انا : ما انا لسه ما مشيت ي خالتي
خالتي : ماشه الليله مفروض تكلميني من بدري
هاله : عاااد اتلومتي ي الاء من امس ما كلمتيها😯
انا : معليش ي خالتي حقك علي
خالتي : انا عاد لا بشيل لا بكيل💶 يكلموني ليييه😒
انا : العفو منك ي خالتو ما قصدت والله💔
خالتي : خلاص اتاخري شويه ماف زول بنضف لي ما بقدر عالكنس
انا : حاضر ي خالتي اصلا ما ماشه اسي....ودورت فالبيت ده نضافة كنس ومسح وفريش ونضافة المطبخ براه وسويت ملاحين فطور وغدا والست هاله ما اتكرمت ترفع لي قشه من الارض بتتظارف وخالتي بتمنعها انتي جيتي اجازة تريحي؟ ولا تشتغلي لي خدامه؟☺ بعدين زاتك ما متعوده على شغلتنا دي ي بتي عودك.لين😄
هاله : والله لكن ي عمتو بتبالغي😂😂😂انا اول من خلصت وفطرنا طوالي لبست واهلي بعد.ده كلو ودعوني وداع ماسخ خلاص هاله اتكرمت و قالت لي نايس تو ميت يو😊 هه😒😏وصلت اهلي ويداااب من اخدت نفسي واتملكتني الراحه سلمت على امي وسالتها من صحتها وسالتني منهم قلت ليها كويسين و خالتي بتسسلم عليك💜ودخلت جوة انجدعت فالسرير جريت النومه للعصر هلكانه يخوانا 😢لمن جات امي صحتني : الاء قومي ي بتي ده كلو نوم جايه من وين انتي
انا : احييا مشتهية نومة النهار بس ي امي😊
امي : هناك مالك ما بتنومي وبعدين شكلك مرهق كده ليه ؟
انا : والله بس اللمه والونسه ما بنلقى وكت ننوم زاتو😄
امي : ما شاءالله وانا هنا ناس ابوك يخلوني مصاقرة الحيط براي 😂قومي قومي ابوك زاتو جا وبسال منك ..مشيت سلمت عليهم قالي داب كده بيتنا نور
مؤتمن : قصدك شنو ي ابوي
منذر : قصدو انت ما عارفو يعني 😄الاء دي ما ببدلها بينا
مؤتمن : ليه صغير انا ولا هي 😒
ابوي : هههههه كلكم واحد لكن الاء دي فرحتنا الاولى
انا : شفتو كيف 😉😂
مؤتمن : وانا الأخيرة يعني مفروض انال الجزء الاكبر
منذر : يعني انا الوحيد الضايع وسطكم😢
امي : من جوة هي بطلو نضم والاء امشي على صلاتك بجهز فالغدا انا .. مشيت جمعت الضهر والعصر وجينا اتغدينا والتشغيلات مدورة لمن خلصنا والله ما عشان اهلي لكن احلا من لمتهم والجلسه ف نصهم مافي ألحمد لله كمية الدفء والحنان والاحتواء العندهم ما لقيتو عند غيرهم اللهم احفظنا وادم علينا السعاده😊بعد خلصنا ظبطت ليهم الشاي منذر شال كبايتو ودخل يقرا وامي بقت تصب لي ف شمارات الحله وابوي يضحك قالها ده كلو كنتي كاتمه 😂😂😂بعد خلصت واتفشت على راي ابوي قلت ليها ماشه اسلم على ناس خالتي زينب وانبسطت هي التانيه بجيتي😘😘وشجن اشعبطتني ليه ومذن قلت ليها غاايتو البشوف الشكل يوم داك 😂وجرن جابن لي المويه والعصير تقولو غايبه لي 10 سنه 😄اخدت قعدتي معاهم وغشيت خالتي فاطمه برصو سلمت عليها واقفه ما قعدتلا لانو المغرب قرب ومشيت اتزكرت انو تلفوني صامت مشيت عليه لقيت كميه مكالمات من ساميه وواحد من سامي رجعت لساميه اول قلت احتمال اطول مع سامي ، بعد السلام وكذا عاتبتني يخسي عليك ما قلت ليك استنيني؟
انا : معليش ي سمو خفتك تتاخري وقلت الجو بسخن علي
ساميه : والله انا فوتك كدا جيت انتي ما بكون وصلتي اهلك
انا : عليك الله؟ والله بس استعجلت عشان امي برضو كنت مشغوله عليها
ساميه : صحي لقيتيهم كيف اهلك من قبيل بتصل ما بتردي
انا : كويسين الحمدلله تسلمي ، من جيت نايمه بس😂
ساميه : ي حليلك بتكوني تعبتي بوراي
انا : ابدا والله مافي تعب ، هشوم كيف وناس عمك خليتيهم كيف
ساميه : تمام الحمدلله قالو لي المرة الجايه جيبيها معاك 😄
انا : هههههههه ان شاءالله ربنا يسهل بس، اديتها امي سلمت عليها 😊وبعد.خلصت رجعت لسامي ما رد لي ،، صليت المغرب وحضرت الشاي قاعدين بنشرب امي قالت لي زي السامعه تلفونك بضرب ؟
انا : ااي جوة فالشاحن شلت كبايتي ومشيت لقيتو سامي😍 رديت عليه بفرح بس فاجأني وهو بصرخ في وشي 😳انتي كيف تطلعي من البيت من غير ما تكلمي امي😠💔
ﻗﻴﻞ : ﻻ ﺗﺒﻚِ ﻟﻐﻴﺎﺏ ﺍﻟﺸﻤﺲ ﻷﻥ ﺍﻟﺪﻣﻮﻉ ﺳﺘﺤﺠﺐ ﻋﻨﻚ ﺭﺅﻳﺔ ﺍﻟﻨﺠﻮﻡ ﻓﻲ ﺍﻟﻠﻴﻞ ..!👋👋
