Hanan Adil:
#طلاقي_ليس_نهايتي13
بعد سمعت كلامه ده دخلتي فزعه كدا في قلبي معقول قاصداني انا ؟ ابيت اخش فيها عشان م احسسها اني سمعتها وقفت مسااافه استغفرت واتشهدت حتى دخلت قلت ليها صباح الخير يا خالتو ☺ قاتلي مرحب 😕 بلا نفس مشيت طوالي شلت صينية الشاي وجيت.ماشه قاتلي انا الليله ضهري ده واجعني تعالي ساعدي ساميه سويلها الملاح
انا : حاااضر ي خالتو ، مشيت شربنا الشاي وجبت العده لقيت ساميه جات تغسل العده قلت ليها وريني حاجات الملاح
ساميه : 😯 ملاح شنو لالا انا بعملو اطلعي
انا : والله م بطلع زهجت زاتو من القعاد ده بتكسر خليني اتحرك 😂😂
ساميه : معقوله لكن ي الاء، اسي كان زول يقول علينا شنو انا : م بقول شي ارح اديني بس 😊 امها جات لابسه توبها قالت ليها بنهرة ساااميه 😒 انا ماشه قريب وجايه م بتاخر وادتها نظرة زات معنى لمن دخلتني خوفه م متعوده عالمعامله دي انا ولا يوم شفت امي حمرت لي كده لكن ساميه فااهمه امها طوالي فصلت ، بقينا شغالين ونتونس ولدها يلعب جمبنا كانت بتحكي لي براجلها وحبهم لي بعض 😊 😄 سامي لقاني اتاخرت جا لاحقني قالي الله أكبر 😍 الليله هناكل من يدك 😉 حمرت ليه عشان م يتمادى قدام اختو وهي تضحك قاتليه اصبر لامي الليله
سامي : ي زوله اسي انا قلت شنو قصدي بنتسمم الليله 😂
انا : ما تاكلو بس 😒
سامي : ههههههه خلاص م تزعلي حلاات السم من يديك 😘 مش ي خالو وشال هشوم قعد.جمبنا فالكرسي والمشاغله شغاله 😂 كل اتنين يتفقو على واحد والأدوار متقلبه والضحك بصوت عالي، ، بعد شويه جات خالتي قالتلو متحكر ف نص الحريم مالك 😒
سامي : ههههههه وينن الحريم ديل اسي انا حمرت ليه 😒 قاتلو قوم تعال دايراك وساقتو مننا
ساميه : اتحسست مع اني م ختيت ف بالي شيء قاتلي اصلها امي بتريد سامي اكتر مننا 😂 😂
انا : ههههه م تقولي كدا كلكم بتريدكم لكن بقولو الام ف جناها عندها واحد بكون حبيب القلب 😂 بعد خلصنا رصينا الفطور فطرنا وجيت عملت الشاي شربنا سامي طلع اتونسنت معاهن حبه اصلا الونسه كلها مع ساميه ومشيت بيتي اتدوشت تاني كان سخانه مبالغ وغيرت واتعطرت ورقدت اتصلت بسامي قالي جاي خشيت واتس بدردش مع لدن بالصدفه قلت ليها عملت ليهم الملاح وسامي عجبو انا مبسوطه والله بس لدن طوالي قلبت ليك الكلام قاتلي ليه ليه يدخلوك المطبخ من اسي ااا
انا : براي والله عملتو زهجت من القعاد ساي 😂
لدن : خلاص هانت نهاية الأسبوع نمشي نسجل
انا : 😭 😭 م تزكريني
لدن :ي بت مالك بسم الله 😢
انا : سامي هيسافر بعد.كدا 😢ي حليلو
لدن : ههههه اتحولي معاه هناك
انا : ي ريت بس هيحميني قرايتي ساي اخير هنا
لدن : كدا ووب وكدا ووبين اتلهي عليك الله 😂
انا : سامعه صوت سامي يلا باي، قفلت التلفون وعملت فيها نايمه 😌 سامي جراني من شعرتي متين نمتي ي ثقيله 😂
انا : ههههه اسي بعد سمعت صوتك
سامي : هههههه تعبتي الليله صح
انا : ليه عملت شنو انا 😊
سامي : ولا شي لكن عشان طولتي من الشغله بس 😂
انا : والله؟ فالشقه كان باكلك منو😒
سامي : باكل براي والله 😂 خلينا فالمهم بعدين وائل عازمنا عشا ف عطبرة
انا : هو م سافر؟
سامي : كان مفروض يسافر قبل يومين بس حجزو اتاخر
انا : اهاا ي حليلو اكلم لدن نسوقها؟
سامي : ههههههه كلميها
شلت التلفون وانا بعاين ليه بتضحك ليه ؟😒 اتصلت ليها قالت لي عارفه رمه قبيل فالواتس كنت منتظراك تقوليها بس اختصرتيني 😃
انا : اجي عرفتي من وين ؟
لدن : احم وائل عزمني بس انتي كلمي امي انك سايقاني😊
انا : والله ؟ انا معاي راجلي خلاص مافي حوجه ليك سامي مات ضحك قاليها م عجبني ليك القصف 😂 😂
لدن : ي رمم ي كلاب نسيتوني خلاص خليتكم لي الله 😭 بكلم ليكم وائل
انا : اشكينا بالله 😂
لدن : ي حيوانه انا لبستي جهزتها منتظرة اتصالك 😄 وقفلت فيني ، سامي بس يضحك، وفعلا اتصلت على خالتو وريتها اني سايقاها معاي قاتلي خلاص مافي مشكله ☺ كلمت ساميه قاتلي م بقدر والله ، بعد المغرب لبسنا وطلعنا خالتو قالت لينا ماشين وين؟
سامي : معزومين عند وائل
خالتو : م قلتو لي يعني؟ ماشين براكم؟
انا : قلت لساميه بس ابت خالتو : لو قلتو من بدري كان خليت عفرا تمشي
سامي : اسي ناديها وينها ☺
خالتو : طلعت بعدا امشو قالتها بزعل واضح لمن طلعنا قلت لسامي انت ليه م وريتها قالي والله نسيت بعدين م ضروري يعني قلت ليه كيف م ضروري خالتي بتكون زعلت اسي قالي هههه ي بت زعل شنو م بتزعل والله م تركزي عندو صاحبو كان مكلمو جابلو عربيتو ساقها وغشينا لدن نزلنا سلمنا على ناس امي سريع كدا ابوي قالينا سوقو براحه 😊 ومشينا العزومه كانت ف مطعم
رااقي وهادئ 😍 وظريف وائل كان منتظرنا برا اول زول اداه خطفه سريعه كدا كانت لدن 😊عاين ليها وابتسم كان لابس كاجوال جذااب وزولتنا م مقصرة متانقه كالعاده 😘 لقينا مخصص لينا تربيزة واو الشموع والورد حاجه جميله 😍
لدن : ما شاء الله ده كلو على شرفكم ؟
سامي : ماااا اظن 😉 وعاين لوائل وبضحك😂😂
انا : كلك زوق ي وائل ماكان تتعب نفسك
وائل : معقوله ياخ تستاهلو اكتر من كدا والله لولا امي عيانه كنت ناوي اعزمكم فالبيت
سامي : ليه م جبتهم معاك اسي ؟
وائل : ههههه عارف خالتك ما ليها ف جو الطلعات دا
لدن : ربنا يديها العافيه ان شاءالله ويخليها ليكم
وائل : عاين ليها بمحبه وقاليها اميين ي رب تسلمي ☺ ااا يلا تشربو شنو دوب العشا يجي ؟
رفعنا المنيو اخترنا عصير ولدن طلبت فراوله بالحليب 😊 وشوشت ليها : عايزة تورينا انك.حنكوشه وكدا
لدن : اصصلا ي بيبي😊 م تركزي معاي خليك ف سامييك دا😒 اديتها بسمه عرييييضه 😂ابتدينا نتونس وندردش عادي واكتر شي كان بين وائل وسامي وبحكولنا في فعايلم زمان 😂لدن : يعني من زمان سامي مسلط وشيطان؟
انا : عكس وائل تماما 😁😁
سامي : وائل دا خلوق بالفطرة يااخ عشان كدا كنت بقش فيه عمايلي كلها
وائل : هههههه الله يسامحك ي اخوي
سامي : لكن اليومين دي شايفك عندك ميول كدا مااا من عوايدك 😉 وعاين للدن
وائل : ابتسم☺ يعني هاقعد.كدا طول عمري؟
سامي : ههههههه لالا م معقول طبعا بس متفاجئ ساي انا
انا : هههههه براحه قلت لسامي بطل لانو وائل بتحرج جد قعد يضحك بصوت عالي الفضيحة
لدن : غيااااظين ودمكم بقري😒 نحن قاعدين.معاكم على فكرة
سامي : انا مالي دي صحبتك دي ، بعدين عندح وائل هدا استلمي الليله وشوشو 😄
وائل : عاين ليها مساافه كدا بعدين قال احم كدا اشوف العشا هعشيكم على زوقي رايكم شنو ؟☺
لدن : ي سلام ! مافي مانع طبعا 😊وائل انبسط ومشى وسامي شغلا ليها قاتليه اصبرو لي انت واياها لمن نرجع تشيلو وتشاغلو عقدتو الولد
سامي : الله أكبر عقدنا منو ههههه قالي شايفه بتراعي ليه
لدن : قايلو منحرف زيك 😒
انا : هييي منو منحرف 👊 ف عينك
سامي : ي رب الحمدو يتقمدو 😂 ضحكنا ضحك 😂😂😂😂
لدن : الله يعينك ي صحبتي جن رسسسمي وشعبي
سامي : مجنون بيها 😉😙
لدن : مشاعري لو سمحتو
سامي : وائل بلمها ليك ☺
لدن : بجد ي سامي بطل خلاص م تندموني اني جيت معاكم
سامي : نسيتي عمايلك زمان باخد في حقي ي زوله هههه
انا : اي والله بالزات انا كهرتني سيرتك 😂
لدن : 😢😢خليتكم لي الله
سامي : خلاص ي الويتي خليها حننتني 😄😄وائل جا قالينا دايمه ان شاءالله ثواني والأكل يجي
لدن : نا مستعجلين😊
سامي : ي زوله م.مستعجلين شنو نحن م فاضين قرصتو بتحت ابتسم لي كاتم الضحكه ولدن بتحمر لينا وائل مبتسم كعادتو ☺ وجابو لينا الأكل ما لذ وطاب من المالح والمحلى مافي داعي اوصفو لانو انا زاتي ريقي جرى اسي 😋😋😂😂المهم انو كان لذيذ ووائل زوقو رهيب زيو خلصت العزومه الكانت أكتر من رايعه اتوادعنا ومشينا لدن طوال الطريق ساكته وقدر م شاغلناها ابت تهببو لينا انا تقريبا فهمت الحاصل لانو وائل قال مسافر بعد بكرة 😢وصلناها هي اول وبعدين مشينا رجعنا زي 10ونص كدا لقيناهم صاحيين وبتعشو
خالتي : حمدالله عسلامه ، م جبتو لينا عشا ؟
سامي : والله قايلكم نمتو
خالتي : منتظرنك عاد
عمي : ههههه امشو ارتاحو م عارف امك وتشغيلاتها
خالتي : تشغيلات شنو والله جااده م شايفنا اخرنا العشا
سامي : معليش ي امي بعوضك بكرة
انا : اتلومنا والله ي خالتو امسحيها لينا 😊 قلتها بهظار والله كان قاتلي انتو عاد اللوم يفوتكم يمشي وين 😒😱😧👋👋👋
تمر الايام وتنتهي الحكايات وتبقى الذكرى سيدة الموقف 😢☺
