Hanan Adil:
#طلاقي_ليس_نهايتي5
مرت تلاته ايام بخيرها وشرها وتعب ما بين المشفى والبيت والاحد ما مشيت المدرسه للعصر كده ابوي خرجو الحمدلله بقى كويس 😍وكراع الناس ماشا فينا قريب العشا خلاص رقنا وبضاير فالبيت قلت عشان ما امشي بكرة المدرسه اخلي جايط لامي اصلا م كنت ماشه بس هي اصرت 😥 اثناء ترتيبنا كده لدن قالت : احم ف زول سأل منك
انا : 😯زول ؟ زول منو
لدن : اللي بالي بالك 😉 انا : 😠اتكلمي زي الناس ولا اسكتي لدن : 😄انا بتكلم زي الحمير ي ربي 😂😂 انا : لدنننن😡
لدن : خلاص خلاص م تتنفشي فيني بقصد سامي 😊 انا : سامي ؟ 💗💗 لدن : يعمي نسيتي، فجاء كده حسيت بوخزة ف قلبي اول مرة احس بيها 😔 قلت ليها اهاااا سامي واها ؟ لدن : شنو الاها لاقاني ف نفس المحل سايق موتر وسالني منك والله كان شفتي اللهفه والشوق باين ف عينيه 😉 صراحة انا ارتبكت لاول مرة من سيرته وبرضو م عارفه ليه 😯 بقيت اتمتم شششوق شوق شنو انتي جنيتي ووو ييسالك لليه لدن : ي بت بطلي رجفي😄الولد شكلو معجب جد.جد
اها : م سالتي كان وين مختفي
لدن : اييوة كده انشطي وشاركينا 😂😂 حمرت ليها 😒 قاتلي قال كان مسافر بورسودان يجيب بضاعه وكده 😊 انا : اهااا طايب لدن : يلا فتك بعافيه يختي ما تنسي بكرة اصحي بدري للمدرسه 😉 قلت زفته طيري من وشي 👊خلصت ترتيب وحضرت ملابسي وجدولي وصليت حضرت لناس ابوي العشا لقيتو بقول لاعمامي خلاص ارجعو شغلكم ونسوانكم مافي واحده تجي وانا كويس الحمدلله هم ما اقتنعو بس ما بقدرو يكسرو كلمتو ، بعد اتعشو عمي محمد.متعود يشرب قهوة عملتها ليهم كلهم واتونست معاهم حبه عبدالله كان بحكي بعمايل ولد الصغير ونحن نضحك ابوي قالو شقي زيك زمان 😄😂 محمد قال م لقيتلو مثيل غير مؤتمن ده😂ابوي قالي قومو نومو هي بكرة المدارس☺ قلت ليهم تصبحو على خير ومشيت انوم لكن ااه وين يااخ فجأة نطى لي سامي في ام افكاري وبقيت اتزكر فيه للصدمه لقيت نفسي فاقده 🙊ويا يوم بكرة ما تسرع بعد معاناة قدرت انوم وصحيت بصوت امي البشوش😊صبحت على ابوي واعمامي وجهزت لدن جات سلمت لابوي تاني ودعت اعمامي😢ووصوني على ابوي ومشينا لدن م قصرت كان كتب لي كل الدروس مع سموخه وملاذ كل واحده لخصت لي جزء م اتحرم منهم ي رب والاساتذة كفرو لي لابوي وكذلك الدفعه😊 نهاية الدوام بجد حسيت برغبه شديده في شوفة سامي🙈بس خيب ظني ما جا 😢 لدن لاحظت لي وكاشفاني الرمه بس عملت رايحه بارك الله فيها 😂😂تلاته يوم م جا لليوم الرابع حتى جا ياااه اخيرا 😍 من بعييد.لمحتو بس عملت فيها ما شفتو لدن : عان زولك 😊 طوالي حمرت ليها 😒 جا سلم علينا بدون م اسعر لقيت نفسي م قادرة اشيل عيني منو لمن لدن لكزتني بس هو كان متغير شديد ف تعاملو😢 كانو ف شي شاغل بالو او حاصله ليه حاجه كان شارد وما شغلا لينا زي اول واداني نظرة كده ما فهمت معناها😯 بس كانت كويسه يعني مشينا وانا بالي مشغول فيه تماما يا ربي يكون مالو 🤔 لدن : كنتي هتاكلي الولد.فضحتينا
انا : سيبك من الفارغه الليله هو م طبيعي صح ؟ لدن : ما شاءالله بقينا نتعمق ونحس كمان 😄بس عندك حق اظنو مشغول ولا حاجه
انا : ان شاءالله خير☺ بعديها بيومين تاني كان لاقانا بس كان كوييس وشدييد 😄 وشاغل لدن قالت ليه ي ابو نفسيات من يومين مالك قالب خلقتك قاليها مشكله بسيطه واتحلت الحمدلله 😊وكان بعاين لي 😍 لدن : طب الحمدلله خوفتنا عليك وادتني نظرة كده قرصتها وجريتها من يدها قعد يضحك 😄😄 لنهاية الاسبوع ابوي كان بلغ الصحه بحمدالله ونزل شغل ونحن جاربن مع المدارس وكان التجريبي اوشك خلاص ومن يوم ليومين كان بنلاقي سامي 5 دقايق كل مرة كانت كفيله بأنها تعلقني بيه ويشغل حيز من تفكيري وكمان بقيت اتجاوب معاه ما زي اول يسال ارد ليه ببسمه كده☺ وكمان اسالو من أخبارو عرفنا اسرتو بتتكون من كم وهم منو وأصبح بمثابة صديق لينا او يبدو انو الامور مكركبه وجدانيا نوعا ما 😊😊استمريت اتزكر فالماضي كده لحد.ما غفيت متين ما عارفه 🔛
