Hanan Adil:
#طلاقي_ليس_نهايتي10
ﻫﻲ ﺃﻧﺜﻰ ﻛﺎﻟﻮﺭﺩﺓ ﺗُﺤِﺐُ ﻓﺘﺰﻫﺮ ..ﻭﺗُﺤَﺐُ ﻓﺘﺴﻌﺪ ..ﻳُﻨﺎﻝ ﻣﻨﻬﺎ ﻓﺘﺼﺒﺮ ..ﺗﻌﻄﻲ ﺑﺴﺨﺎﺀ ﻫﻲ ﻭﺍﺣﺎﺕ ﻭﺩٍ ..ﻭﻧﺒﻊُ ﻭﻓﺎﺀ ....
ام سامي اسمها نجاة عااليه كده وجسمها ملان شكل ساي تخاف منها 🙊حد صارة 😕وهايجه واي شاردة ووارده فالبيت ده ما بتم الا بموافقتها مرا مسيطرة ✊ما عدا عرس سامي التم غصبا عنها لانها عايزة سامي لبت اخوها من الخرطوم ،، بعد سامي كلمها اعو ناوي يخطب قالت : ي يمه ده يوم المنى والسعد الراجياه من بدري من زمااان بقولك اجهز وبس تاني م عليك والعروس قااااعده تضوي زي القمر منتظرة اشارة منك بس
سامي : عروس ؟ 😯 قصدك منو ي امي
خالتو نجاة : هالة بت خالك سعد حلاة الدنيا فوقها ي يابا ودكتوره تكيل العين لمن تفضل😊كانت بتتكلم وهي شغاله فالمطبخ
سامي : هاله شنو بس ي امي عمرك م جبتي لي سيرة الموضوع ده وبعدين انا اخترت خلاص
خ نجاة : طاااخ وقعت الصحن كسرتو( وسامي بعاين ليها بعين فيها احترام وشجاعة مع بعض ووقفه صامده 😒 وارث العناد من امو) قلت شنو اخترت؟ والله عاال كبرت وبقيت تختار من غير اهلك ما شاءالله لا برافو عليك وم دام اخترت جاي تكلمني ليه
سامي : امي اهدي مافي داعي تعصبي قدر ده ، كيف م اكلمك ؟ انا هامشي بدونكم يعني ؟ م اتتو اهلي ولازم تقيفو معاي
خ نجاة : اهاااا عايز ليك اصنام ترافقك يعني؟
سامي : ده كلام شنو البتقولي فيه ده ، اكيد رايكم بهمني وبعدين انا م اخترت من طرف متاكد لم تشوفي الاء وأهلها هتحبيهم وتغيري رايك وابوي موافق وبعرف ابوها
خ نجاة : ما شاءالله اها اصدمني تأني وقولي اتقدمنا وانتهينا طبختوها سوا انت وابوك ؟ لازمتي شنو تاني
سامي : امي م اتقدمت ولا شي ابوي كلمتو ما عندو مانع وانا اسي باخد.ف رأيك عشان عايز اخطب قبل اسافر
خ نجاة : يعني رأي بهمك ؟ طيب اسمع مرتك ياها بت خالك والموضوع ده محسوم من زمان ومنتهي متى م تجهز بنتم العرس
سامي : شنننو 😯 كيف يعني منتهي؟ امي انتي متكلمه مع خالي؟ ومن غير م تاخدي موافقتي؟ وانتي عارفه من زمان هالة زي اختي م بفكر فيها بالطريقه دي انتي ليه م عايزة تفهميني ، اميي؛ وهي كانت ساكته ومواصله شغلتها م ناقشتو تاني، المشكله اتفاقمت سامي انتظر ابوه لحد م.جا وفتحو الموضوع تاني ونجاة م زالت معترضه وبشده عم ابراهيم ابو سامي رجل فاضل ورايق وبالو طويييل وشو بشوش ودايما باسم م برضى الظلم ابدا ووكت الججد نار قيامه بس مافي زول بتني كلمتو خلى ام سامي جاطت وهدت وقاليها : اسمعي هنا ي نجاة 😠 العرس ده ما انتي البتحددي ولا انتي الهتعيشي معاه كل زول بختار شريك حياتو زي م انتي اخترتيني بارادتك ف زول جبرك ؟ وفالنهاية كل شي قسمه ونصيب وبعدين انتي بتخطبي ليه من غير م ترجعيلنا ليه؟ ولدك براك ؟😠 انا م لي كلمه فالبيت ده؟ سكته ليك كتيير ومن زمان في اي شي الا الزواج ده قرار مصيري م تتدخلي فيه ابدا فاهمه ولا لا والا قسما بالله بنسى البينا واطلقك بعد العمر ده ☝
سامي : ابوي لا ما كداواهدو ي جماعه 😯
نجاة نزلت لها دميعات 😭والله ي ابراهيم؟ دي اخرة جزاتي تطلقني بعد العشرة دي وعشان شنو عشان عرس ولدك عديله ربنا يهنيكم بيها ان شاءالله بس انا برا الموضوع دا ما لي اي دخل بيه ،، سامي قعد. يبكي ليها ويحنس ف دا وفي دا وزعل طلع من البيت قالها م العرس ده خليتو للابد والبيت زاتو تاني م جايي وطلع زعلان مشى لخالتو ام وائل ف عطبرة، المساء اتصلي علي كان ظاهر من صوتو انو في حاجه حاصله بس نهائي م وراني امو م ادت خالو كلمه ولا شي بس حبت تهتو تحت الامر الواقع مفتكراه بنكسر ليها ابراهيم اتصل على سعد اخوها وراه الحاصل جاها من الخرطوم وشاكلها قاليها عايزة تطفشي الولد كمان انتي كدي شوفيها بعدين قولي رايك وبرضو م بتفرضي عليهم ده زوااج ما لعب حياتو وهو البعيش معاها ويتحمل النتيجه براه ما اسمعك فتحتي خشمك تاني بالموضوع مفهوم؟ واتصل على سامي اتكلم معاه وجات معاه خالتو حياة وبتها ولاء ولدها صغير كده ف الأساس اسمو محمد ووائل فالسعوديه، هي برضو اتكلمت مع نجاة وهدتها واقنعوها انو تمشي بس ابدا من جواتها م موافقه ولا اقتنعت بالقصه وكان ظاااهر في وشها لم جونا اول يوم للتعارف سامي عندو اختو اصغر منو واكبر مننا بسنه بس اسمها ساميه متزوجه وعندها ولد قاعده معاهم فالبيت لانو زوجها مسافر برا وهو ود عمها تاني في بشير قدر منذر اخوي وبعديه عمر وعفرا ديل ف الأساس، المهم سلمت علي سلام باارد وكأنها قاصده تحسسني بعدم رضاها اما خالتو حياة عكس تماما حضنتني شديييد وباستني ومدحتني كتير وكانت مستلمه الجلسه هي تعارف وونسه وكلو بعد.مشو لدن قاتلي نسيبتك ابدا م ارتحت ليها 😒الله يكفيك شرها غايتو 😯
انا : لدننن عيب تقولي كده ما تاخدي انطباع من اول لقاء للناس انتي عاشرتيها داخلتيها ؟ م تحكمي ساي
لدن : 😒 انا بس قلت احساسي وم بغيرو فما تحاولي تقنعيني 👊 انا : خلاص اسكتي امي م تسمعك ، المهم تمت الخطوبه على خير واتفقو على اهو العرس يتم بعد سنه وه
