Hanan Adil:
#طلاقي_ليس_نهايتي15
لا تؤذي انثى في كرامتها ، حينها لن تبالي بما تفعله !💔
اتصدمت طبعا افتكرت وائل ده طلع زول شمال ولا قالها كلام م ياهو خاته يدي فوق قلبي وقتلا مالو ي بت هبب شنو 😳
لدن : رافع علي قرن اليومين دي ومطنشني 😭 انا : لا حولا ولا قوة الا بالله خلعتيني
لدن : يعني ده م شي يخلع 😢 م شفتي بقى بارد.معاي كيف ارسل ليه يرد بعد ساعه ومرات ما يرد نهائي 😠 نفسي الاقي واخنقو لم يزبد
انا : ههههه جنيتي انتي ده وائل اا م تنسي ، وبعدين امكن مشغول او عندو ظرف ما بتعرفي تعذري انتي
لدن : ي زوله فكيني من حركات الاولاد دي عشان اهتميت بيه يومين داير يعلي سعرو علي انا هيييي هو م عارف انا منو لكن والله الا اوري الطفأ النور منو 🤨
انا : استغفرالله العظيم ي ربي عايزة ترجعي لامورك الزمان ي بت انتي كبرتي اعقلي ما كدا 😂
لدن : المع الروح م بتروح يختي ما تعملي لي فيها مثاليه ما بخلي ما بخلي
انا : هههههه هتعملي شنو يعني ؟
لدن : الهاعملو هتشوفي نتيجتو قريب اصبري بس كان م جبتو ليك مدردق من عاليهو ده ورجعت ركلتو ليك ما ابقى بتك ي حسن
انا : امممك الله يستر حنيت عليه 😄 انلحق اكلم سامي ينبه ود خالتو من المصيبه الجاياه دي 😂 مسكتني خنقتني قاتلي اوووعى تعملي لي امور النسابه دي بنساك زي الما حصل شئ 😄😄😄 الأيام مااارة كدبيب السلحفاة مافيها شي مميز غير الجري من الجامعه للبيت وتعب وارهاق + بعاد سامي فرق معاي شديد والله واشتقت ليه 💝تلفوناتو ما بتقيف يومي يصبحني والمسا ده سهرة عديل رجعنا لايام الخطوبه والغرام😊الكان مصبرني انو احازة السمستر 15 يوم همشي اقضيهم معاه مرو شهرين سامي اتصل علي وكان من صوتو باين انو متضايق من حاجه لم سالتو م بين لي بس قالي ليه م بتتفقدي اهلي من يوم مشيتي اهلك م رجعتي ليهم ، قلت ليه والله ي سامي عايزة امشي ليهم بس م لاقيه طريقه بجي من الجامعه متاخرة وتعبانه والجمعه والسبت بقضيهم غسيل وقرايه واريح شويه 😢
سامي : انا عاذرك وما عاذرك اسي لو ديل أهلك بتتحججي بالجامعة بتطولي من امك كدا
انا : حقك علي حبيبي خلاص همشي ليهم ، بس انا قاعده اسال منهم طوالي بتصل بساميه
سامي : انتي شايفه انو مكالمه بتكفي ؟
انا : سامي خلاص انا هامشي ما تزعل نفسك الموضوع م مستاهل
سامي : انا م زعلان ولا عايزك تمشي عشاني انا وخلاص انا بس بزكرك انو ف بيت تاني عندو حقوق عليك امي زعلانه منك والله
انا :( ف سري ايواااا الحكايه فيها امك ) عارفه والله بس ضغط الجامعه وعد امشي ليهم واعتذر ليها كدا تمام؟
سامي : عارف حبيبتي عاقله وما بتسود لي وشي ربنا يخليك لي ، وقفل عكدا ده حتى ما سالني عن حالي ولا اتونس معاي زي اول الهدف من المكالمه دي كان يذكرني اهلو وبس نبرة صوتو كان فيها غضب مع انو حاول يخفي ويكون هادئ ويلطف الجو فالنهايه بس انا عرفت و ، مع اني كم مرة حاولت امشي بس الزمن ما بسعفني اعمل شنو 😔كلمت امي انو عايزة ازورهم وكدا م قلت ليها سامي الطلب مني فاجأتني لم قالت : والله انا زاتي عايزة اقولك امشي طولتي منهم م صح انتي برضو بقيتي زي بتهم وسامي زاتو ما برضى منك امشي طلي عليهم وشوفي أحوالهم 🙂امي دي ملاك ياخ ربنا يحفظنا لينا 😘الواحد يفتخر انها امو 😊 المهم باقي الاسبوع ده بقيت انظم وكتي وعامله جهدي على اني الجمعه امشي اقيل معاهم ان شاءالله والحمدلله يوم الخميس ادةنا مخاضرة واااحده استعجلت لدن وطلعت طوالي قاتلي مالك انت لاحقه قطر قلت ليها لازم اغسل اليوم عشان بكرة ماشه نسابتي
لدن : ومالك مكتوله عليهم كدا وترهقي نفسك ليه غسلي الصباح والعصر امشي ليهم
انا : عايزاني امشي العصر واجي راجعه شينه ياخ ماشه اقيل معاهم😊
لدن :😒 بييسسس 😏 انا : رايك شنو تمشي معاي ؟ لدن : مالي ومالك نسابتي ولا نسابتك انا : خوة لله رفقيني بس
لدن : انتي عارفاني نسيبتك دي م بهضمها امشي اقيل معاها والله انجلط برري
انا : ههههه والله انتي ظالماها حرام عليك لو عاشرتيها هتحبيها
لدن : حبيها انتي مدياك ولدها انا مالي
انا : خلاص خلاص اصلو ما بتنكسري الرد ف طرف لسانك😂 وصلنا البيت ريحت حبه والعصر قمت دورت الغساله لبعد المفرب حتى خلصت كنت تعباااانه اكلت وصليت العشا وي سريري جاك زول سامي م انتظرت مكالمتو قلت الحق اقوم بدري اجهز حاجاتي امي عامله لي فطور، وفعلا صحيت بدري ساعدت امي عملت لي عمود مظبط وانا عملت كيك شلتو معاي وسقت مؤتمن قلت لامي خلي يلعب مع ناس عمر وهو كان فرحاان 😍فالطريق اتصلت بسامي لقيت منو ميه مكالمه الصباح بس م رجعت ليه عشان الزمن كان زعلان وبتدلع اعتزرت ووريتو انو منت بجهز عشان ماشه اهلو حتى انبسط واستكان 😇 وصلنا واستقبلنا عمي ابراهيم بابتسامتو وبشاشتو المعهودة وسلم على مؤتمن سلام حاار وشاغلو زيين عفورة وساميه كانن مبسوطاات بشوفتي وعمر مبسوط بمؤتمن خالتي حاولت تنبسط بس م قدرت المرة دي اتاكدت شكوكي حول انها م مبسوطه بي نهااائي اتمنيت اليوم ده يعدي سر
