Hanan Adil:
#طلاقي_ليس_نهايتي27
وقفت مساافه مقهية فالراجل ما تركيزا فيه والله بس بستجمع فالمعلومات براي مع نفسي😄لمن كسر عينو مني وقال احم سلام عليكم ، حتى انتبهت لنفسي وهبالتها : وعليكم السلام😐
👨🦰: كيف الحال ☺
انا : تماام الحمدلله ، ولسه واقفه متصمغه وهو واقف يعاين لي اجي دا مالو جاي يسلم ساي ،اي خدمه ؟
👨🦰 : اا ممكن ادخل ؟
انا : عفواً تدخل وين ؟ الولد انخلع طبعاً 😯 قلت ليه بعتذر بس ابوي ماف
👨🦰 : منذر في ؟
انا : سجمي 😮ما يكون ده صاحب منذر ؟ معقوله يصاحب ناس اكبر منو قدر ده جنى ولا شنو 😱 رديت ليه : لا برضو مافي 😐
👨🦰: طيب معليش بس لم يجي عم احمد قولي ليه صلاح جا هنا
انا : ان شاءالله، الود كان مبتسم بطرقه استفزتني قلت ده ما نصيح ولا شنو بس الحمد لله طلع تبع ابوي وما صاحب منذر 😤وسبحان الله ما انتبهت لاسم صلاح ده نهائي لحد ماجو ناس ابوي واتلمينا فالغداء امي جابت السيرة لابوي فرحانه بالنسوان الجنها قالت الحمدلله طلعو ف ناس بزورو وبطلو على الناس كنت قايله كل زول ف حالو
ابوي : الناس هنا لاهياها المشاغل ساي بس لو لقو زمن ما بقصرو من الأهل والجار فالنهايه نحن سودانيين والعادات دي جاريه ف دمنا حتى فالغربه خليك من جوة البلد ولاهسي بجنك النيوان انتي اصبري بس 😄
انا : انا قلت ليها بس هي ساي متضايقه😂اتزكرت ي ابوي قبيل جا واحد سال منك قال اسمو صلاح
ابوي : ايوااا دا الباشمهندس صلاح طبعاً بالله جا ي سلاام عليه ياخ قالي ماشي اسلم على الحاجه ، واي من الاحراج 😯
امي : ده جا متين ي بت؟
انا : بعد النسوان طلعو طوالي لكن انا ما دخلتو😐
ابوي : لييه
انا : قلت ليه ابوي ماف ومنذر ماف ما عرفتو أدخل زول غريب ساي 🙊
امي : والله بالغتي ي الاء
انا : امي الناس هنا ما زي ناس هناك ما تبقي طيبه زيادة عن اللزوم وتثقي فيهم بسرعه اتمهلي
امي : والله كلام كمان دايرة تغيري شخصيتك وتربيتك عشان غيرتي مكانك؟
انا : ما كدا ي امي بس......قاطعني ابوي : خلاص خلاص ما حصل شي الاء كلامها صاح ما بتدخل راجل غريب وانتو براكم انا بعتذر من المهندس وهو زول متفهم ما عندو مشكله
منذر : والله راجل ممتاذ ياخ
امي : متين لحقت تعرفو انت
منذر : كيف ياخ نسيتي لم كنت بجي زمنو الشغال وكمان يوم ابوي مشى لعقد لدن جا بيت معاي هنا اتوطدت العلاقه وهفيدني كتير ف مجالي كمان😊
انا : اها صحبة مصالح يعني 😂
منذر : لا والله م كدا
ابوي : مهندس شااطر ابقى عليه عشرة عشان شهامتو اولا
مؤتمن : كدي خليكم معاي😐
ابوي : اها ي دكتور 😄😄
مؤتمن : نتبجتي الاسبوع الجاي 😒
انا : اااي والله صحي فاتت علي كيف دي😊
مؤتمن : انتو فاضين هو
امي : ومالو ربنا يوفقك ان شاءالله
مؤتمن : داير ابوي يسال لي من المدارس السمحات هنا عشان التسجيل
ابوي : ما تشيل هم لم تظهر النتيجه بكون سجلتلك عدييل ، ناهد زكرتني بكرة تسوقي الاء وتمشي على الحاجه سعاد ام المهندس عزوها واتعرفو بيها
امي : ان شاءالله لكن ما بنعرف البيت
ابوي : بوريكم ليه ، وفعلا بكرة قبل يطلع وصف لي فالشارع الورانا بيت تلاته طوابق فاتح جنوب ابوابو كحليه قدامو حديقه صغييرة وااضح ، بعد الفطور لبست لي عبايه ودبست طرحتي واني لبست توب طقمتو ليها قالت لي ده شنو ماشه وين انا
انا : عوي ي امي قايله نفسك ف حلتنا هناك 😂
امي : يااا حليل حلتنا وناسها 😢
انا : التسوي بايدك بغلب اجاويدك براك درتي الرحول عشان اولادك اها خليهم ينفعوك😄
امي : سمح امرقي من سكات 😐مشينا دقينا الجرس فتحت لينا واحده كده ممشطه شعرها ولابسه لبس شغل شنو ما عرفتو تاني طلعت دي الحبشيه دخلتنا لقينا مرة ما كبيرة شديد وما صغير تكون فالخمسينات زي ناس ابوي كدا ، قاعده فالهول ماسكه جريده وجمبها بنت عمرها خمسه سنه كده تقريبا لابسه فستان قصير واسبورت وتسريحتها فظييعه المرة قامت سلمت علينا ببشاشه وفضلتنا في نفس الوكت اترسمت علامة استفهام على وشها ؟
امي : انا ناهد زوجة احمد ودي بتي الاء
سعاد : هي ي يمه ديل انتو😍جيرانا الجداد مرحب بيكم وقامت سلمت علينا من اول وكيفكم وبقت تسأل فينا قالت ليها ميار تعالي سلمي على خالتو جات سلمت علينا مسكتها بستها من حلاوتها 😘بعد.شويه جات امها نازله من فوق ولابسه عباية راقه والشنطه والتلفون ارقى 😊سلمت وقعدت شويه امها قالت ليها دي مرت احمد وبتو تتزكري ، ودي بتي هدى
هدى : تشرفنا ☺
انا : الشرف لينا☺
امي : شرف الله قدرك ي بتي
هدى : طيب عن اذنكم ي خالتو عندنا مواعيد مع الدكتور
امي : اتفضلي ي بتي مالكم سلامتكم
سعاد : بتها دي عزبتها من نزلو وهي فالمرض التهاب شديد لمن بتكتم بالليل
انا : الف سلامه ليها
هدى : تسلمي ي رب
امي : ما تكتري ليها علاجات الدكاترة دي اعملي البلدي ده احسن
سعاد : كلمتها بس ما مقتنعه
هدى : ههههه ان شاءالله بحاول اعملها بس ما هينفعها متاكده
امي : بنفع ان شاءالله
هدى : طيب يلا امشي نتلاقى ف وكت أوسع ان شاءالله فرصه سعيده
انا : تسل
