لحظات مؤلمه للكاتب محمد مالك

البارت (٢٣)

رواية لحظات مؤلمة

البارت الثالث والعشرون 

للكاتب المصري محمد مالك

جميع الحقوق محفوظة
هيثم .. انتي ايه اللي جابك هنا ؟!!
شيرين ترتبك بشدة .. انا .. انااا ....
هيثم .. انتي جيتي لقدرك يا مرات اخويا !! انتي متعرفيش ان اللي يدخل هنا لا يمكن يخرج تاني ؟!!
شيرين .. انا لقيت الباب مفتوح وسمعاك وانت بتزعق فأخدني الفضول اعرف ايه الحكاية !! هو انت ايه اللي بهدلك بالشكل دا ؟!! وايه التراب دا كله ؟!! وبتدوروا علي ايه جواه ؟!!
هيثم .. بندور علي اللي بندور عليه .. انتي مالك يا حشرية ؟!
شيرين .. لا في حاجة بتحصل هنا مش طبيعية ابدا !! انتوا مين بالظبط ؟!! وحكايتكم ايه ؟!!
هيثم .. الحكاية وما فيها انك لازم تموتي دلوقتي حالا
ثم يمسك بقطعة زجاج علي الارض من الزجاج الذي تهشم اثناء المعركة مع الشبح الخفي ويقترب منها وعيناه يخرج منها الشرر وشيرين ترجع الي الوراء وهي ترتجف من الخوف وتقول
شيرين .. انت اتجننت ؟!! انت هتعمل ايه ؟!!
هيثم .. هقتلك يا مرات اخويا
شيرين ترجع الي الوراء حتي يصطدم ظهرها بباب الشقة المغلق تحاول فتحه ولكنه لا ينفتح وهيثم يقترب منها اكثر فاكثر .. شيرين تدرك انه لا مفر تصرخ وتستغيث
شيرين .. الحقني يا اكرامي بسرعة .. اكرامي !!
وفجأة تسقط شيرين مغشيا عليها ويظهر اكرامي ومعه بندقية خاصة باطلاق الابر المخدرة حيث قام باطلاق واحدة علي شيرين .. هيثم ينظر الي اكرامي في غضب شديد واكرامي يحمل شيرين علي ظهره ويصعد الي شقته
شيرين علي السرير في غرفة نومها تستيقظ في الصباح لتري اكرامي نائما بجوارها تنظر حولها لتجد نفسها في شقتها وداخل غرفة نومها فتندهش بشدة .. تتذكر ما حدث بالامس ثم توقظ اكرامي
شيرين .. اكرامي .. اكرامي قوم
اكرامي .. صباح الخير يا حبيبتي
شيرين .. هيجي منين الخير بعد اللي حصل امبارح ؟!
اكرامي .. وايه اللي حصل امبارح يا حبيبتي ؟!!
شيرين . انت هتستهبل ؟!!
اكرامي .. شيرين اهدي من فضلك!!
شيرين .. مش ههدي الا لما افهم ايه اللي بيحصل بالظبط في البيت دا ؟!! انت كنت بتعمل ايه امبارح انت واخوك في شقته تحت ؟!!
اكرامي .. امبارح !! وشقة اخويا !! اخويا سافر بورسعيد امبارح الصبح وانتي في النيابة
شيرين .. لا والله ؟؟! هتقلي بقي تهيآت والكلام الفارغ بتاعك دا ؟!!
اكرامي .. شيرين في ايه مالك ؟!!
شيرين .. مالي انك مخبي عني سر وسر كبير كمان !!
اكرامي .. تاني يا شيرين ؟!!
شيرين .. تاني وتالت ورابع لحد ما اعرف حكايتك ايه بالظبط !! قلي مراتك الاولانيه ماتت ازاي ؟!!
اكرامي يرتبك ويعرق بشدة كعادته
اكرامي .. ايه ؟!!
شيرين .. ايه !! هتعرق وتترعش وجسمك يبرد زي المره اللي فاتت وهتقلي اكيد بعد ازنك اروح الحمام !!
اكرامي .. انا فعلا عايز اروح الحمام دلوقتي حالا
شيرين تمسك في يده بقوه
شيرين .. مفيش حمام يا اكرامي غير لما تقلي مروه مراتك ماتت ازاي ؟!!
اكرامي يرتجف عند سماع اسمها يزداد عرقا
اكرامي .. من فضلك سيبي ايدي عايز اروح الحمام بسرعة
شيرين .. لا .. مش هتروح الحمام يا اكرامي انا عايزه اعرف انت ليه بيحصلك كدا كل لما اسألك عنها ؟!! ايه اللي حصلها احكيلي اتكلم !!
وفجأة تري شيرين اكرامي يتبول علي نفسه فتصاب بالصدمة
شيرين .. ايه دا ؟!!
تابعوني والبارت التالي .. تحياتي ..