"ကိုယ် သူ့ရဲ့ အလုပ်ပြီးတဲ့အခါ အားလပ်ချိန်အကုန်လုံးတောင်းထားပေမယ့် တကယ်တော့ ညပွဲ ရုပ်ရှင်ကြည့်ပြီး ပြန်ခွင့်ပေးလိုက်တာပါ ! တကယ်က ကိုယ်သူ့ကို မနက်ထိအနားမှာ ခေါ်ထားချင်ခဲ့ပေမယ့်လို့ပေါ့ "
" မ....မနက်အထိ...?"
တချိန်လုံး တိတ်ဆိတ် ငြိမ်သက်စွာ Tanikaze ပြောသမျှ နားထောင်နေခဲ့တဲ့ မှော်ဆရာဆီက ပထမဆုံး အထိန့်တလန့်အသံသေးသေးလေး ထွက်လာတယ် !
"Ho~ ဘာဖြစ်လို့လဲ ? ချစ်သူကို အနားမှာ တချိန်လုံး ခေါ်ထားချင်တာ အံ့သြစရာကောင်းလို့လား? မင်း ချစ်သူထားဖူးဘူးလား မှော်ဆရာလေးရဲ့"
Tanikaze ရဲ့ လေသံဟာ မြူးကြွနေတယ် ! အမှောင်ရိပ်ကွယ်က မှော်ဆရာကတော့ မနက်ထိ ခေါ်ထားချင်တယ်ဆိုတဲ့ Tanikaze စကားရဲ့ အတိမ်အနက်ကို တွေးတောနေသေးပုံရသည်!
Tanikaze က လက်ထဲက ကော်ဖီကို တငုံခြင်းအရသာခံသောက်ရင်း ညနေက ချစ်သူလေးနဲ့ အချိန်တွေကို အာရုံထဲ စားမြုံ့ပြန်နေပုံပဲ ! သူ့မျက်နှာ ခပ်တည်တည်ကတော့ အရင်ကနဲ့မတူ ပြုံးယောင်သန်းနေသလိုလို !
"မနက်ထိ အနားမှာ ခေါ်ထားချင်တာဆိုတော့...."
မှော်ဆရာရဲ့ စကားသံတိုးတိုးက ရှေ့ဆက်မေးသင့် မမေးသင့် ချိန်ဆနေသလိုပဲ ! စကားဟာ တို့လို့တန်းလန်းရပ်တန့်နေတယ်!
"မနက်ထိ ခေါ်ထားချင်တယ်လေ ! ညခင်း ရုပ်ရှင်ကြည့် အိမ်ပြန်လာတဲ့ အခါ သူ့အိမ်ဖြစ်တဲ့ ဘေးကပ်လျှက်အခန်းထဲ ဝင်ခွင့်မပေးပဲ ကိုယ့်အခန်းထဲ ခေါ်လာမယ် ! သူနဲ့ အတူ ဘီယာသောက်ချင်သောက်မယ် ! အင်း သူကတော့ ဝိုင်ချိုတွေ ပိုနှစ်သက်မှာပါ ! "
Tanikaze က နံဘေးက နံရံဆီငေးရင်း သူ့ရဲ့ စိတ်ကူးကိုပြောပြနေတယ် ! သူ့ရဲ့ စိတ်ကူးဆိုပေမယ့် အခုပဲ သူဟာ အဲ့ဒိ့ စိတ်ကူးထဲ ပျော်ဝင်နေသလိုပဲ ! သူ့မျက်လုံးတွေက နံရံကို မြင်နေချင်းမဟုတ် ဝိုင်ချိုတွေ တခွက်ပြီး တခွက် သောက်နေတဲ့ ရီဝေဝေကောင်လေးတစ်ယောက်ရဲ့ အပြုံးကိုမြင်ယောင်နေသလိုပင်!
VOCÊ ESTÁ LENDO
Midnight Cafe (Unicode Version)
Fanfic♣အနာဂတ်ကို ဖန်တီးယူခဲ့တာမဟုတ်ပါဘူး....ကြိုတွက်ချက်ကြည့်မိရုံပါ♣ ♠မသေချာတဲ့ အရာတွေ အကောင်အထည်ဖော်လို့မရတဲ့ အရာတွေ လက်တွေ့မဆန်တာတွေကို မယုံကြည်ဘူး! အကွက်ဆင် လှည့်စားတာမျိုး .....ကိုယ်မုန်းတယ်♠ The story between the wizard and re...