Unicode
သူကဒီမှာရှိနေတုန်းပဲလား...
ကျောင်းကနေပြန်လာတာမို့လို့ တက်ကြွစွာလျှောက်လာသော Jungkookရဲ့ ခြေလှမ်းများသည် အိမ်အနားရှိ ပန်းခြံထဲက ကစားကွင်းရှေ့ရောက်တော့ နှေးကွေးသွားသည်။
ကလေးတွေကစားတဲ့လျှော၏အဝတွင် ရှိသော ညစ်ပေပေကြောင်ကလေးတစ်ကောင်အား သူငေးကြည့်နေမိသည်။
"မင်းဒီမှာရှိနေတုန်းပဲလား မီးညောင်လေး"
ထိုကြောင်လေးရှိသောနေရာသို့ သူပြေးသွားပြီး ပွတ်သပ်ပေးလိုက်တော့ Jungkook ပေါင်ပေါ်သို့ အတင်းတက်လာလေသည်
"Meow meow"
"မင်းဗိုက်ဆာနေတာလား"
"Meow meow"
"နေဦး ရှာကြည့်လိုက်ဦးမယ်"
လွယ်အိတ်ထဲတွင် ရှာကြည့်လိုက်တော့ နေ့လည်က စားဖို့ဝယ်ထားတဲ့ ပေါင်မုန့်တစ်ထုတ်ကို ကံကောင်းစွာပင် တွေ့လိုက်သည်
ပေါင်မုန့်လေးကို ဖဲ့ပြီးကျွေးတော့ မြိန်ရေယှက်ရေစားနေတဲ့ ကြောင်လေးကိုတွေ့တော့ သူစိတ်ထဲမကောင်းလှ
ဒီကြောင်လေးကို ဒီကစားကွင်းထဲတွင် သူတွေ့နေသည်မှာ ၂ပတ်ကျော်လောက်ရှိပြီ အစကတော့ ရပ်ကွက်ထဲကကြောင်လို့ထင်ထားပေမဲ့ နောက်ရက်တွေလည်း ထိုနေရာတွင် ဆက်တိုက်တွေ့နေရသည်
"မင်းက လမ်းဘေးကြောင်လေးလား? ဒါမှမဟုတ် အိမ်ပျောက်နေတာလား... မင်းမှပိုင်ရှင်ရှိရင် အမြန်ဆုံးပြန်ရှာတွေ့ပါစေကွာ"
"Meow"
"ဟားဟား မင်းကလူစကားနားလည်သားပဲကွ ဒါပေမဲ့ မီးညောင်လေးရေ မင်းစကားတော့ ငါနားမလည်ဘူးကွယ်"
Jungkook တစ်ယောက် ကြောင်ကလေးနဲ့ တခဏလောက်အတူဆော့ပေးပြီးနောက် အိမ်ပြန်ဖို့ ပြန်ထွက်လာခဲ့သည်
"Meow"
Jungkook အနောက်ကိုလှည့်ကြည့်လိုက်တော့ မိမိအိမ်ပြန်တဲ့လမ်းကို အတူလိုက်လာသည့် ကြောင်ကလေးကြောင့် သူပို၍ပင် စိတ်မကောင်းဖြစ်သွားသည်
"မီးညောင်လေး လိုက်မလာနဲ့လေ"
"Meow"
YOU ARE READING
Your Calico Cat
FantasyJungkook တစ္ေယာက္ မထင္မွတ္ပဲ သုံးေရာင္ျခယ္ hybrid ေၾကာင္ေလးကို ေမြးဖို႔ျဖစ္လာတဲ့အခါ Jungkook တစ်ယောက် မထင်မှတ်ပဲ သုံးရောင်ခြယ် hybrid ကြောင်လေးကို မွေးဖို့ဖြစ်လာတဲ့အခါ
