Jimin ကိုတရားဝင်ပိုင်ဆိုင်ခဲ့ရသည်မှာ အခုဆိုရင် တစ်လနီးပါးရှိသွားခဲ့လေပြီ
ပြီးခဲ့တဲ့တစ်လလုံး ပိုင်ရှင်အမည်ပြောင်းကိစ္စကြောင့် တော်တော်တိုင်ပတ်ခဲ့သော်လည်း Jimin ရဲ့ ပိုင်ရှင်အဟောင်းဖြစ်သည့် အဘိုးကြီးဆီက အများကြီးအကူအညီရခဲ့သည်
Jimin သည်လည်း hyung တွေနဲ့ရော သူနဲ့ရော တော်တော်အသားကျလာပြီဟု ယူဆရသည် အရင်တုန်းကလို သူကျောင်းသွားရမည်ဆိုလျှင် ဂျီမကျတော့ပဲ အလိုက်သိစွာပင် တစ်ကောင်တည်းနေခဲ့သည် အခုဆိုလျှင် သူ့ကိုတစ်ကောင်တည်း ထားခဲ့လည်း စိတ်ချရသည့်အနေအထားသို့ ရောက်ရှိနေပြီဖြစ်သည်
အဲ...တခါတလေ သူကျောင်းဆင်းနောက်ကျတဲ့အချိန်တွေကလွဲလို့ပေါ့
"Jimin ထွက်လာမလား မလာဘူးလား"
Jungkook တစ်ယောက် ပေါက်ပြဲနေသော တီရှပ်ကို ကိုင်ကာ Jimin ကို ခေါ်နေသည်
ကြောင်ကလေးကား သူ့အပြစ်သူသိသည်ထင်သည် ပုန်းနေရာကနေထွက်မလာ
"ထွက်မလာရင် hyung ပိုစိတ်ဆိုးမှာနော်"
"၁ကနေ၃အထိရေလို့ ထွက်မလာသေးရင် hyung အဆိုးမဆိုနဲ့နော်"
"၁"
"၂"
"Jungkookie hyung"
ရေချိုးခန်းထဲကနေ ကုပ်ကုပ်နဲ့ထွက်လာတဲ့ကြောင်ကလေး
ဟောဒီက ဘာမှမဆူရသေး သူကမျက်ရည်လေးတစမ်းစမ်းနဲ့
'အခုကတည်းက စိတ်ပျော့လို့မရဘူး Jeon Jungkook'
မဆူရင်ပိုဆိုးလာမှာဆိုပြီး စိတ်ကိုတင်းကာ မျက်နှာခပ်တည်တည်နဲ့ ကြောင်ပေါက်ကိုကြည့်လိုက်သည်
"ကဲ ငါ့အင်္ကျီက ဘယ်လိုဖြစ်တာလဲ"
"ဟို...ဟိုလေ... hyungက မိုးချုပ်နေတာတောင် ပြန်မလာသေးလို့...ဟင့်...သတိရလို့...အင်္ကျီကိုအနံ့ခံလိုက်တာ...လက်သည်းနဲ့ငြိသွားတာ...ဟင့်...ဟင့်..."
တရှိုက်ရှိုက်နဲ့ငိုကာ ရှင်းပြနေတဲ့ ကြောင်ကလေးကြောင့် Jungkook လည်းစိတ်မကောင်းသွား
"ကျွန်တော် တမင်လုပ်တာမဟုတ်ပါဘူး... hyung ယုံပါနော်"
ငိုလည်းငို ပေါင်ပေါ်တက်ခွကာ ရင်ခွင်ထဲဝင်ချွဲနေတဲ့ အကောင်ပေါက်ကြောင့် Jungkook လည်းဘာမှဆက်မပြောနိုင်ပဲ အရည်ပျော်သွားသည်
YOU ARE READING
Your Calico Cat
FantasiJungkook တစ္ေယာက္ မထင္မွတ္ပဲ သုံးေရာင္ျခယ္ hybrid ေၾကာင္ေလးကို ေမြးဖို႔ျဖစ္လာတဲ့အခါ Jungkook တစ်ယောက် မထင်မှတ်ပဲ သုံးရောင်ခြယ် hybrid ကြောင်လေးကို မွေးဖို့ဖြစ်လာတဲ့အခါ
