Jungkook နိုးလာပြီး မျက်စိဖွင့်လိုက်သောအခါပထမဦးဆုံးတွေ့မြင်ခံစားလိုက်ရသည်မှာ ရင်ဘက်အပေါ်တွင် အိပ်ပျော်နေသော Jiminပင်ဖြစ်သည်
အိပ်ပျော်နေသော ကောင်လေးအား ငုံ့ကြည့်လိုက်ပြီး မျက်စိရှေ့ကျနေသော ဆံပင်အချို့ကို ညင်ညင်သာသာပင် သပ်တင်ပေးလိုက်သည်
ထိုအချိန် ရုတ်တရက်မျက်လုံးပွင့်လာသော Jimin ကြောင့် သူလန့်သွားကာ
"Hyung လန့်သွားတာလား"
"မင်းအိပ်နေတုန်းပဲလို့ထင်နေတာ... ငါ့ကြောင့်နိုးသွားတာလား"
Jungkook ညင်သာစွာမေးလိုက်သည်
"ဟင့်အင်း ကျွန်တော် နိုးနေတာကြာပြီ"
"ဒါနဲ့... hyung"
"ဟင်"
"ကျွန်တော့်ကို ခေါင်းပုတ်ပေး"
Jungkook လည်း Jimin အလိုကျ ခေါင်းလေးကိုပုတ်ပေးပြီးတော့ နားရွက်နောက်အနားလေးကို ကုတ်ပေးတော့ Jimin ဆီမှာသဘောကျသော အသံကလေးများထွက်လာသည်
တခဏကြာတော့ Jimin ဆီမှာ ဟောက်သံသေးသေးလေးကြားလိုက်ရသောကြောင့် Jungkook သဘောကျစွာ ပြုံးရယ်မိပြန်သည်
"Jimin ပြန်မအိပ်နဲ့ ထတော့"
"မထချင်ဘူး"
"ငါတို့ထမှရတော့မယ် ဒီနေ့လုပ်စရာတွေအများကြီးရှိတယ်"
နှုတ်ခမ်းကြီးဆူပူနေသော Jimin ကို မျက်နှာသစ်ပေးဖို့ ရေချိုးခန်းထဲအတင်းခေါ်လာပြီး အပြင်သွားဖို့ ပြင်ဆင်ကြတော့သည်
အပြင်သွားရမည်ဆိုသောကြောင့် Jimin သည် ခုနတုန်းကလိုမဟုတ်တော့ပဲ ကလေးတစ်ယောက်ကဲ့သို့ပင် ပျော်ရွှင်မြူးထူးနေသည်
"Hyung ဘာလို့ ကျွန်တော့်နားရွက်နဲ့အမြီးကို အုပ်ထားတာလဲ"
Beanie လေးဆောင်းထားပြီး အမြီးကို ဘောင်းဘီထဲထည့်ထားသောကြောင့် Jimin မှာမလွတ်လပ်သလို ခံစားရသည်
YOU ARE READING
Your Calico Cat
FantasiaJungkook တစ္ေယာက္ မထင္မွတ္ပဲ သုံးေရာင္ျခယ္ hybrid ေၾကာင္ေလးကို ေမြးဖို႔ျဖစ္လာတဲ့အခါ Jungkook တစ်ယောက် မထင်မှတ်ပဲ သုံးရောင်ခြယ် hybrid ကြောင်လေးကို မွေးဖို့ဖြစ်လာတဲ့အခါ
