#فصلية_لأناس_لايرحمون
١_______٣
# ﻓﺼﻠﻴﻪ - ﻷُﻧﺎﺱ ﻻ ﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ - ﺍﻟﻤﻮﺳﻮﻱ
............... ﺑﻐﺪﺍﺩ ﺍﻟﺤﺒﻴﺒﻪ .............
ﺳﻤﺎ ﺳﻤﺎ ﻣﺎﻣﺎ ﮔﻮﻣﻲ ﻟﻠﻤﺪﺭﺳﻪ ﻳﻼ ﺭﺍﺡ ﻳﺠﻴﺞ ﻟﻠﺨﻂ
ﻣﺎﻣﺎ ﻓﺪ ﺷﻮﻳﻪ ﺑﻌﺪ ﺧﻠﻴﻨﻲ ﺍﻧﺎﻡ ﻣﺸﺒﻌﺎﻧﻪ ﻧﻮﻡ
ﻣﺎﻣﺎ ﮔﻮﻣﻲ ﻋﻔﻴﻪ ﻭﺭﺍﻳﻪ ﺍﺭﻭﺡ ﺍﮔﻌﺪ ﺍﺧﺘﺞ ﺗﻌﺒﺘﻮﻧﻲ
ﻳﻼ ﻣﺎﻣﺎ ﮔﻤﺖ ﮔﻤﺖ ﻛﻠﺸﻲ ﻭﻻ ﺗﻌﺒﭻ
ﮔﻤﺖ ﻏﺴﻠﺖ ﻭﺑﺪﻟﺖ ﻭﻧﺰﻟﺖ ﻣﻦ ﺍﻟﺪﺭﺝ ﺍﺗﻤﺼﺮ ﻫﺎﻱ ﺑﻠﻬﺠﺘﻨﻪ ﻫﻬﻬﻪ ﻗﺴﻢ ﻳﮕﻮﻟﻮﻥ ﺍﺗﻤﻄﻪ
ﺻﺒﺎﺡ ﺍﻟﺨﻴﺮ ﺑﺎﺑﺎ ﺣﺒﻴﺒﻲ ﺍﻣﻮﻭﻭﺍﻩ
ﺻﺒﺎﺡ ﺍﻟﻨﻮﺭ ﺍﻣﻴﺮﺗﻲ ﻳﺴﻌﺪﻟﻲ ﺻﺒﺎﺣﺞ ﺍﻟﺤﻠﻮ
ﻛﻌﺪﺕ ﺍﻛﻞ ﻧﺰﻟﺖ ﺍﺧﺘﻲ ﺍﺯﻝ ﺻﺒﺎﺣﻮ ﺣﺒﺎﻳﺐ
ﺑﻨﻴﺘﻲ ﻛﻮﻟﻲ ﺻﺒﺎﺡ ﺍﻟﺨﻴﺮ ﺷﻨﻮ ﺻﺒﺎﺣﻮ
ﻳﻮﻭﻭ ﺑﺎﺑﺎ ﺷﺘﻔﺮﻕ ﻟﺘﺼﻴﺮ ﻣﻌﻘﺪ
ﻭﻟﺞ ﻫﺎﻱ ﻋﻠﻴﻤﻦ ﻣﻌﻘﺪ ﻭﺍﻟﻠﻪ ﺟﻴﻞ ﺍﺧﺮ ﻭﻗﺖ
ﺍﺳﻔﻪ ﺑﺎﺑﺎ ﻣﻮ ﻗﺼﺪﻱ ﺍﻣﻮﻭﻭﺍﻩ
ﺿﺤﻜﻨﻪ ﻛﻠﻨﻪ ﻭﺑﻬﺎﻱ ﺍﻻﺛﻨﺎﺀ ﺩﻙ ﺍﻟﻬﻮﺭﻥ ﺍﺑﻮ ﺍﻟﺨﻂ
ﻛﻤﺰﺕ ﻳﻼ ﺭﺍﻳﺤﻪ ﺍﺟﻮ ﻋﻠﻴﻪ
ﺗﻌﺎﻟﻲ ﻛﻤﻠﻲ ﺭﻳﻮﮔﺞ ﻳﺎ ﻣﺎﻣﺎ ﻣﻮ ﺯﻳﻦ ﻫﻴﭻ
ﻣﺎﻣﺎ ﻣﺎ ﺍﮔﺪﺭ ﺍﺗﺄﺧﺮ ﻭﻫﺬﺍ ﻳﮕﻮﻡ ﻳﺪﺭﺩﻡ ﺑﺎﻱ
ﺍﻟﻠﻪ ﻭﻳﺎﺝ
ﺻﻌﺪﺕ ﺑﺎﻟﺨﻂ ﺳﻠﻤﺖ ﻭﺑﻮﺳﺖ ﺻﺪﻳﻘﺘﻲ
ﺍﻋﺮﻓﻜﻢ ﻋﻠﻰ ﺻﺪﻳﻘﺘﻲ ﺭﻓﻞ ﺍﻛﺜﺮ ﻣﻦ ﺍﺧﺖ ﺑﺎﻟﻨﺴﺒﻪ ﺍﻟﻲ ﺻﺪﻳﻘﺘﻲ ﻣﻦ ﺍﻻﻭﻝ ﺍﺑﺘﺪﺍﺋﻴﻪ ﻭﻳﺎﻳﻪ ﺑﻨﻔﺲ ﺍﻟﺮﺣﻠﻪ ﻭﻫﺴﻪ ﺍﺣﻨﻪ ﺑﺎﻟﺨﺎﻣﺲ ﻋﻠﻤﻲ ﻭﻫﻢ ﻭﻳﺎﻳﻪ ﺑﻨﻔﺲ ﺍﻟﺮﺣﻠﻪ ﻭﺟﻴﺮﺍﻧﻲ ﺑﻨﻔﺲ ﺍﻟﻮﻗﺖ ﻟﺰﮔﻪ ﻣﻮ ﺷﻠﻮﻥ ﻣﺠﺎﻥ ﻫﻬﻬﻬﻪ
ﻫﺎ ﻭﻟﭻ ﺳﻤﺎﻭﻱ ﺷﻮ ﻭﺟﻬﺞ ﻣﻮﺭﻡ
ﺍﺳﻜﺘﻲ ﺍﻟﺒﺎﺭﺣﻪ ﺳﻬﺮﺕ ﻋﻠﻰ ﺍﻻﻣﺘﺤﺎﻥ ﻭﻣﺎ ﺷﻔﺖ ﺇﻻ ﺍﻟﺴﺎﻋﻪ ﺑﻼﺭﺑﻌﻪ ﺍﻟﻔﺠﺮ ﮔﻮﻩ ﺷﻠﻌﺘﻨﻲ ﻣﺎﻣﺎ ﻣﻦ ﺍﻟﻔﺮﺍﺵ
ﻳﻤﻌﻮﺩﻩ ﺧﻔﻲ ﻋﻠﻰ ﻧﻔﺴﭻ ﻣﺤﺪ ﻣﺎﺕ ﻭﺍﺧﺬ ﺷﻬﺎﺩﺗﻪ ﻭﻳﺎ
ﺩﺳﻜﺘﻲ ﺍﻧﺘﻲ ﻫﻮ ﻫﺬﺍ ﺍﻟﻔﺎﻟﺤﻪ ﺑﻲ
ﻭﺻﻠﻨﻪ ﻟﻠﻤﺪﺭﺳﻪ ﻭﻣﺸﻪ ﻳﻮﻣﻨﻪ ﻃﺒﻴﻌﻲ ﻭﺭﺟﻌﻨﻪ
ﻭﺻﻠﺖ ﻟﻔﺮﻋﻨﻪ ﻭﺍﺷﻮﻑ ﺑﺎﺑﻨﻪ ﻣﻔﺘﻮﺡ ﻭﻧﺎﺱ ﻣﻠﺘﻤﻪ
ﻭﻟﺞ ﺳﻤﺎ ﺷﻨﻮ ﻫﺬﺍ ﺷﺼﺎﻳﺮ
ﺷﻤﺪﺭﻳﻨﻲ ﺭﻓﻞ ﺳﺘﺮﻙ ﺭﺑﻲ
ﻧﺰﻟﺖ ﺍﺭﻛﺾ ﻭﻗﺒﻞ ﻻ ﺍﻃﺐ ﻟﻠﺒﻴﺖ ﺳﻤﻌﺖ ﻋﻴﺎﻁ ﻗﻮﻱ
ﻭﻛﻔﺖ ﻭﺭﺟﻠﻲ ﺑﻌﺪ ﻣﺘﺸﻴﻠﻨﻲ ﺍﺧﺎﻑ ﺍﺩﺧﻞ ﻣﻦ ﺍﻟﺒﺎﺏ ﻟﺰﻣﺘﻨﻲ ﺭﻓﻞ ﻻﻥ ﺭﺩﺕ ﺍﻭﮔﻊ
ﺣﺒﻲ ﺷﺒﻴﺞ ﺧﻠﻲ ﻧﻄﺐ ﻧﺸﻮﻑ ﺷﺼﺎﻳﺮ ﺟﻮﻩ
ﻻ ﺭﻓﻞ ﺍﺧﺎﻑ ﻭﺍﻟﻠﻪ ﺩﺳﻤﻌﻲ ﺍﻟﻌﻴﺎﻁ ﻭﻟﺞ ﺍﻣﻲ ﻻﻻ ﻣﺴﺘﺤﻴﻞ ﺍﻣﻲ ﻣﺎﺑﻴﻬﺎ ﺷﻲ
ﺍﺑﻮﻳﻪ ﻫﻢ ﻻ ﺑﻴﻪ ﻭﻻ ﺑﻲ ﻗﺎﺑﻞ ﺷﻴﺼﻴﺮﻟﻪ ﺍﻟﺼﺒﺢ ﺟﺎﻥ ﻣﺜﻞ ﺍﻟﻮﺭﺩ
ﻣﺤﻤﺪ ﻻ ﺍﻭﻭﻭﻭﻭﻱ ﻫﺎﻱ ﺷﺒﻴﻪ ﻫﺬﺍ ﻋﺎﺭ ﻛﻠﺸﻲ ﻣﻴﺼﻴﺮﻟﻪ ﺍﺳﻢ ﺍﻟﻠﻪ ﻋﻠﻲ
ﺳﻤﺎ ﻛﺎﻓﻲ ﺷﺨﻄﺘﻲ ﺗﻌﺎﻟﻲ ﻧﻄﺐ ﻭﻧﺸﻮﻑ ﺷﻨﻮ ﺍﻟﺴﺎﻟﻔﻪ ﺭﺍﺡ ﻧﻈﻞ ﺏ ﺍﻟﺒﺎﺏبيج قصص عراقيه حقيقيه من واقعنا.روعه الطائي
ﺩﻓﻌﺘﻨﻲ ﺭﻓﻞ ﺣﻴﻞ ﻭﻛﻮﻩ ﻃﺒﻴﺖ ﻟﻠﺒﻴﺖ
ﻭﺍﺷﻮﻑ ﻧﺴﻮﺍﻥ ﻣﻨﻄﻘﺘﻨﻪ ﻭﺍﻡ ﺭﻓﻞ ﻭﺧﺎﻻﺗﻲ ﻭﻋﻤﺎﺗﻲ ﺩﺍﻳﺮ ﻣﺪﺍﻳﺮ ﺍﻣﻲ ﻳﺒﺠﻦ ﻭﺍﻣﻲ ﺗﻠﻄﻢ ﻭﺧﺪﻭﺩﻫﺎ ﻣﺸﺮﻣﺨﻪ ﻭﻭﺟﻬﻪ ﺩﻡ
ﺭﻛﻀﺖ ﻋﻠﻴﻬﺎ ﻭﺫﺑﻴﺖ ﺍﻟﺠﻨﻄﻪ ﺑﺎﻟﺒﺎﺏ ﻣﺎﻣﺎ ﺷﻜﻮ ﺷﺼﺎﻳﺮ ﻣﺤﻤﺪ ﺑﻲ ﺷﻲ ﺍﺧﺘﻲ ﺍﺯﻝ ﺑﻴﻬﺎ ﺷﻲ ﺍﺣﺠﻲ ﻣﺎﻣﺎ ﻟﺨﺎﻃﺮ ﺭﺑﺞ ﺍﺣﺠﻲ
ﻭﻟﺞ ﻣﺎﻣﺎ ﺷﺤﺠﻲ ﺍﺑﻮﺝ ﺭﺍﺡ ﻣﺎﻣﺎ ﺳﻤﺎﻭﻱ ﺣﺒﻴﺐ ﮔﻠﺒﺞ ﺭﺍﺡ ﺳﻨﺪﻧﻪ ﻭﺣﺰﺍﻡ ﺿﻬﺮﻧﻪ ﺭﺍﺡ
ﻫﻲ ﮔﺎﻟﺖ ﻫﻴﺞ ﻭﻣﺎ ﺣﺴﻴﺖ ﺇﻻ ﺍﻧﻲ ﺑﺎﻟﻐﺮﻓﻪ ﻭﻓﻮﮒ ﺭﺍﺳﻲ ﺍﺯﻝ ﻭﺭﻓﻞ
ﮔﻤﺰﺕ ﺷﻔﺘﻬﻦ ﻳﺒﺠﻦ
ﺷﺒﻴﺠﻦ ﻫﻴﻴﻲ ﺍﻧﻲ ﺟﻨﺖ ﺍﺣﻠﻢ ﻣﻮ
ﺍﻱ ﺍﻱ ﺟﻨﺖ ﺍﺣﻠﻢ
ﺯﻳﻦ ﻟﻴﺶ ﺗﺒﺠﻦ ﺍﻧﻲ ﺟﻨﺖ ﺍﺣﻠﻢ ﻭﺗﺨﺒﻠﺖ ﻭﺑﺠﻴﺖ ﺍﻧﺘﻦ ﺷﺒﻴﺠﻦ
ﻣﺤﺪ ﻳﺠﺎﻭﺏ
ﺍﺯﻝ ﺍﺯﻭﻟﺘﻲ ﻳﺮﻭﺣﻲ ﺟﺎﻭﺑﻴﻨﻲ ﺑﺎﺑﺎ ﺑﻲ ﺷﻲ
ﺑﺠﺖ ﻭﻛﺎﻣﺖ ﺗﺼﻴﺢ ﻭﻟﻚ ﺑﺎﺑﺎ ﻭﻳﻦ ﻋﻔﺘﻨﻪ ﺍﻟﻤﻦ ﻋﻔﺘﻨﻪ ﺑﺎﺑﺎ
ﺻﺤﺖ ﻻﺍﺍﺍﺍ ﻧﺰﻟﺖ ﺍﺭﻛﺾ ﻣﻦ ﺍﻟﺪﺭﺝ
ﺷﻔﺖ ﺍﻟﺒﻴﺖ ﻣﻠﻴﺎﻥ ﻧﺴﻮﺍﻥ ﻭﺍﻣﻲ ﺻﺎﻓﻨﻪ ﺣﺘﻰ ﻣﺘﺮﻣﺶ
ﻣﺎﻣﺎ ﻳﺮﻭﺣﻲ ﻣﺎﻣﺎ ﺟﺎﻭﺑﻴﻨﻲ ﺻﺪﻙ ﻫﺎﻟﺤﺠﻲ
ﺍﻟﻠﻪ ﻋﻠﻴﭻ ﮔﻮﻟﻲ ﺩﺍ ﻧﺘﺸﺎﻗﻰ ﻭﻳﺎﭺ
ﻭﺍﻟﻠﻪ ﻣﺎ ﺍﺯﻋﻞ ﻋﻠﻴﻜﻢ ﺑﺲ ﮔﻮﻟﻲ ﻧﺘﺸﺎﻗﻰ
ﻫﺴﻪ ﻳﺠﻲ ﺑﺎﺑﺎ ﻫﺬﺍ ﻭﻗﺖ ﺟﻴﺘﻪ
ﻫﺎﺝ ﺷﻮﻓﻲ ﻭﺍﺷﺮﺕ ﻉ ﺍﻟﺒﺎﺏ
ﻋﺎﻳﻨﻲ ﻭﺍﻟﻠﻪ ﻫﺴﻪ ﻳﻄﺐ ﻣﻨﺎ ﻟﺘﺒﺠﻴﻦ ﻫﺴﻪ ﺗﺸﻮﻓﻲ ﺟﺎﻱ ﻭﺑﻴﺪﻩ ﺍﻟﻤﺴﻮﺍﮒ ﻭﻳﮕﻠﺞ ﺍﻟﻠﻪ ﻳﺴﺎﻋﺪﺝ ﺍﻡ ﺟﻬﺎﻟﻲ ﻣﺜﻞ ﻛﻞ ﻳﻮﻡ
ﻣﺎﻣﺎ ﺷﺒﻴﺞ ﻭﺍﺧﺾ ﺑﻴﻬﺎ ﻣﺎﻣﺎ ﺍﺣﺠﻲ ﻓﺪﻭﻩ ﻣﺎﻣﺎ
ﻣﺎﻛﻮ ﻓﺎﻳﺪﻩ ﺍﺗﻤﻨﻰ ﻫﺬﺍ ﺣﻠﻢ ﺑﺲ ﻟﻸﺳﻒ ﻫﺬﺍ ﻭﺍﻗﻊ ﻭﺍﺑﻮﻳﻪ ﺭﺍﺡ
ﺍﻟﻴﻮﻡ ﺍﻟﺼﺒﺢ ﺟﺎﻧﺖ ﺍﺧﻴﺮ ﺑﻮﺳﻪ ﻭﻳﺎ
ﺍﻟﻴﻮﻡ ﺍﺧﻴﺮ ﻣﺮﻩ ﺍﺣﺎﺟﻲ ﻭﺍﺧﻴﺮ ﻣﺮﻩ ﺍﺣﻀﻨﻪ
ﺍﻟﻴﻮﻡ ﺟﺎﻥ ﺍﺧﻴﺮ ﻳﻮﻡ ﺍﺳﻤﻊ ﻣﻨﻪ ﻛﻠﻤﺔ ﺍﻣﻴﺮﺗﻲ
ﺷﻠﻮﻥ ﺭﺍﺡ ﻭﻟﻴﺶ ﺭﺍﺡ ﻣﺎ ﺍﻋﺮﻑ ﻛﻠﺸﻲ ﻣﺎﺑﻲ ﻳﺎ ﻧﺎﺱ ﻋﻠﻰ ﺳﺎﻋﻪ ﺑﺎﻟﺸﻐﻞ ﻟﺰﻡ ﻛﻠﺒﻪ ﻭﺳﻠﻢ ﺍﻣﺮﻩ ﻟﺮﺏ ﺍﻟﻌﺎﻟﻤﻴﻦ ﺣﺘﻰ ﻣﺎ ﻟﺤﮕﻮﺍ ﻳﻨﻘﻠﻮﺍ ﻟﻠﻤﺴﺘﺸﻔﻰ
ﺭﺑﻲ ﻟﻴﺶ ﻣﺎﻋﺪﻧﻪ ﻏﻴﺮﻩ ﻣﻨﻮ ﺍﻟﻨﻪ ﺑﻌﺪ ﺭﺑﻲ ﻓﺪﻭﻩ ﻟﻴﺶ ﻣﺎ ﺭﺣﻤﺖ ﺑﺤﺎﻟﻨﻪ ﺍﺳﺘﻐﻔﺮ ﺍﻟﻠﻪ ﺳﺎﻣﺤﻨﻲ ﺍﻟﻬﻲ ﻻ ﺍﻋﺘﺮﺍﺽ ﻋﻠﻰ ﺍﻣﺮﻙ ﺑﺲ ﻫﺬﺍ ﺍﻟﻐﺎﻟﻲ
ﻣﺮﺕ ﺍﺳﻮﺀ ٣ ﺍﻳﺎﻡ ﺑﺤﻴﺎﺗﻲ ﺍﻟﺒﻴﺖ ﻭﺣﺸﻪ ﻭﺿﻠﻤﻪ ﺑﺪﻭﻥ ﺑﺎﺑﺎ
ﺑﺲ ﺑﺠﻲ ﻭﺻﻴﺎﺡ ﻭﻧﻌﻲ ﻻ ﻧﺸﺘﻬﻲ ﻧﺎﻛﻞ ﻻ ﻧﺸﺘﻬﻲ ﻧﺸﺮﺏ ﺣﺘﻰ ﻣﺤﺪ ﻳﮕﺪﺭ ﻳﺤﺠﻲ ﻛﻠﻤﻪ
ﺑﻨﺎﺕ ﺧﺎﻟﺘﻲ ﺍﻟﻠﻪ ﻳﻨﻄﻴﻬﻢ ﺍﻟﻌﺎﻓﻴﻪ ﻟﺰﻣﻮﺍ ﺍﻟﻔﺎﺗﺤﻪ ﻭﺍﻟﻄﺒﺦ
ﺍﺧﻮﻳﻪ ﻣﺤﻤﺪ ﺷﺒﻪ ﻧﻬﺎﺭ ﻇﻞ ﺣﺎﺑﺲ ﻧﻔﺴﻪ ﺑﺎﻟﻐﺮﻓﻪ ﻭﻳﺪﺧﻦ ﻭﺍﻟﻔﺎﺗﺤﻪ ﻫﻴﺞ ﻛﻀﺎﻫﺎ ﺑﺲ ﻳﻮﻛﻒ ﻭﻳﺎ ﺍﻟﺰﻟﻢ ﻭﻳﺮﺟﻊ ﻟﻠﺒﻴﺖ ﻟﻐﺮﻓﺘﻪ
ﺧﻠﺼﺖ ﺍﻟﻔﺎﺗﺤﻪ ﻭﻣﺎﻣﺎ ﻛﻌﺪﺗﻨﻪ ٥ ﻳﻮﻡ ﻣﻦ ﺍﻟﻨﻮﻡ ﺍﻟﺼﺒﺢ
ﻣﺎﻣﺎ ﺳﻤﺎ ﻛﻌﺪﻱ ﻣﺎﻣﺎ
ﻛﻤﺰﺕ ﺷﻜﻮ ﻣﺎﻣﺎ ﺻﺎﻳﺮ ﺷﻲ
ﺍﺳﻢ ﺍﻟﻠﻪ ﺑﻨﻴﺘﻲ ﺷﻴﺼﻴﺮ ﻳﻌﻨﻲ ﺷﺒﻴﺞ ﺧﺘﺮﻋﺘﻲ
ﻃﺒﻌﺎ ﺻﺎﺭﺕ ﺑﻴﻪ ﺧﻮﻓﻪ ﻣﻦ ﺍﻗﻞ ﺷﻲ ﺍﺧﺎﻑ ﻻ ﺍﻧﺎﻡ ﻭﺍﮔﻌﺪ ﻭﻫﻢ ﺍﻓﻘﺪ ﻭﺍﺣﺪ ﻣﻦ ﺍﻫﻠﻲ ﺑﻌﺪ ﻣﺎﺑﻴﻪ ﺍﺗﺤﻤﻞ ﺻﺪﻣﻪ ﺟﺪﻳﺪﻩ
ﻻﻣﺎﻣﺎ ﻣﺎﻛﻮ ﺷﻲ ﺑﺲ ﻣﻮ ﻋﻮﺍﻳﺪﺝ ﺗﻜﻌﺪﻳﻨﻲ ﻫﻴﺞ ﻭﻗﺖ
ﺍﻱ ﻣﺎﻣﺎ ﺍﺭﻳﺪ ﺍﺣﺎﺟﻴﺞ ﻛﻌﺪﻱ ﺍﺯﻝ ﻭﺗﻌﺎﻟﻲ ﺟﻮﻩ ﺑﺎﻟﺼﺎﻟﻮﻥ
ﻛﻌﺪﺕ ﺍﺯﻝ ﻭﻏﺴﻠﻨﻪ ﻭﻧﺰﻟﻨﻪ
ﺍﻛﻌﺪﻭﺍ ﻣﺎﻣﺎ ﺍﺭﻳﺪ ﺍﺣﺎﺟﻴﻜﻢ
ﺍﺳﻤﻌﻮﻧﻲ ﻣﺎﻣﺎ ﺍﻟﺼﺎﺭ ﺻﺎﺭ ﻭﻛﻠﻨﻪ ﻋﻠﻰ ﻫﺬﺍ ﺍﻟﻄﺮﻳﻖ
ﺍﺑﻮﻛﻢ ﺻﺢ ﺭﺍﺡ ﺑﺲ ﺭﻭﺣﻪ ﻭﻳﺎﻧﻪ ﻫﺬﺍ ﺍﻟﻮﺿﻊ ﻣﻴﺮﺿﻲ ﻳﺮﻳﺪﻛﻢ ﺗﺮﺟﻌﻮﻥ ﻟﺪﺭﺍﺳﺘﻜﻢ ﻟﺤﻴﺎﺗﻜﻢ
ﻣﺎﻣﺎ ﺍﻧﻲ ﺿﻌﻴﻔﻪ ﺑﺲ ﺑﻴﻜﻢ ﺍﺻﻴﺮ ﺍﻗﻮﻯ ﻣﻦ ﺍﻟﻒ ﺭﺟﺎﻝ
ﺍﻧﺘﻮ ﻭﺍﺧﻮﻛﻢ ﺳﻨﺪﻱ ﺑﻬﺎﻱ ﺍﻟﺪﻧﻴﺎ ﻣﻦ ﺑﻌﺪ ﺍﺑﻮﻛﻢ ﺍﻟﻠﻪ ﻳﺮﺣﻤﻪ
ﻟﺬﺍﻟﻚ ﻣﺎﻣﺎ ﻣﺎ ﺍﺭﻳﺪ ﺗﻜﺴﺮﻭﻧﻲ ﺭﺟﻌﻮﺍ ﺩﺭﺳﻮﺍ ﻭﺗﺨﺮﺟﻮﺍ ﻭﺻﻴﺮﻭﺍ ﺍﺣﺴﻦ ﺍﻟﻨﺎﺱ
ﺍﺭﻳﺪ ﺍﻟﻌﺎﻟﻢ ﺗﻜﻮﻝ ﺑﻌﺪﻳﻦ ﻭﺍﻟﻨﻌﻢ ﻣﻦ ﺗﺮﺑﻴﺔ ﻏﻴﺎﺙ
ﺑﺠﻴﻨﻪ ﻭﺣﻀﻨﺎﻫﺎ
ﻛﻤﺖ ﺑﺪﻟﺖ ﻭﺧﺎﺑﺮﺕ ﺍﻟﺨﻂ ﻳﺠﻲ ﻋﻠﻲ ﻭﺣﻀﺮﺕ ﻛﺘﺒﻲ
ﺍﺯﻭﻟﻪ ﻫﺎﻱ ﺍﺧﻴﺮ ﺳﻨﻪ ﺍﻟﺞ ﺑﺎﻟﺠﺎﻣﻌﻪ ﺷﺪﻱ ﺣﻴﻠﺞ ﻭﻓﺮﺣﻲ ﻣﺎﻣﺎ
ﺳﻤﺎ ﻣﺎ ﻇﻠﺖ ﻓﺮﺣﻪ ﺑﻌﺪ ﺑﺎﺑﺎ
ﺣﻴﺎﺗﻲ ﺯﻭﺯﻩ ﺍﻟﺤﻴﺎﺓ ﺗﻤﺸﻲ ﻣﺠﺒﻮﺭﻳﻦ ﻋﻠﻰ ﺍﻟﻮﺍﻗﻊ ﻣﺎ ﺑﻴﺪﻧﻪ ﺷﻲ
ﻧﺰﻟﻨﻪ ﺩﻧﻄﻠﻊ ﻣﺎﻣﺎ ﻛﺎﻟﺖ ﻭﻳﻦ ﺗﺮﻳﮕﻮﺍ
ﻭﺍﻟﻠﻪ ﻣﺎﻣﺎ ﻣﺎ ﺍﺷﺘﻬﻲ ﺧﻠﻴﻨﻲ ﺍﺭﻭﺡ
ﻻ ﻣﺎﻣﺎ ﻣﻴﺼﻴﺮ
ﺭﻛﻀﺖ ﺟﺎﺑﺖ ﻟﻔﺘﻴﻦ ﺻﻐﺎﺭ ﻭﻳﺎﻫﻦ ﻛﻼﺻﻴﻦ ﺣﻠﻴﺐ
ﻳﻼ ﮔﺪﺍﻣﻲ ﺍﻛﻠﻮﺍ ﺍﻟﻠﻔﺎﺕ ﻭﺷﺮﺑﻮﺍ ﺍﻟﺤﻠﻴﺐ ﻳﻼ ﺗﻄﻠﻌﻮﻥ
ﺍﻛﻠﺖ ﺍﻟﻠﻔﻪ ﺑﺎﻟﻜﻮﻩ ﻭﺷﺮﺑﺖ ﺍﻟﺤﻠﻴﺐ ﻭﻃﻠﻌﺖ
ﺻﻌﺪﺕ ﺑﺎﻟﺨﻂ ﻭﺳﻠﻤﺖ ﻋﻠﻰ ﺭﻓﻞ
ﺣﻴﺎﺗﻲ ﺳﻤﺎﻭﻱ ﻭﻋﻠﻴﻜﻢ ﺍﻟﺴﻼﻡ ﻭﺍﻟﻠﻪ ﻃﺮﺕ ﻓﺮﺡ ﻣﻦ ﻋﺮﻓﺖ ﺭﺍﺡ ﺗﺪﺍﻭﻣﻴﻦ ﺍﻟﻴﻮﻡ ﻗﻮﻱ ﮔﻠﺒﺞ ﻭﺳﻠﻤﻲ ﺍﻣﺮﺝ ﻟﺮﺏ ﺍﻟﻌﺎﻟﻤﻴﻦ ﻭﺍﺩﻋﻴﻠﻪ ﻣﻴﻔﻴﺪﻩ ﺷﻲ ﻏﻴﺮ ﺍﻟﺪﻋﺎﺀ ﺍﻟﺪﻣﻮﻉ ﻭﺍﻟﺤﺰﻥ ﻣﺘﺮﺟﻊ ﺍﻟﺮﺍﺡ
ﺑﺠﻴﺖ ﻭﺩﻧﺠﺖ
ﺭﺣﺖ ﻟﻠﻤﺪﺭﺳﻪ ﻭﻛﻮﻩ ﻛﺎﻋﺪﻩ ﻉ ﺍﻋﺼﺎﺑﻲ ﻭﺍﺧﻴﺮﺍ ﺍﻧﺘﻬﻰ ﺍﻟﺪﻭﺍﻡ
ﺭﺟﻌﺖ ﺍﻭﻝ ﻣﺎ ﻃﺒﻴﺖ ﻟﻠﻔﺮﻉ ﻧﻌﺎﺩ ﺍﻟﺸﺮﻳﻂ ﻣﺎﻝ ﺍﻟﻴﻮﻡ ﺍﻟﻤﺸﺆﻭﻡ ﻛﺪﺍﻣﻲ ﻛﻤﺖ ﺍﺭﺟﻒ ﻻ ﺍﺭﺍﺩﻳﺎ ﺍﻧﺘﺒﻬﺖ ﻋﻠﻴﻪ ﺭﻓﻞ ﻭﻟﺰﻣﺖ ﺍﻳﺪﻱ
ﺣﻴﺎﺗﻲ ﺳﻤﺎﻭﻱ ﺧﻠﻴﺞ ﻗﻮﻳﻪ ﺍﺑﻮﺝ ﻣﻴﻘﺒﻞ ﺑﺎﻟﻲ ﺩﺗﺴﻮﻱ ﺑﺮﻭﺣﺞ
ﺩﻧﻜﺖ ﻭﻧﺰﻟﺖ ﻃﺒﻴﺖ ﻟﻠﺒﻴﺖ ﺍﻟﺒﻴﺖ ﻭﺣﺸﻪ ﺍﺣﺲ ﻛﺄﻧﻮﺍ ﻣﻘﺒﺮﻩ ﻟﻮ ﻏﺎﺑﻪ ﻣﺎﻝ ﺭﻋﺐ ﻛﻞ ﺯﺍﻭﻳﻪ ﺑﻲ ﺗﺬﻛﺮﻧﻲ ﺑﺸﻲ
ﺳﻠﻤﺖ ﻉ ﻣﺎﻣﺎ ﻭﺿﻠﻴﺖ ﻛﺎﻋﺪﻩ ﻭﻳﺎﻫﺎ ﺣﺘﻰ ﻻ ﺗﺤﺲ ﺑﺎﻟﻮﺣﺸﻪ
ﻣﺎﻣﺎ ﻛﻮﻣﻲ ﺑﺪﻟﻲ ﻭﻏﺴﻠﻲ ﻭﺗﻌﺎﻟﻲ ﺍﺧﺘﺞ ﻉ ﺟﻴﻪ ﺣﺘﻰ ﻧﺘﻐﺪﻩ
ﻣﺎﻣﺎ ﻣﺤﻤﺪ ﻭﻳﻦ
ﻣﺎﻣﺎ ﺑﺎﻟﺸﻐﻞ ﺑﻌﺪﻩ ﻣﺎ ﺭﺟﻊ
ﻣﺎﻣﺎ ﻣﺤﻤﺪ ﻫﻼﻳﺎﻡ ﻣﻌﺎﺟﺒﻨﻲ ﻣﻴﺤﺠﻲ ﻭﻳﺎﻧﻪ ﻭﻻ ﻳﻜﻌﺪ ﻣﻦ ﻭﻓﺎﺓ ﺑﺎﺑﺎ ﻟﻠﻴﻮﻡ ﻭﻓﻮﻙ ﻛﻞ ﻫﺬﺍ ﻣﻨﺸﻮﻓﻪ ﺇﻻ ﺗﺎﻟﻲ ﺍﻟﻠﻴﻞ ﺍﺣﺠﻲ ﻭﻳﺎ ﻭﺷﻮﻓﻲ ﺷﻨﻮ ﺍﻟﺴﺎﻟﻔﻪ
ﻳﺼﻴﺮ ﺧﻴﺮ ﺑﻨﻴﺘﻲ ﻳﺠﻲ ﺍﻟﻴﻮﻡ ﻭﺍﺣﺠﻲ ﻭﻳﺎ
ﻣﺮ ٦ ﺷﻬﻮﺭ ﻭﺍﺣﻨﻪ ﻋﻠﻰ ﻧﻔﺲ ﺍﻟﻮﺿﻊ
ﺍﻧﻲ ﻧﺠﺤﺖ ﻟﻠﺴﺎﺩﺱ ﻭﺍﺧﺘﻲ ﺗﺨﺮﺟﺖ
ﻭﻓﺪ ﻳﻮﻡ ﺍﺧﻮﻳﻪ ﻧﺰﻝ ﻣﻦ ﻏﺮﻓﺘﻪ ﻭﺑﻴﺪﻩ ﺟﻨﻄﻪ ﺻﻐﻴﺮﻩ
ﻫﺎ ﻣﺎﻣﺎ ﻣﺤﻤﺪ ﻭﻳﻦ
ﻭﺍﻟﻠﻪ ﻳﻮﻡ ﺭﺍﺡ ﻟﻠﻌﻤﺎﺭﻩ ﻳﻢ ﺻﺎﺣﺒﻲ ﺍﻏﻴﺮ ﺟﻮ
ﺍﻭﻝ ﺗﺎﻟﻲ ﻣﺎﻣﺎ ﻣﻮ ﻋﻮﺍﻳﺪﻙ
ﻣﺎﻣﺎ ﻣﺨﻨﻮﻙ ﻋﻮﻓﻴﻨﻲ ﺭﺣﻤﻪ ﻟﺮﻭﺡ ﺍﺑﻮﻳﻪ
ﻭﻃﻠﻊ ﻇﻠﺖ ﻣﺎﻣﺎ ﺗﺒﺠﻲ ﻭﺗﮕﻮﻝ ﺍﻟﻮﻟﺪ ﺑﻲ ﺷﻲ ﺣﺎﺳﻪ ﺭﺍﺡ ﻳﺼﻴﺮ ﺷﻲ
ﻳﺮﺑﻲ ﻣﺎﻋﻨﺪﻱ ﺑﻌﺪ ﻏﻴﺮﻩ ﻟﺘﺮﺍﻭﻳﻨﻲ ﺑﻲ ﻣﻜﺮﻭﻩ
ﻭﺭﺍﺡ ﺍﺧﻮﻳﻪ ﻭﺭﺟﻊ ﻭﺭﻯ ﺍﺳﺒﻮﻉ ﻣﺜﻞ ﻣﮕﺎﻝ
ﺑﺲ ﻣﻦ ﺭﺟﻊ ﻣﻦ ﺍﻟﻌﻤﺎﺭﻩ ﺣﺴﻴﺘﻪ ﺗﻐﻴﺮ ﻛﻠﺶ ﮔﺎﻡ ﻳﻐﻠﻂ ﻋﻠﻴﻨﻪ ﻋﻠﻰ ﺍﻗﻞ ﺷﻲ ﻭﻣﺮﺍﺕ ﻟﻮ ﺗﺮﺍﺩﺩﻧﻪ ﻭﻳﺎ ﻳﻀﺮﺑﻨﻪ ﻣﻮ ﻫﺬﺍﻙ ﻣﺤﻤﺪ ﺍﻟﻨﻌﺮﻓﻪ ﺻﺎﺭ ﺷﺨﺺ ﺛﺎﻧﻲ
ﻭﺻﺎﺭﺕ ﺍﻟﺴﻨﻪ ﻣﺎﻟﺖ ﺑﺎﺑﺎ ﻭﺣﺎﻟﻨﻪ ﻣﻦ ﺳﻴﺊ ﺍﻟﻰ ﺍﺳﻮﺀ
ﺍﺑﻦ ﻋﻤﻲ ﺟﺎﻥ ﻣﻌﺠﺐ ﺑﺎﺧﺘﻲ ﻭﺑﻴﻨﻬﻢ ﻣﺮﺍﺳﻼﺕ ﻭﺟﺎﻥ ﻣﻨﺘﻀﺮ ﺗﺨﺮﺟﻬﺎ ﺣﺘﻰ ﻳﺨﻄﺒﻬﺎ ﻭﻣﻦ ﺗﻮﻓﻪ ﺑﺎﺑﺎ ﺍﺟﻞ ﺍﻟﻤﻮﺿﻮﻉ ﻟﺤﺪ ﻣﺘﻄﻠﻊ ﺍﻟﺴﻨﻪ ﻣﺎﻟﺘﻪ
ﻭﻓﻌﻼ ﺑﻌﺪ ﺷﻬﺮﻳﻦ ﻣﻦ ﺩﻭﺭﺕ ﺍﻟﺴﻨﻪ ﻣﺎﻟﺖ ﺑﺎﺑﺎ ﺗﻘﺪﻣﻠﻬﺎ ﻭﺍﺧﻮﻳﻪ ﻭﺍﻓﻖ ﻻﻥ ﺻﺪﻳﻘﻪ ﻭﻳﺤﺒﻪ
ﺗﺰﻭﺟﺖ ﺍﺧﺘﻲ ﺑﻬﺪﻭﺀ ﻣﺎﻗﺒﻠﺖ ﺣﺘﻰ ﺗﻔﺮﺡ ﻻﻥ ﺟﺮﺡ ﺑﺎﺑﺎ ﺑﻌﺪﻩ ﺍﺧﻀﺮ ﻣﺎ ﻃﺎﺏ
ﻭﺻﺎﺭ ﺍﻟﺒﻴﺖ ﻭﺣﺸﻪ ﺑﻠﻴﺎﻫﺎ
ﻛﻌﺪﺕ ﻓﺪ ﻳﻮﻡ ﻟﺰﻣﺖ ﻛﻠﺒﻲ
ﻳﺎﺭﺑﻲ ﺷﻨﻮ ﺍﻟﻲ ﺩﻳﺼﻴﺮ ﻟﻴﺶ ﻫﻴﺞ ﮔﻠﺒﻲ ﻳﻮﺟﻌﻨﻲ
ﻧﺰﻟﺖ ﻭﺳﻠﻤﺖ ﻉ ﻣﺎﻣﺎ
ﻣﺎﻣﺎ ﻭﻳﻦ ﻣﺤﻤﺪ ﻃﻠﻊ ﻟﻠﺸﻐﻞ
ﻻ ﺑﻨﻴﺘﻲ ﺍﻟﺒﺎﺭﺣﻪ ﺑﻠﻠﻴﻞ ﻓﺎﻳﺖ ﻭﻗﺖ ﺭﺍﺡ ﻟﻠﻌﻤﺎﺭﻩ ﻳﻢ ﺻﺎﺣﺒﻪ ﻣﺪﺭﻱ ﺷﻌﻨﺪﻩ ﻫﺎﻟﻔﺘﺮﻩ ﻫﻨﺎﻙ
ﻳﺎ ﻣﺎﻣﺎ ﺷﻠﻮﻥ ﺗﺨﻠﻲ ﻳﺮﻭﺡ ﻟﻠﻌﻤﺎﺭﻩ ﺑﻬﻴﺞ ﺍﻭﺿﺎﻉ ﻭﺑﻬﻴﺞ ﻭﻗﺖ
ﺷﺴﻮﻳﻠﻪ ﻳﺎ ﺑﻨﻴﺘﻲ ﻣﺤﻤﺪ ﻣﺎﻋﺎﺩ ﻣﺤﻤﺪ ﺍﻟﻘﺪﻳﻢ ﺍﻟﻴﺎﺧﺬ ﺧﺎﻃﺮﻱ ﻭﻳﺴﻤﻊ ﻛﻠﻤﺘﻲ ﺷﻮﻓﺖ ﻋﻴﻨﺞ ﺻﺎﺭ ﻋﺎﻕ
ﺷﺒﻜﺘﻬﺎ ﻭﺑﺴﺘﻬﺎ
ﻣﺎﻣﺎ ﻭﻻ ﻳﻬﻤﺞ ﺗﺄﺛﺮ ﺑﻤﻮﺕ ﺑﺎﺑﺎ ﻳﺮﺟﻊ ﻟﻌﻘﻠﻪ ﺍﻭﻝ ﻭﺗﺎﻟﻲ
ﻟﻠﻴﻞ ﻧﺪﮔﺖ ﺑﺎﺑﻨﻪ ﺣﻴﻴﻴﻞ ﮔﻤﺰﻧﻪ ﺍﻧﻲ ﻭﻣﺎﻣﺎ ﻭﺧﻔﻨﻪ ﻻﻥ ﻭﺣﺪﻧﻪ ﻭﻣﺤﻤﺪ ﻣﻤﻮﺟﻮﺩ
ﻣﺎﻣﺎ ﺻﺎﺣﺖ ﻣﻦ ﻭﺭﻯ ﺍﻟﺒﺎﺏ ﻣﻨﻮﻭﻭ
ﻭﺍﺣﺪ ﺟﺒﻴﺮ ﺻﻮﺗﻪ ﺧﺸﻦ ﮔﺎﻝ ﻣﺤﻤﺪ ﻣﻮﺟﻮﺩ
ﻣﺤﻤﺪ ﻣﺎﻫﻮ ﺑﺎﻟﻌﻤﺎﺭﻩ ﺧﻮﻳﻪ
ﺍﻓﺘﺤﻲ ﺍﻟﺒﺎﺏ ﺍﺧﺘﻲ ﺍﺭﻳﺪ ﺍﻓﺘﺶ ﺍﻟﺒﻴﺖ ﺍﺗﺄﻛﺪ
ﺷﻜﻮ ﺷﺼﺎﻳﺮ ﻭﻟﻴﺶ ﺗﻔﺘﺶ ﺍﻟﺒﻴﺖ ﻣﻨﻮ ﺣﻀﺮﺗﻚ
ﺍﻓﺘﺤﻲ ﺧﻮﻳﻪ ﻻ ﺍﻓﻀﺤﻜﻢ ﺑﺎﻟﻤﻨﻄﻘﻪ ﺍﺑﻨﺞ ﻛﺘﻞ ﺍﺑﻨﻪ ﻭﺷﺮﺩ
ﻧﺼﺪﻣﻨﻪ ﻣﻦ ﺍﻟﺤﺠﻲ ﺍﻟﺴﻤﻌﻨﺎ
ﻣﺎﻣﺎ ﺧﺎﻓﺖ ﻭﻓﺘﺤﺖ ﺍﻟﺒﺎﺏ
ﺭﺟﺎﻝ ﺟﺒﻴﺮ ﮔﺎﻝ ﺑﺲ ﺍﻧﺘﻮ
ﻣﺎﻣﺎ ﮔﺎﻟﺖ ﺍﻱ ﺍﻧﻲ ﻭﺑﻨﺘﻲ
ﺻﺎﺡ ﻭﺍﺣﺪ ﺍﺳﻤﻪ ﺍﻣﻴﺮ ﮔﻠﻪ ﺗﻌﺎﻝ ﻭﻳﺎﻳﻪ ﻭﺍﻧﺘﻮ ﻇﻠﻮﺍ ﺑﺮﻯ ﺍﻟﺒﻴﺖ ﻣﺎﺑﻲ ﻣﺤﺮﻡ ( ﻣﺎﺑﻲ ﺭﺟﺎﻝ )
ﻃﺒﻮﺍ ﻓﺘﺸﻮﺍ ﻭﻃﻠﻌﻮﺍ
ﻣﺎﻣﺎ ﺷﻜﻮ ﺷﺼﺎﻳﺮ ﺍﺧﻮﻳﻪ ﺷﻤﺴﻮﻱ ﺷﻨﻮ ﻳﻜﻮﻝ ﻫﺬﺍ ﻛﺎﺗﻞ ﺍﺑﻨﻪ
ﻳﻤﻪ ﻣﺪﺭﻳﻨﻲ ﺟﻴﺒﻲ ﺍﻟﻤﻮﺑﺎﻳﻞ ﺧﻠﻲ ﺍﺗﺼﻞ ﺑﻲ
ﺟﺒﺖ ﺍﻟﻤﻮﺑﺎﻳﻞ ﻟﻤﺎﻣﺎ ﺧﺎﺑﺮﺕ ﻣﻐﻠﻖ
ﻇﻠﻴﻨﻪ ﺳﻬﺮﺍﻧﻴﻦ ﻋﻠﻰ ﺍﻣﻞ ﻣﻜﺎﻟﻤﻪ ﻣﻦ ﻣﺤﻤﺪ ﻳﺸﺮﺣﻠﻨﻪ ﺑﻴﻬﺎ ﺍﻟﺼﺎﺭ
.............. ﺍﻟﻌﻤﺎﺭﻩ ( ﻣﻴﺴﺎﻥ ) ..................
ﮔﻌﺪﺕ ﻣﻦ ﺍﻟﻨﻮﻡ ﺑﺎﻟﺴﺘﻪ ﻛﺎﻟﻌﺎﺩﻩ ﻻﻥ ﺍﻟﺪﻳﻮﺍﻥ ﻭﻃﻼﻳﺒﻪ ﺑﺮﺍﺳﻲ ﻣﻦ ﺑﻌﺪ ﻭﻓﺎﺓ ﺟﺪﻱ ﺍﻟﻠﻪ ﻳﺮﺣﻤﻪ
ﻧﺰﻟﺖ ﺑﺴﺖ ﺭﺍﺱ ﺍﻣﻲ
ﻳﻮﻡ ﻏﻴﺚ ﻭﻳﻦ
ﻭﺍﻟﻠﻪ ﻳﻤﻪ ﺭﺟﻊ ﺍﻟﻔﺠﺮ ﻭﺣﺎﻟﻪ ﻣﻮ ﻃﺒﻴﻌﻲ ﻭﺻﻌﺪ ﻧﺎﻡ
ﻛﻤﺖ ﻣﻦ ﺍﻣﻲ ﺍﺳﺘﻐﻔﺮ ﺭﺑﻲ
ﻫﺎﻟﻮﻟﺪ ﺭﺍﺡ ﻳﻨﺰﻝ ﻋﮕﻠﻨﻪ ﺑﺄﻓﻌﺎﻟﻪ
ﺻﻌﺪﺗﻠﻪ ﻧﺎﻳﻢ ﻉ ﻭﺟﻬﻪ ﻋﺎﻳﻨﺖ ﻟﻠﺠﺮﺑﺎﻳﻪ ﺍﻛﻮ ﻛﻼﺹ ﻣﺎﻱ ﻋﻠﻰ ﺍﻟﻜﻮﻣﺪﻱ ﻟﺒﺼﻔﻬﺎ
ﺍﺧﺬﺕ ﺍﻟﻤﺎﻱ ﻭﺭﺷﻴﺘﻪ ﻉ ﻭﺟﻬﻪ
ﻧﻂ
ﻫﺎﻱ ﺷﻜﻮ ﺷﺒﻴﻚ ﺍﻣﻴﺮ ﺗﺨﺒﻠﺖ
ﺍﻱ ﺗﺨﺒﻠﺖ ﺍﻧﺖ ﺧﺒﻠﺘﻨﻲ ﻟﺨﺎﻃﺮ ﺭﺑﻚ ﻭﻳﻦ ﺩﺗﺮﻭﺡ ﻟﻠﻔﺠﺮﻳﺎﺕ ﻭﺗﺮﺟﻊ ﻭﺟﻬﻚ ﺍﺻﻐﺮ ﮔﻮﻟﻲ ﺷﺪﻳﺼﻴﺮ
ﺷﺪﻳﺼﻴﺮ ﻳﻌﻨﻲ ﺍﺳﻬﺮ ﻭﻳﺎ ﺟﻤﺎﻋﺘﻲ ﻟﻮ ﻣﻤﻨﻮﻉ
ﻳﻮﻝ ﺍﻧﺖ ﺍﺑﻦ ﺷﻴﻮﺥ ﺧﻠﻲ ﻫﺎﻟﺸﻲ ﮔﺪﺍﻡ ﻋﻴﻨﻚ
ﻻ ﺷﻴﻮﺥ ﻭﻻ ﺑﻄﻴﺦ ﺍﻧﻲ ﻣﺎ ﺍﻋﺘﺮﻑ ﺑﻬﺎﻟﺴﻮﺍﻟﻒ ﺍﻫﻢ ﺷﻲ ﺭﺍﺣﺘﻲ ﻭﻭﻧﺴﺘﻲ
ﻃﻠﻌﺖ ﻭﺍﻧﻲ ﺍﻛﻠﻪ ﺍﺭﻳﺪ ﺍﺷﻮﻑ ﺭﺍﺣﺘﻚ ﻭﻭﻧﺴﺘﻚ ﻭﻳﻦ ﺗﻮﺻﻠﻚ ﺗﺎﻟﻲ
ﻧﺰﻟﺖ ﺗﺮﻳﻜﺖ ﻭﺑﺪﻩ ﺍﻟﺒﻴﺖ ﻳﻌﺞ ﺑﺎﻟﻨﺎﺱ
ﻃﺒﻌﺎ ﻋﻨﺪﻱ ٤ ﺧﻮﺍﺕ ﻣﺘﺰﻭﺟﺎﺕ
ﻭﻭﺣﺪﻩ ﺻﻐﻴﺮﻩ ﻋﻤﺮﻫﺎ ١٩ ﻣﻤﺘﺰﻭﺟﻪ
ﻭﺍﺧﻮﺍﻥ ﺛﻨﻴﻦ ﺍﻛﺒﺮ ﻣﻨﻲ ﻣﺘﺰﻭﺟﻴﻦ
ﻭﻏﻴﺚ ﺍﺑﻮ ﺍﻟﻤﺸﺎﻛﻞ ﺍﺻﻐﺮ ﻣﻨﻲ ﻭﺍﻧﻲ ﻣﻤﺘﺰﻭﺟﻴﻦ
ﺑﻴﺘﻪ ﺑﻴﺖ ﺍﻟﻌﺎﺋﻠﻪ ﺑﻲ ﻳﻠﺘﻘﻮﻥ ﺍﻟﻌﻤﺎﺕ ﻭﺑﻨﺎﺕ ﺍﻟﻌﻢ ﻭﻛﻞ ﺍﻻﻗﺎﺭﺏ
ﺧﻠﺼﺖ ﺭﻳﻮﻙ ﻭﮔﻠﺖ ﻳﺎ ﺍﻟﻠﻪ
ﻭﻳﻦ ﻳﺒﻌﺪ ﺍﻣﻚ ﺑﻌﺪ ﻭﻛﺖ
ﻻ ﺣﺠﻴﻪ ﻫﻢ ﻳﺎﺍﻟﻠﻪ ﻫﺴﻪ ﺍﻟﺒﻴﺖ ﻳﺼﻴﺮ ﻫﻮﺳﻪ ﻭﻣﺎﻟﻲ ﺧﻠﻚ ﺍﻟﻨﺴﻮﺍﻥ ﻭﻃﻼﻳﺒﻬﻢ
ﺑﺴﺖ ﺭﺍﺳﻬﺎ ﻭﻃﻠﻌﺖ
ﻛﻤﻞ ﺍﻟﻴﻮﻡ ﻭﺻﺎﺭﺕ ﺏ٧ ﺑﻠﻠﻴﻞ
ﮔﺎﻋﺪ ﻭﻳﺎ ﺍﺑﻮﻳﻪ ﻭﻋﻤﺎﻣﻲ ﺑﺎﻟﺪﻳﻮﺍﻥ ﻭﺍﺟﻪ ﺍﺑﻦ ﻋﻤﻲ ﻳﺮﻛﺾ ﻭﻭﺟﻬﻪ ﺍﺣﻤﺮ
ﻛﻤﺰﺕ ﺧﻴﺮ ﺷﺼﺎﻳﺮ ﻟﻴﺶ ﻫﺎﻟﻌﺠﻠﻪ
ﻭﻟﻚ ﺍﻣﻴﺮ ﺍﻟﺤﮓ ﺍﺧﻮﻙ ﻏﺮﮔﺎﻥ ﺑﺪﻣﻪ ﻟﻮ ﺗﻠﺤﮓ ﻟﻮﻻ
ﺭﻛﻀﻨﻪ ﻟﻠﻤﺴﺘﺸﻔﻰ ﻭﺻﻠﻨﻪ ﻣﺘﺄﺧﺮﻳﻦ ﻭﻣﺎ ﻟﺤﮕﻨﻪ ﻋﻠﻰ ﺍﺧﻮﻳﻪ ﻭﻣﺎﺕ
ﺍﺟﻴﺖ ﻳﻢ ﺭﺍﺳﻪ ﻣﻐﻤﺾ ﻋﻴﻮﻧﻪ
ﻭﻟﻚ ﻏﻴﺚ ﻳﺨﻮﻱ ﺍﮔﻌﺪ ﻻ ﺍﺭﺷﻚ ﺑﮕﻼﺹ ﻣﺎﻱ ﻣﺜﻞ ﺍﻟﺼﺒﺢ
ﻏﻴﺚ ﺟﺎﻭﺑﻨﻲ ﻭﺍﻫﺰ ﺑﻲ
ﻭﻋﻴﺖ ﻋﻠﻰ ﻧﻔﺴﻲ ﻟﻤﻦ ﺣﺴﻴﺖ ﺩﻣﻌﺘﻲ ﺑﻠﻠﺖ ﺍﻳﺪﻱ ﻭﻫﺎﻱ ﺛﺎﻧﻲ ﻣﺮﻩ ﺗﻮﮔﻊ ﺩﻣﻌﻪ ﻣﻨﻲ ﺑﻌﺪ ﻭﻓﺎﺓ ﺟﺪﻱ ﺍﻟﻠﻪ ﻳﺮﺣﻤﻪ
ﻃﻠﻌﺖ ﻭﺍﺑﻮﻳﻪ ﻭﻋﻤﺎﻣﻲ ﻭﻭﻟﺪ ﻋﻤﻲ ﻣﻠﺘﻬﻤﻴﻦ ﻭﻭﺟﻬﻢ ﻳﻨﻄﻲ ﺍﻟﻮﺍﻥ
ﻭﻛﻠﺖ ﻭﻟﺪ ﻋﻤﻲ ﻳﻜﻤﻠﻮﻥ ﺍﺟﺮﺍﺋﺎﺕ ﺍﻟﻤﺴﺘﺸﻔﻰ ﻭﺍﺧﺬﺕ ﺍﺑﻮﻳﻪ ﻭﻋﻤﺎﻣﻲ ﻭﻭﻟﺪ ﻣﻦ ﺍﻟﻌﺸﻴﺮﻩ ﻭﻃﻠﻌﺖ
ﺭﻛﺒﻨﻪ ﺍﻟﺴﻴﺎﺭﺍﺕ ﻭﮔﺘﻠﻬﻢ ﺍﻣﺸﻮﺍ ﻭﺭﺍﻳﻪ ﻭﺍﻧﺘﻮ ﺳﺎﻛﺘﻴﻦ
ﺍﺑﻦ ﻋﻤﻲ ﻭﻳﺎﻳﻪ ﺑﺎﻟﺴﻴﺎﺭﻩ ﮔﺘﻠﻪ
ﺿﺮﻏﺎﻡ ﻭﻳﻦ ﺍﺧﻮﻳﻪ ﻧﻜﺘﻞ ﻭﻣﻨﻮ ﻛﺘﻠﻪ
ﺑﺎﻟﻜﻬﻮﻩ
ﻭﻳﻦ ﺻﺎﻳﺮﻩ
ﻭﺻﻠﻨﻪ ﻧﺰﻟﺖ ﻛﺘﻠﻪ ﺍﺣﺠﻴﻠﻲ ﺷﺼﺎﺭ
ﺟﻨﻪ ﻛﺎﻋﺪﻳﻦ ﻧﺸﺮﺏ ﻧﺮﻛﻴﻠﻪ ﻭﺍﻛﻮ ﻭﻟﺪ ﺍﺳﻤﻪ ﻣﺤﻤﺪ ﺻﺪﻳﻘﻪ ﻻﺧﻮﻙ ﺍﻟﺮﻭﺡ ﺑﺎﻟﺮﻭﺡ ﺑﺲ ﻣﻮ ﻣﻦ ﺍﻟﻌﻤﺎﺭﻩ ﻣﻦ ﺑﻐﺪﺍﺩ ﻳﺠﻲ ﺑﻴﻦ ﻓﺘﺮﻩ ﻭﺍﻟﺜﺎﻧﻴﻪ ﻫﻨﺎ
ﻣﺤﻤﺪ ﺻﺎﺡ ﻏﻴﺚ ﻛﻠﻪ ﺗﻌﺎﻝ ﻧﺤﺠﻲ ﺑﺮﻯ ﻋﻨﺪﻱ ﻛﻠﻤﺘﻴﻦ ﻭﻳﺎﻙ
ﻃﻠﻌﻮﺍ ﻭﺭﻯ ﺭﺑﻊ ﺳﺎﻋﻪ ﺳﻤﻌﺖ ﺍﺻﻮﺍﺕ ﻋﺎﻟﻴﻪ
ﻃﻠﻌﺖ ﻭﺷﻔﺖ ﻣﺤﻤﺪ ﻳﻀﺮﺏ ﻏﻴﺚ ﺑﺒﻄﻨﻪ ﺑﺴﺠﻴﻨﻪ
ﺍﻧﻲ ﻟﺘﻬﻴﺖ ﺑﻐﻴﺚ ﻭﻫﻮ ﻓﺺ ﻣﻠﺢ ﻭﺫﺍﺏ
ﺍﺳﻤﻊ ﻟﻀﺮﻏﺎﻡ ﻭﺍﻧﻲ ﺩﺍﺧﻠﻲ ﻧﺎﺭ ﻳﻐﻠﻲ ﻭﺍﺭﻳﺪ ﺍﻋﺮﻑ ﻟﻴﺶ ﺍﺑﻦ ﺍﻟﺤﺮﺍﻡ ﻛﺘﻞ ﺍﺧﻮﻳﻪ ﺍﺍﺥ ﻟﻮ ﺍﻟﺰﻣﻚ
ﺧﺒﺮﺕ ﺍﻟﺸﺮﻃﻪ ﻋﻦ ﺍﻟﺼﺎﺭ ﻭﻗﺒﻞ ﻻ ﺍﺻﻌﺪ ﺑﺎﻟﺴﻴﺎﺭﻩ ﺭﻣﻴﺖ ﺑﺎﻟﻬﻮﻯ ٤ ﻃﻠﻘﺎﺕ
ﺩﻣﻚ ﻣﻴﺮﻭﺡ ﻫﺪﺭ ﻳﺨﻮﻱ ﻣﺪﺍﻣﻨﻲ ﻋﺎﻳﺶ ﻭﺍﺗﻨﻔﺲ ﺍﻟﻬﻮﻯ
ﺳﺄﻟﺖ ﻋﻦ ﺑﻴﺖ ﻣﺤﻤﺪ ﻭﻧﺪﻟﻴﺘﻪ ﻭﺻﻠﻨﻪ ﻟﺒﻐﺪﺍﺩ
ﺩﮒ ﺍﺑﻮﻱ ﺍﻟﺒﺎﺏ
ﻣﻨﻮﻭﻭ
ﺍﻧﻲ ﻣﺤﻤﺪ ﻣﻮﺟﻮﺩ
ﻻ ﺧﻮﻳﻪ ﺑﺎﻟﻌﻤﺎﺭﻩ
ﺍﺑﻮﻳﻪ ﺗﻨﺎﻗﺶ ﻭﻳﺎ ﺍﻟﻤﺮﻩ ﻭﻗﻨﻌﻬﺎ ﺗﻨﻔﺘﺢ ﺍﻟﺒﺎﺏ
ﻭﺍﻓﺘﻬﻤﺖ ﻫﺎﻱ ﺍﻣﻪ ﻭﺍﺧﺘﻪ ﻭﺑﺲ ﻫﻢ ﺑﺎﻟﺒﻴﺖ ﻣﺤﺪ ﻏﻴﺮﻫﻢ
ﻃﺒﻴﻨﻪ ﺑﺲ ﺍﻧﻲ ﻭﺍﺑﻮﻱ ﻧﻔﺘﺶ ﻋﻦ ﺍﻟﺨﺴﻴﺲ ﻻﻥ ﺍﻟﺒﻴﺖ ﻣﺎﺑﻲ ﻣﺤﺮﻡ
ﺩﻭﺭﻧﻪ ﻣﺎ ﻟﮕﻴﻨﻪ ﺷﻲ ﺑﺲ ﺷﻔﺖ ﺻﻮﺭﺗﻪ ﺑﺎﻟﻐﺮﻓﻪ ﻭﻋﺮﻓﺘﻪ ﻻﻥ ﻣﺎﻛﻮ ﻏﻴﺮﻩ ﻣﺎﻋﻨﺪﻩ ﺍﺧﻮ
ﺣﻔﻈﺖ ﻣﻼﻣﺤﻪ ﺯﻳﻦ ﻭﻃﻠﻌﺖ ﻭﺍﻧﻲ ﻣﺘﺤﻠﻒ ﺍﺧﻠﻲ ﻳﺘﻤﻨﻰ ﺍﻟﻤﻮﺕ ﻭﻣﻴﺤﺼﻠﻪ ﺑﺲ ﺍﻟﺰﻣﻪ ﺍﺍﺍﺥ ﻳﻨﺎﺭ ﮔﻠﺒﻲ
ﺭﺟﻌﻨﻪ ﻟﻠﻌﻤﺎﺭﻩ ﻭﻧﺼﺒﻨﻪ ﺍﻟﻔﺎﺗﺤﻪ ﻋﻤﺎﻣﻲ ﺭﺍﺩﻭﺍ ﻣﻴﻨﺼﺒﻮﻫﺎ ﺇﻻ ﻣﻴﺎﺧﺬﻭﻥ ﺑﺜﺎﺭﻩ ﮔﺘﻠﻬﻢ ﺛﺎﺭﻩ ﻋﻨﺪﻱ ﺳﻮﻭ ﺍﻟﻔﺎﺗﺤﻪ ﻭﺍﻧﺘﻮ ﻣﺮﺗﺎﺣﻴﻦ
ﻛﻤﻠﺖ ﺍﻟﻔﺎﺗﺤﻪ ﻭﺭﺟﻌﻨﻪ ﻟﺒﻐﺪﺍﺩ
ﺭﺣﻨﻪ ﻋﻠﻰ ﻋﻤﻮﻣﺘﻪ ﻻﻥ ﻋﺮﻓﻨﻪ ﻣﺎﻋﻨﺪﻩ ﺍﺣﺪ ﻭﺍﺑﻮ ﻣﻴﺖ
ﺍﺳﺘﻘﺒﻠﻮﻧﻪ ﺍﻟﻨﺎﺱ ﻭﮔﺎﻟﻮﺍ ﺍﻟﺘﺮﺩﻭﺍ ﺍﺣﻨﻪ ﺣﺎﺿﺮﻳﻦ ﺍﻟﻪ ﻣﻦ ﺍﻻﻟﻒ ﻟﻠﻤﻠﻴﺎﺭ
ﺣﺠﻴﺖ ﺍﻧﻲ ﻻﻥ ﺍﻟﺸﻴﺨﻪ ﺍﻟﻲ ﻣﻦ ﺑﻌﺪ ﺟﺪﻱ
ﻓﻠﻮﺳﻜﻢ ﺍﻟﻜﻢ ﻣﺎ ﻳﺒﺮﺩ ﮔﻠﺒﻨﻪ ﻏﻴﺮ ﺍﻟﺪﻡ
ﺣﺠﻪ ﻭﺍﺣﺪ ﺑﻴﻬﻢ ﻳﻤﻌﻮﺩ ﮔﻮﻝ ﻳﺎ ﺍﻟﻠﻪ ﻳﺎﺩﻡ ﻫﺬﺍ
ﺍﻟﻌﻨﺪﻱ ﮔﻠﺘﻪ ﻭﺍﻧﻲ ﺍﺩﺭﻱ ﺑﺎﺑﻨﻜﻢ ﻣﺎﻟﻪ ﺍﺛﺮ ﻭﻣﺎ ﺍﮔﺪﺭ ﺍﻧﺘﻈﺮ ﻟﺤﺪ ﻣﺎ ﻳﻄﻠﻊ ﺭﺍﺳﻪ
ﻟﺬﺍﻟﻚ ﺭﺍﺡ ﺍﺫﻟﻪ ﺑﺎﻫﻠﻪ ﺍﻭﻝ ﻭﻟﻤﻦ ﻳﻘﺪﺭﻧﻲ ﺍﻟﻠﻪ ﻭﺍﻟﺰﻣﻪ ﺍﻧﺴﻲ ﺣﻠﻴﺐ ﺍﻣﻪ ﻟﺮﺿﻌﻪ
ﻋﻤﻪ ﻧﻂ ﺷﺘﻘﺼﺪ
ﺍﻻﻗﺼﺪ ﺑﻲ ﺭﺍﺡ ﺍﺧﺬ ﻭﺣﺪﻩ ﻣﻦ ﺍﻫﻠﻪ ﻓﺼﻠﻴﻪ ﻭﻫﺬﺍ ﺍﻟﺸﻲ ﻣﻴﻐﻨﻴﻨﻲ ﻭﻻ ﻳﺨﻠﻴﻨﻲ ﺍﺻﺮﻑ ﺍﻟﻨﻈﺮ ﻋﻦ ﺩﻣﻪ
ﻛﻠﻬﻢ ﺣﺠﻮﺍ ﺍﻧﺖ ﺷﺘﻜﻮﻝ ﻫﻢ ﺗﺮﻳﺪ ﻓﺼﻠﻴﻪ ﻭﻫﻢ ﺗﻜﺘﻠﻪ
ﻭﺍﻟﻠﻪ ﺍﻟﻌﻨﺪﻱ ﻛﻠﺘﻪ ﻭﺍﺫﺍ ﻣﺎ ﻋﺎﺟﺒﻜﻢ ﻣﻘﺎﺑﻞ ﺩﻡ ﺍﺧﻮﻱ ١٠ ﺯﻟﻢ ﻣﻨﻜﻢ
ﻭﻇﻠﺖ ﺍﺻﻮﺍﺗﻨﻪ ﺗﺘﻌﺎﻟﻰ ﻟﺤﺪ ﻣﺎ ﻳﺄﺳﻮﻭ ﻭﺷﺎﻓﻮﺍ ﻣﺎﻛﻮ ﻧﺘﻴﺠﻪ ﻭﻳﺎﻧﻪ
ﻗﺎﺑﻠﻴﻦ ﺑﺸﺮﻭﻃﻜﻢ ﻋﻤﻲ ﺑﺲ ﺍﻧﻄﻮﻧﻪ ﻣﻬﻠﻪ ﺍﺳﺒﻮﻉ ﻧﺒﻠﻎ ﺍﻫﻠﻪ
ﻛﻤﺖ ﻭﻛﻠﺖ ﺍﻟﻜﻢ ﻫﺎﻟﺸﻲ ﺍﺳﺒﻮﻉ ﻭﺭﺍﺟﻌﻴﻠﻜﻢ
.....
ﺟﻨﺖ ﻛﺎﻋﺪﻩ ﺑﺎﻟﺼﺎﻟﻪ ﻉ ﻧﺎﺭ ﻭﻛﻠﺒﻲ ﻋﻠﻰ ﺍﻳﺪﻱ ﻻﻥ ﻋﺮﻓﺖ ﺍﻫﻞ ﺍﻟﻮﻟﺪ ﺍﻟﻤﺎﺕ ﺍﺟﻮ ﻟﻌﻤﺎﻣﻲ ﻳﺘﻔﺎﺻﻠﻮﻥ ﻭﻳﺎﻫﻢ ﻭﺳﻤﻌﺖ ﻣﻦ ﺍﺧﺘﻲ ﺍﻧﻮ ﻫﺬﻭﻟﻪ ﺍﻫﻞ ﻋﺎﺩﺍﺕ ﻭﺗﻘﺎﻟﻴﺪ ﻭﺍﻟﺪﻡ ﻋﺪﻫﻢ ﺑﺮﺧﺺ ﺍﻟﺘﺮﺍﺏ
ﺩﻙ ﺍﻟﺒﺎﺏ ﻋﻤﻲ ﻭﺍﺑﻨﻪ ﺍﺣﻤﺪ ﺯﻭﺝ ﺍﺧﺘﻲ
ﺭﮔﻀﻨﻪ ﻓﺘﺤﻨﻪ ﺍﻟﺒﺎﺏ
ﻫﺎ ﺧﻮﻳﻪ ﺷﺼﺎﺭ
ﺗﻌﺎﻟﻲ ﺧﻮﻳﻪ ﺍﻡ ﻣﺤﻤﺪ ﮔﻌﺪﻱ ﺍﻧﺘﻲ ﻭﺍﻟﺒﻨﺎﺕ ﻧﮕﻠﻜﻢ ﺑﺤﺠﻴﻬﻢ ﻭﻇﻠﺖ ﻳﻢ ﺍﻟﻠﻪ ﺑﻌﺪ
ﺳﻮﻟﻒ ﻋﻤﻲ ﻭﺍﻧﻲ ﺩﻣﻮﻋﻲ ﺗﺠﺮﻱ ﻉ ﺧﺪﻱ ﺑﺪﻭﻥ ﻣﺎ ﺍﺣﺲ ﻳﺎﺭﺑﻲ ﺷﺪﻳﺤﺠﻲ ﻋﻤﻲ ﺍﻧﻲ ﺍﺭﻭﺡ ﻓﺼﻠﻴﻪ ﻭﻫﻲ ﺷﻨﻮ ﻓﺼﻠﻴﻪ ﻣﺎ ﺍﻋﺮﻑ ﺍﻧﻲ ﻭﺍﺧﻮﻳﻪ ﻫﻢ ﺑﺲ ﻳﻠﺰﻣﻮﺍ ﻳﻜﺘﻠﻮﺍ
ﺭﺑﻲ ﻓﺪﻭﻩ ﺷﺴﻮﻳﻨﻪ ﺑﺪﻧﻴﺎﻧﻪ ﻭﻫﻴﺞ ﺗﺠﺎﺯﻳﻨﻪ ﺍﺳﺘﻐﻔﺮ ﺍﻟﻠﻪ
ﺧﻮﻳﻪ ﺷﺪﺗﺤﺠﻲ ﺍﻧﻲ ﺍﻧﻄﻲ ﺑﻨﺘﻲ ﻓﺼﻠﻴﻪ ﻭﺍﻧﺘﻈﺮ ﻳﻮﻡ ﻳﻮﻡ ﺣﺘﻰ ﺍﺷﻮﻑ ﺍﺑﻨﻲ ﻣﺘﻤﺪﺩ ﮔﺪﺍﻣﻲ ﺑﺎﻟﺠﻔﻦ
ﺧﻴﺘﻲ ﺍﻡ ﻣﺤﻤﺪ ﻣﺎﻋﻨﺪﺝ ﻏﻴﺮ ﻫﺎﻟﺤﻞ ﻟﻮ ﻫﻴﺞ ﻟﻮ ١٠ ﺯﻟﻢ ﺑﻤﻜﺎﻧﻪ ﻭﻳﺎ ﺍﺑﻨﺞ
ﻃﻠﻊ ﻋﻤﻲ ﻭﺍﺧﺘﻲ ﻇﻠﺖ ﻳﻤﻨﻪ ﻣﺎ ﮔﺪﺭﺕ ﺗﻌﻮﻓﻨﻪ ﺑﻬﺎﻟﺤﺎﻝ
ﻇﻠﻴﻨﻪ ﻟﻠﺼﺒﺢ ﮔﺎﻋﺪﻳﻦ ﻧﺒﺠﻲ ﻭﻭﺣﺪﻩ ﺗﻮﺍﺳﻲ ﺍﻟﺜﺎﻧﻴﻪ
ﺍﺟﻴﺖ ﻻﻣﻲ ﻭﮔﺘﻠﻬﺎ
ﻣﺎﻣﺎ ﺍﻧﻲ ﻗﺎﺑﻠﻪ ﺍﺭﻭﺡ ﻓﺼﻠﻴﻪ ﺍﻟﻤﻬﻢ ﻣﺤﺪ ﻳﺘﺄﺫﻩ ﻭﺍﺧﻮﻳﻪ ﺑﻠﻜﺖ ﻣﻴﺠﻲ ﺑﻌﺪ ﺧﻠﻲ ﺑﻌﻴﺪ ﺑﺲ ﺍﻟﻤﻬﻢ ﻋﺎﻳﺶ
ﺑﻨﻴﺘﻲ ﺷﺪﺗﺤﺠﻴﻦ ﺍﻧﺘﻲ ﺗﻌﺮﻓﻴﻦ ﺷﻨﻮ ﻓﺼﻠﻴﻪ
ﻻ ﻣﺎﻣﺎ ﻣﺎ ﺍﻋﺮﻑ ﺷﻨﻮ
ﺑﻨﻴﺘﻲ ﻳﻌﻨﻲ ﺗﺘﺰﻭﺟﻴﻦ ﻭﺍﺣﺪ ﻣﻨﻬﻢ ﻭﻣﻮ ﻣﺜﻞ ﺍﻱ ﺯﻭﺍﺝ ﻻ ﻋﺮﺱ ﻭﻻ ﻣﻬﺮ ﻳﺎﺧﺬﻭﺝ ﺧﺪﺍﻣﻪ ﺍﻟﻬﻢ ﻭﺟﻮﻩ ﺍﻟﺮﺟﻠﻴﻦ ﺗﺼﻴﺮﻳﻦ
ﺳﻤﻌﺖ ﻣﺎﻣﺎ ﻫﻴﺞ ﺣﺠﺖ ﺑﺠﻴﺖ ﻻ ﺍﺭﺍﺩﻳﺎ ﻭﻣﺴﺤﺖ ﺩﻣﻮﻋﻲ
ﻣﺎﻣﺎ ﺍﻗﺒﻞ ﺍﻟﻤﻬﻢ ﻣﺤﺪ ﻳﺘﺄﺫﻩ ﻫﺬﻭﻟﻪ ﻧﺎﺱ ﻣﺸﺮﺍﻧﻴﻦ ﻭﻣﺢ ﻳﺮﺗﺎﺣﻮﻥ ﺇﻻ ﻳﺴﻮﻭﻥ ﺍﻟﻴﺮﻳﺪﻭﺍ
ﺍﻣﻲ ﮔﺎﻣﺖ ﺗﺒﺠﻲ ﻭﺗﺼﻴﺢ ﺭﺑﻲ ﻟﻴﺶ ﺍﺑﻨﻲ ﺿﻴﻊ ﻣﺴﺘﻘﺒﻠﻪ ﻭﻣﺴﺘﻘﺒﻞ ﺍﺧﺘﻪ ﻭﻳﺎ ﻣﻨﻮ ﺍﻟﻲ ﺑﻌﺪ ﻇﻞ ﺍﻟﺒﻴﺖ ﺧﺎﻟﻲ ﻳﺎﺍﺍﺭﺭﺭﺭﺑﻲ
ﺷﺒﮕﺘﻬﺎ ﻭﮔﻤﻨﻪ ﻧﺒﺠﻲ
ﺻﺎﺭ ﺍﺳﺒﻮﻉ ﻭﺭﺟﻌﻮﺍ ﺍﺟﻮ ﺍﻫﻞ ﺍﻟﻮﻟﺪ ﻭﻋﻤﺎﻣﻲ ﺍﻧﻄﻮﻫﻢ ﺧﺒﺮ ﺑﻤﻮﺍﻓﻘﺘﻨﻪ ﺑﺸﺮﻭﻃﻬﻢ
ﺩﺍ ﺍﻟﻢ ﻣﻼﺑﺴﻲ ﻣﺎﻣﺎ ﻟﺰﻣﺖ ﺍﻳﺪﻱ
ﻣﺎﻣﺎ ﻟﺘﺎﺧﺬﻳﻦ ﺷﻲ ﻣﻴﻘﺒﻠﻮﻥ
ﻣﺎﻣﺎ ﺷﻨﻮ ﻳﻌﻨﻲ ﺍﻇﻞ ﺑﻼ ﻣﻼﺑﺲ ﺷﺪﺗﺤﺠﻴﻦ
ﺍﻱ ﺑﻨﻴﺘﻲ ﻫﻢ ﻭﺭﺣﻤﺘﻬﻢ ﺑﻌﺪ
ﺑﺠﻴﺖ ﻭﺷﺒﻜﺖ ﻣﺎﻣﺎ ﻭﺍﺧﺘﻲ
ﺍﺯﻝ ﻣﺎﻣﺎ ﻟﺘﻈﻞ ﻭﺣﺪﻫﺎ ﺗﻌﺎﻟﻲ ﺍﻧﺘﻲ ﻭﺍﺣﻤﺪ ﻋﻴﺸﻲ ﻳﻤﻬﺎ ﻟﺘﺨﻠﻴﻬﺎ ﻭﺣﺪﻫﺎ
ﻟﺘﺸﻴﻠﻴﻦ ﻫﻢ ﺳﻤﺎﻭﻱ ﺍﻧﻲ ﻳﻤﻬﺎ ﺍﻟﻤﻬﻢ ﺍﻧﺘﻲ ﺩﻳﺮﻱ ﺑﺎﻟﺞ ﻋﻠﻰ ﺭﻭﺣﺞ ﻭﺍﻟﻠﻪ ﻳﻜﻮﻥ ﻭﻳﺎﺝ ﻭﻳﺤﻤﻴﺞ ﻣﻨﻬﻢ
ﻃﻠﻌﺖ ﻭﻟﺒﺴﺖ ﺟﺒﻪ ﻭﺷﺎﻝ ﺫﺑﻴﺘﻪ ﻉ ﺭﺍﺳﻲ ﺫﺏ ﻣﺎﻣﺎ ﻃﻠﺒﺖ ﻣﻨﻲ ﻫﻴﺞ ﻭﺇﻻ ﺍﻧﻲ ﻣﺎ ﻣﺤﺠﺒﻪ
ﻓﺘﺤﺖ ﻣﺎﻣﺎ ﺍﻟﺒﺎﺏ ﺻﺎﺭ ﮔﺪﺍﻣﻲ ﻭﻟﺪ ﺍﺳﻤﺮ ﻭﻃﻮﻳﻞ ﻭﻣﻼﻣﺤﻪ ﺣﺎﺩﻩ ﻋﺎﻗﺞ ﻭﺟﻬﻪ ﻭﻳﻌﺎﻳﻦ ﻋﻠﻰ ﻣﺎﻣﺎ
ﺍﻣﻲ ﮔﺎﻟﺘﻠﻪ
ﺧﺎﻟﻪ ﺍﺫﺍ ﺍﺧﻮﻫﺎ ﻏﻠﻂ ﺍﻟﺒﻨﻴﻪ ﻣﺎﻟﻬﺎ ﺫﻧﺐ ﺍﺭﺣﻤﻮﻫﺎ ﺍﻟﻠﻪ ﻳﺮﺣﻤﻜﻢ
ﺟﺎﻭﺑﻬﺎ ﺑﺎﺳﺘﻬﺰﺍﺀ ﻭﻳﺄﺷﺮ ﺑﺄﺻﺒﻌﻪ
ﻭﺍﻟﻠﻪ ﻭﺍﻷﺳﻤﻪ ﺍﻟﻠﻪ ﻷﺧﻠﻴﻜﻢ ﺗﻄﻠﺒﻮﻥ ﺍﻟﺮﺣﻤﻪ ﻭﻣﺎ ﺗﻠﮕﻮﻫﺎ
ﺍﻣﻲ ﻋﺎﻳﻨﺘﻠﻲ ﻭﺑﺠﺖ ﺣﻴﻞ
ﺑﺴﺖ ﺍﻳﺪﻫﺎ ﺟﺎﻥ ﻳﺠﺮﻧﻲ
ﻫﻴﻴﻲ ﻳﻼ ﻓﻀﻴﻨﻪ ﺍﺻﻌﺪﻱ ﻭﺩﻓﻌﻨﻲ ﺣﻴﻴﻞ ﻉ ﺍﻟﺴﻴﺎﺭﻩ
ﺗﻨﻬﺪﺕ ﻭﺍﻧﻲ ﺍﺑﺠﻲ ﻭﺻﻌﺪﺕ
ﻭﺻﻌﺪ ﻫﻮ ﻳﺴﻮﻕ ﻭﻭﺍﺣﺪ ﺟﺒﻴﺮ ﻳﻤﻪ ﺑﺎﻟﺼﺪﺭ ﻧﻔﺴﻪ ﺍﻻﺟﻪ ﺑﻬﺬﺍﻙ ﺍﻟﻴﻮﻡ ﻭﺩﻙ ﺍﻟﺒﺎﺏ
ﺷﻐﻞ ﺍﻟﺴﻴﺎﺭﻩ ﻭﺣﺮﻙ ﻭﺍﻧﻲ ﺍﻋﺎﻳﻦ ﻣﻦ ﺍﻟﺠﺎﻣﻪ ﻋﻠﻰ ﺍﻣﻲ ﻭﺍﺯﻝ ﻭﻫﻦ ﻳﺒﺠﻦ ﻭﻣﺘﺤﺎﺿﻨﺎﺕ
ﺗﻨﻬﺪﺕ ﻳﺎ ﺗﺮﻯ ﺍﮔﺪﺭ ﺍﺷﻮﻓﻜﻢ ﺑﻌﺪ ﻟﻮ ﻧﺤﻜﻢ ﻋﻠﻴﻪ ﺑﻠﻤﺆﺑﺪ ﺧﻼﺹ
ﻋﺎﻳﻨﺖ ﻉ ﻋﻤﺎﻣﻲ ﻭﻋﻠﻰ ﺷﺎﺭﻋﻨﻪ ﻳﺎﺗﺮﻯ ﺭﺍﺡ ﺍﺷﻮﻑ ﻫﺬﺍ ﺍﻟﺸﺎﺭﻉ ﺑﻌﺪ ﻟﻮﻻ
ﻭﺻﻠﻨﻪ ﻳﻢ ﺑﻴﺖ ﺭﻓﻞ ﻭﺍﺷﻮﻑ ﺭﻓﻞ ﺑﺎﻟﺒﺎﺏ ﻭﺗﺒﺠﻲ
ﻟﻮﺣﺘﻠﻬﺎ ﺑﺄﻳﺪﻱ ﻭﻫﻲ ﻫﻢ ﻛﺬﺍﻟﻚ
ﺭﻓﻞ ﻳﺎﺻﺪﻳﻘﺔ ﻃﻔﻮﻟﺘﻲ ﻭﺍﺧﺖ ﺭﻭﺣﻲ ﻣﻊ ﺍﻟﺴﻼﻣﻪ ﻣﺮﺍﺡ ﺍﻧﺴﺎﺝ ﻭﻻ ﺍﻧﺴﻰ ﺍﻻﻳﺎﻡ ﺍﻟﺠﻤﻌﺘﻨﻲ ﺑﻴﭻ ﻛﻤﻠﻲ ﺩﺭﺍﺳﺘﺞ ﻭﺗﺨﺮﺟﻲ ﻭﺣﻘﻘﻲ ﺍﻟﺸﻲ ﺍﻟﻤﺎﮔﺪﺭﺕ ﺍﺣﻘﻘﻪ ﺍﻧﻲ
ﻃﻠﻌﺖ ﺍﻟﺴﻴﺎﺭﻩ ﻣﻦ ﺍﻟﻔﺮﻉ ﻭﺗﻼﺷﻰ ﻛﻞ ﺷﻲ ﻣﻦ ﮔﺪﺍﻣﻲ .......
