#فصليه_لاناس_لايرحمون
٢٨_______٣١
# ﻓﺼﻠﻴﻪ _ ﻷُﻧﺎﺱ _ ﻻﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ _ ﺍﻟﻤﻮﺳﻮﻱ
ﻃﻠﻊ ﺍﻣﻴﺮ ﻣﻦ ﻳﻤﻲ ﻭﻏﺪﻳﺮ ﺍﺟﺘﻨﻲ ﺗﺮﻛﺾ ﺍﻭﻝ ﻣﺎ ﻃﻠﻊ ...
ﻫﺎ ﺳﻤﺎ ﺧﻮ ﻣﺎ ﺿﺮﺑﭻ ﺳﻤﻌﺘﻪ ﻳﺼﻴﺢ ﻭﮔﻠﺒﻲ ﺭﺍﺡ ﺧﻔﺖ ﻻ ﻳﺄﺫﻳﭻ ﺑﺪﻭﻥ ﻣﻴﺤﺲ
ﻻ ﻣﺎ ﺿﺮﺑﻨﻲ .. ﺍﮔﻌﺪﻱ ﺧﻠﻲ ﺍﺣﭽﻴﻠﭻ
ﮔﻌﺪﺕ ﻏﺪﻳﺮ ﻭﺳﻮﻟﻔﺘﻠﻬﻪ ﻛﻞ ﺍﻟﺼﺎﺭ ﻣﻦ ﺍﺗﻔﻘﺖ ﻭﻳﺎﻳﻪ ﺳﺠﻰ ﻭﻟﺤﺪ ﻣﺎ ﻃﻠﻊ ﺍﻣﻴﺮ ﻣﻦ ﻳﻤﻲ
ﺻﺎﻓﻨﻪ ﻋﻠﻴﻪ ﻭﺗﺴﻤﻊ ﻭﻫﻲ ﻣﺼﺪﻭﻣﻪ ...
ﻛﻤﻠﺖ ... ﺷﻮﻳﻪ ﻭﺣﭽﺖ
ﻟﻴﺶ ﺳﻤﻌﺘﻲ ﻛﻼﻣﻬﻪ ﺳﻤﺎ .. ﻫﺎﻱ ﺣﻴﻪ ﻭﺭﺍﺩﺕ ﺗﻮﮔﻌﭻ ﻭﺑﻨﻔﺲ ﺍﻟﻠﺤﻈﻪ ﺗﻜﺴﺮ ﺭﮔﺒﺔ ﺍﻣﻴﺮ ﺑﻌﻤﻠﺘﻬﻪ ﻫﺎﻱ ... ﻟﻴﺶ ﺍﻧﻄﻴﺘﻴﻬﻪ ﻫﺎﻟﻔﺮﺻﻪ
ﻣﺎ ﺍﺩﺭﻱ ﺑﻴﻬﺎ ﻫﻴﭻ ﻭﺍﻟﻠﻪ .. ﻣﺎ ﺷﻔﺘﻴﻬﺎ ﺻﺎﺭﻟﻬﺎ ﻓﺘﺮﻩ ﺍﻧﻌﻢ ﻣﻦ ﺍﻟﺪﺧﻦ ﻭﻳﺎﻧﻪ ﺍﺛﺎﺭﻳﻬﺎ ﺗﺤﻮﻙ ﻟﺸﻲ ﻭﺍﺣﻨﻪ ﻣﻨﺪﺭﻱ
ﻇﻠﻴﻨﻪ ﻧﺴﻮﻟﻒ .. ﻭﻏﺪﻳﺮ ﺧﺎﻳﻔﻪ ﻣﻦ ﺍﻣﻴﺮ .. ﻭﺧﺠﻼﻧﻪ ﻣﻦ ﺿﺮﻏﺎﻡ ﻻﻥ ﻋﺮﻑ ﻫﻲ ﺗﺤﺒﻪ ﻭﻫﻮ ﻣﻴﺤﺒﻬﺎ ﻭﻣﺤﺘﺎﺭﻩ ﺑﻴﻦ ﻫﺬﺍ ﻭﻫﺬﺍﻙ .. ﺳﻤﻌﻨﻪ ﻫﻮﺳﻪ ﺻﺎﺭﺕ ﺟﻮﻩ ﻋﺮﻓﺎﻧﻬﻢ ﺍﺟﻮ
ﻧﺰﻟﻨﻪ ﺟﻮﻩ ﻭﭼﺎﻥ ﻣﺨﺒﻮﺻﻴﻦ ﻳﺴﻮﻟﻔﻮﻥ ﺑﺎﻟﻌﺰﻳﻤﻪ ﻭﻓﻼﻥ ﻫﻴﭻ ﺳﻮﻩ ﻭﻓﻼﻧﻪ ﻫﻴﭻ ﮔﺎﻟﺖ .. ﻭﺗﻌﺮﻓﻮﻥ ﺑﻌﺪ ﺍﻟﻘﺎﻝ ﻭﺍﻟﻘﻴﻞ ﻣﺎﻝ ﺍﻟﻤﻨﺎﺳﺒﺎﺕ ﺑﻜﻞ ﻣﻜﺎﻥ
ﮔﺎﻋﺪﻳﻦ ﻛﻠﻨﻪ ﺳﺎﻣﺮ ﻭﻭﺳﺎﻡ ﻭﺍﺑﻮ ﺍﻣﻴﺮ ﻭﺍﻣﻪ ﻭﻧﺴﻮﺍﻥ ﺍﺧﻮﺗﻪ .. ﺳﻤﻌﻨﻪ ﺻﻮﺕ ﺍﻣﻴﺮ ﻃﺐ ﻭﺳﻠﻢ ﻭﮔﺎﻝ ..
ﻫﻤﺰﻳﻦ ﻟﮕﻴﺘﻜﻢ ﻣﺠﻤﻮﻋﻴﻦ ﻋﻨﺪﻱ ﺣﭽﻲ ﻣﻬﻢ ﻭﻳﺎﻛﻢ
ﺣﭽﻪ ﺍﺑﻮ .. ﺧﻴﺮﻙ ﻭﻟﻴﺪﻱ ﻣﻮ ﻋﻠﻰ ﺑﻌﻀﻚ ﻭﺍﻟﻈﻬﺮ ﻫﻢ ﻋﻔﺖ ﺍﻟﻮﺍﺩﻡ ﻭﻃﻠﻌﺖ ﺻﺎﻳﺮ ﻭﻳﺎﻙ ﺷﻲ ﻭﻣﺎﻋﻨﺪﻱ ﺧﺒﺮ
ﻻ ﺑﻮﻳﻪ ﻣﺎﺻﺎﺭ ﺷﻲ ﺭﺍﺳﻲ ﻭﺟﻌﻨﻲ ﺷﻮﻳﻪ ﻣﻦ ﺍﻟﻬﻮﺳﻪ ﻭﺭﺣﺖ ﻟﻠﺪﻳﻮﺍﻥ ﺍﺭﺗﺎﺡ ﻫﻨﺎﻙ
ﺳﻼﻣﺘﻚ ﻭﻟﺪﻱ ﺗﺤﭽﻪ ﻧﺴﻤﻌﻚ ﻛﻠﻨﻪ
ﺭﺍﻳﺪ ﺍﺗﺰﻭﺝ ﺑﻮﻳﻪ
ﻫﻮ ﺣﭽﻪ ﻫﻴﭻ ﻟﻮ ﺍﻧﻲ ﺣﺴﻴﺖ ﮔﻠﺒﻲ ﻭﮔﻒ ﻭﺍﻟﻨﻔﺲ ﺑﻌﺪ ﻣﻴﺼﻌﺪ ﻭﻳﻨﺰﻝ ﺑﺼﺪﺭﻱ .. ﻣﺪﺍ ﺍﺳﺘﻮﻋﺐ ﺍﻟﺪﻳﺼﻴﺮ ﮔﺪﺍﻣﻲ
ﺻﺎﺣﺖ ﺍﻣﻪ ... ﺑﺎﻟﺨﻴﺮ ﺑﺎﻟﺨﻴﺮ ﻳﺒﻦ ﺑﻄﻨﻲ ﺳﺎﻋﻪ ﺍﻟﻤﺒﺎﺭﻛﻪ ﻫﺎﻱ .. ﻭﺍﺧﻴﺮﺍ ﺭﺍﺡ ﺍﻓﺮﺡ ﺑﻴﻚ ﻭﺍﺷﻮﻑ ﺟﻬﺎﻟﻚ ﻭﺍﻟﻠﻪ ﻟﺴﻮﻳﻠﻚ ﺍﻛﺒﺮ ﻋﺮﺱ ﻭﺧﻠﻲ ﺍﻟﺴﻠﻒ ﻛﻠﻬﻪ ﺗﺴﻮﻟﻒ ﺑﻲ
ﻳﻤﻪ ﻣﺎ ﺍﺭﻳﺪ ﻋﺮﺱ .. ﺍﺧﻮﻱ ﻣﺪﺍﺭﺕ ﺍﻟﺴﻨﻪ ﻣﺎﻟﺘﻪ ﻭﻳﻨﻲ ﻭﻳﻦ ﺍﻟﻌﺮﺱ
ﻋﺪﺍﻙ ﺍﻟﻌﻴﺐ ﺑﻮﻳﻪ ﺣﻘﻚ ﺑﻬﺎﻱ .. ﺯﻳﻦ ﻣﺎ ﮔﻠﺘﻠﻨﻪ ﺍﻟﻤﻦ ﺭﺍﻳﺪ
ﺳﺠﻰ ﺑﺖ ﻋﻤﺘﻲ ﺑﻮﻳﻪ
ﻳﺎ ﺯﻳﻦ ﻣﺎ ﺍﺧﺘﺮﺕ ﻳﺒﻌﺪ ﺍﺑﻮﻙ
ﻫﻮ ﮔﺎﻝ ﺳﺠﻰ ﻟﻮ ﻭﺍﺣﺪ ﺿﺮﺑﻨﻲ ﻋﻠﻰ ﺭﺍﺳﻲ .. ﺍﻣﻴﺮ ﻟﻴﺶ ﺷﺼﺎﺭ ﻣﻮ ﺍﻟﻴﻮﻡ ﭼﻨﺖ ﺗﺤﭽﻲ ﻋﻠﻴﻬﻪ ﻭﺗﮕﻮﻟﻲ ﺣﻴﻪ ﺷﻐﻴﺮﻙ ﻭﻫﺴﻪ ﺭﺩﺗﻬﺎ .. ﺍﺣﭽﻲ ﻭﻳﺎ ﺭﻭﺣﻲ ﻭﺑﺪﻭﻥ ﻣﺎ ﺍﺣﺲ ﺩﻣﻮﻋﻲ ﺑﻠﻠﺖ ﺧﺪﻱ ...
ﺻﺎﺣﺖ ﻏﺪﻳﺮ .. ﺧﻮﻳﻪ ﻣﺎ ﻟﮕﻴﺖ ﻏﻴﺮﻫﻪ .. ﻭﺑﻌﺪﻳﻦ ﻟﻴﺶ ﺗﺮﻳﺪ ﺗﺘﺰﻭﺝ ﻣﻮ ﻋﻨﺪﻙ ﻣﺮﻩ
ﺣﭽﺖ ﺍﻣﻪ ... ﻭﻫﻲ ﻫﺎﻱ ﻫﻢ ﺗﺤﺴﺒﻴﻨﻬﻪ ﻋﻠﻰ ﻭﻟﻴﺪﻱ ﻣﺮﻩ .. ﻫﺎﻱ ﺍﺟﺖ ﻟﻬﻨﺎ ﻓﺼﻠﻴﻪ ﻳﻌﻨﻲ ﺗﺨﺪﻣﻪ ﻭﺗﮕﻀﻴﻠﻪ ﺣﺎﺟﺎﺗﻪ ﻣﻮ ﺗﺼﻴﺮ ﻣﺮﺕ ﺍﻟﺸﻴﺦ ﻭﺍﻡ ﺟﻬﺎﻟﻪ ﭼﺪﺍﻡ ﺍﻟﻮﺍﺩﻡبيج قصص عراقيه حقيقيه من واقعنا.روعه الطائي
ﻣﺎ ﺗﺤﻤﻠﺖ ﺍﻛﺜﺮ ﻭﺻﻌﺪﺕ ﻓﻮﮒ ﻟﻐﺮﻓﺔ ﺍﻣﻴﺮ .. ﻃﺒﻴﺖ ﻭﻧﻤﺖ ﻋﻠﻰ ﺍﻟﺠﺮﺑﺎﻳﻪ ﻭﮔﻤﺖ ﺍﺷﻬﮓ ﻣﻦ ﺍﻟﺒﭽﻲ
....
ﺑﻌﺪ ﻣﺎ ﺣﭽﻴﺖ ﻭﻳﺎ ﺿﺮﻏﺎﻡ ﺭﺟﻌﺖ ﻟﻠﺒﻴﺖ ﻭﺍﻧﻪ ﻣﻘﺮﺭ ﺍﻓﺎﺗﺢ ﺍﻫﻠﻲ ﺑﺎﻟﻤﻮﺿﻮﻉ ﺣﺘﻰ ﺍﺗﺰﻭﺝ ﺳﺠﻰ
ﻃﺒﻴﺖ ﻭﻓﺎﺗﺤﺘﻬﻢ ﻓﻌﻼ ﺑﺪﻭﻥ ﻣﺎ ﺍﻋﺎﻳﻦ ﻋﻠﻰ ﺳﻤﺎ ﻭﻻ ﺍﺷﻮﻑ ﺭﺩﺕ ﻓﻌﻠﻬﻪ .. ﺑﺲ ﺣﺴﻴﺖ ﻋﻠﻴﻬﻪ ﻧﺴﺤﺒﺖ ﻣﻦ ﺍﻟﺼﺎﻟﻪ ﻭﺻﻌﺪﺕ ﻓﻮﮒ ﻭﺷﻮﻳﻪ ﻭﻟﺤﮕﺘﻬﻪ ﻏﺪﻳﺮ
....
ﺩﺍ ﺍﺷﻬﮓ ﻣﻦ ﺍﻟﺒﭽﻲ ﻭﻣﺎ ﺍﻋﺮﻑ ﻋﻠﻴﺶ .. ﻋﻠﻰ ﻣﺴﺘﻘﺒﻠﻲ ﺍﻟﻀﺎﻉ ... ﻟﻮ ﻋﻠﻰ ﻧﻔﺴﻲ ﺍﻷﻣﻠﺘﻬﺎ ﺯﺍﻳﺪ ﻋﻦ ﺍﻟﻠﺰﻭﻡ ... ﻟﻮ ﺍﺣﻼﻣﻲ ﺍﻟﺪﺍﺳﺘﻬﻦ ﺍﻻﻳﺎﻡ ﻭﺩﺍﺳﺘﻨﻲ ﻭﻳﺎﻫﻦ ... ﻃﺒﺖ ﻏﺪﻳﺮ ﻭﺷﺎﻓﺘﻨﻲ ﺍﺷﻬﮓ ﻣﻦ ﺍﻟﺒﭽﻲ
ﺍﺟﺘﻲ ﺭﻛﻀﺖ ﻭﺣﻀﻨﺘﻨﻲ ﻭﻫﻲ ﺗﮕﻮﻝ
ﻟﺘﺒﭽﻴﻦ ﺣﺒﻴﺒﻪ ﻓﺪﻭﻩ ﻟﮕﻠﺒﭻ ... ﺗﺪﺭﻳﻦ ﺑﺎﻟﻮﺿﻊ ﻣﻦ ﺍﻭﻝ ﺍﻧﺘﻲ ... ﺗﺬﻛﺮﻳﻦ ﻣﺮﻩ ﮔﺘﻴﻠﻲ ﻟﻮ ﺑﻴﺪﻱ ﺍﻗﺪﻡ ﺍﻣﻴﺮ ﻋﻠﻰ ﻃﺒﻖ ﻣﻦ ﺫﻫﺐ ﺍﻟﺴﺠﻰ ﻭﺍﻧﻪ ﺍﻟﻤﻤﻨﻮﻧﻪ ﻭﻫﺎﻱ ﺻﺎﺭ ﺍﻟﺘﺮﺩﻱ ﻫﺴﻪ ....
ﺍﻧﺘﻲ ﻣﺎ ﺣﺒﻴﺘﻲ ﺍﺧﻮﻱ ﻭﺑﻌﻤﺮﭺ ﻣﺮﺍﺡ ﺗﺤﺒﻲ .. ﺩﻳﺮﻱ ﻭﺟﻬﭻ ﻋﻨﻪ ﻭﻋﻴﺸﻲ ﺣﻴﺎﺗﭻ ... ﺍﻟﻲ ﺍﻟﻠﻪ ﻗﺎﺳﻤﻪ ﺍﻟﭻ ﺗﺸﻮﻓﻲ ﻭﺧﻠﻲ ﻋﻴﻨﭻ ﺑﻌﻴﻦ ﺭﺏ ﺍﻟﻌﺎﻟﻤﻴﻦ ﺣﺸﻰ ﻟﻠﻪ ﻳﻈﻠﻢ ﻋﺒﺪﻩ ﻳﺠﻲ ﻳﻮﻡ ﻭﻳﻔﺮﺟﻬﻪ ﻋﻠﻴﭻ
ﺍﻱ ﻏﺪﻳﺮ ﺍﻱ ﺍﻧﻲ ﺑﻌﻤﺮﻱ ﻣﺎ ﻓﻜﺮﺕ ﺑﺄﻣﻴﺮ ﻭﻣﺴﺘﺤﻴﻞ ﺍﻓﻜﺮ ﺑﻲ ﻻ ﻫﻮ ﺍﻟﺸﺨﺺ ﺍﻻﺣﻠﻢ ﺑﻲ ﻭﻻ ﻣﻦ ﻣﺴﺘﻮﺍﻳﻪ ... ﺑﮕﺪ ﻣﺎ ﺷﻔﺖ ﻋﺬﺍﺏ ﺑﻬﺬﺍ ﺍﻟﺒﻴﺖ ﺑﮕﺪ ﻣﺎ ﺍﻛﺮﻫﻪ .. ﺍﻧﻲ ﻣﺎ ﺑﭽﻴﺖ ﻫﺴﻪ ﺇﻟﻪ ﻋﻠﻰ ﺣﻈﻲ .....
ﺍﺣﭽﻲ ﻫﻴﭻ ﻭﺍﻧﻲ ﺍﺟﺬﺏ ﻋﻠﻴﻬﺎ ﻫﺬﺍ ﺍﻟﺸﻲ ﻣﻮ ﻧﻔﺴﻪ ﺍﻟﺒﺪﺍﺧﻠﻲ ﻏﺪﻳﺮ .. ﻣﺎ ﺍﮔﺪﺭ ﺍﮔﻠﭻ ﺍﻧﻲ ﺍﺣﺐ ﺍﺧﻮﭺ ﺑﺲ ﻫﻮ ﻣﻴﺘﺠﺮﺃ ﻳﻌﺘﺮﻑ ﺑﺤﺒﻲ ﻭﻳﺨﻠﻴﻨﻲ ﻣﺮﺗﻪ ﮔﺪﺍﻡ ﺍﻟﻨﺎﺱ ﻻﻥ ﺟﺎﺑﻨﻲ ﻟﻬﻨﺎ ﻓﺼﻠﻴﻪ ﻗﺎﻃﻌﺖ ﺗﻔﻜﻴﺮﻱ ﻭﺣﭽﻴﺖ ...
ﻏﺪﻳﺮ ﺳﻤﻌﺘﻲ ﺍﻣﭻ ﺷﺘﮕﻮﻝ ﺍﻧﻲ ﻓﺼﻠﻴﻪ ﻳﻌﻨﻲ ﺧﺪﺍﻣﻪ .. ﻭﻫﻮ ﻳﺪﺭﻱ ﺍﻧﻲ ﻓﺼﻠﻴﻪ ﻭﺣﺘﻰ ﻳﻜﺴﺮﻧﻲ ﻭﻳﻌﺎﻗﺒﻨﻲ ﺯﻳﻦ ﻋﻠﻰ ﻓﻌﻠﺘﻲ ﻫﺎﻱ ﺭﺍﺡ ﻳﺠﻴﺒﻠﻲ ﺣﻴﻪ ﺑﺎﻟﺒﻴﺖ .. ﻫﻲ ﺑﻌﻴﺪﻩ ﻋﻨﻲ ﻭﺳﻮﺕ ﻛﻞ ﻫﺎﻟﻌﻤﺎﻳﻞ ﺑﻴﻪ ﻟﻮ ﺗﺠﻲ ﻭﺗﻌﻴﺶ ﻭﻳﺎﻳﻪ ﻭﺗﺼﻴﺮ ﻣﺮﺗﻪ ﺷﺮﺍﺡ ﺗﺴﻮﻱ ﺣﺎﭼﻴﻨﻲ ﺷﺮﺍﺡ ﺗﺴﻮﻱ ﺍﻛﻴﺪ ﺗﺨﻠﻴﻨﻲ ﺧﺪﺍﻣﻪ ﺍﻟﻬﻪ ﻃﻮﻝ ﺍﻟﻌﻤﺮ .. ﮔﻮﻟﻴﻠﻲ ﺷﻮﻛﺖ ﺍﺧﻠﺺ ﻣﻦ ﺍﺧﻮﭺ ﻭﻣﻦ ﻫﺬﺍ ﺍﻟﺒﻴﺖ .. ﺷﻮﻛﺖ ﺍﺭﺟﻊ ﻟﻤﻜﺎﻧﻲ ﻭﺍﻣﺴﺢ ﻣﻦ ﺣﻴﺎﺗﻲ ﺍﻻﻳﺎﻡ ﺍﻟﺴﻮﺩﻩ ﺍﻟﻌﺸﺘﻬﻪ ﻭﻳﺎ ... ﺣﭽﻴﺖ ﻫﻴﭻ ﻭﺭﺟﻌﺖ ﺍﺷﻬﮓ ﻣﻦ ﺍﻟﺒﭽﻲ ﻭﻫﻲ ﺗﺤﺎﻭﻝ ﺗﺴﻜﺖ ﺑﻴﻪ
......
ﺻﻌﺪﺕ ﻓﻮﮒ ﺣﺘﻰ ﺍﺭﺗﺎﺡ ﻣﻦ ﺗﻌﺐ ﺍﻟﻴﻮﻡ ﻭﺍﻟﻤﺸﺎﻛﻞ ﺍﻟﻌﻠﻰ ﺭﺍﺳﻲ ... ﺳﻤﻌﺖ ﺳﻤﺎ ﺗﺸﻬﮓ ﻭﻏﺪﻳﺮ ﺗﮕﻠﻬﺎ ﻟﺘﺒﭽﻴﻦ ﻭﺍﻧﺘﻲ ﻣﺎ ﺣﺒﻴﺘﻲ ﺍﺧﻮﻱ ﻭﭼﻨﺘﻲ ﺗﮕﻮﻟﻴﻦ ﻟﻮ ﺑﻴﺪﻱ ﺍﺳﻠﻤﻪ ﻟﺴﺠﻰ ﻭﺍﻧﻪ ﺍﻟﻤﻤﻨﻮﻧﻪ ﻭﻣﻦ ﻫﺬﺍ ﺍﻟﺤﭽﻲ ..
ﺍﻟﻲ ﺻﺪﻣﻨﻲ ﻓﻌﻼ ﻛﻼﻡ ﺳﻤﺎ ﻋﻨﻲ ﻭﻫﻲ ﺗﺸﺮﺡ ﻛﻤﻴﻪ ﺍﻟﺤﻘﺪ ﺍﻟﺸﺎﻳﻠﺘﻪ ﻋﻠﻲ ﺑﮕﻠﺒﻬﻪ ﻭﻣﺸﺎﻋﺮ ﺍﻟﻜﺮﻩ ﺍﻟﺘﺤﺘﻔﻆ ﺑﻴﻬﻪ ﺍﺗﺠﺎﻫﻲ
ﺍﻧﻪ ﺍﺩﺭﻳﻬﻪ ﻣﺎ ﺣﺒﺘﻨﻲ ﻭﻋﻤﺮﻫﻪ ﻣﺘﻔﻜﺮ ﺗﺤﺒﻨﻲ ﻟﻜﻦ ﺍﻟﻤﺎ ﺗﻮﻗﻌﺘﻪ ﻫﺎﻟﮕﺪ ﺣﺎﻗﺪﻩ ﺑﮕﻠﺒﻬﻪ ﻋﻠﻲ ﻭﺍﻧﻪ ﻣﺎ ﺣﺎﺱ ﺑﻴﻬﻪ
ﺩﺧﻠﺖ ﻟﻠﻐﺮﻓﻪ .. ﮔﺎﻣﺖ ﻏﺪﻳﺮ ﻭﻃﻠﻌﺖ ﺑﺴﺮﻋﻪ
ﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﻪ ﻭﻫﻲ ﻋﻠﻰ ﻧﻔﺲ ﻭﺿﻌﻴﺘﻬﻪ ﮔﺎﻋﺪﻩ ﻣﺎ ﺗﺤﺮﻛﺖ ﻭﺗﻤﺴﺢ ﺑﺪﻣﻮﻋﻬﻪ ...
ﺍﺍﺍﺥ ﻳﺴﻤﺎ ﻟﻴﺶ ﺣﺒﻴﺘﭻ .. ﺷﺴﻮﻳﺘﻴﻠﻲ ﻭﺧﻠﻴﺘﻴﻨﻲ ﺍﻧﻌﻤﻲ ﺣﺘﻰ ﻋﻦ ﺍﻏﻼﻃﭻ ﺍﻟﻤﺘﺨﻠﺺ ﻭﺍﻧﻪ ﺍﻟﻄﻮﻝ ﻋﻤﺮﻱ ﻣﺎ ﺍﻗﺒﻞ ﺑﺎﻟﻐﻠﻂ ﻭﻻ ﺍﺳﺎﻣﺢ ﻋﻠﻲ .. ﺷﻠﻮﻥ ﺍﺣﺒﭻ ﻭﺍﻧﻪ ﺍﻋﺮﻑ ﺍﻧﺘﻲ ﺗﻜﺮﻫﻴﻨﻲ ﻭﻣﺎﻃﺎﻳﻘﻪ ﺍﻟﻌﻴﺸﻪ ﻭﻳﺎﻱ .... ﻓﺮﻛﺖ ﺭﺍﺳﻲ ﺑﺄﺩﻳﻪ ﻭﺣﭽﻴﺖ
ﺳﻤﺎ
ﻧﻌﻢ ﺷﺘﺮﻳﺪ
ﺯﻭﺍﺟﻲ ﻣﻦ ﺳﺠﻰ ﺗﺮﺍﻧﻲ ﻣﺠﺒﻮﺭ ﻋﻠﻲ
ﻭﺍﻧﻲ ﺷﻌﻠﻴﻪ ﺗﺘﺰﻭﺝ ﻣﺘﺘﺰﻭﺝ ﺗﻤﻮﺕ ﺗﻌﻴﺶ ﺣﻴﺎﺗﻚ ﻭﺍﻧﺖ ﺣﺮ ﺑﻴﻬﻪ .. ﺣﺴﺒﺎﻟﻚ ﻫﺎﻱ ﺩﻣﻮﻋﻲ ﺳﺒﺒﻬﻪ ﺯﻭﺍﺟﻚ ﻻ ﺍﻣﻴﺮ ﻏﻠﻄﺎﻥ .. ﻫﺎﻱ ﺩﻣﻮﻋﻲ ﻧﺰﻟﺖ ﻋﻠﻰ ﺍﻳﺎﻣﻲ ﺍﻟﺬﺑﺤﺘﻬﺎ ﺑﻴﺪﻙ .. ﻧﺰﻟﺖ ﻋﻠﻰ ﺣﻠﻤﻲ ﺍﻟﻀﺎﻉ ﻣﻦ ﻭﺭﻩ ﻋﺎﺩﺍﺗﻜﻢ ﻭﺗﻘﺎﻟﻴﺪﻛﻢ ﺍﻟﺮﺟﻌﻴﻪ ﺍﻣﺎ ﺍﻧﺖ ﻓﻤﺘﻬﻤﻨﻲ ﻻ ﻣﻦ ﻗﺮﻳﺐ ﻭﻻ ﻣﻦ ﺑﻌﻴﺪ
ﻛﺎﻓﻲ ﺳﻤﺎ ﻟﺘﻜﻤﻠﻴﻦ ﻭﮔﻮﻣﻲ ﻃﻔﻲ ﺍﻟﻀﻮﻩ ﺍﺭﻳﺪ ﺍﻧﻄﻤﺮ
ﺳﺪﻳﺖ ﺍﻟﻀﻮﻩ ﻭﺗﻤﺪﺩﺕ ﻋﻠﻰ ﺍﻟﻤﻨﺪﺭ ﻭﺍﻧﻲ ﺍﻓﻜﺮ ﻟﻴﺶ ﻳﺮﻳﺪ ﻳﺘﺰﻭﺟﻬﺎ ﻣﻌﻘﻮﻟﻪ ﺩﻳﻌﺎﻗﺒﻨﻲ ﺑﻬﺎﻱ ﺍﻟﻄﺮﻳﻘﻪ ﻭﺍﻟﻠﻪ ﻟﻮ ﺿﺎﺭﺑﻨﻲ ﻭﻻ ﻣﺴﻮﻱ ﻫﺎﻱ ﺍﻟﺴﺎﻟﻔﻪ ﭼﺎﻥ ﺍﻫﻮﻥ ﻋﻠﻴﻪ ... ﻳﺎﺭﺑﻲ ﺧﻠﺼﻨﻲ ﺑﺠﺎﻩ ﻛﻠﻤﻦ ﻋﻨﺪﻩ ﺟﺎﻩ ﻳﻤﻚ .. ﺍﺭﻳﺪ ﺍﺭﺟﻊ ﻷﻫﻠﻲ ﻭﺍﻧﺴﻰ ﺍﻟﺨﻮﻑ ﻭﺍﻷﻟﻢ ﻭﺍﻟﻘﻬﺮ ﺍﻟﻌﺸﺘﻬﻦ ﺑﻬﻞ ﻛﻢ ﺷﻬﺮ .. ﻛﺎﻓﻲ ﺍﻟﻬﻲ ﻛﺎﻓﻲ ﺗﻌﺒﺖ
ﻧﻤﺖ ﻭﻣﺎ ﺣﺴﻴﺖ ﺇﻻ ﺍﻟﻔﺠﺮ ﺟﺮﻳﺘﻬﺎ ﻓﺪ ﺟﺮﻩ ﻣﻦ ﺍﻟﺘﻌﺐ ﻭﻫﻮ ﻫﻢ ﻻ ﮔﻌﺪﻧﻲ ﻋﻠﻰ ﺍﻟﺼﻼﺓ ﻭﻻ ﻟﻠﻌﺸﻪ .. ﮔﻤﺖ ﺗﻮﺿﻴﺖ ﻭﻭﮔﻔﺖ ﺍﺻﻠﻲ
...
ﺑﻌﺪ ﻣﺎ ﻇﻠﺖ ﺗﺸﺮﺣﻠﻲ ﺳﺒﺐ ﺩﻣﻮﻋﻬﻪ ﮔﺘﻠﻬﻪ ﻃﻔﻲ ﺍﻟﻀﻮﻩ .. ﺭﺩﺕ ﺑﺲ ﺍﻧﺎﻡ ﻭﺍﺧﻠﺺ ﻣﻦ ﺍﻟﺘﻔﻜﻴﺮ ... ﻟﻴﺶ ﺭﺑﻲ ﺣﺒﻴﺘﻬﻪ ﻭﻣﺎ ﺣﺒﺘﻨﻲ .. ﺍﻧﻪ ﺍﺗﻤﻨﺎﻫﻪ ﺗﺤﺲ ﺑﻴﻪ ﻭﻫﻲ ﺗﺘﻤﻨﻲ ﺗﺨﻠﺺ ﻣﻨﻲ ﻭﺗﻨﺘﻈﺮ ﻫﺬﺍ ﺍﻟﻴﻮﻡ ﺑﻔﺎﺭﻍ ﺍﻟﺼﺒﺮ
ﺣﺴﻴﺖ ﻋﻠﻰ ﺍﺫﺍﻥ ﺍﻟﻤﻐﺮﺏ ﮔﻤﺖ ﺻﻠﻴﺖ ﺷﻔﺘﻬﻪ ﻧﺎﻳﻤﻪ ﻭﻣﺎ ﺣﺴﺖ ﻋﻠﻲ ﻣﻦ ﮔﻌﺪﺕ .. ﮔﻌﺪﺕ ﻳﻢ ﺭﺍﺳﻬﻪ ﻭﻣﺴﺤﺖ ﻋﻠﻲ ﻭﺍﻧﻪ ﺍﮔﻠﻬﻪ ﺍﻭﻋﺪﭺ ﺗﺨﻠﺼﻴﻦ ﻣﻨﻲ ﻣﺮﺍﺡ ﺍﺧﻠﻴﭻ ﺗﺘﻌﺬﺑﻴﻦ ﺍﻛﺜﺮ .. ﻏﻄﻴﺘﻬﻪ ﻭﺭﺟﻌﺖ ﻧﻤﺖ ﻭﺣﺴﻴﺖ ﻋﻠﻴﻬﻪ ﺍﻟﻔﺠﺮ ﭼﺎﻧﺖ ﺗﺼﻠﻲ
ﮔﻤﺖ ﻣﻦ ﻓﺮﺍﺷﻲ ﻭﺭﺣﺖ ﻟﻠﺤﻤﺎﻡ ﺗﻮﺿﻴﺖ ﻭﺍﺟﻴﺖ ﺍﺻﻠﻲ
ﺷﻔﺘﻬﻪ ﻓﺘﺤﺖ ﺍﻟﺒﺎﺏ ﻭﻃﻠﻌﺖ
ﻛﻤﻠﺖ ﺻﻼﻩ ﻭﮔﻌﺪﺕ ﺍﻗﺮﻩ ﻗﺮﺃﻥ .. ﺑﻌﺪﻳﻦ ﻧﺰﻟﺖ ﺍﺷﻮﻓﻬﻪ ﻭﻳﻦ ﺭﺍﺣﺖ
ﻟﮕﻴﺘﻬﻪ ﺑﺎﻟﻤﻄﺒﺦ ﺗﻨﻀﻒ .. ﻳﻤﻜﻦ ﻣﻦ ﺿﻮﺟﺘﻬﻪ ﺗﺤﺎﻭﻝ ﺗﻠﻬﻲ ﻧﻔﺴﻬﻪ ﺑﺎﻟﺘﻨﻀﻴﻒ ﺧﺎﻳﻔﻪ ﻣﻦ ﻭﺟﻮﺩ ﺳﺠﻰ ﺑﺤﻴﺎﺗﻬﻪ ﺍﻛﻴﺪ
ﺳﻤﺎ
ﻧﻌﻢ ﺷﺘﺮﻳﺪ
ﺳﻮﻳﻠﻲ ﺭﻳﻮﮒ ﺍﺭﻳﺪ ﺍﺭﻭﺣﻦ ﻟﺮﺟﻞ ﻋﻤﺘﻲ ﺍﻓﺎﺗﺤﻪ ﺑﺎﻟﻤﻮﺿﻮﻉ
ﺻﻔﻨﺖ ﻋﻠﻲ ﺷﻠﻮﻥ ﺻﻼﻓﻪ ﻳﺤﭽﻴﻬﺎ ﮔﺪﺍﻣﻲ ﻋﻴﻨﻚ ﻋﻴﻨﻚ .. ﻃﺒﻌﺎ ﻗﺎﺑﻞ ﻋﻨﺪﻩ ﮔﻠﺐ ﻭﻳﺤﺲ ﺑﻴﻪ ﻟﻮ ﻣﻌﺘﺒﺮﻧﻲ ﺑﺸﺮ ﻫﻨﺎ .. ﺷﺎﺗﻮﻗﻊ ﻣﻨﻪ ﻫﻮ ﻭﺍﻫﻠﻪ ﻳﺤﺘﺮﻣﻮﻧﻲ ﻗﺎﺑﻞ ﻭﺍﻧﻲ ﺟﺎﻳﻪ ﺍﻟﻬﻢ ﻓﺼﻠﻴﻪ ..
ﻫﺎﻱ ﻋﻮﺩ ﻳﺤﺒﻨﻲ ﻭﻫﻴﭻ ﻟﻌﺪ ﻟﻮ ﻣﻴﺤﺒﻨﻲ ﺷﻠﻮﻥ .. ﻳﺎﺣﺐ ﻳﻤﻌﻮﺩﻩ ﻫﺎﻱ ﺷﺒﻴﭻ ﺍﻧﺘﻲ ... ﻫﺬﺍ ﺍﻛﺒﺮ ﺟﺬﺍﺏ ﻭﺟﺒﺎﻥ ﺻﺎﻳﺮ ﻣﺜﻞ ﺍﻟﻠﻌﺒﻪ ﺑﻴﺪ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﻫﻲ ﺗﺤﺮﻛﻪ ﻣﺜﻞ ﻣﺘﺮﻳﺪ ﻣﻮ ﻫﻮ ﺍﻟﻴﺤﺮﻛﻬﺎ .. ﺍﻟﻠﻪ ﻳﺨﻠﺼﻨﻲ ﻣﻨﻚ ﻳﺎ ﺍﻣﻴﺮ ﺑﺄﻗﺮﺏ ﻭﻗﺖ ﻳﺎﺭﺏ
ﺳﻮﻳﺘﻠﻪ ﺭﻳﻮﮒ ﻭﻋﻔﺘﻪ ﻭﺭﺣﺖ ﺍﺷﺘﻐﻞ ﺑﺎﻟﺒﻴﺖ ... ﺷﻮﻳﻪ ﻭﺣﺴﻴﺖ ﻋﻠﻲ ﻃﻠﻊ
.....
ﻃﻠﻌﺖ ﻭﻃﻠﺒﺖ ﺳﺠﻰ ﻣﻦ ﺍﺑﻮﻫﻪ ﻭﻣﺎ ﺻﺪﮔﻮ ﻳﻨﻄﻮﻫﻪ ﺍﻟﻲ .. ﺷﺮﻃﺖ ﻋﻠﻴﻬﻢ ﺍﻟﺰﻭﺍﺝ ﻧﻬﺎﻳﺔ ﻫﺬﺍ ﺍﻻﺳﺒﻮﻉ ﻭﻣﺎﻛﻮ ﺯﻓﻪ ﺍﺧﺬﻫﻪ ﻉ ﻟﺴﺎﻛﺖ ﻻﻥ ﺍﺧﻮﻱ ﻣﺎﻃﺎﻟﻌﻪ ﺍﻟﺴﻨﻪ ﻣﺎﻟﺘﻪ .. ﻭﻣﺎ ﺍﻋﺘﺮﺿﻮ ﺑﺄﻱ ﺷﻲ
ﺭﺣﺖ ﻟﻠﻤﻀﻴﻒ ﻭﻛﻤﻠﺖ ﺷﻐﻠﻲ ﻭﺭﺟﻌﺖ ﺍﻟﻀﻬﺮ ﻟﻠﺒﻴﺖ
ﻃﺒﻴﺖ ﺍﻟﻜﻞ ﮔﺎﻋﺪﻳﻦ ﻳﺘﻐﺪﻭﻥ .. ﺣﭽﻴﺖ ﺣﺘﻰ ﻳﺼﻴﺮ ﻋﺪﻫﻢ ﺧﺒﺮ
ﻧﻬﺎﻳﺔ ﻫﺬﺍ ﺍﻻﺳﺒﻮﻉ ﺯﻭﺍﺟﻲ ﻣﻦ ﺳﺠﻰ
...
ﻣﺸﻪ ﻫﺬﺍ ﺍﻟﻴﻮﻡ ﻋﻠﻲ ﻣﺜﻞ ﺍﻟﻜﺎﺑﻮﺱ ..
ﺍﻣﻪ ﻓﺮﺣﺎﻧﻪ ﺑﻲ ﻭﺗﺴﻮﻟﻒ ﺑﻌﺮﺳﻪ .. ﻭﺳﻌﺎﺩ ﺗﮕﻔﻞ ﮔﻔﻼﺕ ﻣﺎﻟﺖ ﺍﻋﺮﺍﺱ ﻭﻫﺎﻱ ﺍﻟﺮﺍﺩﻫﻪ ﻭﻫﺎﻱ ﺍﻟﺘﻤﻨﺎﻫﻪ ﺑﻴﺖ ﺍﻟﺸﻴﺦ ﻻﺑﻦ ﺍﻟﺸﻴﺦ ﺟﺒﻨﺎﻫﻪ ﻭﺑﺲ ﺍﺷﺮ ﻋﻠﻴﻬﻪ ﺭﺣﻨﻪ ﺟﺒﻨﺎﻫﻪ
ﻭﺍﻧﻲ ﺍﺳﻤﻊ ﻭﺍﻏﻠﻲ ﺑﺪﺍﺧﻠﻲ ﻭﻏﺪﻳﺮ ﺗﺤﺎﻭﻝ ﺗﻠﻬﻴﻨﻲ ﺑﺎﻟﺤﭽﻲ ﺣﺘﻰ ﻻ ﺍﺧﻠﻲ ﺑﺎﻟﻲ ﻳﻤﻬﻢ
ﺻﺎﺭ ﺍﻟﻐﺪﻩ ﻭﭼﻨﻪ ﮔﺎﻋﺪﻳﻦ .. ﻃﺐ ﺍﻣﻴﺮ ﻭﺑﻠﻐﻨﻪ ﺑﺰﻭﺍﺟﻪ ﻧﻬﺎﻳﺔ ﺍﻻﺳﺒﻮﻉ
ﺍﻱ ﺣﻘﻪ ﻣﺴﺘﻌﺠﻞ ﻋﻠﻰ ﺍﻟﺰﻭﺍﺝ .. ﻭﺍﻧﻲ ﺧﺎﻟﻨﻲ ﻣﺰﻫﺮﻳﻪ ﻫﻨﺎ ﺭﻭﺣﻲ ﻭﺗﻌﺎﻟﻲ ﻭﺟﻴﺒﻲ ﻭﻭﺩﻱ ﻭﺍﺷﺶ ﻟﺘﺘﻨﻔﺴﻴﻦ ﻭﺑﺲ
ﻣﺮﺕ ﺍﻻﻳﺎﻡ ﺑﺪﻭﻥ ﻣﺎ ﺍﺧﺘﻠﻂ ﺑﻲ ﻭﻫﻮ ﻫﻢ ﭼﺎﻥ ﻳﺘﺠﻨﺐ ﺍﻟﺤﭽﻲ ﻭﻳﺎﻳﻪ ... ﻟﺤﺪ ﻣﺎﺻﺎﺭ ﻳﻮﻡ ﺯﻭﺍﺟﻪ
ﻟﻴﻠﺘﻬﺎ ﻣﺎ ﻧﻤﺖ ﻟﻠﻔﺠﺮ ﻭﺩﻣﻮﻋﻲ ﻣﺎﻧﺸﻔﺖ ﻣﻦ ﺧﺪﻱ .. ﺳﺎﻋﻪ ﺍﺣﭽﻲ ﻭﻳﺎ ﺍﺑﻮﻳﻪ ﻭﺳﺎﻋﻪ ﺍﺩﻋﻲ ﺍﻟﺮﺏ ﺍﻟﻌﺎﻟﻤﻴﻦ ﻳﺨﻠﺼﻨﻲ ﻣﻨﻬﻢ ﻭﺳﺎﻋﻪ ﺍﺩﻋﻲ ﻋﻠﻰ ﺍﻣﻴﺮ ﻭﺳﺎﻋﻪ ﺍﻧﺪﺏ ﺣﻈﻲ ﺍﻟﺨﻼﻧﻲ ﺍﺣﺐ ﻭﺍﺣﺪ ﻣﺜﻠﻪ ﺟﺒﺎﻥ ﻳﺨﺎﻑ ﻳﻌﺘﺮﻑ ﺑﻤﺸﺎﻋﺮﻩ ﻭﻣﺎ ﻳﻬﻤﻪ ﻏﻴﺮ ﺍﻟﻨﺎﺱ ﻭﺣﭽﻴﻬﻢ ﻭﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﻫﺬﻧﻲ ﺑﺎﻟﻨﺴﺒﻪ ﺍﻟﻪ ﺍﻫﻢ ﺣﺘﻰ ﻣﻦ ﮔﻠﺒﻪ
ﺣﺲ ﺍﻟﻔﺠﺮ ﻟﻠﺼﻼﺓ ﻋﺎﻳﻨﻠﻲ ﮔﺎﻋﺪﻩ
ﺷﻮ ﮔﺎﻋﺪ ﺷﻌﺠﺐ
ﻟﻴﺶ ﺗﺴﺄﻝ
ﺷﻨﻮ ﻣﺎ ﻧﻤﺘﻲ
ﻻ ﻧﻤﺖ ﻭﻫﺴﻪ ﮔﻌﺪﺕ
ﺭﺍﺡ ﻟﻠﺤﻤﺎﻡ ﺗﻮﺿﻰ ﻭﺍﺟﻪ ﻳﺼﻠﻲ .. ﻭﮔﻤﺖ ﺍﻧﻲ ﻫﻢ ﺍﺻﻠﻲ ﻋﺴﻰ ﺭﺑﻲ ﻳﻔﺮﺟﻬﻪ ﻋﻠﻴﻪ
ﻧﺰﻟﺖ ﺟﻮﻩ ﮔﺎﻋﺪﻳﻦ ﻣﻦ ﺍﻟﻔﺠﺮ ﻭﻣﺨﺒﻮﺻﻴﻦ ﺑﻌﺮﺱ ﺍﺑﻨﻬﻢ ﻣﻊ ﺍﻧﻮ ﻫﻮ ﺣﺬﺭﻫﻢ ﻣﻴﺮﻳﺪ ﻫﻮﺳﻪ ﻭﻳﺮﻳﺪ ﻳﺘﺰﻭﺝ ﻉ ﺍﻟﺴﺎﻛﺖ
ﺣﺴﻴﺖ ﻧﻔﺴﻲ ﻏﺮﻳﺒﻪ ﺑﻴﻨﻬﻢ .. ﺍﺷﻮﻓﻬﻢ ﻓﺮﺣﺎﻧﻴﻦ ﻭﺍﻟﺪﻧﻴﺎ ﻣﺎ ﻭﺍﺳﻌﺘﻬﻢ ﻭﻻ ﻛﺄﻧﻲ ﺍﻧﻲ ﻣﺮﺗﻪ ﮔﺪﺍﻣﻬﻢ .. ﺣﻘﻬﻢ ﻫﻢ ﺍﺻﻼ ﻣﻴﺸﻮﻓﻮﻧﻲ ﻣﺮﺗﻪ ﻳﺸﻮﻓﻮﻧﻲ ﻓﺼﻠﻴﻪ
ﻣﺮ ﺍﻟﻮﻗﺖ ﺑﺎﻟﮕﻮﻩ ﻭﺍﺟﻪ ﺍﻟﻠﻴﻞ ﻭﺍﻣﻴﺮ ﻃﻮﻝ ﺍﻟﻴﻮﻡ ﻣﻤﺒﻴﻦ
ﺑﻌﺪ ﺍﻟﺼﻼﻩ .. ﭼﻨﻪ ﻛﻠﻨﻪ ﻣﻠﺘﻤﻴﻦ ﺑﺎﻟﺼﺎﻟﻪ ﻭﺍﻧﻲ ﮔﺎﻋﺪﻩ ﺍﺗﺮﻗﺐ ﺷﺮﺍﺡ ﻳﺼﻴﺮ ﻭﺣﺴﻴﺖ ﮔﻠﺒﻲ ﻣﺎﺕ ﺑﻌﺪ ﻛﻠﺸﻲ ﻣﺎ ﺍﺣﺲ ﻭﻻ ﻛﺄﻥ ﺍﻟﻴﻮﻡ ﻋﺮﺱ ﺍﻟﺸﺨﺺ ﺍﻟﻮﺣﻴﺪ ﺍﻟﺤﺒﻴﺘﻪ ﺑﺤﻴﺎﺗﻲ
ﻳﻤﻌﻮﺩ ﻭﺳﺎﻡ ﺧﺎﺑﺮ ﺍﺧﻮﻙ ﮔﻠﻪ ﻭﻳﻦ ﺻﺮﺕ ﻧﺮﻳﺪ ﻧﺮﻭﺡ ﻧﺠﻴﺐ ﺍﻟﺒﺖ ﻣﻦ ﺍﻫﻠﻬﻪ ﺍﻟﻮﺍﺩﻡ ﻣﻨﺘﻈﺮﻩ ﻓﺸﻠﻪ
ﺍﻱ ﺑﻮﻳﻪ ﺻﺎﺭ ﻫﺴﻪ ﺍﺧﺎﺑﺮﻩ
ﺧﺎﺑﺮﻭ ﺍﻣﻴﺮ ﻭﺷﻮﻳﻪ ﻭﺍﺟﻪ ..
....
ﺑﺲ ﺗﺮﻳﮕﺖ ﻃﻠﻌﺖ ﻭﺧﺎﺑﺮﺕ ﺿﺮﻏﺎﻡ ﺍﺟﺎﻧﻲ ﻟﻠﺪﻳﻮﺍﻥ ﻭﻛﻤﻠﺖ ﻭﻳﺎ ﻣﻮﺿﻮﻋﻨﻪ ﺍﻟﻤﺘﻔﻘﻴﻦ ﻋﻠﻲ .. ﻇﻠﻴﺖ ﺑﺎﻟﺸﻐﻞ ﻃﻮﻝ ﺍﻟﻴﻮﻡ ﻭﻣﺎ ﺣﺴﻴﺖ ﻋﻠﻰ ﺭﻭﺣﻲ ﺇﻻ ﺻﺎﺭ ﺍﻟﻠﻴﻞ ﻭﺍﺧﻮﻱ ﺧﺎﺑﺮﻧﻲ ﻭﻳﮕﻠﻲ ﻣﻨﺘﻈﺮﻳﻚ ﺑﺎﻟﺒﻴﺖ ﻧﺮﻭﺡ ﻧﺠﻴﺐ ﺍﻟﺒﺖ ﻣﻦ ﺍﻫﻠﻬﻪ
ﻋﻔﺖ ﺍﻟﺒﻴﺪﻱ ﻭﺭﺟﻌﺖ ﻟﻠﺒﻴﺖ ﻭﺍﻭﻝ ﻣﺎ ﻃﺒﻴﺖ ﺗﻠﮕﺎﻧﻲ ﺍﺑﻮﻱ ...
ﻭﻳﻦ ﺻﺮﺕ ﻭﻟﻴﺪﻱ ﺍﻛﻮ ﻭﺍﺣﺪ ﺑﻌﺮﺳﻪ ﻣﺨﺘﻔﻲ ﻣﻦ ﺍﻟﺼﺒﺢ ﻟﻠﻴﻞ
ﺍﻋﺬﺭﻧﻲ ﺑﻮﻳﻪ ﭼﺎﻥ ﺷﻐﻞ ﻫﻮﺍﻱ ﻓﻮﮒ ﺭﺍﺳﻲ ﻭﻫﺴﻪ ﻳﻼ ﺧﺼﻠﺖ
ﻳﺎ ﺷﻐﻞ ﻫﺬﺍ ﺍﺑﻨﻲ ﺍﻟﻴﻮﻡ ﻋﺮﺳﻚ ﺻﺪﮒ ﺗﺤﭽﻲ .. ﺍﻟﺸﻐﻞ ﻣﻴﻄﻴﺮ ﻳﻤﻌﻮﺩ
ﻣﺼﺎﺭ ﺷﻲ ﺑﻮﻳﻪ ﻫﺎﻳﻨﻲ ﺍﺟﻴﺖ ﻭﺑﻌﺪﻩ ﺍﻟﻠﻴﻞ ﺑﺄﻭﻟﻪ
ﺩﻃﻠﻊ ﺑﺪﻝ ﻣﻼﺑﺴﻚ ﺣﺘﻰ ﻧﺮﻭﺡ ﻟﻠﻮﺍﺩﻡ
ﻻ ﻣﺎ ﺍﺑﺪﻝ ﻫﻴﭻ ﺍﺭﻭﺡ .....
