٧_______٩
#بارت٧
# ﻓﺼﻠﻴﻪ _ ﻷُﻧﺎﺱ _ ﻻﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ _ ﺍﻟﻤﻮﺳﻮﻱ
ﺷﻔﺘﻬﺎ ﻣﺎ ﺟﺎﻭﺑﺘﻨﻲ ﺍﺧﺬﺕ ﻣﻦ ﺍﻟﺴﺮﻳﺮ ﻣﺨﺪﻩ ﻭﺗﻤﺪﺩﺕ ﺑﺎﻟﮕﺎﻉ ﻭﺷﻐﻠﺖ ﺍﻟﺘﻠﻔﺰﻳﻮﻥ ﻋﻠﻰ ﺍﻻﺧﺒﺎﺭ ﻭﻧﺼﻴﺘﻪ ﺣﺘﻰ ﺗﻨﺎﻡ ﺗﺮﺗﺎﺡ ﻭﻇﻠﻴﺖ ﺍﺗﻔﺮﺝ ﻋﻠﻰ ﺍﻻﺧﺒﺎﺭ .. ﻣﺎ ﺣﺴﻴﺖ ﺇﻻ ﻏﺪﻳﺮ ﻓﺘﺤﺖ ﺍﻟﺒﺎﺏ ﻭﮔﺎﻟﺖ ﺍﺟﻦ ﺧﻮﺍﺗﻲ ﻳﻨﺘﻈﺮﻧﻚ
ﮔﻤﺖ ﻣﻦ ﻣﻜﺎﻧﻲ ﺩﺍ ﺍﻃﻠﻊ ﻣﻦ ﺍﻟﻐﺮﻓﻪ ﺩﺭﺕ ﻭﺟﻬﻲ ﻟﮕﻴﺘﻬﺎ ﮔﺎﻋﺪﻩ ... ﺭﺟﻌﺘﻠﻬﺎ
ﺳﻤﺎ ﺗﻨﺎﻣﻴﻦ ﻫﺴﻪ ﻟﻮ ﻻ
ﻻ ﻟﻴﺶ ﺗﺴﺄﻝ
ﺣﺘﻰ ﺍﻭﺩﻳﭻ ﺗﻨﺎﻣﻴﻦ ﻫﻨﺎﻙ ﻋﻠﻰ ﺍﻟﻘﻨﻔﻪ ﻭﺍﺻﻴﺢ ﻏﺪﻳﺮ ﺗﻨﻀﻒ ﺍﻟﺠﺮﺑﺎﻳﻪ ﻭﺍﻟﮕﺎﻉ ﻛﻠﻬﺎ ﺩﻡ
ﻋﺎﻳﻨﺖ ﻋﻠﻰ ﺍﻟﺠﺮﺑﺎﻳﻪ ﺻﺪﮒ ﻣﻠﻴﺎﻧﻪ ﺩﻡ ﻭﺍﻟﺮﻳﺤﻪ ﻗﻮﻳﻪ ﺑﺲ ﻣﻦ ﺍﻷﻟﻢ ﻣﺎ ﺍﻧﺘﺒﻬﺖ ﻟﻜﻠﺸﻲ .. ﺳﺄﻟﺘﻪ ﺑﺘﻌﺠﺐ
ﺷﺠﺎﺏ ﺍﻟﺪﻡ ﻫﻨﺎ !!!
ﺍﺑﺘﺴﻢ ﻭﮔﺎﻝ
ﻏﺮﮔﺘﻲ ﺍﻟﺒﻴﺖ ﺑﺎﻟﺪﻡ ﻣﺎﻟﺘﭻ ﺑﺤﻴﺚ ﺻﻌﺪﻟﻲ ﻟﻠﻐﺮﻓﻪ ﻭﻃﻮﻑ ﻓﻮﮒ ﺍﻟﺴﺮﻳﺮ ...
ﺣﭽﻪ ﻫﻴﭻ ﻭﻃﻠﻊ .. ﺗﻌﺠﺒﺖ ﺷﺼﻌﺪ ﺍﻟﺪﻡ ﻫﻨﺎ ﻣﻌﻘﻮﻝ ﺻﻌﺪﻧﻲ ﻓﻮﮒ ﻗﺒﻞ ﻻ ﻳﻮﺩﻳﻨﻲ ﻟﻠﻤﺴﺘﺸﻔﻰ ... ﺍﻛﻴﺪ ﺻﻌﺪﻧﻲ ﻣﺎﻛﻮ ﻏﻴﺮ ﺗﻔﺴﻴﺮ ﺑﺲ ﻟﻴﺶ ؟؟ ﺑﻌﺪﻧﻲ ﺍﻓﻜﺮ ﻧﻔﺘﺤﺖ ﺍﻟﺒﺎﺏ ﺷﻔﺖ ﻏﺪﻳﺮ ﺩﺗﻄﺐ
ﺍﺧﻮﻳﻪ ﺩﺯﻧﻲ ﺍﻧﻀﻒ ﺍﻟﻐﺮﻓﻪ ﻭﺍﻟﺠﺮﺍﺟﻒ ﺗﻌﺎﻟﻲ ﺍﮔﻮﻣﭻ ﻋﻠﻰ ﺍﻟﻘﻨﻔﻪ ﺣﺘﻰ ﺍﻧﻀﻒ
ﺳﻨﺪﺗﻨﻲ ﻭﻣﺸﺘﻨﻲ ﻟﻠﻘﻨﻔﻪ .. ﺑﻬﻸﺛﻨﺎﺀ ﺳﺄﻟﺘﻬﺎ :
ﻏﺪﻳﺮ ﺷﺠﺎﺏ ﺍﻟﺪﻡ ﻫﻨﺎﺍ ؟؟
ﻭﺍﻟﻠﻪ ﺣﺒﻴﺒﻪ ﻣﺎ ﺍﺩﺭﻱ ﺳﺄﻟﻲ ﺭﺟﻠﺞ
ﻣﺎ ﺣﭽﻴﺖ ﺷﻲ ﮔﻌﺪﺗﻨﻲ ﻋﻠﻰ ﺍﻟﻘﻨﻔﻪ ﻭﺭﺍﺣﺖ ﺗﻨﻀﻒ
....
ﻧﺰﻟﺖ ﻭﻃﺒﻴﺖ ﻟﻠﻤﻄﺒﺦ ﺷﻔﺖ ﻏﺪﻳﺮ ﺗﺸﺘﻐﻞ ﻃﻠﺒﺖ ﻣﻨﻬﺎ ﺗﺼﻌﺪ ﺗﮕﻌﺪ ﺳﻤﺎ ﻋﻠﻰ ﺍﻟﻘﻨﻔﻪ ﻭﺗﻨﻀﻒ ﻏﺮﻓﺘﻲ ﻣﻦ ﺍﻟﺪﻡ ﻭﺗﻐﺴﻞ ﺍﻟﺠﺮﺍﺟﻒ
ﺻﻌﺪﺕ ﻏﺪﻳﺮ ﻭﺭﺣﺖ ﻟﻠﺼﺎﻟﻪ ﻟﮕﻴﺖ ﺍﻣﻲ ﻭﺧﻮﺍﺗﻲ ﻣﺠﺘﻤﻌﺎﺕ ﻭﻣﺤﺪ ﻳﻤﻬﻦ .. ﺳﻠﻤﺖ
ﺭﺩﻭ ﺍﻟﺴﻼﻡ
ﮔﻌﺪﺕ ﻭﺍﻧﻲ ﻧﺎﺭ ﺷﺎﺑﻪ ﺑﻀﻠﻮﻋﻲ ﺷﮕﺪ ﺻﻌﺒﻪ ﻣﻦ ﺍﻟﻤﻨﻚ ﻭﺑﻴﻚ ﻳﻄﻌﻨﻚ ﻭﻳﻨﺰﻝ ﺭﺍﺳﻚ .... ﺭﻓﻌﺖ ﺭﺍﺳﻲ ﻭﺣﭽﺖ
ﺍﺣﭽﻲ ﺣﺠﻴﻪ ﺷﺼﺎﺭ ...
ﺷﺤﭽﻲ ﻳﻤﻪ ﻫﻮ ﺷﻨﻮ ﺍﻟﺼﺎﺭ
ﺗﻌﺮﻓﻴﻦ ﺷﺼﺎﺭ ﺑﺲ ﺍﺭﻳﺪ ﺍﺳﻤﻊ ﻣﻨﭻ
ﻣﺎ ﺍﻋﺮﻑ ﺷﻲ ﻳﻤﻪ ﺍﻧﺘﻲ ﺗﺤﺠﻪ
ﻟﻴﺶ ﺳﻮﻳﺘﻮﺍ ﻫﻴﭻ ﺑﺴﻤﺎ
ﻧﻄﺖ ﺣﻨﺎﻥ ﺧﻮﻳﻪ ﻛﻠﺸﻲ ﻣﺴﻮﻳﻨﺎﻟﻬﺎ ﺍﻛﺒﺮ ﺟﺬﺍﺑﻪ ﺗﺘﺒﻠﻪ ﻋﻠﻴﻨﻪ
ﮔﻤﺖ ﻣﻦ ﻣﻜﺎﻧﻲ ﻭﺍﻧﻲ ﺍﻓﺮﻙ ﺃﻳﺪ ﺑﺄﻳﺪ
ﺑﻠﻪ ﺳﺖ ﺣﻨﺎﻥ ﻣﻤﻜﻦ ﺗﮕﻠﻴﻠﻲ ﺷﻠﻮﻥ ﺗﺘﺒﻠﻪ ﻋﻠﻴﻜﻢ .. ﻣﺜﻼ ﺗﻠﺰﻡ ﺍﻟﺴﺠﻴﻨﻪ ﻭﺗﺠﻮﻱ ﻧﻔﺴﻬﺎ ﺣﺘﻰ ﺗﺘﺒﻠﻪ ﻋﻠﻴﻜﻢ ﻟﻮ ﺗﻀﺮﺏ ﺟﺴﻤﻬﺎ ﺑﺎﻟﺤﺰﺍﻡ ﻭﺗﺴﻮﻱ ﺧﻄﻮﻁ ﺧﻄﻮﻁ ﻭﺗﺘﻬﻤﻜﻢ ﺑﻬﺎﻟﺸﻲ ﻟﻮ ﺗﻠﺰﻡ ﺍﻟﺤﺪﻳﺪﻩ ﺗﻨﻴﻤﻬﺎ ﺑﺮﺍﺳﻬﺎ ﻭﺗﺘﺤﻤﻞ ﺧﻴﺎﻁ ﻣﻦ ﺍﻟﻄﻮﻝ ﻟﻠﻄﻮﻝ ﺑﺲ ﺣﺘﻰ ﺗﻄﻠﻌﻜﻢ ﻣﻮ ﺧﻮﺵ
ﻣﺤﺪ ﺭﺩ
ﺯﻣﺨﺖ ﺑﻴﻬﻢ ﺷﻮ ﺳﺎﻛﺘﻴﻦ ﺍﺭﻳﺪ ﺍﺣﺪ ﻳﺠﺎﻭﺑﻨﻲ ﻻ ﺍﺣﺮﮔﻜﻢ ﺑﻤﻜﺎﻧﻜﻢ
ﺣﺠﺖ ﺟﻨﺎﻥ ...
ﺧﻮﻳﻪ ﺗﺴﺘﺎﻫﻞ ﻫﻲ ﻓﺼﻠﻴﻪ ﺷﺘﺮﻳﺪ ﻧﻐﻠﺲ ﺭﺟﻠﻬﻪ ﺑﺎﻟﻤﺎﻱ ﻭﻧﻐﺴﻠﻠﻬﻪ ﺍﻳﺪﻫﻪ ﻭﺭﻩ ﻣﺘﺎﻛﻞ
ﻭﺍﻟﻔﺼﻠﻴﻪ ﺑﺸﺮ ﻟﻮ ﺣﻴﻮﺍﻥ ... ﻳﺎ ﻋﺮﺏ ﺗﻈﻞ ﺑﺸﺮ ﺑﺸﺮ ﻭﺍﻟﻠﻪ ﺣﺘﻠﻮ ﺣﻴﻮﺍﻥ ﺟﻮﻩ ﺍﻳﺪﻛﻢ ﺟﺎﻥ ﺭﺣﻤﺘﻮﺍ
ﺣﺠﺖ ﺍﻟﺤﺠﻴﻪ
ﻳﻤﻪ ﺗﺴﺘﺎﻫﻞ ﺍﻛﺜﺮ ﻣﻦ ﻫﺎﻟﺸﻲ ﺷﻨﻮ ﺑﺴﺮﻋﻪ ﻧﺴﻴﺖ ﺍﺧﻮﻙ ﭼﻨﺖ ﻣﺘﺄﻣﻠﻪ ﺗﺰﻓﻠﻲ ﺧﺒﺮ ﻣﻮﺕ ﺍﺧﻮﻫﺎ ﻭﺗﻔﺮﺣﻨﻲ ﻣﻦ ﺍﺷﻮﻑ ﺩﻣﻪ ﺟﺪﺍﻣﻲ ﻭﺗﺎﻟﻲ ﻫﺴﻪ ﻭﺍﮔﻒ ﭼﺪﺍﻣﻲ ﺗﺪﺍﻓﻊ ﻋﻦ ﺑﻨﺖ ﺍﻟﺸﻮﺍﺭﻉ
ﺍﻭﻻ ﻳﻤﻪ ﻣﺎ ﺍﺳﻤﺤﻠﭻ ﺗﮕﻮﻟﻴﻦ ﻋﻠﻴﻬﻪ ﺑﺖ ﺷﻮﺍﺭﻉ ﻫﺎﻱ ﻣﺮﺗﻲ ﻣﻬﻤﺎ ﻛﺎﻥ .. ﺛﺎﻧﻴﺎ ﭼﺘﻠﺖ ﺍﺧﻮﻳﻪ ﺻﺎﺭﺕ ﺑﺎﻟﻐﻠﻂ ﻭﻣﻘﺎﺑﻞ ﻫﺎﻱ ﺍﺧﺬﻧﻪ ﺑﺘﻬﻢ ﻓﺼﻠﻴﻪ ﻭﺣﺮﻣﻨﺎﻫﻪ ﻣﻨﻬﻢ ﻭﻧﺤﺮﻣﻮﺍ ﻣﻨﻬﻪ ﻭﺧﻠﻴﻨﺎﻫﻪ ﺧﺪﺍﻣﻪ ﻟﻠﺼﻐﻴﺮ ﻗﺒﻞ ﺍﻟﺠﺒﻴﺮ ﻭﻣﺘﺤﻤﻠﻪ ﺍﻟﻤﺴﺒﻪ ﻭﺍﻟﻤﻬﺎﻧﻪ ﻭﺍﻟﻤﺬﻟﻪ ﻭﺳﺎﻛﺘﻪ ﻫﺬﺍ ﻛﻠﻪ ﻭﻣﺎ ﻧﺸﻔﻪ ﮔﻠﺒﭻ ﺗﺮﺩﻳﻦ ﺑﻌﺪ ﺍﻛﺜﺮ .. ﺣﺮﮔﺖ ﮔﻠﺒﭻ ﻋﻠﻰ ﺍﺑﻨﭻ ﻣﻮ ﺍﻗﻞ ﻣﻦ ﺣﺮﮔﺖ ﮔﻠﺐ ﺍﻣﻬﻪ ﻋﻠﻴﻬﺎ ﻋﻠﻰ ﺍﻻﻗﻞ ﺍﻧﺘﻲ ﺗﻌﺮﻓﻴﻦ ﺍﺑﻨﺞ ﻧﺎﻳﻢ ﺟﻮﻩ ﺍﻟﺘﺮﺍﺏ ﻭﺗﺤﺪ ﺍﻳﺪ ﺍﺭﺣﻢ ﺍﻟﺮﺍﺣﻤﻴﻦ .. ﺇﻟﻪ ﻫﻲ ﺍﻟﻤﺴﻜﻴﻨﻪ ﻧﺤﺮﻣﺖ ﻣﻦ ﺑﺘﻬﺎ ﻭﻫﻲ ﺗﺸﺘﻢ ﺍﻟﻬﻮﻯ ﻃﻮﻝ ﻋﻤﺮﻫﺎ ﻭﺗﻌﺮﻑ ﺑﻴﻬﻪ ﺑﻴﺪ ﻧﺎﺱ ﻣﻴﺤﺒﻮﻫﻪ ﻭﻛﻞ ﺩﻗﻴﻘﻪ ﻳﺘﺸﻔﻮﻥ ﺑﻴﻬﻪ ﺣﺘﻰ ﻳﺒﺮﺩﻭﻥ ﻧﺎﺭ ﮔﻠﺒﻬﻢ .. ﺷﺘﺮﺩﻳﻦ ﺍﻛﺜﺮ ﻣﻦ ﻫﺬﺍ ﺑﻌﺪ ....... ﺛﺎﻟﺜﺎ ﺍﻧﺘﻲ ﺣﭽﻴﻪ ﻭﺣﺎﺟﻪ ﺑﻴﺖ ﺍﻟﻠﻪ ﻭﺗﻌﺮﻓﻴﻦ ﺑﺎﻟﻘﺮﺃﻥ ﻳﮕﻮﻝ ﺭﺑﭻ ﻭﻻ ﺗﺰﺭﻭﺍ ﻭﺍﺯﺭﺓ ﻭﺯﺭ ﺍﺧﺮﻯ ﻭﻳﻨﭻ ﻋﻦ ﻛﻼﻡ ﺭﺏ ﺍﻟﻌﺎﻟﻤﻴﻦ ﻳﻤﻪ ... ﺷﻐﻴﺮﭺ ﻣﺎ ﭼﻨﺘﻲ ﻫﻴﭻ ﻃﻮﻝ ﻋﻤﺮﭺ ﺗﺨﺎﻓﻴﻦ ﺭﺑﭻ ﺣﺘﻰ ﺑﺎﻟﻴﻜﺮﻫﭻ ﺑﺲ ﺍﻧﻲ ﺍﻋﺮﻑ ﻫﺎﻱ ﻣﻮ ﺳﻮﺍﻟﻔﭻ ﻫﺎﻱ ﺳﻮﺍﻟﻒ ﺧﻮﺍﺗﻲ ﻫﻦ ﻳﻌﻠﻤﻨﭻ ﻣﻦ ﺷﻮﻛﺖ ﺣﺒﻨﭻ ﻭﮔﺎﻣﻦ ﻳﺮﻳﺪﻥ ﻣﺼﻠﺤﺘﭻ ﺍﻟﻠﻪ ﻭﻛﻴﻠﭻ ﻛﻠﻪ ﺣﻘﺪ ﻭﻏﻴﺾ ﻣﻮ ﺣﺒﺎ ﺑﻴﺞ ﻫﻴﭻ ﺳﻮﻥ
ﺣﺠﺖ ﺣﻨﺎﻥ
ﻭﺳﻔﻪ ﺧﻮﻳﻪ ﻃﻠﻌﺘﻨﻪ ﻫﻴﭻ ﻣﻮ ﺧﻮﺵ ﻣﻦ ﺗﺎﻟﻲ ﻋﻤﺮﻧﻪ
ﺑﺴﭻ ﺣﻨﺎﻥ ﺣﺴﭻ ﻣﺎ ﺍﺳﻤﻌﻪ ﻋﻠﻰ ﻋﻤﻠﺘﻜﻢ ﻫﺎﻱ ﻟﻮ ﺍﺫﺑﺤﻜﻢ ﻋﻠﻰ ﻗﺒﻠﺔ ﺍﻟﻜﻔﺎﺭ ﻣﻴﺸﻔﻪ ﮔﻠﺒﻲ .. ﻟﻮ ﻣﻴﺘﻪ ﺍﻟﺒﻨﻴﻪ ﺷﮕﻞ ﻟﻠﻨﺎﺱ ﺟﺎﻭﺑﻨﻲ ... ﻟﻮ ﻣﻴﺘﻪ ﺷﮕﻞ ﻟﺮﺑﻲ ﻗﺒﻞ ﺍﻟﻨﺎﺱ ... ﻋﻠﻰ ﻫﺎﻱ ﻋﻤﻠﺘﻜﻢ ﺷﻠﺘﻮ ﻋﮕﺎﻟﻲ ﻣﻦ ﺭﺍﺳﻲ ﻭﺩﺳﺘﻮ ﺑﺮﺟﻠﻜﻢ
ﻻ ﻳﻤﻪ ﺣﺸﺎﻙ ﻭﺣﺸﻪ ﻋﮕﺎﻟﻚ ﻳﻈﻞ ﻣﺮﻓﻮﻉ ﻃﻮﻝ ﺍﻟﻌﻤﺮ ﻓﻮﮒ ﺭﺍﺳﻚ ﻭﻣﺎ ﻋﺎﺵ ﺍﻟﻴﻨﺰﻟﻪ ﻭﻳﺪﻭﺳﻪ
ﺍﺳﻤﻌﻨﻲ ﺣﻨﺎﻥ ﺟﻨﺎﻥ ﺍﺳﻤﺎﺀ ﺍﻣﺎﻝ ... ﻣﺎ ﻃﻮﻟﻨﻲ ﻋﺎﻳﺶ ﻭﺍﺷﻢ ﺍﻟﻬﻮﻯ ﻫﺬﺍ ﺍﻟﺒﻴﺖ ﻣﺎﻟﭽﻦ ﻣﻜﺎﻥ ﺑﻲ ﺗﮕﻮﻣﻦ ﻫﺴﻪ ﺗﻄﻠﻌﻦ ﻭﻣﻦ ﻫﺎﻱ ﺍﻟﻠﺤﻈﻪ ﺍﻧﻲ ﻣﺎﻋﻨﺪﻱ ﺧﻮﺍﺕ ﻏﻴﺮ ﻏﺪﻳﺮ ... ﺳﻤﻌﺖ ﺣﻨﺎﻥ ﺍﻟﺤﺠﻲ ﻭﮔﻔﺖ ﻋﻠﻰ ﺣﻴﻠﻬﻪ
ﺷﻨﻮ ﺍﻟﺠﺪﻳﺪ ﺧﻮﻳﻪ ﻣﻦ ﻳﻮﻡ ﻳﻮﻣﻚ ﺗﻔﺮﻕ ﺑﻴﻨﻪ ﻭﺑﻴﻦ ﻏﺪﻳﺮ
ﺍﻧﻲ ﻣﺎ ﺍﻓﺮﻕ ﻭﻛﻠﭽﻦ ﺧﻮﺍﺗﻲ ﻭﺍﺣﺒﭽﻦ ﺑﺲ ﻏﺪﻳﺮ ﺗﺮﺑﺎﺗﻲ ﻋﻤﺮﻫﺎ ﻣﺎ ﻏﻠﻄﺖ ﺑﺸﻲ ﺧﺼﻮﺻﺎ ﺑﺤﻘﻲ ... ﻋﻤﺮﻫﺎ ﻣﺎ ﺗﺠﺎﻭﺯﺕ ﻋﻠﻰ ﺷﻲ ﻳﺨﺼﻨﻲ ﻣﺜﻞ ﻣﺎ ﺳﻮﻳﺘﻦ ﺍﻧﺘﻦ ... ﺍﻧﺘﻬﻰ ﺍﻟﻨﻘﺎﺵ ﻟﺒﺴﻦ ﻋﺒﻴﺠﻦ ﻭﻃﻠﻌﻦ ﻣﻦ ﺍﻟﺒﺎﺏ ﻭﻻ ﺗﻔﻮﺗﻨﻠﻪ ﺑﻌﺪ ﺩﺍﻣﻨﻲ ﻋﺎﻳﺶ
ﻃﻠﻌﻦ ﺧﻮﺍﺗﻲ ﻭﮔﻌﺪﺕ ﻳﻢ ﺍﻣﻲ ﺍﺣﭽﻲ ﻭﻳﺎﻫﺎ ﻭﺍﻧﺼﺤﻬﻪ ﺑﺎﻟﺘﻲ ﻫﻲ ﺍﺣﺴﻦ ﺣﺘﻰ ﻻﺗﺎﺧﺬ ﻋﻠﻰ ﺧﺎﻃﺮﻫﻪ ﻭﺑﻨﻔﺲ ﺍﻟﻮﻗﺖ ﻻ ﺗﺮﺗﻜﺐ ﺫﻧﻮﺏ ﺗﻠﻮﺙ ﻃﻴﺒﺘﻬﻪ ﻭﻣﻌﺪﻧﻬﻪ ﺍﻻﺻﻴﻞ
.....
ﻇﻠﺖ ﻏﺪﻳﺮ ﺗﻨﻀﻒ ﺑﺎﻟﻐﺮﻓﻪ ﻭﺍﻧﻲ ﺻﺎﻓﻨﻪ ﻭﺍﺗﺬﻛﺮ ﺍﻟﺼﺎﺭ ﻭﻣﺨﻨﻮﮔﻪ ﺍﺣﺲ ﻏﺼﻪ ﻭﺍﮔﻔﻪ ﺑﺰﺭﺩﻭﻣﻲ ... ﺣﭽﻴﺖ
ﻏﺪﻳﺮ ﺍﻧﺘﻲ ﺷﻌﺠﺐ ﻣﺘﺸﺒﻬﻴﻦ ﺧﻮﺍﺗﭻ
ﻫﻬﻬﻪ ﺷﻠﻮﻥ ﻳﻌﻨﻲ ﻣﺎ ﺍﺷﺒﻬﻦ
ﻳﻌﻨﻲ ﻻ ﺷﻜﻞ ﻻ ﺍﻃﺒﺎﻉ ... ﺍﻧﺘﻲ ﺍﺣﻠﻰ ﻣﻨﻬﻢ ﻭﺣﺒﺎﺑﻪ ﺍﻛﺜﺮ ﻣﻨﻬﻦ .. ﺍﺻﻼ ﻣﺎﻛﻮ ﺑﺎﻟﺒﻴﺖ ﺷﺨﺺ ﺣﺒﺎﺏ ﻏﻴﺮﭺ
ﻻ ﺣﺒﻴﺒﻪ ﻫﻮﺍﻱ ﺍﻛﻮ ﺧﻮﺵ ﻧﺎﺱ ﻫﻨﺎ .. ﻣﺜﻼ ﺍﺧﻮﺍﻧﻲ ﻭﺳﺎﻡ ﻭﺳﺎﻣﺮ ﺣﺒﺎﺑﻴﻦ ﻭﻋﻤﺮﻫﻢ ﻣﺎ ﺍﺫﻭ ﺍﺣﺪ ﻋﺎﻳﺸﻴﻦ ﺑﺤﺎﻟﻬﻢ ﻭﭼﺎﻓﻴﻦ ﺧﻴﺮﻫﻢ ﺷﺮﻫﻢ ... ﺍﺧﻮﻳﻪ ﺍﻣﻴﺮ ﻣﺎﻛﻮ ﺑﻄﻴﺒﺘﻪ ﻭﺑﺰﻳﻨﻴﺘﻪ ... ﻭﻏﻴﺚ ﺍﻟﻠﻪ ﻳﺮﺣﻤﻪ ﺟﺎﻥ ﻃﻴﺐ ﺑﺲ ﻣﺼﮕﻮﻉ ﻭﻏﺎﺭﺗﻪ ﺍﻟﺪﻧﻴﻪ ... ﺍﻣﺎ ﺧﻮﺍﺗﻲ ﺻﺢ ﻣﻦ ﻳﻮﻡ ﻳﻮﻣﻬﻢ ﻳﻜﺮﻫﻨﻲ ﺍﻧﻲ ﻭﺍﻣﻲ ﻭﺍﺧﻮﺍﻧﻲ ﺍﻣﻴﺮ ﻭﻏﻴﺚ ﻭﻣﻴﺤﺒﻦ ﺍﻟﻨﻪ ﺍﻟﺨﻴﺮ
ﺻﻔﻨﺖ ﻋﻠﻰ ﺣﺠﻴﻬﺎ ﻭﺟﺎﻭﺑﺖ ..
ﻟﻴﺶ ﻫﻦ ﻏﻴﺮ ﺧﻮﺍﺗﭻ
ﻻ ﺣﺒﻲ ﺧﻮﺍﺗﻲ ﺑﺲ ﻣﻮ ﻣﻦ ﺍﻣﻲ .. ﺧﻮﺍﺗﻲ ﻣﻦ ﻣﺮﺕ ﺍﺑﻮﻳﻪ ﺍﻻﻭﻟﻰ ﻣﺎﺗﺖ ﺍﻟﻠﻪ ﻳﺮﺣﻤﻬﻪ ﻭﺗﺰﻭﺝ ﺍﻣﻲ ﺧﻼﻓﻬﻪ
ﻫﺎﺍ ﻭﻣﻨﻮ ﺍﺧﻮﺍﻧﺞ ﻣﻦ ﺍﻣﺞ ﻭﺍﺑﻮﺝ
ﺍﻧﻲ ﻭﺍﻣﻴﺮ ﻭﻏﻴﺚ
ﻫﺎﺍﺍ ﺍﮔﻮﻝ ﺧﻮﺍﺗﭻ ﻣﺎ ﺑﻮﺟﻬﻦ ﺭﺣﻤﺔ ﺍﻟﻠﻪ
ﺍﻱ ﺣﺒﻴﺒﻪ ﻭﺍﻧﻲ ﻣﺘﺄﻛﺪﻩ ﻫﻦ ﻭﺭﻩ ﺍﻟﺴﺎﻟﻔﻪ ﺍﻟﺼﺎﺭﺕ ﻭﻳﺎﺝ .. ﺍﻛﻴﺪ ﺣﺸﻦ ﺍﻣﻲ ﻋﻠﻴﺞ ﻭﺳﺘﻐﻠﻦ ﻗﻬﺮﻫﻪ ﻋﻠﻰ ﺍﺧﻮﻳﻪ ﺣﺘﻰ ﻳﺬﺑﻦ ﺳﻤﻬﻦ ﻭﺣﻘﺪﻫﻦ ﻣﺜﻞ ﻣﺎ ﻳﺘﻤﻨﻦ .. ﺑﺲ ﻭﻻ ﻳﻤﻬﺞ ﺍﺧﻮﻳﻪ ﻫﺴﻪ ﻳﺎﺧﺬﻟﺞ ﺣﻘﺞ
ﻳﻤﻌﻮﺩﻩ ﺧﻠﻲ ﻳﺎﺧﺬﻟﻲ ﺣﻘﻲ ﻣﻦ ﻧﻔﺴﻪ ﺍﻭﻝ ﺑﻌﺪﻳﻦ ﻳﺎﺧﺬﻩ ﻣﻨﻬﻦ
ﻭﺍﻟﻠﻪ ﺍﺧﻮﻳﻪ ﻃﻴﺐ ﻭﺍﻻﻳﺎﻡ ﺗﺜﺒﺘﻠﺞ
ﺳﻜﺘﺖ ﻣﺎ ﺣﭽﻴﺖ ﺷﻲ ..
ﻧﻀﻔﺖ ﻭﻛﻤﻠﺖ ﺗﻨﻀﻴﻒ ﻭﻓﺮﺷﺖ ﻓﺮﺷﺖ ﺍﻟﺠﺮﺑﺎﻳﻪ ﻭﺳﻨﺪﺗﻨﻲ ﺭﺟﻌﺘﻨﻲ ﻋﻠﻰ ﺍﻟﺠﺮﺑﺎﻳﻪ ﻭﮔﺎﻟﺖ
ﺣﺒﻴﺒﻪ ﺗﺮﺩﻳﻦ ﺷﻲ ﺍﻧﺰﻝ ﻋﻠﻰ ﺷﻐﻞ ﺍﻟﺒﻴﺖ ﺍﺳﺎﻋﺪ ﺿﺤﻰ ﻭﺳﻌﻴﺪﺍﻥ ﻋﻠﻰ ﮔﻮﻟﺘﭻ ﻻ ﺗﺼﻴﺮ ﺳﻌﻠﻮﻩ ﻋﻠﻴﻪ
ﺿﺤﻜﺖ ﻣﻦ ﺣﭽﺖ ﻫﻴﭻ ..
ﻻﺣﺒﻲ ﻧﺰﻟﻲ ﻣﺎ ﺍﺭﻳﺪ ﺷﻲ
ﻣﺎﺷﻲ ﻭﺻﺪﮒ ﺑﻠﻠﻴﻞ ﺍﺻﻌﺪ ﺍﺩﻫﻨﻠﭻ ﻣﻦ ﻫﺎﻱ ﺍﻟﻌﺼﺎﺭﻩ ﺷﻔﺖ ﻛﺎﺗﺒﻴﻦ ﻋﻠﻴﻬﻪ ﻣﺮﺗﻴﻦ ﺑﺎﻟﻴﻮﻡ ﺣﺘﻰ ﻻﻳﻈﻞ ﺍﺛﺮ ﺑﺠﺴﻤﺞ
ﺍﻭﻙ ﺣﺒﻲ ﺷﻜﺮﺍ
ﺗﺘﺪﻟﻠﻴﻦ ﺣﺒﻴﺒﻪ
ﻧﺰﻟﺖ ﻏﺪﻳﺮ ﻭﺷﻮﻳﻪ ﻭﻧﻔﺘﺢ ﺍﻟﺒﺎﺏ ﻭﺩﺧﻞ ﺍﻣﻴﺮ
ﺷﻠﻮﻥ ﺻﺮﺗﻲ
ﻣﺎ ﺟﺎﻭﺑﺘﻪ
ﺭﺟﻊ ﺗﻤﺪﺩ ﺑﺎﻟﮕﺎﻉ ﻳﺘﺎﺑﻊ ﺍﺧﺒﺎﺭ .. ﻏﻔﻴﺖ ﺍﻧﻲ
ﺣﺴﻴﺖ ﻋﻠﻲ ﺩﻳﺼﻠﻲ ﻋﺮﻓﺖ ﺻﺎﺭ ﺍﻟﻠﻴﻞ
ﻋﺎﻳﻨﺖ ﻋﻠﻲ ﻳﻄﻮﻝ ﺑﺼﻼﺗﻪ ﻭﻣﺪﻧﮓ ﺭﺍﺳﻪ
ﺣﺠﻴﺖ ﺑﮕﻠﺒﻲ
ﻟﻴﺸﻮﻓﻚ ﻳﮕﻮﻝ ﺷﻴﺦ ﺟﺎﻣﻊ ﻣﻮ ﺷﻴﺦ ﻃﻼﻳﺐ
ﺩﺍﺭ ﻭﺟﻬﻪ ﻫﺎ ﮔﻌﺪﺗﻲ
ﻣﺎ ﺟﺎﻭﺑﺖ
ﻧﺪﮔﺖ ﺍﻟﺒﺎﺏ ﻏﺪﻳﺮ ﻃﺒﺖ
ﺧﻮﻳﻪ ﺍﺟﻴﺖ ﺍﺩﻫﻦ ﺍﻟﺴﻤﺎ ﺍﻟﺪﻫﻦ ﻭﺍﻧﺰﻝ ﺍﻋﺎﻭﻧﻬﻢ ﺑﺎﻟﻌﺸﻪ .. ﺍﻧﺰﻝ ﺍﻧﺖ ﺑﻴﻦ ﻣﺎ ﺍﺩﻫﻨﻠﻬﻪ ﻳﺼﺒﻮﻥ ﺍﻟﻌﺸﻪ ﺣﺘﻰ ﺗﺘﻌﺸﻪ
ﻧﺎﺯﻝ ﺧﻮﻳﻪ ﻧﺎﺯﻝ
ﻧﺰﻝ ﻫﻮ ﻭﻇﻠﺖ ﻏﺪﻳﺮ ﻳﻤﻲ ﺗﺪﻫﻨﻠﻲ ﺍﻧﻲ ﺍﺻﻴﺢ ﻣﻦ ﺍﻷﻟﻢ ﻭﻫﻲ ﺗﺸﻬﮓ
ﻋﺰﻩ ﻋﺰﻩ ﻭﻟﺞ ﺷﻤﺴﻮﻳﺎﺕ ﺑﻴﭻ ﺍﻟﻠﻪ ﻳﻨﺘﻘﻢ ﻣﻨﻬﻦ
ﺍﻣﻴﻦ ﺣﺒﻲ ﺍﻣﻴﻦ .. ﺍﺥ ﻋﻠﻰ ﻛﻴﻔﭻ ﺣﻴﻞ ﺩﺍ ﺍﺗﺄﺫﻩ
ﺍﺳﻔﻪ ﺣﺒﻴﺒﻪ ﺍﺳﻔﻪ
ﻛﻤﻠﺖ ﻏﺪﻳﺮ ﺩﻫﻦ ﺍﻟﻲ ﻭﺍﻧﻲ ﺍﻟﻮﺝ ﻣﻦ ﺍﻻﻟﻢ ..
ﺣﺒﻴﺒﻪ ﺭﺍﺡ ﺍﻧﺰﻝ ﺍﺳﺎﻋﺪﻫﻢ ﺑﺎﻟﻌﺸﻪ ﻭﻣﻦ ﺍﺧﻠﺺ ﺻﺐ ﺍﺟﻲ ﺍﺟﻴﺒﻠﺞ ﻋﺸﺎﭺ ﻫﻨﺎ
ﺷﻜﺮﺍ ﻋﻤﺮﻱ ﺗﻌﺒﺘﭻ
ﺗﻌﺒﭻ ﺭﺍﺣﻪ ﺑﻌﺪ ﮔﻠﺒﻲ
ﻧﺰﻟﺖ ﻭﺍﻧﻲ ﻇﻠﻴﺖ ﺍﻟﻮﭺ ﻣﺎ ﺍﻋﺮﻑ ﺍﻧﺎﻡ ﻋﻠﻰ ﻳﺎﺻﻔﺤﻪ ﻣﻦ ﺍﻷﻟﻢ
ﺿﺠﺖ ﻭﺧﺘﻨﮕﺖ ... ﺷﺘﺎﻗﻴﺖ ﻷﻣﻲ ﺷﺘﺎﻗﻴﺖ ﻷﺯﻝ ﺍﺷﺘﺎﻗﻴﺖ ﻟﻤﺤﻤﺪ ﻭﺍﻻﻫﻢ ﺷﺘﺎﻗﻴﺖ ﺍﻻﺑﻮﻳﻪ
ﻏﺮﮔﺖ ﺑﺪﻣﻮﻋﻲ ﺑﺪﻭﻥ ﻣﺎ ﺍﺣﺲ .. ﻳﺎﺭﺑﻲ ﺷﺴﻮﻳﺖ ﺑﺤﻴﺎﺗﻲ ﻭﺍﺗﺤﻤﻞ ﻛﻞ ﻫﺬﺍ ﻳﺎﺭﺑﻲ ﻋﻠﻰ ﻳﺎﺫﻧﺐ ﺩﺗﻌﺎﻗﺒﻨﻲ .. ﻧﺪﮔﺖ ﺍﻟﺒﺎﺏ ﻭﻃﺒﺖ ﻏﺪﻳﺮ
ﻫﺎﺝ ﺣﺒﻴﺒﻪ ﺍﻟﻌﺸﻪ
ﺗﺴﻠﻤﻴﻦ ﺣﺒﻲ
ﺗﺎﻣﺮﻳﻦ ﻋﻴﻮﻧﻲ
ﺩﺗﻄﻠﻊ ﮔﻠﺘﻠﻬﺎ ﻏﺪﻳﺮ ﺍﻧﺘﻲ ﻋﻨﺪﭺ ﻣﻮﺑﺎﻳﻞ
ﺍﻱ ﻋﻨﺪﻱ ﻟﻴﺶ
ﻫﺎ ﻻ ﻫﻴﭻ ﺑﺲ ﺍﺳﺄﻝ
ﻫﺎﺍﺍ ﻣﺎﺷﻲ ﺭﺍﻳﺪﻩ ﺷﻲ ﺍﻧﺰﻝ ﺍﺗﻌﺸﻪ
ﻻﺣﺒﻲ ﺭﻭﺣﻲ ﺑﺎﻟﻌﺎﻓﻴﻪ
ﻳﻌﺎﻓﻲ ﺑﺪﻧﭻ
ﻧﺰﻟﺖ ﻏﺪﻳﺮ ﻭﮔﻌﺪﺕ ﺍﻛﻞ ﺑﺲ ﮔﻮﻩ ﻣﺎ ﺍﺷﺘﻬﻲ ﻓﻜﺮﻩ ﺗﻮﺩﻳﻨﻲ ﻭﻓﻜﺮﻩ ﺗﺠﻴﺒﻨﻲ ﺍﺭﻳﺪ ﺍﻫﻠﻲ ﺷﺘﺎﻗﻴﺘﻠﻬﻢ ﺍﺭﻳﺪ ﺍﺭﺟﻊ ﺍﺣﺲ ﺑﻸﻣﺎﻥ ﺍﻟﭽﻨﺖ ﺍﺣﺲ ﺑﻲ ﻭﺍﻧﻲ ﺑﺒﻴﻨﻬﻢ ﻫﻨﺎ ﺍﺧﺎﻑ ﺣﺘﻰ ﻣﻦ ﺍﻏﻤﺾ ﻋﻴﻮﻧﻲ ... ﻳﺎﺭﺑﻲ ﺳﺎﻋﺪﻧﻲ ﻳﺎﺭﺏ ﻋﻴﻨﻲ
ﻛﻤﻠﺖ ﻋﺸﻪ ﻭﺷﻠﺖ ﺍﻟﺼﻴﻨﻴﻪ ﺧﻠﻴﺘﻬﺎ ﻋﻠﻰ ﺍﻟﻤﻴﺰ .. ﺩﺭﺕ ﻟﻠﺘﻠﻔﺰﻳﻮﻥ ﮔﻠﺖ ﺧﻠﻲ ﺍﮔﻌﺪ ﺍﻋﺎﻳﻦ ﺑﻠﻜﺖ ﺍﻟﺘﻬﻲ ﺷﻮﻳﻪ .. ﺷﻐﻠﺘﻪ ﻭﺑﺪﻳﺖ ﺍﮔﻠﺐ ﺑﺎﻟﻘﻨﻮﺍﺕ
ﺟﺎﻧﺖ ﻃﺎﻟﻌﻪ ﻣﺴﻠﺴﻠﻪ ﺗﺮﻛﻴﻪ ﮔﻌﺪﺕ ﺍﻋﺎﻳﻦ ﻓﺠﺄﻩ ﺍﺑﻮ ﺍﻟﺒﻄﻠﻪ ﻣﺎﺕ ﺷﺒﻌﺖ ﺑﭽﻲ ﻭﺗﺬﻛﺮﺕ ﻣﻮﺕ ﺍﺑﻮﻳﻪ .. ﺧﺮﺏ ﺣﻈﻲ ﺍﺟﻴﺖ ﺍﻟﻬﻲ ﻧﻔﺴﻲ ﺗﺎﻟﻲ ﺯﺍﺩ ﺍﻟﻄﻴﻦ ﺑﻠﻪ ﻋﻠﻴﻪ
ﺷﻮﻳﻪ ﻭﻃﺐ ﺍﻣﻴﺮ ﺑﺪﻭﻥ ﻣﻴﺤﭽﻲ ﺟﺮ ﺑﻄﺎﻧﻴﻪ ﻣﻦ ﺍﻟﻜﻨﺘﻮﺭ ﻭﺷﺎﻝ ﺍﻟﻤﺨﺪﻩ ﻣﻦ ﺍﻟﮕﺎﻉ ﺧﻼﻫﺎ ﻋﻠﻰ ﺍﻟﻘﻨﻔﻪ ﻭﺗﻤﺪﺩ .. ﺧﻠﻪ ﺍﻳﺪﻩ ﻋﻠﻰ ﻭﺟﻬﻪ ﺣﭽﻴﺖ ...
ﺗﻌﺎﻝ ﻧﺎﻡ ﻋﻠﻰ ﺍﻟﺠﺮﺑﺎﻳﻪ ﻭﺍﻧﻲ ﺍﻧﺰﻝ ﺑﺎﻟﮕﺎﻉ
ﻧﺎﻣﻲ ﺑﻮﻳﻪ ﻧﺎﻣﻲ ﻭﻳﻨﭻ ﻭﻳﻦ ﺍﻟﮕﺎﻉ
ﮔﻠﺖ ﺑﺪﺍﺧﻠﻲ ﻳﻄﺒﻚ ﻣﺮﺽ ﻓﻮﮒ ﻣﺮﺽ .. ﻟﻔﻴﺖ ﺭﺍﺳﻲ ﻭﻧﻤﺖ
ﻋﺪﻯ ﺍﺳﺒﻮﻋﻴﻦ ﻋﻠﻰ ﻧﻔﺲ ﺍﻟﻨﻤﻂ ﺗﺠﻲ ﻏﺪﻳﺮ ﺗﻨﻀﻒ ﺍﻟﻐﺮﻓﻪ ﻭﺗﻨﻄﻴﻨﻲ ﻋﻼﺟﻲ ﺑﻌﺪ ﻣﺘﺠﻴﺒﻠﻲ ﺍﻻﻛﻞ ﻭﺗﺮﻭﺡ ﻭﺍﻧﻲ ﺍﻇﻞ ﺑﻤﻠﻞ ﻣﺮﺍﺕ ﺍﺗﺎﺑﻊ ﺗﻠﻔﺰﻳﻮﻥ ﻭﻣﺮﺍﺕ ﺍﻧﺎﻡ ﻭﻃﻮﻝ ﻫﺎﻱ ﺍﻟﻔﺘﺮﻩ ﻣﺎﺷﻔﺖ ﺍﻱ ﺍﺣﺪ ﻏﻴﺮ ﻏﺪﻳﺮ ﻭﺍﻣﻴﺮ ﻭﻣﺤﺪ ﺿﻮﺟﻨﻲ ... ﻭﺍﻣﻴﺮ ﻣﺎ ﺍﺷﻮﻓﻪ ﺑﺲ ﺑﻠﻠﻴﻞ ﻳﺠﻲ ﻳﻨﺎﻡ ﻭﺍﮔﻌﺪ ﺍﻟﺼﺒﺢ ﺍﻟﮕﺎ ﻃﺎﻟﻊ
.....
ﻋﺪﺕ ﺍﻻﻳﺎﻡ ﺣﺎﻟﻬﻪ ﺣﺎﻝ ﻏﻴﺮﻫﺎ ﮔﻤﺖ ﻣﺎ ﺍﻃﺐ ﻟﻐﺮﻓﺘﻲ ﻏﻴﺮ ﻭﻛﺖ ﺍﻟﻨﻮﻡ ﺣﺘﻰ ﻻ ﺗﻀﻮﺝ ﻭﺍﺑﻌﺪﻫﺎ ﻋﻦ ﺍﻟﺘﻮﺗﺮ ﻭﺍﻟﺼﺒﺢ ﺍﮔﻌﺪ ﺍﺻﻠﻲ ﻭﺍﺑﺪﻝ ﻭﺍﻧﺰﻝ ﺍﺗﺮﻳﮓ ﻭﺍﻃﻠﻊ ﻟﻠﺪﻳﻮﺍﻥ ﻗﺒﻞ ﻻ ﺗﮕﻌﺪ
....
ﮔﻌﺪﺕ ﺍﻟﻴﻮﻡ ﻛﺎﻟﻌﺎﺩﻩ ﻣﺎﻫﻮ ﺍﻣﻴﺮ ﺿﺠﺖ ﻭﺣﺪﻱ ﻭﺿﺠﺖ ﻣﻦ ﺍﻟﺘﻠﻔﺰﻳﻮﻥ .. ﺗﺤﺴﻨﺖ ﻭﺭﺟﻌﺖ ﺍﻣﺸﻲ ﻃﺒﻴﻌﻲ ﻭﺍﻻﺛﺎﺭ ﺑﺪﻥ ﻳﺨﺘﻔﻦ ﺑﺲ ﻋﻀﺎﻣﻲ ﺑﻌﺪﻫﺎ ﺗﺼﻞ ﻋﻠﻴﻪ .. ﮔﻠﺖ ﺍﻧﺰﻝ ﺷﻮﻳﻪ ﺧﺼﻮﺻﺎ ﻋﺮﻓﺖ ﻣﻦ ﻏﺪﻳﺮ ﺍﻣﻴﺮ ﻃﺎﺭﺩ ﺍﻟﺒﻨﺎﺕ ﻭﻣﺎﻛﻮ ﺍﺣﺪ ﻏﻴﺮ ﻏﺪﻳﺮ ﻭﺿﺤﻰ ﻭﺳﻌﻴﺪﺍﻥ
ﻟﺒﺴﺖ ﺣﺠﺎﺑﻲ ﻭﺍﻟﺠﺒﻪ ﻭﻧﺰﻟﺖ ﻃﺒﻴﺖ ﻟﻠﻤﻄﺒﺦ ﺷﻔﺖ ﺑﺲ ﻏﺪﻳﺮ ﮔﻠﺖ ...
ﺻﺒﺎﺡ ﺍﻟﺨﻴﺮ ﺣﺒﻲ
ﻫﻼﻫﻼ ﺣﺒﻴﺒﻪ ﺻﺒﺎﺡ ﺍﻻﻧﻮﺍﺭ ﻧﻮﺭ ﺍﻟﻤﻄﺒﺦ
ﻫﻬﻪ ﻣﻨﻮﺭ ﺑﻮﺟﻮﺩﭺ ﺣﺒﻴﺒﻪ
ﻫﻬﻪ ﺣﻠﻮﻩ ﻫﺎﻱ ﺣﺒﻴﺒﻪ ﻃﻠﻌﺖ ﺣﻠﻮﻩ ﺑﻠﺴﺎﻧﭻ
ﺿﺤﻜﺖ ﻭﺭﺣﺖ ﺍﺳﻮﻱ ﺭﻳﻮﻙ
ﻻ ﺳﻤﺎ ﺷﺪﺗﺴﻮﻳﻦ ﺍﻧﻲ ﺍﺳﻮﻱ
ﺷﺒﻴﺞ ﻏﺪﻳﺮ ﻭﺍﻟﻠﻪ ﺻﺮﺕ ﺯﻳﻨﻪ ﻗﺎﺑﻞ ﻣﻌﻮﻗﻪ ﻭﻫﻴﺞ ﺗﻌﺎﻣﻠﻨﻲ
ﺍﻭﺍﻣﺮ ﺍﻟﺸﻴﺦ ﻫﺎﻱ ﻛﻠﺸﻲ ﻣﺘﺴﻮﻳﻦ ﻭﺍﻛﻠﺞ ﻳﻮﺻﻞ ﻟﺴﺮﻳﺮﺝ
ﺍﻱ ﺣﺒﻲ ﻫﺬﺍ ﺍﻟﺤﺠﻲ ﻣﻦ ﺟﻨﺖ ﺗﻌﺒﺎﻧﻪ ﻫﺴﻪ ﺻﺤﻴﺖ ﻭﺍﺣﺴﻦ ﺍﻟﺤﻤﺪ ﻟﻠﻪ .. ﻣﺎﻗﺼﺮﺗﻲ ﺻﺎﺭﻟﭻ ﺍﺳﺒﻮﻋﻴﻦ ﺗﺨﻠﻴﻦ ﻭﺗﺸﻴﻠﻴﻦ ﻣﻦ ﮔﺪﺍﻣﻲ ﺧﻠﻒ ﺍﻟﻠﻪ ﻋﻠﻴﺞ
ﺑﺎﻟﺨﺪﻣﻪ ﻋﻴﻮﻧﻲ ﺍﻧﺘﻲ
ﺍﻟﻠﻪ ﻳﺠﺰﻳﭻ ﻛﻞ ﺧﻴﺮ
ﺭﺣﻢ ﺍﻟﻠﻪ ﻭﺍﻟﺪﻳﭻ
ﺳﻮﻳﺖ ﺟﺎﻱ ﻭﮔﻌﺪﺕ ﺍﺗﺮﻳﻚ ﻭﻏﺪﻳﺮ ﺗﺸﺘﻐﻞ
ﺍﺟﺖ ﺳﻌﻴﺪﺍﻥ ﺑﻨﺖ ﺍﻟﻤﻌﺪﺍﻥ
ﻫﺎ ﺧﺎﺗﻮﻥ ﺷﺮﻓﺘﻲ
ﺍﻱ ﺷﺮﻓﺖ ﺭﺍﻳﺪﻩ ﺷﻲ
ﮔﻮﻣﻲ ﺍﺷﺘﻐﻠﻲ ﻛﺎﻓﻲ ﺩﻻﻝ
ﻫﺴﻪ ﺍﻛﻤﻞ ﺭﻳﻮﮒ ﻭﺍﺷﺘﻐﻞ ﺑﺪﻭﻥ ﻣﺘﻜﻮﻟﻴﻠﻲ
ﺍﻱ ﻋﺎﺩ ﺷﻠﻮﻧﭻ ﻧﺎﺩﺭﻩ ﻣﺎﻛﻮ ﻣﻨﺞ ﺑﺖ ﺍﻟﺸﻮﺍﺭﻉ
ﻟﻴﺶ ﻣﺘﺤﺘﺮﻣﻴﻦ ﻧﻔﺴﺞ ﻭﺗﻀﺒﻴﻦ ﻟﺴﺎﻧﭻ ﺣﺘﻰ ﺍﺣﺘﺮﻣﭻ ﻭﻣﺎ ﺍﻏﺮﺩ ﺍﻟﺞ ﺗﻐﺮﻳﺪ ﻣﻴﻌﺠﺒﭻ
ﻏﺮﺩﻱ ﻏﺮﺩﻱ ﺧﻴﻪ ﭼﺎ ﺍﻧﻼﻡ ﻣﻦ ﺍﮔﻮﻝ ﺑﺖ ﺍﻟﺸﻮﺍﺭﻉ ﻣﺪﺭﻱ ﺑﺖ ﺍﻟﺤﺮﺍﻡ ﺍﻟﻠﻪ ﻳﻌﻠﻢ ﺍﻣﭻ ﻣﻨﻴﻦ ﺟﺎﻳﺒﺘﭻ
ﺩﺍ ﺍﺣﭽﻲ ﻗﺎﻃﻌﺘﻨﻲ ﻏﺪﻳﺮ
ﺳﻌﺎﺩ ﺍﺣﺘﺮﻣﻲ ﻧﻔﺴﺞ ﻭﻟﺘﺘﺠﺎﻭﺯﻳﻦ ﻋﻠﻴﻬﺎ ﻳﺠﻲ ﺍﻟﺸﻴﺦ ﻭﺍﮔﻠﻪ ﻭﻣﺮﺍﺡ ﻳﻌﺠﺒﺞ ﺭﺩﻩ ﺳﺎﻋﺘﻪ
ﻇﻠﻲ ﺩﺍﻓﻌﻴﻠﻪ ﺍﻧﺘﻲ ﻧﺼﺒﻮﺝ ﻣﺤﺎﻣﻴﻪ ﺍﻟﻬﻪ ﻭﻣﺎ ﺍﺩﺭﻱ ﺷﺤﺎﻝ ﻟﻮ ﻣﺎ ﺍﺧﻮﻫﻪ ﺟﺘﻞ ﺍﺧﻮﺝ
ﺍﻧﺘﻲ ﮔﻠﺘﻲ ﺍﺧﻮﻫﻪ ﺟﺘﻞ ﺍﺧﻮﻳﻪ ﻣﻮ ﻫﻲ ﺟﺘﻠﺘﻪ ﻓﻜﺎﻓﻲ ﻋﺎﺩ ﺟﻮﺯﻱ ﻣﻨﻬﻪ ﻭﺧﻠﻴﺞ ﺑﺤﺎﻟﺞ
ﺿﺎﺟﺖ ﺳﻌﻴﺪﺍﻥ ﻭﻃﻠﻌﺖ ﺭﺟﻌﺖ ﺍﻛﻤﻞ ﺭﻳﻮﮔﻲ ﻧﺪﮒ ﺑﺎﺏ ﺍﻟﻤﻄﺒﺦ
ﻓﺘﺤﺖ ﻏﺪﻳﺮ ﺍﻟﺒﺎﺏ ﺟﺎﻥ ﻭﻟﺪ ﺍﺳﻤﺮ ﻃﻮﻳﻞ ﻣﻤﻠﻮﺡ ﺳﻤﻌﺘﻬﺎ ﮔﺎﻟﺘﻠﻪ ﻫﻼ ﺍﺑﻦ ﻋﻤﻲ
ﻫﻼ ﺑﻐﺪﻭﺭﻩ ﻫﺬﺍ ﻣﺴﻮﺍﮒ ﺩﺯﻩ ﺍﻟﺸﻴﺦ ﺍﻟﻜﻢ
ﻋﺎﺷﺖ ﺍﻳﺪﻙ ﻭﺍﻳﺪﻩ
ﺩﻳﻄﻠﻊ ﻋﺎﻳﻨﻠﻲ ..
ﺷﻠﻮﻧﭻ ﺧﻴﺘﻲ ﺷﻠﻮﻥ ﺻﺮﺗﻲ
ﺗﻌﺠﺒﺖ ﻭﺟﺎﻭﺑﺘﻪ
ﺍﻟﺤﻤﺪ ﻟﻠﻪ ﺍﺷﻜﺮﻙ
ﺳﻠﻢ ﻭﻃﻠﻊ ﻏﺪﻳﺮ ﻇﻠﺖ ﺗﻌﺎﻳﻦ ﻭﺭﻯ
ﺍﻧﺘﻈﺮﺗﻬﺎ ﻣﺎﻛﻮ ﺍﺧﺬﺗﻠﻬﺎ ﺻﻔﻨﻪ ﻭﺭﻯ ﺑﺎﻟﺨﻤﺲ ﺩﻗﺎﻳﻖ
ﻫﻴﻴﻲ ﻏﺪﻳﺮ ﻭﻳﻦ ﺻﻔﻨﺘﻲ
ﻫﺎ ﻻ ﺧﻴﻪ ﻣﺎ ﺻﻔﻨﺖ
ﻭﻟﺞ ﻳﺎﻣﺎ ﺻﻔﻨﺖ ﺻﺎﺭﻟﺞ ٥ ﺩﻗﺎﻳﻖ ﺻﺎﻓﻨﻪ ﺳﻼﻣﺎﺕ ﺷﺒﻴﺞ
ﻣﺎﺑﻴﻪ ﺷﻲ ﺷﺒﻴﻪ ﻳﻌﻨﻲ
ﻫﺎﺍﺍﺍ ﺍﻓﺘﻬﻤﺖ ﺍﻓﺘﻬﻤﺖ ﻳﻤﻜﻦ ﻫﺬﺍ ﺍﻟﺤﺐ
ﺍﻧﻲ ﮔﻠﺖ ﻫﻴﭻ ﮔﻤﺰﺕ ﺳﺪﺕ ﺣﻠﮕﻲ
ﻭﻟﭻ ﺍﺷﺸﺶ ﻟﻴﺴﻤﻌﭻ ﺍﺣﺪ ﻳﺎ ﺣﺐ ﻫﺬﺍ ﻫﻲ ﻣﺎﻝ ﺣﺐ
ﺍﺣﭽﻴﻠﻲ ﺣﺒﻲ ﺍﺣﭽﻴﻠﻲ ﻭﺳﺮﭺ ﺑﺒﻴﺮ ﻟﺘﺨﻠﻲ ﺑﮕﻠﺒﭻ ﺑﻌﺪﻳﻦ ﻳﻮﺭﻡ ﻭﻣﺘﻠﺤﮕﻴﻦ ﻋﻠﻲ
ﺷﺒﻴﺞ ﺍﻧﺘﻲ ﻟﺨﺎﻃﺮ ﺭﺑﭻ ﻣﺎﻛﻮ ﻫﻴﭻ ﺷﻲ ﺗﺘﻮﻫﻤﻴﻦ
ﻭﺍﻟﻠﻪ ﻭﺭﻭﺡ ﺍﺑﻮﻳﻪ ﻣﺎ ﺍﺗﻮﻫﻢ ﻭﺍﮔﺺ ﺍﻳﺪﻱ ﻣﻨﺎ ﺍﺫﺍ ﻣﺎ ﻃﻠﻊ ﻫﺬﺍ ﺍﻟﺤﺐ ﻭﺗﺨﺎﻓﻴﻦ ﺗﺤﺠﻴﻦ
ﺍﺷﺸﺶ ﻭﻟﺞ ﺍﺷﺸﺶ ﻫﻢ ﮔﺎﻟﺖ ﺣﺐ ﺷﻮ ﺳﻜﺘﻲ ﻟﺤﺪ ﻳﺴﻤﻊ
ﺍﺣﺠﻲ ﺣﺘﻰ ﺍﺳﻜﺖ
ﺭﺍﺡ ﺍﺣﭽﻲ ﻋﻤﻲ ﺭﺍﺡ ﺍﺣﭽﻲ ﺑﺲ ﺗﻮﻋﺪﻳﻨﻲ ﺗﺴﻜﺘﻴﻦ ﺑﻌﺪﻫﻪ
ﺍﻭﻋﺪﭺ
ﻫﺬﺍ ﺿﺮﻏﺎﻡ ﺍﺑﻦ ﻋﻤﻲ
ﻫﻼ ﻫﻼ ﺍﺳﻤﻪ ﺿﺮﻏﺎﻡ ﻓﺎﺭﺱ ﺍﻻﺣﻼﻡ ﻭﺍﻟﻠﻪ ﺍﺳﻢ ﻫﻬﻬﻪ
ﺍﺫﺍ ﺗﻈﻠﻴﻦ ﺗﺴﺘﻬﺰﺋﻴﻦ ﻓﻼ ﺍﺣﭽﻴﻠﺞ ﺑﻌﺪ
ﻻ ﺳﻜﺘﺖ ﻛﻤﻠﻲ
ﺍﺣﺒﻪ ﺳﻤﺎ ﺍﻣﻮﺕ ﻋﻠﻰ ﺍﻟﺘﺮﺍﺏ ﺍﻟﻴﻤﺸﻲ ﻋﻠﻲ ﺑﺲ ﻫﻮ ﻭﻻ ﻳﻤﻪ ﺍﺑﺪ ﻣﺎ ﻓﺪﻳﻮﻡ ﻋﺎﻳﻨﻠﻲ ﺑﻨﻀﺮﻩ ﺣﻠﻮﻩ .. ﻟﻤﺤﻠﻲ ﻣﺜﻼ .. ﺻﺨﻢ ﻟﻄﻢ ﺍﻱ ﺷﻲ ﺑﺲ ﻳﺤﺴﺴﻨﻲ ﻫﻮ ﻋﻨﺪﻩ ﻣﺸﺎﻋﺮ ﺗﺠﺎﻫﻲ
ﻫﺎﺍ ﻳﻌﻨﻲ ﺣﺐ ﻣﻦ ﻃﺮﻑ ﻭﺍﺣﺪ
ﺍﻱ ﺧﺮﺏ ﺣﻈﻲ ﺍﻟﻤﺼﺨﻢ
ﻳﺠﻮﺯ ﻳﺤﺒﭻ
ﺍﻧﻲ ﮔﻠﺖ ﻫﻴﭻ ﺷﻮ ﻫﺎﻱ ﺷﺮﮔﺖ ﺣﻠﮕﻬﺎ ﻣﻦ ﺍﻟﻄﻮﻝ ﻟﻠﻄﻮﻝ ﻭﮔﺎﻟﺖ ..
ﺻﺪﮒ ﺷﻠﻮﻥ ﺑﻠﻪ
ﻳﻌﻨﻲ ﺣﺴﺐ ﻣﺎ ﻋﺎﺷﺮﺗﻜﻢ ﺑﻬﺎﻱ ﺍﻟﻔﺘﺮﻩ ﺍﻟﺒﺴﻴﻄﻪ ﻋﺮﻓﺘﻜﻢ ﺍﻫﻞ ﻋﺎﺩﺍﺕ ﻭﺗﻘﺎﻟﻴﺪ ﺻﺎﺭﻣﻪ ﻭﺍﻟﻐﻠﻂ ﻋﺪﻛﻢ ﻣﻴﻨﻐﻔﺮ
ﺍﻱ ﺻﺢ
ﺍﻱ ﻳﻌﻨﻲ ﺑﺎﻟﻤﻘﺎﺑﻞ ﻳﺠﻮﺯ ﻳﺤﺒﭻ ﺑﺲ ﻣﻴﮕﺪﺭ ﻳﮕﻮﻟﭻ ﻻﻥ ﺍﻧﺘﻲ ﺑﻨﺖ ﻋﻤﻪ ﻭﻋﺮﺿﻪ
ﻭﻟﺞ ﻣﻮ ﺑﺲ ﻫﺎﻱ ﻫﻮ ﺻﺪﻳﻖ ﺍﻣﻴﺮ ﻣﻦ ﺍﻟﻄﻔﻮﻟﻪ ﻭﺑﻴﺮ ﺍﺳﺮﺍﺭﻩ
ﻫﺎﻱ ﺑﻌﺪ ﺍﺿﺮﺏ ﻳﻌﻨﻲ ﺻﺪﻳﻖ ﺍﻣﻴﺮ ﻭﺗﺮﺩﻱ ﻳﻠﻤﺤﻠﭻ ﺍﻟﻠﻪ ﻳﻬﺪﻳﭻ
ﻭﺍﺫﺍ ﻟﻤﺤﻠﻲ ﻭﺍﻧﻄﺎﻧﻲ ﺍﻣﻞ ﺷﻜﻮ ﺑﻴﻬﺎ
ﻭﻟﺞ ﻣﺨﺒﻠﻪ ﺍﺫﺍ ﻟﻤﺤﻠﺞ ﺭﺍﺡ ﻳﺤﺲ ﺑﺎﻟﺬﻧﺐ ﺗﺠﺎﻩ ﺍﻣﻴﺮ ﻳﮕﻮﻡ ﻳﺤﺲ ﻣﺜﻞ ﺍﻟﺪﻳﺨﻮﻧﻪ ﻭﻳﻄﻌﻨﻪ ﺑﺸﺮﻓﻪ
ﻭﺗﺎﻟﻲ ﺷﻠﻮﻥ ﺍﻋﺮﻑ ﻋﻔﻴﻪ .. ﻭﺍﻟﻠﻪ ﺷﮕﺪ ﻳﺨﻄﺒﻮﻧﻲ ﻭﺍﺭﻓﺾ ﺍﺗﺤﺠﺞ ﺑﻌﺪﻧﻲ ﺻﻐﻴﺮﻩ ﻭﺍﻣﻴﺮ ﻣﻴﺤﺐ ﻳﻀﻐﻂ ﻋﻠﻴﻪ ﻭﻳﺠﺒﺮﻧﻲ ﺑﺲ ﺍﻟﻰ ﻣﺘﻰ
ﺍﺻﺒﺮﻱ ﺣﺒﻲ ﺍﺫﺍ ﻗﺴﻤﺘﺞ ﻳﺼﻴﺮ ﻭﺍﺫﺍ ﻻ ﺑﻌﺪ ﺍﻟﻠﻪ ﻛﺎﺗﺒﻠﺞ ﺍﻻﺣﺴﻦ
ﻳﻤﻪ ﺷﻨﻮ ﺍﻟﻠﻪ ﻛﺎﺗﺒﻠﻲ ﺍﻻﺣﺴﻦ ﻟﻮ ﺿﺮﻏﺎﻡ ﻟﻮ ﺍﻣﻮﺕ ﻭﻣﺎ ﺍﺗﺰﻭﺝ ﻭﻻ ﺍﺧﻠﻲ ﺍﺣﺪ ﻳﻄﺨﻨﻲ ﻏﻴﺮﻩ
ﺩﻧﺤﭽﻲ ﻭﻃﺒﺖ ﺿﺤﻰ
ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ
ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﻪ ﻋﻴﻨﻲ
ﺍﻟﻠﻪ ﻳﺴﻠﻤﭻ ﺣﺒﻴﺒﺘﻲ
ﻫﻤﺴﺖ ﻟﻐﺪﻳﺮ ﺍﮔﻮﻟﺞ ﻫﺎﻱ ﺣﺒﺎﺑﻪ ﻟﻮ ﺍﻧﻲ ﻳﺘﻬﻴﺄﻟﻲ ﺷﻮ ﻫﻲ ﺑﺼﻮﺏ ﻭﺍﺧﺘﻬﺎ ﺑﺼﻮﺏ
ﺍﻱ ﻭﻟﺞ ﻫﺎﻱ ﻣﺘﺸﺒﻪ ﺍﺧﺘﻬﻪ ﻓﻄﻴﺮﻩ ﻭﺑﺤﺎﻟﻬﻪ ﺳﻨﻴﻴﻦ ﻳﻤﻨﻪ ﻣﻨﺴﻤﻌﻠﻬﻪ ﺻﻮﺕ ﺗﺸﺘﻐﻞ ﻭﺗﺎﻛﻞ ﻭﺗﻨﺎﻡ
ﻫﻢ ﺍﻧﻌﻢ ﺍﻟﻠﻪ ﺧﻠﻴﻬﺎ ﻫﻴﺞ ﻭﻻ ﻣﺜﻞ ﺍﺧﺘﻬﺎ ﻭﺳﻌﻴﺪﺍﻥ .. ﺩﻧﺤﺠﻲ ﻭﻃﺒﺖ ﺳﻌﻴﺪﺍﻥ
ﺷﻮ ﺑﻌﺪﺝ ﮔﺎﻋﺪﻩ ﺧﺎﺗﻮﻥ ﮔﻮﻣﻲ ﺷﺘﻐﻠﻲ ﺻﺎﺭ ﺍﻟﻀﻬﺮ
ﺣﺎﺿﺮ ﺳﻌﻴﺪﺍﻥ ﮔﺎﻳﻤﻪ
ﺷﻨﻮ ﺳﻌﻴﺪﺍﻥ ﻭﻟﺞ ﺍﻟﻌﺐ ﻭﻳﺎﺝ ﺗﻮﻛﻲ
ﻭﻻ ﻳﻬﻤﭻ ﺣﺎﺿﺮ ﺧﺎﻟﻪ
ﻭﺧﻠﺨﺎﻟﻪ ﺍﻟﺘﺨﻠﻞ ﻋﻀﺎﻣﺞ ﺷﻨﻮ ﻫﺎﺯﻩ ﻛﺎﺭﻭﻛﺞ
ﺍﺳﺘﻐﻔﺮ ﺍﻟﻠﻪ ﺭﺑﻲ ﻻﻫﺎﻱ ﺗﻘﺒﻠﻴﻦ ﻭﻻ ﻫﺎﻱ ﺗﻘﺒﻠﻴﻦ ﺣﺘﺎﺭﻳﺖ ﻭﻳﺎﭺ ﺷﮕﻠﺞ
ﻛﻠﺸﻲ ﻻ ﺗﮕﻮﻟﻴﻦ ﺍﺷﺘﻐﻠﻲ ﻭﺍﻧﺘﻲ ﺳﺎﻛﺘﻪ
ﮔﻤﻨﻪ ﺍﻧﻀﻒ ﻭﻧﺴﻮﻱ ﻏﺪﻩ ﻭﻣﺮ ﺍﻟﻮﻗﺖ ﺑﺴﺮﻋﻪ
ﺻﺎﺭﺕ ﺑﺎﻟﻮﺣﺪﻩ ﺩﺍ ﺍﻧﻀﻒ ﺍﻟﻜﺎﻭﻧﺘﺮ ﻃﺐ ﺍﻣﻴﺮ
....
ﻛﺎﻟﻌﺎﺩﻩ ﮔﻌﺪﺕ ﻣﻦ ﺍﻟﺼﺒﺢ ﻭﺭﺣﺖ ﻟﻠﻤﻀﻴﻒ ﻛﻤﻠﺖ ﺍﺷﻐﺎﻟﻲ ﻭﻭﺻﻴﺖ ﻋﻠﻰ ﻣﺴﻮﺍﮒ ﺟﺎﺑﻮﺍ ﺍﻧﻄﻴﺘﻪ ﻟﻀﺮﻏﺎﻡ ﻳﻮﺻﻠﻪ ﻟﻠﺒﻴﺖ .. ﺻﺎﺭ ﺍﻟﻀﻬﺮ ﺭﺟﻌﺖ ﺍﺗﻐﺪﻩ ﻭﺍﺭﺗﺎﺡ ﻻﻥ ﻋﻨﺪﻱ ﻃﻼﺑﻪ ﺍﻟﻌﺼﺮ ﻻﺯﻡ ﺍﺣﻠﻬﻪ
ﻃﺒﻴﺖ ﻣﻦ ﺑﺎﺏ ﺍﻟﻤﻄﺒﺦ ﻟﮕﻴﺖ ﻏﺪﻳﺮ ﺗﺤﻀﺮ ﺑﺎﻟﻤﺎﻋﻴﻦ ﻭﺳﻤﺎ ﺗﻨﻀﻒ ﺍﻟﻜﺎﻭﻧﺘﺮ ﺗﻔﺎﺟﺄﺕ
ﺑﺪﻭﻥ ﻣﺎ ﺍﺳﻢ ﮔﻠﺖ :
ﻫﺎﻱ ﺷﻨﺰﻟﭻ ﻭﻟﻴﺶ ﺩﺗﺸﺘﻐﻠﻴﻦ
ﺷﻠﻮﻥ ﻳﻌﻨﻲ ﺍﻇﻞ ﻣﺤﺒﻮﺳﻪ ﻓﻮﮒ ﻣﻠﻴﺖ .. ﺑﻌﺪﻳﻦ ﺻﺮﺕ ﺯﻳﻨﻪ ﮔﻠﺖ ﺍﻧﺰﻝ ﺍﻋﺎﻭﻥ ﻏﺪﻳﺮ ﺧﻄﻴﻪ ﺻﺎﺭﻟﻬﺎ ﻓﺘﺮﻩ ﺗﻌﺒﺎﻧﻪ ﻭﻳﺎﻳﻪ
ﺧﻮ ﻣﻴﻮﺟﻌﭻ ﺷﻲ
ﻻ ﺍﻟﺤﻤﺪ ﻟﻠﻪ ﺑﺲ ﻋﻀﺎﻣﻲ ﺷﻮﻳﻪ ﺗﺼﻞ ﻋﻠﻴﻪ
ﺍﻱ ﻃﺒﻴﻌﻲ ﺟﺎﻥ ﻋﻨﺪﭺ ﺭﺿﻮﺽ ﻗﻮﻳﻪ ﺷﻮﻳﻪ ﺷﻮﻳﻪ ﻳﺨﻒ ﺍﻻﻟﻢ
ﻋﻔﺘﻬﻢ ﺑﺎﻟﻤﻄﺒﺦ ﻭﺻﻌﺪﺕ ﻓﻮﮒ ﺍﺑﺪﻝ .. ﺻﺎﺭﻟﻲ ﻫﻮﺍﻱ ﻣﺼﺎﻋﺪ ﻓﻮﮒ ﺑﺲ ﺑﻠﻠﻴﻞ ﺍﻧﺎﻡ ﻭﺍﻃﻠﻊ
ﻟﮕﻴﺘﻬﺎ ﻧﻀﻴﻔﻪ ﻭﻣﻌﻄﺮﻩ
ﺑﺪﻟﺖ ﻭﻧﺰﻟﺖ .. ﺭﺣﺖ ﻟﻠﺼﺎﻟﻪ ﺍﻣﻲ ﻭﺍﺑﻮﻳﻪ ﻭﺍﺧﻮﺍﻧﻲ ﻛﻠﻬﻢ ﮔﺎﻋﺪﻳﻦ
ﺳﻠﻤﺖ ﻭﮔﻌﺪﺕ ﻭﺑﺪﻭﺍ ﻳﺼﺒﻮﻥ ﺑﺎﻟﻐﺪﻩ ﻭﻳﻨﮕﻠﻮ ... ﻛﻤﻠﻮ ﺻﺐ ﻭﺍﻟﻜﻞ ﮔﻌﺪ
ﺷﻔﺖ ﺳﻤﺎ ﺩﺍﺭﺕ ﻭﺟﻬﻪ ﺩﺗﺮﻭﺡ .. ﺻﺤﺘﻠﻬﺎ
ﺗﻌﺎﻟﻲ ﻭﻳﻦ ﺍﮔﻌﺪﻱ ﺗﻐﺪﻱ ..
ﺍﺟﺖ ﺗﮕﻌﺪ ﺍﻣﻲ ﺻﺎﺣﺖ ،،
ﺍﺫﺍ ﻫﺎﻱ ﺍﻟﻔﺮﺧﻪ ﺗﮕﻌﺪ ﻋﻠﻰ ﺍﻟﺴﻔﺮﻩ ﺍﻧﻲ ﺍﮔﻮﻡ ﻣﻦ ﻣﭽﺎﻧﻲ ﻭﮔﺎﻣﺖ ﺩﺗﺮﻭﺡ .....
