#فصليه_لأناس_ميرحمون
٢٢______٢٤
# ﻓﺼﻠﻴﻪ _ ﻷُﻧﺎﺱ _ ﻻﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ _ ﺍﻟﻤﻮﺳﻮﻱ
ﺧﻠﺼﺖ ﻏﺪﻩ ﻭﻏﺴﻠﺖ ﻭﺻﻌﺪﺕ ﺭﺩﺕ ﺍﻧﺎﻡ ﺷﻮﻳﻪ ﺣﺘﻰ ﺍﻃﻠﻊ ﺍﻛﻤﻞ ﺷﻐﻠﻲ
ﺻﻌﺪﺕ ﻟﮕﻴﺖ ﻏﺪﻳﺮ ﻣﻨﻀﻔﻪ ﺍﻟﻐﺮﻓﻪ ﻭﻧﺎﺯﻟﻪ ﻭﺳﻤﺎ ﮔﺎﻋﺪﻩ ﻋﻠﻰ ﺍﻟﺘﻠﻔﺰﻳﻮﻥ .. ﻃﺒﻴﺖ ﻭﻗﻔﻠﺖ ﺍﻟﺒﺎﺏ ﻭﺭﺣﺖ ﻣﺪﺩﺕ ﻋﻠﻰ ﺍﻟﺴﺮﻳﺮ ﺑﺪﻭﻥ ﻣﺎ ﺍﺑﺎﻭﻉ ﻋﻠﻴﻬﻪ
ﺷﻮﻳﻪ ﻭﺍﻧﺪﮔﺖ ﺍﻟﺒﺎﺏ ﺟﺎﺑﺖ ﻏﺪﻳﺮ ﺍﻻﻛﻞ ﺍﺧﺬﺗﻪ ﻭﺧﻠﻴﺘﻪ ﮔﺪﺍﻡ ﺳﻤﺎ ﻭﺭﺟﻌﺖ ﺍﻧﺎﻡ
ﻏﻤﻀﺖ ﻭﻫﺴﺘﻮﻧﻲ ﺑﺪﻳﺖ ﺍﻏﻔﻲ ﺳﻤﻌﺖ ﺳﻤﺎ ﺗﺴﺄﻟﻨﻲ ﺑﺴﺘﻐﺮﺍﺏ ﻟﻴﺶ ﻫﻴﭻ ﺳﻮﻳﺖ ﻭﻳﺎﻫﻪ ﻭﻟﻴﺶ ﻫﺴﻪ ﮔﺎﻋﺪ ﺍﺗﺼﺮﻑ ﻫﻴﭻ
ﮔﻌﺪﺕ ﻋﻠﻰ ﺣﻴﻠﻲ ﻭﺍﻧﻲ ﺣﺎﻳﺮ ﺷﺤﭽﻴﻠﻬﻪ ﻭﺷﻠﻮﻥ ﺍﺑﺪﻱ ﺑﺎﻟﻤﻮﺿﻮﻉ .. ﻗﻮﻳﺖ ﻧﻔﺴﻲ ﻭﮔﻠﺖ ﻻﺯﻡ ﺍﻧﻬﻲ ﻫﺎﻱ ﺍﻟﺴﺎﻟﻔﻪ ﻫﻨﺎ ﻻﻥ ﺗﻌﺒﺖ ﻣﻨﻬﻪ ﺣﻴﻞ
ﺳﻤﺎ ﺍﺳﻤﻌﻴﻨﻲ .. ﺍﻟﺴﻮﻳﺘﻲ ﭼﺒﻴﺮ ﻛﻠﺶ ﺗﻌﺮﻓﻴﻦ ﻟﻮﻻ
ﺍﻋﺮﻑ ﺍﻧﻲ ﻓﺼﻠﻴﻪ ﺍﻣﻴﺮ ﻭﺍﻋﺮﻑ ﻣﻴﺤﻘﻠﻲ ﺍﺣﭽﻲ ﻭﻳﺎ ﺍﻫﻠﻲ ﻭﻻ ﻳﺤﻘﻠﻲ ﺣﺘﻰ ﺍﺣﻠﻢ ﺑﻴﻬﻢ .. ﺑﺲ ﺍﻧﻲ ﺍﻇﻞ ﺍﻧﺴﺎﻧﻪ ﻣﻦ ﺩﻡ ﻭﻟﺤﻢ ﺍﺣﻦ ﻭﺍﺷﺘﺎﻕ ﻷﻫﻠﻲ ﺑﻜﻞ ﻟﺤﻀﻪ
ﺍﺧﻮﻳﻪ ﻏﻠﻂ ﺍﻋﺮﻑ ﻭﺍﻟﺠﺮﺡ ﺍﻟﺒﮕﻠﺒﻚ ﭼﺒﻴﺮ ﻭﻣﺎ ﺗﺠﺒﺮ ﺧﺎﻃﺮﻙ ﺍﻟﻜﻠﻤﺎﺕ .. ﺑﺲ ﺍﻧﻲ ﺷﻨﻮ ﺫﻧﺒﻲ ﺟﺎﻭﺑﻨﻲ
ﺣﺮﻣﺘﻨﻲ ﻣﻦ ﺍﻫﻠﻲ ﻭﺣﺮﻣﺖ ﺍﻫﻠﻲ ﻣﻨﻲ .. ﺟﺒﺘﻨﻲ ﻫﻨﺎ ﻟﻠﺬﻝ ﻭﺍﻟﻤﻬﺎﻧﻪ ﻭﺍﻟﻀﺮﺏ ﺍﻟﺒﻼ ﺭﺣﻤﻪ .. ﺍﺷﺘﻐﻞ ﻣﻦ ﺍﻟﺼﺒﺢ ﻟﻠﻴﻞ ﺑﻼ ﻣﺎ ﺍﺗﻨﻔﺲ .. ﺍﺷﺘﺎﻕ ﻻﻫﻠﻲ ﻭﻣﻮ ﻣﻦ ﺣﻘﻲ ﺍﮔﻮﻝ ﺷﺘﺎﻗﻴﺘﻠﻬﻢ ﻭﺍﺑﻴﻦ ﻫﺬﺍ ﺍﻟﺸﻲ .. ﮔﺎﻋﺪﻩ ﺑﻴﻨﺎﺗﻜﻢ ﻭﺍﺩﺭﻱ ﺑﺮﻭﺣﻲ ﻏﺮﻳﺒﻪ ﻭﻣﻨﺒﻮﺫﻩ ﻭﻣﺤﺪ ﻳﺤﺒﻨﻲ ﻭﻻ ﺍﺣﺪ ﻳﻄﻴﻖ ﻭﺟﻮﺩﻱ
ﻭﻣﻦ ﺍﺟﻴﺖ ﺍﺑﺮﺩ ﮔﻠﺒﻲ ﺷﻮﻳﻪ ﺑﺼﻮﺕ ﺍﻣﻲ ﻭﺍﺧﻮﺗﻲ ﺟﺎﻥ ﺭﺩﻙ ﻋﻠﻲ ﺑﺎﻟﺤﺰﺍﻡ ﻭﺍﻟﻐﻠﻂ ﻭﺍﻻﻫﺎﻧﻪ .. ﻭﻟﻮ ﻣﺎ ﻟﺰﻣﻮﻙ ﻋﻨﻲ ﭼﺎﻥ ﻣﻮﺗﺘﻨﻲ ﺑﻤﻜﺎﻧﻲ ﻭﻣﺎ ﺣﺎﺱ ﻋﻠﻰ ﺭﻭﺣﻚ
ﺗﺤﭽﻲ ﻭﺍﻧﻲ ﺍﻛﻞ ﺑﺮﻭﺣﻲ ﻭﺍﺣﺲ ﺑﻤﻌﺎﻧﺎﺗﻬﻪ .. ﺍﻟﻐﻠﻂ ﻣﻮ ﺑﺲ ﻏﻠﻂ ﺍﺧﻮﭺ ﺳﻤﺎ ﺍﻟﻐﻠﻂ ﻏﻠﻂ ﺍﺧﻮﻱ ﻫﻢ ... ﻭﺍﻟﻤﻔﺮﻭﺽ ﻣﺜﻞ ﻣﺎ ﺍﻧﺘﻲ ﺗﺤﻤﻠﺘﻲ ﻏﻠﻂ ﺍﺧﻮﭺ ﺍﻧﻲ ﻫﻢ ﺍﺗﺤﻤﻞ ﻏﻠﻂ ﺍﺧﻮﻱ ﺣﺘﻰ ﻳﺼﻴﺮ ﻋﺪﻝ ﻟﻠﻄﺮﻓﻴﻦ ... ﻗﺎﻃﻌﺖ ﺗﻔﻜﺮﻱ ﻭﺣﭽﻴﺖ :
ﺍﻧﻲ ﻣﺎ ﺳﻮﻳﺖ ﺑﻴﭻ ﻫﻴﭻ ﻻﻥ ﺣﭽﻴﺘﻲ ﻭﻳﺎ ﺍﻫﻠﭻ .. ﺻﺢ ﺍﻟﺴﻮﻳﺘﻲ ﻏﻠﻂ ﻭﺍﻧﺘﻲ ﺗﻌﺮﻓﻴﻦ ﺑﺠﻴﺘﭻ ﻫﻨﺎ ﺷﻨﻮ ﺍﻟﻐﺎﻳﻪ ﻣﻨﻬﻪ ﻭﺷﻨﻮ ﺍﻟﻤﻔﺮﻭﺽ ﻋﻠﻴﭻ ... ﺑﺲ ﻣﻊ ﺫﺍﻟﻚ ﻣﺴﺘﺤﻴﻞ ﺗﻮﺻﻞ ﺑﻴﻪ ﺍﺳﻮﻱ ﺑﻴﭻ ﻫﻴﭻ ﺑﺲ ﻻﻥ ﺳﻤﻌﺘﭻ ﺗﺤﭽﻴﻦ ﻭﻳﺎ ﻫﻠﭻ ..
ﻣﻦ ﺣﭽﻪ ﻫﻴﭻ ﺻﻔﻨﻲ ... ﻟﻌﺪ ﻭﺍﻟﻀﺮﺏ ﻫﺬﺍ ﻛﻠﻪ ﻭﺍﻟﻐﻠﻂ ﻭﺍﻟﻤﺴﺒﻪ ﻟﻮﻳﺶ ﭼﺎﻧﺖ ﻋﻠﻤﻮﺩ ﺷﻨﻮ
ﺣﭽﻴﺖ ﺑﺄﺳﺘﻐﺮﺍﺏ :
ﺷﻠﻮﻥ ﻳﻌﻨﻲ ﻣﺎ ﺳﻮﻳﺖ ﻛﻞ ﻫﺬﺍ ﻋﻠﻤﻮﺩ ﺳﻤﻌﺘﻨﻲ ﺍﺣﭽﻲ ﻭﻳﺎ ﺍﻫﻠﻲ ... ﻋﻠﻤﻮﺩ ﺷﻨﻮ ﻟﻌﺪ ﻟﻮ ﻣﻮ ﻫﻴﭻ
ﺍﻧﻲ ﻣﻦ ﺍﺟﻴﺖ ﺑﻬﺬﺍﻙ ﺍﻟﻴﻮﻡ ﻭﺳﻤﻌﺘﭻ ﺗﺒﭽﻴﻦ ﺑﻐﺮﻓﺔ ﻏﺪﻳﺮ ﻛﻞ ﻇﻨﻲ ﻏﺪﻳﺮ ﺭﺟﻌﺖ ﻟﻠﺒﭽﻲ .. ﻭﻟﻤﻦ ﻗﺮﺑﺖ ﺍﺫﻧﻲ ﻣﻦ ﺍﻟﺒﺎﺏ ﻧﺼﺪﻣﺖ ﻣﻦ ﺳﻤﻌﺘﭻ ﺗﺤﭽﻴﻦ ﻭﻳﺎ ﻭﺍﺣﺪ ﻭﺗﮕﻮﻟﻴﻠﻪ ﻣﺸﺘﺎﻗﻪ ﻟﺤﻈﻨﻚ ﻭﺍﻥ ﺷﺎﺀ ﺍﻟﻠﻪ ﺍﺭﺟﻌﻠﻚ ﻭﺍﺣﺒﻚ ﻭﻣﻦ ﻫﺬﺍ ﺍﻟﺤﭽﻲ .. ﻣﺎ ﭼﻨﺖ ﺍﻋﺮﻑ ﺗﺤﭽﻴﻦ ﻭﻳﺎ ﺍﺧﻮﭺ ﻇﻨﻴﺘﭻ ﺗﺤﭽﻴﻦ ﻭﻳﺎ ....
ﻗﺎﻃﻌﺘﻨﻲ ﻭﮔﺎﻣﺖ ﻭﻫﻲ ﺗﺼﻴﺢ
ﺷﺘﺤﭽﻲ ﺍﻣﻴﺮ ... ﺻﺪﮒ ﺣﺴﺒﺎﻟﻚ ﺩﺍ ﺍﺣﭽﻲ ﻭﻳﺎ ﻭﺍﺣﺪ ﻭﺍﻧﻲ ﺑﺒﻴﺘﻚ ﻭﻋﻠﻰ ﺫﻣﺘﻚ ... ﻻ ﺍﻣﻴﺮ ﻻ .. ﻟﻮ ﻇﺎﻟﻪ ﻣﻌﺘﻘﺪﻩ ﺳﻮﻳﺖ ﺑﻴﻪ ﻫﻴﭻ ﻋﻠﻤﻮﺩ ﺣﭽﻴﺖ ﻭﻳﺎ ﺍﺧﻮﻳﻪ ﻭﻻ ﺍﺳﻤﻊ ﻣﻨﻚ ﻫﺬﺍ ﺍﻟﺤﭽﻲ
ﻣﻦ ﮔﺎﻝ ﺍﺗﺼﻮﺭﺕ ﺗﺤﭽﻴﻦ ﻭﻳﺎ ﻭﺍﺣﺪ ... ﺻﺮﺕ ﺍﻋﺼﺎﺏ ﻭﻣﺎ ﺻﺪﮔﺖ ﺍﻟﺪﺍ ﺍﺳﻤﻌﻪ ﻭﺗﺬﻛﺮﺕ ﺷﻠﻮﻥ ﻣﻦ ﭼﺎﻥ ﻳﻀﺮﺑﻨﻲ ﻳﻔﺸﺮ ﻋﻠﻴﻪ ﺑﻔﺸﺎﺭ ﻣﻴﻨﻠﺒﺲ ﻋﻠﻲ ﺛﻮﺏ ﺍﺛﺎﺭﻱ ﻫﺬﺍ ﺍﻟﺴﺒﺐ ... ﺗﻤﻨﻴﺖ ﻣﻴﺘﻪ ﻭﻻ ﺍﺳﻤﻌﻪ ﻫﻴﭻ ﻳﺤﭽﻲ ﻋﻠﻴﻪ .. ﻗﺎﻃﻌﺘﻪ ﻭﺍﻧﻲ ﻣﺼﺪﻭﻣﻪ ﻭﺍﺣﭽﻲ ﺑﺤﺮﮔﻪ ﻭﮔﺘﻠﻪ ﻳﺎﺭﻳﺘﻚ ﻣﺎ ﺣﭽﻴﺘﻠﻲ ﻫﺎﻟﺤﭽﻲ
ﺍﺳﻤﻌﻨﻲ ﺍﻣﻴﺮ ... ﺣﺤﭽﻲ ﺍﺧﻴﺮ ﻛﻼﻡ ﺍﻟﻲ ﻭﻳﺎﻙ ﻭﺑﻌﺪﻫﺎ ﻣﻴﺠﻤﻌﻨﻲ ﻭﻳﺎﻙ ﺍﻱ ﻛﻼﻡ ﺛﺎﻧﻲ
ﺍﻧﺖ ﺟﺒﺘﻨﻲ ﻫﻨﺎ ﻭﻣﺘﻌﺮﻑ ﻋﻨﻲ ﺍﻱ ﺷﻲ ... ﻻ ﺗﻌﺮﻑ ﺍﻧﻲ ﺷﻨﻮ ﻭﻻ ﺗﻌﺮﻑ ﺍﻫﻠﻲ ﺷﻨﻮ .. ﺣﺘﻰ ﺍﺧﻮﻳﻪ ﺍﻟﻜﺘﻞ ﺍﺧﻮﻙ ﻭﻫﺴﻪ ﺍﻧﺖ ﺣﺎﻗﺪ ﻋﻠﻲ ﻫﻢ ﻣﺘﻌﺮﻓﻪ ﺷﻨﻮ
ﺍﺣﻨﻪ ﻧﺸﺄﻧﻪ ﺑﺒﻴﺖ ﺍﺳﺎﺳﻪ ﻣﺒﻨﻲ ﻋﻠﻰ ﺍﻟﺤﻼﻝ ﻭﺍﻟﺤﺮﺍﻡ ﻭﻣﺨﺎﻓﺔ ﺍﻟﻠﻪ ﺍﻭﻵ ... ﻭﺍﺣﺘﺮﺍﻡ ﺍﻟﻨﺎﺱ ﻭﺍﻟﺨﺠﻞ ﻣﻨﻬﻢ ﺛﺎﻧﻴﺂ
ﺑﺎﺑﺎ ﺍﻟﻠﻪ ﻳﺮﺣﻤﻪ ﺭﺑﺎﻧﻪ ﻋﻠﻰ ﻫﺎﻟﺸﻲ ﻭﻛﺒﺮﻧﻪ ﻭﺍﺣﻨﻪ ﻣﺎﺷﻴﻦ ﻋﻠﻰ ﺗﺮﺑﻴﺘﻪ .. ﻋﻤﺮﻱ ﻛﻠﻪ ﻣﺎ ﺳﻮﻳﺖ ﺷﻲ ﻳﺴﺨﻂ ﺭﺏ ﺍﻟﻌﺎﻟﻤﻴﻦ ﻣﻨﻲ ﻭﻳﻨﺰﻝ ﺭﺍﺱ ﺍﺑﻮﻳﻪ ﺑﻲ
ﺍﻣﻴﺮ ﺍﻧﺖ ﺍﺧﺬﺗﻨﻲ ﻭﺍﻧﻲ ﻋﻤﺮﻱ ١٧ ﺳﻨﻪ ﺗﻌﺮﻑ ﺷﻨﻮ ١٧ .. ﺷﺸﺎﻳﻔﻨﻲ ﺑﺖ ﺷﻮﺍﺭﻉ ﻭﺍﻟﻌﺐ ﻋﻠﻰ ﺳﺘﻴﻦ ﺣﺒﻞ ﺣﺘﻰ ﺍﻟﺤﮓ ﺍﺣﺐ ﻭﻃﻠﻊ ﻭﺍﻃﺐ ﻭﺍﻧﺎﻡ ﺑﺤﻀﻨﻪ ﻫﻢ
ﻋﻤﺮﻱ ﻛﻠﻪ ﻣﺎ ﺣﺒﻴﺖ ﺍﻣﻴﺮ ﺍﻃﻤﺄﻥ ﻭﺣﺘﻠﻮ ﻓﺮﺿﺎ ﻧﮕﻮﻝ ﺣﺒﻴﺖ ﻭﺍﻟﺤﺐ ﻻ ﺣﺮﺍﻡ ﻭﻻ ﻋﻴﺐ ﺍﺫﺍ ﻗﺼﺪﻩ ﺷﺮﻳﻒ ... ﻓﺄﻧﻲ ﻣﺴﺘﺤﻴﻞ ﺍﺟﻲ ﺍﺧﺎﺑﺮﻩ ﻭﺍﻧﻲ ﻋﻠﻰ ﺫﻣﺘﻚ ﻭﺍﺗﻤﻌﺸﻖ ﻭﻳﺎ ﺑﻜﻞ ﺻﻼﻓﻪ ... ﻣﺘﺮﺑﺎﻳﻪ ﺍﻧﻲ ﺍﻣﻴﺮ ﻭﺑﺖ ﻋﺎﻟﻢ ﻭﻧﺎﺱ ﻭﺍﻋﺮﻑ ﺣﺪ ﺍﻟﻠﻪ ﻭﺍﻋﺮﻑ ﺣﺪﻭﺩﻱ ... ﺩﺍﻣﻨﻲ ﻋﻠﻰ ﺫﻣﺘﻚ ﺛﻖ ﺑﺎﻟﻠﻪ ﻣﺎ ﺍﺳﻮﻱ ﺍﻱ ﺷﻲ ﻳﻨﺰﻝ ﺭﺍﺳﻚ ﻭﻳﻠﻄﺦ ﺍﺳﻤﻚ ﻣﻮ ﻋﻠﻤﻮﺩﻙ ﻻ ﺑﺲ ﻻﻥ ﺍﻧﻲ ﻣﺘﺮﺑﺎﻳﻪ ﻭﻏﺎﻟﻴﻪ ﻭﻣﺎ ﺍﺭﺧﺺ ﻧﻔﺴﻲ ﻣﻬﻤﺎ ﻗﻬﺮﺗﻨﻲ ﺍﻟﻀﺮﻭﻑ
ﻋﻔﺘﻪ ﻭﺭﺣﺖ ﻃﺒﻴﺖ ﺑﺎﻟﺤﻤﺎﻡ ﺍﺑﭽﻲ ﻣﻦ ﻛﻞ ﮔﻠﺒﻲ ... ﺑﺎﺑﺎ ﺗﻌﺎﻝ ﺷﻮﻑ ﺗﺎﻟﻴﻬﺎ ... ﺍﻧﺖ ﺍﻟﻲ ﺍﻟﻨﺎﺱ ﻛﻠﻬﺎ ﭼﺎﻧﺖ ﺗﺸﻜﺮﻙ ﻭﺗﺤﻤﺪ ﺑﺘﺮﺑﻴﺘﻚ ﺍﻟﻨﻪ ﻭﻋﻤﺮﻧﻪ ﻣﺎ ﻃﻠﻌﺖ ﻛﻠﻤﻪ ﻣﺤﻠﻮﻩ ﻋﻠﻴﻨﻪ ﻭﻛﺴﺮﺕ ﺑﻴﻚ .. ﺗﺎﻟﻲ ﻣﺘﺎﻟﻲ ﻣﻦ ﺑﻌﺪ ﻋﻴﻨﻚ ﺍﺧﻮﻳﻪ ﺻﺎﺭ ﻗﺎﺗﻞ ﻭﺍﻧﻲ ﺻﺮﺕ ﺑﺖ ﺷﻮﺍﺭﻉ ﻭﺭﺧﻴﺼﻪ ﻭﻣﺎ ﺍﺳﻮﻩ .. ﻇﻠﻴﺖ ﺍﺑﭽﻲ ﺑﺤﺮﮔﻪ .. ﺗﻌﻠﻤﺖ ﻋﻠﻰ ﺍﻟﺒﭽﻲ ﻫﻮ ﺍﻟﺸﻲ ﺍﻟﻮﺣﻴﺪ ﺍﻟﻴﺮﻳﺢ ﮔﻠﺒﻲ ﻣﺎﻋﻨﺪﻱ ﻏﻴﺮﻩ ﻣﻦ ﺍﺟﻴﺖ ﻟﻬﻨﺎ ﻟﺤﺪ ﻫﺎﻱ ﺍﻟﻠﺤﻈﻪ ﻫﻮ ﺻﺎﺭ ﺻﺪﻳﻘﻲ ﺍﻟﻮﺣﻴﺪ
....
ﺷﻔﺘﻬﻪ ﺻﺎﺭﺕ ﻋﺼﺒﻴﻪ ﻣﻦ ﻋﺮﻓﺖ ﺍﻧﻲ ﻣﻔﺘﻬﻢ ﺍﻟﺴﺎﻟﻔﻪ ﻏﻠﻂ ﻭﮔﺎﻣﺖ ﺗﺤﭽﻲ ﺑﺤﺮﮔﻪ ﻭﺗﺸﺮﺣﻴﻠﻲ ﺷﻨﻮ ﻫﻲ ﻭﺷﻠﻮﻥ ﺭﺑﻮﻫﻪ ﺍﻫﻠﻬﻪ ﻭﺑﻌﺪﻳﻦ ﻭﻋﺪﺗﻨﻲ ﺗﺤﺎﻓﻆ ﻋﻠﻰ ﻛﺮﺍﻣﺘﻲ ﻭﺍﺳﻤﻲ ﻣﺎﺩﺍﻣﻬﻪ ﺗﺤﻤﻠﻪ ﻻﻥ ﻫﻴﭻ ﺭﺑﻮﻫﻪ ﺍﻫﻠﻬﻪ
ﺭﺍﺣﺖ ﻟﻠﺤﻤﺎﻡ ﻭﺍﺳﻤﻌﻬﻪ ﺗﺒﭽﻲ ﻭﻣﻨﻬﺎﺭﻩ ﻭﻗﻔﻠﺖ ﺍﻟﺒﺎﺏ ﻋﻠﻰ ﺭﻭﺣﻬﻪ ... ﻛﺮﻫﺖ ﻧﻔﺴﻲ ﻭﻛﺮﻫﺖ ﻫﺬﺍﻙ ﺍﻟﻴﻮﻡ ﺍﻻﻏﺒﺮ ﺍﻟﻨﻜﺘﻞ ﺑﻲ ﺍﺧﻮﻱ
ﺍﺧﺬﺕ ﺷﻤﺎﻏﻲ ﻭﻃﻠﻌﺖ ﻣﻦ ﺍﻟﻐﺮﻓﻪ ﻭﻧﺰﻟﺖ ﻭﺍﻧﻲ ﺭﻭﺣﻲ ﻃﺎﻟﻌﻪ ﻣﻦ ﻛﻠﺸﻲ
ﺭﺣﺖ ﻟﻠﺪﻳﻮﺍﻥ ﮔﻌﺪﺕ ﺍﻓﻜﺮ ﺑﺎﻟﻲ ﺻﺎﺭ ﻭﺷﻠﻮﻥ ﻭﺻﻠﺖ ﻟﻬﺎﻱ ﺍﻟﻤﺮﺣﻠﻪ ... ﻳﻌﻨﻲ ﻟﻮ ﺍﺧﻮﻱ ﻣﻈﻠﻮﻡ ﺻﺪﮒ ﻭﭼﺎﺗﻠﻪ ﺍﺧﻮﻫﻪ ﺑﻼ ﺫﻧﺐ ﭼﺎﻥ ﻳﻤﻜﻦ ﻣﺎ ﮔﺪﺭﺕ ﺍﺣﺒﻬﻪ ﻭﻻ ﺍﻧﻄﻴﻬﻪ ﻣﺠﺎﻝ ﺗﺪﺧﻞ ﺍﻟﮕﻠﺒﻲ ﻭﺗﺴﺘﻮﻃﻦ ﻣﺸﺎﻋﺮﻱ ﺑﻬﺎﻱ ﺍﻟﻄﺮﻳﻖ .. ﭼﺎﻥ ﺣﺴﺒﺘﻬﻪ ﺧﺪﺍﻣﻪ ﺑﺎﻟﺒﻴﺖ ﻣﻜﺎﻧﻬﻪ ﺍﻟﻤﻄﺒﺦ ﻭﻫﺎﻱ ﻫﻴﻪ
ﺩﺍ ﺍﻓﻜﺮ ﻭﻃﺐ ﻋﻠﻲ ﺿﺮﻏﺎﻡ ﻭﺍﺧﻮ ﻓﻼﺡ
ﺣﭽﻪ ﺿﺮﻏﺎﻡ
ﻫﺎ ﺍﺑﻦ ﻋﻤﻲ ﺷﻮ ﺭﺟﻌﺖ ﺑﺴﺮﻋﻪ ﻣﺒﻴﻦ ﻣﺎ ﻧﻤﺖ
ﻻ ﻣﺎ ﻧﻤﺖ ﻣﺎ ﮔﺪﺭﺕ ﺍﻧﺎﻡ
ﻟﻴﺶ ﺑﻌﺪﻙ ﺗﻬﻴﺲ ﺑﻮﺟﻊ
ﺣﭽﻴﺖ ﺑﻌﺼﺒﻴﻪ :
ﺍﻱ ﺭﺍﺳﻲ ﺭﺍﺡ ﻳﻨﻔﺠﺮ ﺿﺮﻏﺎﻡ .... ﺭﺍﺡ ﻳﻨﻔﺠﺮ ﺭﺍﺳﻲ
ﺷﻔﺘﻪ ﺩﺯ ﺍﺧﻮ ﻓﻼﺡ ﻣﺎ ﺍﻋﺮﻑ ﻭﻳﻦ ﻭﺭﺟﻌﻠﻲ
ﺍﻣﻴﺮ ﺍﺣﭽﻴﻠﻲ ﺍﻟﺒﻴﻚ ﻳﺨﻮﻱ ﺭﻳﺢ ﮔﻠﺒﻚ ﻟﻴﺶ ﻣﺼﺮ ﺗﻈﻞ ﻣﻌﻠﻌﻞ ﻫﻴﭻ .. ﻣﻮ ﺍﻧﻪ ﻣﻦ ﻳﻮﻡ ﻳﻮﻣﻲ ﺍﺧﻮﻙ ﻭﺣﺎﻣﻞ ﻫﻤﻚ ﻭﺣﺎﻭﻱ ﺳﺮﻙ .. ﺍﺣﭽﻴﻠﻲ ﺍﻟﺒﻴﻚ ﻳﻤﻜﻦ ﺗﺮﺗﺎﺡ ﻭﻳﻬﻴﺪ ﻭﺟﻌﻚ
ﮔﻤﺖ ﺍﻓﺮﻙ ﺑﺮﺍﺳﻲ ﺑﺪﻳﻪ ﺍﻟﺜﻨﻴﻦ ﻭﺍﺻﻴﺢ ...
ﺍﺍﺍﺍﺥ ﻭﻟﻚ ﺿﺮﻏﺎﻡ ﺍﺥ .. ﺷﺤﭽﻴﻠﻚ ﻭﺍﻟﺒﻴﻪ ﻻ ﻳﻨﺤﭽﻪ ﻭﻻ ﻳﻨﮕﺎﻝ
ﻋﺮﻓﺖ ﻭﺭﺍﻙ ﺳﺎﻟﻔﻪ ﭼﺒﻴﺮﻩ ﺍﻣﻴﺮ ... ﺳﻮﻟﻒ ﻳﺨﻮﻱ ﺳﻮﻟﻒ ﻭﺍﺭﺗﺎﺡ
ﮔﻌﺪﺕ ﺍﺳﻮﻟﻔﻠﻪ ﺍﻟﻘﺼﻪ ﻣﻦ ﺍﻭﻟﻬﻪ ﻟﺤﺪ ﺍﻟﻴﻮﻡ ﺷﺼﺎﺭ ﻭﺷﻠﻮﻥ ﻭﺻﻠﺖ ﻟﻬﺎﻱ ﺍﻟﻨﻘﻄﻪ .. ﺷﻔﺘﻪ ﺻﻔﻦ
ﻫﺎ ﺻﻔﻨﺖ ﺿﺮﻏﺎﻡ ...
ﺍﻣﻴﺮ ﺷﻠﻮﻥ ﺣﺒﻴﺘﻬﻪ ... ﻋﻔﺖ ﺍﻟﺒﻨﻴﺎﺕ ﻣﺎﻝ ﺍﻟﺴﻠﻒ ﻛﻠﻬﻦ ﻭﻣﺎ ﻟﮕﻴﺖ ﻭﺣﺪﻩ ﺗﻌﺸﮕﻬﻪ ﻏﻴﺮ ﺍﻟﺒﻐﺪﺍﺩﻳﻪ ﻭﻓﻮﮔﺎﻫﻪ ﺟﺎﻳﺒﻬﻪ ﻓﺼﻠﻴﻪ ..
ﻣﻮ ﺑﻴﺪﻱ ﺿﺮﻏﺎﻡ ﻣﻮ ﺑﻴﺪﻱ ... ﻣﻦ ﻋﺮﻓﺖ ﻏﻴﺚ ﺷﺴﻮﻩ ﻭﻋﻔﻴﺖ ﻋﻦ ﺍﺧﻮﻫﻪ ﺑﺪﺕ ﻣﺸﺎﻋﺮﻱ ﺗﺘﺤﺮﻙ ﺍﺗﺠﺎﻫﻪ .. ﻻ ﺗﻠﻮﻣﻨﻲ ﻭﺳﺎﻋﺪﻧﻲ ﺍﻟﮕﻪ ﺣﻞ
ﺧﻮﻳﻪ ﻫﻲ ﺻﺢ ﺣﺮﻣﺘﻚ ﻭﺍﻧﺖ ﺣﺮ ﺑﻴﻬﻪ ... ﺑﺲ ﻋﺸﮕﻚ ﻫﺬﺍ ﺭﺍﺡ ﻳﺪﻣﺮﻙ ﺻﺪﮔﻨﻲ ...
ﺍﻣﻴﺮ ﺍﻓﻬﻤﻨﻲ ﺗﺮﺍﻙ ﺑﻨﻀﺮﻫﻪ ﻋﺪﻭ ﻣﻮﺵ ﺣﺒﻴﺐ ﻳﺨﻮﻱ ﻳﻌﻨﻲ ﺑﻌﺪ ﻛﻞ ﺍﻟﻲ ﺻﺎﺭ ﻭﺟﻴﺘﻬﻪ ﻟﻬﻨﺎ ﻭﺣﺮﻣﺎﻧﻬﻪ ﻣﻦ ﺍﻫﻠﻬﻪ ﻭﺫﻟﻬﻪ ﺑﺒﻴﺘﻜﻢ ﻣﻨﻚ ﻭﻣﻦ ﺍﻫﻠﻚ ﻭﺍﺧﻴﺮ ﺷﻲ ﺷﻜﻚ ﺑﻴﻬﻪ ﻭﻏﻠﻄﻚ ﻋﻠﻴﻬﻪ ﮔﺪﺍﻡ ﻛﻞ ﺍﻫﻠﻚ ... ﺗﺘﺼﻮﺭ ﺭﺍﺡ ﺗﺤﺲ ﺑﻴﻚ ﻟﻮ ﺗﻘﺪﺭ ﺣﺒﻚ .. ﻻ ﻳﺨﻮﻱ ﻣﺮﺍﺡ ﺗﺤﺼﻞ ﻣﻨﻬﻪ ﺷﻲ
ﺻﺎﻓﻦ ﻋﻠﻰ ﺿﺮﻏﺎﻡ ﺷﻠﻮﻥ ﻳﺤﭽﻲ ﻭﺍﻧﻲ ﺍﺩﺭﻱ ﺑﻜﻼﻣﻪ ﺻﺢ .. ﺍﺩﺭﻳﻬﻪ ﻣﺮﺍﺡ ﺗﺤﺒﻨﻲ ﻭﻣﻮ ﺑﺲ ﻣﺘﺤﺒﻨﻲ ﺣﺘﻰ ﺗﻜﺮﻫﻨﻲ ﻫﻢ ﺑﺲ ﻣﻮ ﺑﻴﺪﻱ ﺍﺣﺒﻬﻪ ﻳﺎ ﻧﺎﺱ ﻭﺍﻧﻪ ﺣﺘﻰ ﻣﺎ ﻣﺘﮕﺮﺏ ﺻﻮﺑﻬﻪ ﻣﺠﺮﺩ ﻧﻀﺮﻩ ﻣﻨﻬﻪ ﻭﮔﻌﺘﻨﻲ ﻭﺷﻠﺖ ﺣﺎﻟﻲ
ﺣﭽﻴﺖ ﺑﺘﻨﻬﻴﺪﻩ
ﺍﺍﺍﻭﻭﻭﻭﻑ ﺿﺮﻏﺎﻡ ... ﮔﻠﺒﻲ ﻭﺍﺝ ﻧﺎﺭ ﻳﺨﻮﻱ
ﺣﺎﻟﻲ ﻣﻮ ﺍﺣﺴﻦ ﻣﻦ ﺣﺎﻟﻚ ﻳﺒﻦ ﻋﻤﻲ ﺛﻨﻴﻨﺎﺗﻨﻪ ﺑﺎﻟﻬﻮﻩ ﺳﻮﻩ ﺍﻧﻲ ﻫﻢ ﺍﺣﺐ ﻭﺣﺪﻩ ﻣﺎﺗﺤﺒﻨﻲ ﻭﻻ ﺗﻔﻜﺮ ﺑﻴﻪ
....
ﺑﻌﺪ ﻣﺎ ﺷﺒﻌﺖ ﺑﭽﻲ ﺑﺎﻟﺤﻤﺎﻡ ﺣﺴﻴﺖ ﻧﻔﺴﻲ ﺭﺗﺎﺣﻴﺖ ﺷﻮﻳﻪ .. ﻃﻠﻌﺖ ﻭﻟﮕﻴﺘﻪ ﻃﺎﻟﻊ .. ﻓﺘﺤﺖ ﺍﻟﺒﺎﺏ ﺷﻔﺘﻬﺎ ﻣﻔﺘﻮﺣﻪ ﻣﺎ ﻗﺎﻓﻠﻬﺎ
ﻧﺰﻟﺖ ﻟﮕﻴﺖ ﺍﻟﺒﻨﺎﺕ ﺑﺎﻟﻤﻄﺒﺦ ... ﺣﭽﺖ ﺳﻌﺎﺩ
ﻫﺎ ﻳﺎﻟﺴﺎﻗﻄﻪ ﻧﺰﻟﺘﻲ ... ﺻﺎﺣﺖ ﺑﻴﻬﺎ ﻏﺪﻳﺮبيج قصص عراقيه حقيقيه من واقعنا.روعه الطائي
ﺳﻌﺎﺩ ﺍﺣﺘﺮﻣﻲ ﻧﻔﺴﭻ ﻻ ﺗﺨﻠﻴﻨﻲ ﺍﺑﺘﻠﺶ ﻭﻳﺎﭺ ﺑﻬﺎﻟﺴﺎﻋﻪ
ﺍﻧﻲ ﺷﻌﻠﻴﻪ ﺣﺒﻴﺒﻪ ﺍﺧﻮﭺ ﻫﻮ ﻳﮕﻮﻝ ﻋﻠﻴﻬﻪ ﺳﺎﻗﻄﻪ ﻣﻮﺵ ﺍﻧﻪ
ﺍﺧﻮﻳﻪ ﺭﺟﻠﻬﻪ ﺗﻌﺮﻓﻴﻦ ﺷﻨﻮ ﻳﻌﻨﻲ ﺭﺟﻠﻬﻪ
ﻻ ﻣﺎﻋﺮﻑ ﻋﺮﻓﻴﻨﻲ
ﻳﻌﻨﻲ ﺭﺟﺎﻝ ﻭﻣﺮﻩ ﻳﺘﻌﺎﺭﻛﻮﻥ ﺍﻟﻴﻮﻡ ﻳﺘﺼﺎﻟﺤﻮﻥ ﺑﺎﭼﺮ .. ﻫﻮ ﻣﻦ ﻳﺼﻴﺮ ﻋﺼﺒﻲ ﻣﻴﺤﺲ ﻋﻠﻰ ﻧﻔﺴﻪ ﻣﻦ ﻳﺤﭽﻲ ... ﺑﺲ ﺍﺫﺍ ﺳﻤﻌﭻ ﻫﻴﭻ ﺗﺤﭽﻴﻦ ﻋﻠﻴﻬﻪ ﻣﺮﺍﺡ ﻳﺮﺣﻤﭻ ﻭﺣﺬﺭﺗﭻ ﺍﻧﻲ ﻗﺒﻞ ﻭﻣﺎ ﺳﻤﻌﺘﻲ ﻣﻨﻲ ﻭﻭﺷﻔﺘﻲ ﺍﻟﺼﺎﺭ ﺑﻌﺪﻳﻦ
ﺍﺳﻤﻌﻬﻦ ﻳﺤﭽﻦ ﻭﺍﻧﻲ ﻣﺨﻨﻮﮔﻪ ﺑﻌﺒﺮﺗﻲ .. ﻋﺎﺩﻱ ﺷﻨﻮ ﺍﻟﻤﺸﻜﻠﻪ ﺷﺒﻴﭻ ﺿﺎﻳﺠﻪ ﺳﻤﺎ ﺗﻌﻠﻤﺘﻲ ﻣﻦ ﻳﻮﻡ ﺍﻻﺟﻴﺘﻲ ﻟﻬﺬﺍ ﺍﻟﺒﻴﺖ ﻭﻟﻠﻴﻮﻡ ﻳﻮﻣﻴﻪ ﺍﻟﺠﺎﻫﻞ ﻳﻐﻠﻂ ﻋﻠﻴﭻ ﻗﺒﻞ ﺍﻟﭽﺒﻴﺮ .. ﺣﺎﺟﺘﻨﻲ ﻏﺪﻳﺮ
ﻟﻴﺶ ﻧﺰﻟﺘﻲ ﺧﻴﻪ ﻣﺎ ﻇﻠﻴﺘﻲ ﻓﻮﮒ
ﻻ ﻏﺪﻳﺮ ﺿﺠﺖ ﻭﺍﺧﺘﻨﮕﺖ ﺍﺷﺘﻐﻞ ﻭﻳﺎﻛﻢ ﺍﻟﺘﻬﻲ ﺍﺣﺴﻦ
ﺑﺮﺍﺣﺘﭻ ﺣﺒﻴﺒﻪ ﺑﺲ ﺍﻟﻠﻪ ﻋﻠﻴﭻ ﻻ ﺗﻜﺪﺭﻳﻦ ﺧﺎﻃﺮﭺ ﺑﺤﭽﻲ ﺳﻌﺎﺩ ﺗﻌﺮﻓﻴﻬﻪ ﻟﺴﺎﻧﻬﻪ ﻣﻮﺵ ﺍﻟﻬﻪ
ﻋﺎﺩﻱ ﺣﺒﻲ ﺗﻌﻮﺩﺕ
ﮔﻤﺖ ﺍﺷﺘﻐﻞ ﻭﻳﺎ ﻏﺪﻳﺮ ﻭﺍﻧﻲ ﻓﻜﺮﻱ ﻛﻠﻪ ﺑﺎﻟﻜﻼﻡ ﺍﻟﮕﺎﻟﻪ ﺍﻣﻴﺮ ﺍﻟﻀﻬﺮ ... ﻣﻌﻘﻮﻟﻪ ﻫﻴﭻ ﻳﺸﻮﻓﻨﻲ ﺭﺧﻴﺼﻪ ﻣﻌﻘﻮﻟﻪ ﺻﺪﮒ ﻋﻨﺪﻱ ﻋﻼﻗﻪ ﻭﺍﺣﺐ ﺑﺤﻴﺚ ﺍﻭﻝ ﻣﺎ ﺳﻤﻌﻨﻲ ﺍﺣﭽﻲ ﺭﻛﺐ ﺍﻟﻤﻮﺿﻮﻉ ﺑﺮﺍﺳﻪ ﻣﺜﻞ ﻣﺎ ﭼﺎﻥ ﻳﻌﺘﻘﺪ ﻭﻳﺘﺼﻮﺭ ... ﺍﺻﺤﻲ ﺳﻤﺎ ﺍﺻﺤﻲ ﻭﺷﻮﻓﻲ ﻧﻔﺴﭻ ﺑﻌﻴﻦ ﺍﻣﻴﺮ ﺷﻨﻮ
ﺍﻧﺘﻲ ﺑﺎﻟﻨﺴﺒﻪ ﺍﻟﻪ ﻭﺣﺪﻩ ﻣﺘﺴﻮﻩ .. ﺍﻧﺘﻲ ﻓﺼﻠﻴﻪ ﻭﺗﻈﻠﻴﻦ ﻓﺼﻠﻴﻪ ﻻ ﺗﺤﻠﻤﻴﻦ ﺑﺄﻛﺜﺮ ﻣﻦ ﻫﺎﻟﺸﻲ ﻭﻳﺎ ﻭﺍﺣﺪ ﻣﺜﻞ ﺍﻣﻴﺮ .. ﺍﻟﻠﻪ ﻛﺎﺗﺐ ﻋﻠﻴﭻ ﺗﻌﻴﺸﻴﻦ ﻋﻤﺮﭺ ﻛﻠﻪ ﺑﻬﺬﺍ ﺍﻟﺒﻴﺖ ﻓﺼﻠﻴﻪ ﻭﺧﺪﺍﻣﻪ ﻭﺑﺲ
ﺷﺘﻐﻠﻨﻪ ﻛﺎﻟﻌﺎﺩﻩ ﻭﺻﺎﺭ ﺍﻟﻠﻴﻞ ﻭﺑﻠﺸﻨﻪ ﺑﺎﻟﻌﺸﻪ ﻭﻏﺪﻳﺮ ﺗﺤﭽﻲ ﻭﺗﺤﺎﻭﻝ ﺗﻀﺤﻜﻨﻲ ﻭﺍﻧﻲ ﺑﺎﻟﻲ ﻣﻮ ﻳﻤﻬﺎ .. ﺍﺣﺲ ﺍﻟﺼﺎﺭ ﻫﺪ ﺣﻴﻠﻲ ﻭﻣﺎ ﻃﺎﻳﻘﻪ ﻛﻞ ﺍﻟﻨﺎﺱ ﺍﻟﮕﺪﺍﻣﻲ ﺣﺘﻰ ﻏﺪﻳﺮ . . ﻣﻮ ﺑﻴﺪﻱ ﻭﺍﻟﻠﻪ ... ﺍﻟﻀﺮﺏ ﺍﻻﻛﻠﺘﻪ ﻣﻦ ﺍﻣﻴﺮ ﭼﺎﻥ ﺍﻫﻮﻥ ﻣﻦ ﺍﻟﺤﭽﻲ ﺍﻟﺴﻤﻌﺘﻪ ﺍﻟﻴﻮﻡ ....
ﺷﻮﻳﻪ ﻭﺷﻔﺖ ﺍﻣﻴﺮ ﻃﺐ ﻣﻦ ﺑﺎﺏ ﺍﻟﻤﻄﺒﺦ ...
