١٠______١٢
#بارت١٠
# ﻓﺼﻠﻴﻪ _ ﻷُﻧﺎﺱ _ ﻻﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ _ ﺍﻟﻤﻮﺳﻮﻱ
ﺑﻌﺪﻧﻲ ﺩﺍ ﺍﻓﻜﺮ ﻓﻜﺮﻩ ﺗﻮﺩﻳﻨﻲ ﻭﻓﻜﺮﻩ ﺗﺠﻴﺒﻨﻲ ﺷﻔﺖ ﺳﻌﻴﺪﺍﻥ ﻃﺒﺖ ﻭﺻﻔﻨﺖ ﻋﻠﻴﻪ
ﻫﺎﺍﺍ ﺧﻴﺮ ﻋﻴﻨﻲ ﻣﻀﻴﻌﻪ ﺷﻲ ﺑﻮﺟﻬﻲ
ﻭﺍﻧﺖ ﻣﻨﻮ ﻳﻤﭻ ﻣﺎﻟﺖ ﻋﻠﻰ ﻫﺎﻟﻮﺟﻪ ﺍﻱ ﻭﺍﻟﻠﻪ
ﺩﺭﺕ ﻭﺟﻬﻲ ﻭﻣﺎ ﺟﺎﻭﺑﺘﻬﺎ ... ﻛﻤﻠﻨﻪ ﻫﻮﺳﺔ ﺍﻟﺮﻳﻮﮒ ﻭﺍﻟﻤﻄﺒﺦ ﻭﺑﺪﻳﻨﻪ ﻧﺠﻬﺰ ﻟﻠﻐﺪﻩ ﻭﺍﻟﻮﻗﺖ ﻳﺮﻛﺾ ﻭﺍﻟﺸﻐﻞ ﻣﻴﺨﻠﺺ ...
ﺍﻭﻭﻑ ﺭﺑﻲ ﻭﺍﻟﻠﻪ ﺗﻌﺒﺖ ﻋﻤﺮﻱ ﻣﺎ ﺗﺨﻴﻠﺖ ﻧﻔﺴﻲ ﺍﺷﺘﻐﻞ ﻛﻞ ﻫﺬﺍ ﺍﻟﺸﻐﻞ ﻭﺍﻧﻲ ﭼﻨﺖ ﺍﻟﻤﺪﻟﻠﻪ .. ﻗﺎﻃﻌﺘﻨﻲ ﻏﺪﻳﺮ
ﺷﺒﻴﭻ ﺧﻴﻪ ﺗﺨﺒﻠﺘﻲ ﺗﺤﭽﻴﻦ ﻭﻳﺎ ﺭﻭﺣﭻ
ﻏﺪﻳﺮ ﺑﺸﺮﻓﭻ ﺷﻠﻮﻥ ﻣﺘﺤﻤﻠﻪ ﻛﻞ ﻫﺬﺍ ﺍﻟﺸﻐﻞ ﻳﻌﻨﻲ ﺣﺘﻰ ﺍﻟﻤﻄﻲ ﻟﻮ ﺑﻤﻜﺎﻧﭻ ﭼﺎﻥ ﺗﻌﺐ
ﺗﻌﻮﺩﺕ ﺧﻴﻪ ﺗﻌﻮﺩﺕ ﻓﺘﺤﺖ ﻋﻴﻨﻲ ﻋﻠﻰ ﻫﺬﺍ ﺍﻟﺸﻐﻞ ﺻﺎﺭ ﺯﻻﻃﻪ ﻋﻠﻴﻪ
ﺍﻟﻠﻪ ﻳﺴﺎﻋﺪﭺ ﺍﻧﻲ ﻛﻢ ﻳﻮﻡ ﻭﺗﻌﺒﺖ ﻳﻤﻜﻢ
ﺗﻌﻮﺩﻱ ﺣﺒﻴﺒﻪ ﻣﺜﻞ ﻣﺎ ﺗﻌﻮﺩﺕ ﻗﺒﻠﭻ
ﺍﻟﻠﻪ ﻛﺮﻳﻢ
ﻇﻠﻴﻨﻪ ﻧﺸﺘﻐﻞ ﻭﻣﺎ ﻧﻠﺤﮓ ﻟﺤﺪ ﻭﻗﺖ ﺍﻟﻐﺪﻩ ﺑﺪﻭ ﺍﻟﺰﻟﻢ ﻳﺠﻮﻥ ﻭﺍﺣﻨﻪ ﻧﺠﻬﺰ ﻧﺼﺐ ﺍﻟﻐﺪﻩ ... ﺍﺟﺘﻨﻲ ﻏﺪﻳﺮ
ﺣﺒﻴﺒﻪ ﺍﻣﻴﺮ ﻣﻴﺠﻲ ﺍﻟﻴﻮﻡ ﻟﻠﻴﻞ ﻋﻨﺪﻩ ﺷﻐﻞ ﺑﺎﻟﺪﻳﻮﺍﻥ ﻭﺩﺯ ﺧﺒﺮ ﺑﻴﺪ ﺍﺑﻮﻱ
ﻳﺎ ﺷﻌﺠﺐ ﻣﻴﺠﻲ ﻭﺍﻟﻴﻮﻡ ﻫﻢ ﻃﻠﻊ ﻣﻦ ﺍﻟﺼﺒﺢ ﻭﻣﺴﺘﻌﺠﻞ
ﻣﺎ ﺍﺩﺭﻱ ﺧﻴﻪ ﺷﻮ ﺷﺼﺎﻳﺮ ﻭﻳﺎ
ﻟﻌﺪ ﺍﻧﻲ ﺭﺍﺡ ﺍﻛﻤﻞ ﺻﺐ ﻭﻳﺎﻛﻢ ﻭﺍﺻﻌﺪ ﻓﻮﮒ ﺍﻟﻐﺮﻓﻪ ﻣﺎ ﻧﻀﻔﺘﻬﺎ ﺍﻟﺼﺒﺢ ﻭﻫﺪﻭﻡ ﺍﻣﻴﺮ ﺑﺎﻟﺤﻤﺎﻡ ﻣﺎ ﻏﺴﻠﺘﻬﻦ ﻭﺍﻧﻲ ﻫﻢ ﺍﺭﻳﺪ ﺍﻏﺴﻞ
ﻻ ﺣﺒﻴﺒﻪ ﺭﻭﺣﻲ ﻟﺸﻐﻠﭻ ﺍﻧﻲ ﺍﺻﺐ
ﻻ ﺍﻛﻤﻞ ﻭﺍﺻﻌﺪ
ﺩﺻﻌﺪﻱ ﻳﺎ ﺳﻤﺎ ﺑﻴﻨﺎﺗﻨﻪ ﻫﺎﻱ ﺍﻟﺴﻮﺍﻟﻒ
ﺑﺴﺘﻬﺎ ﻭﮔﺘﻠﻬﺎ ﺷﻜﺮﺍ .. ﺍﺑﺘﺴﻤﺘﻠﻲ ﻭﻫﺰﺕ ﺑﺮﺍﺳﻬﺎ ﻭﮔﺎﻟﺖ ﺍﺧﺬﻱ ﺭﺍﺣﺘﭻ ﻟﻠﻌﺼﺮ ﻳﻼ ﻧﺰﻟﻲ ﻣﺎﻋﺪﻧﻪ ﺷﻲ
ﺻﻌﺪﺕ ﻓﻮﮒ ﻧﺰﻋﺖ ﺍﻟﺠﺒﻪ ﻭﺍﻟﺤﺠﺎﺏ ﻭﺑﺪﻳﺖ ﺍﻛﻨﺲ ﺑﺎﻟﻐﺮﻓﻪ ﻭﺍﻣﺴﺢ
ﺻﺎﺭ ﻋﻨﺪﻱ ﻓﻀﻮﻝ ﺍﺷﻮﻑ ﺍﻟﻐﺮﻓﻪ ﺯﻳﻦ ﺑﺪﻳﺖ ﺍﺩﻭﺭ ﺑﺎﻟﻤﺠﺮﺍﺕ ﻭﺍﻟﻜﻨﺘﻮﺭ
ﻓﺘﺤﺖ ﺍﻟﻜﻨﺘﻮﺭ ﻋﺎﻳﻨﺖ ﻣﻼﺑﺴﻪ ... ﺣﻴﻴﻞ ﺷﮕﺪ ﻋﻨﺪﻩ ﻣﻼﺑﺲ ﺗﻘﺮﺑﺖ ﺷﺘﻤﻴﺘﻬﻦ ﺭﻳﺤﺘﻬﻦ ﺗﺠﻨﻦ .. ﺻﺮﺍﺣﻪ ﻣﺎ ﺷﺎﻳﻔﻪ ﻫﻴﭻ ﻭﻟﺪ ﻧﻀﻴﻒ ﻭﻣﺮﺗﺐ ﺣﺘﻰ ﺫﻭﻗﻪ ﺑﺎﻟﻤﻼﺑﺲ ﺣﻠﻮ
ﻓﺘﺤﺖ ﺍﻟﻤﺠﺮ ﻟﮕﻴﺖ ﺍﻟﺒﻮﻣﺎﺕ ﻣﺎﻟﺖ ﺻﻮﺭ ﻫﻮﺍﻱ .. ﻃﻠﻌﺘﻬﻦ ﮔﻠﺒﺖ ﺑﻴﻬﻦ ﺍﺷﻜﺎﻝ ﺍﻟﺼﻮﺭ ﺷﻔﺖ ... ﺗﻌﺠﺒﺖ ﺷﻔﺘﻠﻪ ﺻﻮﺭ ﺑﺎﻟﺠﺎﻣﻌﻪ .. ﻫﺬﺍ ﺍﻟﻤﺘﺨﻠﻒ ﺩﺍﺭﺱ ﺟﺎﻣﻌﻪ !!!
ﺭﺟﻌﺖ ﺍﻻﻟﺒﻮﻣﺎﺕ ﻭﻇﻠﻴﺖ ﺍﺗﻔﺮﺝ ﺑﺎﻟﻐﺮﻓﻪ ﻣﺎ ﺷﻔﺖ ﺷﻲ ﻏﺮﻳﺐ ﺑﻌﺪ
ﻛﻤﻠﺖ ﺗﻨﻀﻴﻒ ﻭﺗﺮﺗﻴﺐ ﻭﺭﺣﺖ ﻏﺴﻠﺖ ﻫﺪﻭﻣﻪ ﺳﻮﻳﺘﻬﻦ ﻭﺟﺒﺘﻴﻦ ﻭﮔﻠﺖ ﺍﻃﺐ ﺍﻏﺴﻞ ﻻﻥ ﺗﻌﺒﺖ ﻭﻋﺮﮔﺖ
ﺭﺣﺖ ﻟﻐﺮﻓﺔ ﻏﺪﻳﺮ ﺍﺧﺬﺕ ﻣﻨﻬﺎ ﺧﺎﻭﻟﻲ ﻭﺟﺒﺖ ﻣﻼﺑﺴﻲ ﻣﻦ ﻛﻨﺘﻮﺭﻫﺎ ﻃﻠﻌﺖ ﻣﻦ ﺍﻟﺸﺘﺮﻳﺘﻬﻦ ﺛﻮﺏ ﺧﻔﻴﻒ ﺗﻌﻼﮔﻪ ﻭﻟﻠﺮﻛﺒﻪ ﻟﻮﻧﻪ ﺳﻤﺎﺋﻲ ﻻﻥ ﺣﺎﺭﻩ ﻛﻠﺶ ﻭﺗﻌﺒﺖ ﻣﻦ ﺍﻟﻜﻼﺑﻴﺎﺕ ﻭﮔﻠﺖ ﻫﻮ ﻣﻴﺠﻲ ﻟﻠﻴﻞ ﻭﻣﻦ ﺍﻧﺰﻝ ﺍﻟﺒﺲ ﺍﻟﺠﺒﻪ
ﺭﺟﻌﺖ ﻟﻐﺮﻓﺔ ﺍﻣﻴﺮ ﺩﺧﻠﺖ ﻟﻠﺤﻤﺎﻡ ﻋﻠﮕﺖ ﺍﻟﻤﻼﺑﺲ ﻭﺩﺧﻠﺖ ﺍﻏﺴﻞ .. ﺍﺷﻜﺎﻝ ﺍﻟﺸﺎﻣﺒﻮﺍﺕ ﻭﺍﻟﻐﺴﻮﻻﺕ ﻋﻨﺪﻩ ﺗﺬﻛﺮﺕ ﻧﻔﺴﻲ ﭼﻨﺖ ﺑﺒﻴﺖ ﺍﻫﻠﻲ ﺍﻣﻮﺕ ﻋﻠﻰ ﻫﺎﻟﺴﻮﺍﻟﻒ ﺍﺷﺘﺮﻱ ﻭﻣﺎ ﺍﻟﺤﮓ
ﻏﺴﻠﺖ ﻭﻛﻤﻠﺖ ﻧﺸﻔﺖ ﻭﻟﺒﺴﺖ ﺍﻟﺜﻮﺏ ﻭﺩﺍ ﺍﻟﻒ ﺍﻟﺨﺎﻭﻟﻲ ﻋﻠﻰ ﺷﻌﺮﻱ ﻭﺍﻧﻲ ﻋﻠﻰ ﻫﺎﻟﺤﺎﻝ ﺍﻧﻔﺘﺤﺖ ﺑﺎﺏ ﺍﻟﺤﻤﺎﻡ ﻭﻃﺐ ﺍﻣﻴﺮ
.....
ﻃﻠﻌﺖ ﺍﻟﺼﺒﺢ ﻣﻦ ﻭﻛﺖ ﻻﻥ ﺟﺎﻥ ﺍﻛﻮ ﻣﺸﻜﻠﻪ ﺑﺎﻟﺤﻤﻞ ﻣﺎﻟﺖ ﺍﻟﻤﺤﺼﻮﻝ ﻭﻻﺯﻡ ﻏﺒﺸﻪ ﺍﻧﻲ ﺍﺭﻭﺡ ﻟﻠﻌﻤﺎﻝ
ﺭﺣﺖ ﻭﻧﺸﻐﻠﺖ ﺑﻬﺎﻱ ﺍﻟﻤﺸﻜﻠﻪ ﻭﺍﺛﻨﺎﺀ ﺍﻟﺸﻐﻞ ﻭﺍﻧﻲ ﻣﺨﺒﻮﺹ ﺍﺟﺎﻧﻲ ﺍﺗﺼﺎﻝ ﺍﻟﻀﻬﺮ ﺏ٣ ﺍﻛﻮ ﻣﺸﻜﻠﻪ ﻭﺭﺍﻳﺪﻳﻨﻲ ﺍﺣﻠﻬﻪ
ﺿﺮﻏﺎﻡ ﭼﺎﻥ ﻳﻤﻲ ﮔﺘﻠﻪ ﻣﺎ ﺍﻟﺤﮓ ﺍﺭﻭﺡ ﻟﻠﺒﻴﺖ ﻫﺎﻱ ﺍﻟﺴﺎﻟﻔﻪ ﻣﺘﺨﻠﺺ ﻟﻠﻀﻬﺮ .. ﻭﻻﺯﻡ ﺍﺭﻭﺡ ﻟﻠﺪﻳﻮﺍﻥ ﻋﻨﺪﻱ ﻃﻼﺑﻪ ﺍﻧﻄﻲ ﺧﺒﺮ ﻻﺑﻮﻱ ﻣﺎ ﺍﺭﺟﻊ ﻟﻠﺒﻴﺖ ﻟﻠﻴﻞ
ﻇﻠﻴﺖ ﺍﺷﺮﻑ ﻋﻠﻰ ﺍﻟﻌﻤﺎﻝ ﻭﺗﺄﺧﺮﺕ ﺍﻟﻄﻠﺒﻴﻪ ﻋﻦ ﺍﻟﺘﺴﻠﻴﻢ ... ﺍﺿﻄﺮﻳﺖ ﺍﺳﺎﻋﺪ ﺍﻟﻌﻤﺎﻝ ﺑﺎﻟﺤﻤﻞ ﺣﺘﻰ ﻧﺴﺘﻌﺠﻞ ﻭﻧﺴﻠﻢ ﺍﻟﻄﻠﺒﻴﻪ ﺑﺎﻟﻤﻮﻋﺪ ﻑ ﮔﻤﺖ ﺍﺭﻓﻊ ﻭﻳﺎﻫﻢ ﻭﻣﺎ ﺣﺴﻴﺖ ﺇﻻ ﺍﻟﺴﺎﻋﻪ ﻭﺣﺪﻩ ﻭﻧﺺ
ﻋﺎﻳﻨﺖ ﺩﺷﺪﺍﺷﺘﻲ ﺻﺎﻳﺮﻩ ﺧﺮﻳﻄﻪ ﻭﺍﻟﻮﺿﻊ ﺗﻌﺒﺎﻥ ﻻﺯﻡ ﺍﺭﺟﻊ ﻟﻠﺒﻴﺖ ﺍﻏﺴﻞ ﻭﺍﺑﺪﻝ ﻭﺍﻃﻠﻊ ﻟﻠﺪﻳﻮﺍﻥ ﻣﺎ ﭼﻨﺖ ﻣﺤﺴﺐ ﻟﻬﻞ ﺷﻲ ﺣﺴﺎﺏ
ﺭﺟﻌﺖ ﺳﺮﻳﻊ ﻟﻠﺒﻴﺖ ﻻﻥ ﻣﺎﻋﻨﺪﻱ ﻭﻗﺖ ﺏ٣ ﻻﺯﻡ ﺍﻧﻲ ﺑﺎﻟﺪﻳﻮﺍﻥ ﻃﺒﻴﺖ ﻟﮕﻴﺖ ﺍﻫﻠﻲ ﻳﺘﻐﺪﻭﻥ ﺳﻠﻤﺖ ﻭﺻﻌﺪﺕ ﮔﺒﻞ ﻓﻮﮒ
ﻃﺒﻴﺖ ﻭﺣﻀﺮﺕ ﻣﻼﺑﺲ ﺍﻟﻲ ﻭﻧﺰﻋﺖ ﺍﻟﺸﻤﺎﻍ ﻭﺍﻟﺴﺎﻋﻪ ﻭﺍﻟﻤﻨﺎﺿﺮ ﻭﺫﺑﻴﺖ ﺍﻟﻤﺤﺎﺑﺲ ﻋﺎﻟﻤﻴﺰ ﻭﺭﺣﺖ ﻣﺴﺘﻌﺠﻞ ﻓﺘﺤﺖ ﺑﺎﺏ ﺍﻟﺤﻤﺎﻡ ﻭﺍﺷﻮﻓﻠﻚ ﺳﻤﺎ ﺑﻤﻼﺑﺲ ﺧﻔﻴﻔﻪ ﻭﮔﺼﻴﺮﻩ ﻭﺍﻟﺨﺎﻭﻟﻲ ﻋﻠﻰ ﺍﻟﺮﺍﺱ ﻫﻲ ﺷﺎﻓﺘﻨﻲ ﻭﻓﺘﺤﺖ ﻋﻴﻨﻬﻪ ﻋﻠﻰ ﻭﺳﻌﻬﻦ ﻭﺷﻬﮕﺖ
ﺑﺪﻭﻥ ﻣﺎ ﺍﺣﺲ ﻋﻠﻰ ﺭﻭﺣﻲ ﺩﺭﺕ ﻭﺟﻬﻲ ﻭﮔﻠﺘﻠﻬﻪ ﺍﺷﺘﻌﻠﺖ ﻋﺸﻴﺮﺗﭻ ﻋﻠﻰ ﻫﺎﻟﺪﮔﻪ
....
ﻣﻦ ﻃﺐ ﺍﻧﺼﺪﻣﺖ ﻭﺷﻬﮕﺖ ﺭﺃﺳﺎ ﺩﺍﺭ ﻭﺟﻬﻪ ﻭﻫﻮ ﻳﮕﻮﻝ ﺍﺷﺘﻌﻠﺖ ﻋﺸﻴﺮﺗﭻ ﻋﻠﻰ ﻫﺎﻟﺪﮔﻪ ... ﺣﭽﻴﺖ ﺑﺄﺭﺗﺒﺎﻙ
ﺍﺳﻔﻪ ﻭﺍﻟﻨﺒﻲ ﻣﺎ ﺍﺩﺭﻱ ﺑﻴﻚ ﺗﺠﻲ ﻏﺪﻳﺮ ﮔﺎﻟﺖ ﻣﻴﺠﻲ ﻟﻠﻴﻞ ﻓﺼﻌﺪﺕ ﻧﻀﻔﺖ ﺍﻟﻐﺮﻓﻪ ﻭﻏﺴﻠﺖ ﻣﻼﺑﺴﻚ ﻭﮔﻠﺖ ﺍﻏﺴﻞ ﻭﺍﺭﺗﺎﺡ ﻭﺍﻟﻌﺼﺮ ﺍﻧﺰﻝ .. ﺣﭽﻪ ﻭﻫﻮ ﺩﺍﻳﺮ ﻭﺟﻬﻪ
ﺭﺏ ﺍﻟﺤﻠﻮ ﺭﺍﺡ ﺗﻈﻠﻴﻦ ﺗﺸﺮﺣﻴﻠﻲ ﺍﻃﻠﻌﻲ ﺑﺴﺮﻋﻪ ﺍﺭﻳﺪ ﺍﻏﺴﻞ ﻣﺎ ﻋﻨﺪﻱ ﻭﻗﺖ
ﺍﻱ ﻃﺎﻟﻌﻪ ﻃﺎﻟﻌﻪ
....
ﻇﻠﺖ ﺗﺘﺄﺳﻒ ﻭﺗﺒﺮﺭ ﺍﻟﻤﻮﻗﻒ ﻭﺍﻧﻲ ﻣﺎﻋﻨﺪﻱ ﻭﻗﺖ ﻳﺎﺩﻭﺏ ﺍﻏﺴﻞ ﻭﺍﻃﻠﻊ ﻭﺭﺍﻳﻪ ﻃﻼﺑﻪ ﺳﻜﺘﺘﻬﻪ ﻭﮔﻠﺘﻠﻬﻪ ﻃﻠﻌﻲ
ﺩﺗﻄﻠﻊ ﻭﺍﻧﻲ ﻭﺍﮔﻒ ﺑﺎﻟﺰﺍﻭﻳﻪ ﺩﺭﺕ ﻭﺟﻬﻲ ﺣﺘﻰ ﺍﻃﺐ ﻭﺍﻧﻲ ﻣﺪﻧﭻ ﺿﺮﺑﺘﻬﻪ ﺣﻴﻞ ﺑﭽﺘﻔﻬﻪ ﺑﺪﻭﻥ ﻗﺼﺪ ﺍﻧﺪﻓﻌﺖ ﻟﻴﻮﺭﻩ ﻭﻭﮔﻌﺖ
ﺍﻟﻠﻪ ﺍﻟﻠﻪ ﮔﻮﻣﻲ ﻟﺰﻣﺘﻬﻪ ﻣﻦ ﺯﻧﺪﻫﻪ ﻭﮔﻮﻣﺘﻬﻪ ﻣﺎ ﺍﻋﺮﻑ ﺷﻨﻮ ﺣﺴﻴﺖ ﻣﻦ ﻟﺰﻣﺘﻬﻪ ﺍﺣﺴﺎﺱ ﻏﺮﻳﺐ ﻭﺑﺪﻭﻥ ﻣﺎ ﺍﺗﻘﺼﺪ ﻇﻠﻴﺖ ﺻﺎﻓﻦ ﺑﻮﺟﻬﻪ ﻭﻋﻴﻮﻧﻲ ﺑﻌﻴﻮﻧﻬﻪ ﺳﺮﺣﺖ ﺷﻮﻳﻪ ﺑﻤﺸﺎﻋﺮ ﻏﺮﻳﺒﻪ ﻣﺎ ﺍﻟﻬﻪ ﺗﻔﺴﻴﺮ .. ﺻﺤﻴﺖ ﻋﻠﻰ ﻧﻔﺴﻲ ﻣﻦ ﺳﻤﻌﺖ ﺻﻮﺗﻬﻪ
ﻣﺎﻛﻮ ﺷﻲ ﻫﻲ ﻭﮔﻌﻪ ﺑﺴﻴﻄﻪ
....
ﻣﻦ ﺩﺍ ﺍﻃﻠﻊ ﺍﻧﺪﺍﺭ ﻳﻄﺐ ﻻﻥ ﺍﻟﻤﻤﺮ ﻣﺎﻟﺖ ﺍﻟﺤﻤﺎﻡ ﺿﻴﮓ ﻓﻀﺮﺑﻨﻲ ﺑﭽﺘﻔﻲ ﺭﺟﻌﺖ ﻟﻴﻮﺭﻩ ﻭﻭﮔﻌﺖ .. ﮔﻮﻣﻨﻲ ﻭﻫﻮ ﻳﺼﻴﺢ ﺍﻟﻠﻪ ﺍﻟﻠﻪ ... ﺷﻮ ﻫﺬﺍ ﺻﻔﻦ ﺑﻮﺟﻬﻲ ﻭﺣﻂ ﻋﻴﻨﻪ ﺑﻌﻴﻨﻲ ﻭﺳﻜﺖ ﻋﺎﻳﻨﺖ ﻟﻌﻴﻮﻧﻪ ﺗﻠﻤﻊ ﺍﻭﻝ ﻣﺮﻩ ﺍﻧﺘﺒﻪ ﻟﺠﻤﺎﻝ ﻋﻴﻮﻧﻪ ﺭﺳﻤﻬﻦ ﺭﺳﻢ ﻋﻴﻮﻥ ﺍﻟﻌﺮﺏ ﺑﺰﻣﻦ ﺍﻟﺮﺳﻮﻝ ﺳﺒﺤﺎﻥ ﺍﻟﻠﻪ .. ﺍﻧﺘﺒﻬﺖ ﻟﺮﻭﺣﻲ ﻭﮔﺘﻠﻪ ﻣﺎ ﺑﻴﻪ ﺷﻲ ﻫﺪ ﺍﻳﺪﻱ ﻭﻃﻠﻌﺖ ﻭﻫﻮ ﻃﺐ ﻳﻐﺴﻞ
ﻃﻠﻌﺖ ﺳﺮﻳﻊ ﻟﺒﺴﺖ ﺍﻟﺠﺒﻪ ﻭﮔﻠﺖ ﺍﺳﺸﻮﺭ ﺷﻌﺮﻱ ﺑﺴﺮﻋﻪ ﻗﺒﻞ ﻻ ﻳﻄﻠﻊ ﻻﻥ ﻃﻮﻳﻞ ﻭﺛﺨﻴﻦ ﻭﻣﻴﻨﺸﻒ ﺑﺴﻬﻮﻟﻪ ﻭﺍﻧﺰﻝ ﺟﻮﻩ
ﺍﺩﻭﺭ ﻋﻠﻰ ﺍﻟﺴﺸﻮﺍﺭ ﻣﺎﻛﻮ ﻳﺎ ﺍﻟﻠﻪ ﻭﻳﻨﻪ ﺍﻧﻲ ﻣﺘﺄﻛﺪﻩ ﻋﻨﺪﻩ ﺷﻔﺘﻪ ﻳﻨﺸﻒ ﺷﻌﺮﻩ ﺑﻲ
ﻟﮕﻴﺘﻪ ﺗﺎﻟﻲ ﺟﻮﻩ ﺑﺎﻟﻤﻴﺰ ﺷﻜﻠﺘﻪ ﻭﺍﺳﺘﻌﺠﻠﺖ ﺍﺳﺸﻮﺭ ﺷﻮ ﻫﺬﺍ ﻃﻠﻊ ﺷﺒﺴﺮﻋﻪ ﻳﺤﻈﻲ ﻃﻔﻴﺘﻪ ﮔﺒﻞ
....
ﻫﺪﻳﺘﻬﻪ ﻭﻃﺒﻴﺖ ﻟﻠﺤﻤﺎﻡ ﺍﺧﺬﺗﻠﻲ ﺻﻔﻨﻪ ﻟﻴﺶ ﻫﻴﭻ ﺻﺎﺭ ﻭﻳﺎﻳﻪ ﻟﻴﺶ ﻋﺎﻳﻨﺖ ﺑﻌﻴﻮﻧﻬﻪ ﻭﺷﺼﺎﺭ ﺑﻴﻪ ﻣﻦ ﻟﺰﻣﺖ ﺍﻳﺪﻫﺎ ﺷﻨﻮ ﻫﺬﺍ ﺍﻟﺸﻌﻮﺭ ﺍﻟﮕﺎﻋﺪ ﺍﺷﻌﺮ ﺑﻲ ﻳﺎﺭﺑﻲ ﻛﻮﻥ ﻣﻮ ﺍﻟﺒﺎﻟﻲ ﻣﻴﺼﻴﺮ ﺭﺑﻲ ﻣﻴﺼﻴﺮ ﻭﺍﻧﺖ ﻭﺣﺪﻙ ﺗﺪﺭﻱ ﻟﻴﺶ
ﻏﺴﻠﺖ ﺑﺴﺮﻋﻪ ﻭﻃﻠﻌﺖ ﺷﻔﺘﻬﻪ ﺩﺗﺸﺴﻮﺭ ﺷﻌﺮﻫﻪ ﺷﺎﻓﺘﻨﻲ ﻃﻔﺖ ﺍﻟﺸﺴﻮﺍﺭ ﺑﺴﺮﻋﻪ
ﻛﻤﻠﻲ ﻟﻴﺶ ﻃﻔﻴﺘﻲ
ﻻ ﻧﺸﻒ ﺍﺭﻭﺡ ﺍﻧﺰﻝ
ﻛﻤﻠﻲ ﻳﺎ ﻧﺸﻒ ﻫﺬﺍ ﻛﻠﻪ ﻣﺒﻠﻞ
ﺷﻐﻠﺖ ﺍﻟﺸﺴﻮﺍﺭ ﻭﺭﺟﻌﺖ ﺗﻜﻤﻞ ﻭﻇﻠﻴﺖ ﺍﻧﺸﻒ ﺑﺸﻌﺮﻱ ﺑﺎﻟﻤﻨﺸﻔﻪ ﮔﻤﺖ ﺍﻋﺎﻳﻨﻠﻬﻪ ﺑﺎﻟﻤﺮﺍﻳﻪ ﺑﺪﻭﻥ ﻣﺎ ﺍﺣﺲ ﺑﺮﻭﺣﻲ ﺍﻧﺘﺒﻬﺖ ﻋﻠﻰ ﺷﻌﺮﻫﻪ ﺷﮕﺪ ﻃﻮﻳﻞ ﻭﻟﻮﻧﻪ ﺣﻠﻮ ﺷﻨﻮ ﻫﺬﺍ ﺍﻟﻠﻮﻥ ﺍﻛﻴﺪ ﺻﺎﺑﻐﺘﻪ
ﺳﻤﺎ ﻫﺬﺍ ﺷﻌﺮﭺ ﺻﺎﺑﻐﺘﻪ
ﻻ ﻟﻴﺶ
ﺻﺪﮒ ﻣﺎ ﺻﺎﺑﻐﺘﻪ
ﺍﻱ ﻭﺍﻟﻠﻪ ﺑﺲ ﻟﻴﺶ ﺳﺄﻟﺖ
ﻟﻮﻧﻪ ﻣﻮ ﻃﺒﻴﻌﻲ ﻣﺸﺎﻳﻒ ﻫﻴﭻ ﺷﻌﺮ ... ﺩﻧﮕﺖ ﺑﺪﻭﻥ ﻣﺘﺠﺎﻭﺏ ﺷﻲ
ﻛﻤﻠﺖ ﺷﺴﻮﺍﺭ ﻭﮔﻠﺘﻠﻬﻪ ﻟﺘﻄﻔﻲ ﺍﺭﻳﺪ ﺍﻧﺸﻒ ﺷﻌﺮﻱ
ﻭﮔﻔﺖ ﺍﻧﺸﻔﻪ ﺭﺍﺩﺕ ﺗﻄﻠﻊ ... ﺻﺤﺘﻠﻬﻪ
ﺳﻤﺎ ﺑﻼ ﺯﺣﻤﻪ ﻋﻠﻴﭻ ﺑﻌﺪ ﻣﺎ ﺍﻟﺤﮓ ﻃﻠﻌﻴﻠﻲ ﺩﺷﺪﺍﺷﺘﻲ ﺍﻟﺒﻴﺠﻲ ﺩﺭﺟﻪ ﺛﺎﻟﺜﻪ ﻣﺮﺗﺒﺎﺕ ﻫﻦ ﺑﺎﻟﺘﺴﻠﺴﻞ ﻭﻣﻼﺑﺴﻲ ﺍﻟﻲ ﺑﺎﻟﺤﻤﺎﻡ ﻏﺴﻠﻴﻬﻦ
ﺍﻭﻙ
ﺭﺣﺖ ﻟﻠﻜﻨﺘﻮﺭ ﻭﻃﻠﻌﺘﻠﻪ ﺍﻟﺪﺷﺪﺍﺷﻪ ﻭﻃﻠﻌﺖ ﻣﻦ ﺍﻟﻐﺮﻓﻪ
ﻧﺰﻟﺖ ﻭﺍﻧﻲ ﺻﺎﻓﻨﻪ ﺷﺼﺎﺭ ﻗﺒﻞ ﺷﻮﻳﻪ ﺍﻛﻮ ﺷﻲ ﺻﺎﺭ ﺍﻟﻪ ﻭﺍﻟﻲ ﺑﺲ ﻣﺎ ﺍﻋﺮﻑ ﺷﻨﻮ ﺍﻭﻝ ﻣﺮﻩ ﺍﻋﺎﻳﻦ ﺑﻮﺟﻬﻪ ﻣﺎ ﺍﺷﻮﻑ ﺍﻣﻴﺮ ﺍﻟﻤﻌﻘﺪ ﺍﻟﻤﺘﺨﻠﻒ ﺍﻟﻌﺬﺑﻨﻲ ﻭﻫﺎﻥ ﻛﺮﺍﻣﺘﻲ .. ﻛﺄﻧﻲ ﺷﻔﺖ ﺍﻧﺴﺎﻥ ﺛﺎﻧﻲ ﻳﺨﺘﻠﻒ ﺟﺬﺭﻳﺎ ﻭﻛﺄﻧﻲ ﻣﺎ ﺍﻋﺮﻓﻪ .. ﻳﺎﺭﺑﻲ ﺑﺲ ﻻ ﺻﺤﻴﺢ ﺍﻟﻲ ﺩﺍ ﺍﺣﺲ ﺑﻲ ﻫﺎﻱ ﻣﻌﻨﺎﻫﺎ ﻛﺎﺭﺛﻪ ﻻ ﺗﻐﺘﻔﺮ ﻣﻌﻨﺎﻫﺎ ﺍﺿﻴﻊ ﻧﻔﺴﻲ ﺍﻛﺜﺮ ﻣﻦ ﻣﺎ ﺍﻧﻲ ﺿﺎﻳﻌﻪ
ﻧﺰﻟﺖ ﻭﺍﻧﻲ ﺍﻓﻜﺮ .. ﻃﺒﻴﺖ ﻟﻠﻤﻄﺒﺦ ﺑﺲ ﻏﺪﻳﺮ ﺗﻨﻀﻒ ﻭﺍﻟﺒﺎﻗﻴﻦ ﺑﺎﻟﺼﺎﻟﻪ
ﺳﻤﺎ ﻟﻴﺶ ﻭﺟﻬﭻ ﻟﻮﻧﻪ ﻣﺨﻄﻮﻑ
ﻫﺎ ﺻﺪﮒ ﻭﺟﻬﻲ ﻣﺨﻄﻮﻑ .. ﻣﺎ ﺍﺩﺭﻱ ﻭﺍﻟﻠﻪ ﻣﺎﻛﻮ ﺷﻲ
ﻣﺘﺄﻛﺪﻩ
ﺍﻱ ﻭﺍﻟﻠﻪ ﻣﺎﻛﻮ ﺷﻲ
ﺩﻧﺤﭽﻲ ﻭﻃﺐ ﺍﻣﻴﺮ ﻟﻠﻤﻄﺒﺦ
ﭼﺎﻱ ﭼﺎﻱ ﻳﺒﻨﺎﺕ ﺑﺴﺮﻋﻪ ﻣﺴﺘﻌﺠﻞ
ﺻﺎﺭ ﺧﻮﻳﻪ ﺗﺎﻣﺮ
ﻃﻠﻊ ﻣﻦ ﺍﻟﻤﻄﺒﺦ ..
ﻫﺎﻱ ﺷﺒﻴﻪ ﺍﻧﻲ ﻟﻴﺶ ﺍﺭﺗﺒﻜﺖ ﻣﻦ ﺷﻔﺘﻪ ﻣﻮ ﻳﻮﻣﻴﻪ ﺩﺍ ﺍﺷﻮﻓﻪ ﻋﺎﺩﻱ ﺷﺒﻴﻪ ﻫﺴﻪ
ﻫﺎﭺ ﺣﺒﻴﺒﻪ ﻭﺩﻱ ﻟﺮﺟﻠﭻ ﭼﺎﻱ ﺍﻳﺪﻱ ﺑﺎﻟﺸﻐﻞ
ﻻﻋﻔﻴﻪ ﻏﺪﻳﺮ ﺍﻧﺘﻲ ﻭﺩﻳﻠﻪ ﺣﺒﺎﺑﻪ
ﻫﺎﻱ ﺷﺒﻴﭻ ﺷﻮ ﺳﻮﻳﺘﻲ ﺷﻲ ﻭﺗﻌﺼﺐ ﻋﻠﻴﭻ
ﻫﺎﺍﺍ .. ﻻ ﻛﻠﺸﻲ ﻣﺎ ﺳﻮﻳﺖ
ﻟﻌﺪ ﻫﺎﭺ ﻭﺩﻳﻠﻪ ﻭﻓﻀﻴﻨﻲ ﻭﺭﺍﻳﻪ ﺷﻐﻞ ﻛﻮﻣﻪ
ﺍﺧﺬﺗﻪ ﻣﻨﻬﺎ ﻭﺭﺣﺖ ﺍﻭﺩﻳﻠﻪ ﭼﺎﻥ ﮔﺎﻋﺪ ﺑﺎﻟﺼﺎﻟﻪ ﺷﺎﻓﻨﻲ ﺍﺟﻴﺖ ﮔﺎﻉ ﺍﺧﺬﻩ ﻣﻨﻲ ..
ﺍﻱ ﻋﺎﺷﺖ ﺍﻳﺪﭺ
ﻭﺍﻳﺪﻙ
ﺷﺮﺏ ﺍﻟﭽﺎﻱ ﺑﺜﺎﻧﻴﺘﻴﻦ ﻭﺍﻧﻄﺎﻧﻲ ﺍﻻﺳﺘﻜﺎﻥ
ﮔﺎﻝ ﻟﻠﻜﻞ ﻣﻊ ﺍﻟﺴﻼﻣﻪ ﻭﻃﻠﻊ
ﻇﻠﻴﺖ ﺍﻋﺎﻳﻦ ﻭﺭﻯ ... ﻳﺎﺭﺑﻲ ﺍﻱ ﺩﺍ ﺍﺣﺲ ﺑﺸﻲ ﻭﺭﺡ ﺍﺑﻮﻳﻪ ﺩﺍ ﺍﺣﺲ ﺑﺸﻲ ﺑﺲ ﺷﻨﻮ ﻣﺎ ﺍﻋﺮﻑ
ﺭﺟﻌﺖ ﻟﻠﻤﻄﺒﺦ ﻭﺍﻧﻲ ﺍﻟﺪﻣﻌﻪ ﺑﻄﺎﺭﻑ ﻋﻴﻨﻲ
ﻏﺪﻳﺮ ﺗﺤﺘﺎﺟﻴﻨﻲ ﻟﻮ ﺍﺻﻌﺪ
ﻻ ﺧﻴﻪ ﺻﻌﺪﻱ
ﺻﻌﺪﺕ ﻟﻠﻐﺮﻓﻪ ﻭﺳﺪﻳﺖ ﺍﻟﺒﺎﺏ ﻭﻫﺎﻟﻤﺮﻩ ﻗﻔﻠﺘﻬﻪ ﻟﻼﺣﺘﻴﺎﻁ
ﺗﻤﺸﻴﺖ ﻭﺻﻠﺖ ﻟﻠﺠﺮﺑﺎﻳﻪ ﻭﺍﻧﻲ ﺍﻟﺨﻨﮕﻪ ﺣﺎﺑﺴﺘﻨﻲ ... ﺣﻄﻴﺖ ﺭﺍﺳﻲ ﺑﺎﻟﭽﺮﺑﺎﻳﻪ ﻭﮔﻤﺖ ﺍﺷﻬﮓ ﻣﻦ ﺍﻟﺒﭽﻲ
ﺑﺎﺑﺎ ﺣﺒﻴﺒﻲ ﺷﺒﻴﻪ ﺍﻧﻲ ﻟﻴﺶ ﻫﻴﭻ ﻣﺎﻋﻨﺪﻱ ﺣﻆ ﻳﻌﻨﻲ ﻓﻮﮒ ﻣﺎﻧﺤﺮﻣﺖ ﻣﻨﻚ ﺑﺄﻭﻝ ﻋﻤﺮﻱ ﻭﻓﻮﮒ ﻣﺎ ﻧﺤﺮﻣﺖ ﻣﻦ ﺩﺭﺍﺳﺘﻲ ﻭﺿﺎﻉ ﻣﺴﺘﻘﺒﻠﻲ ﻭﺍﺟﻴﺖ ﻟﻬﻨﺎ ﻓﺼﻠﻴﻪ ﻭﻓﻮﮒ ﻣﺎ ﺍﺗﻠﻮﻋﺖ ﻋﻠﻰ ﺍﻫﻠﻲ ﻭﺍﻧﺬﻟﻴﺖ ﻣﻦ ﺍﻟﻴﺴﻮﻩ ﻭﺍﻟﻤﺎ ﻳﺴﻮﻩ ﺗﺎﻟﻲ ﻣﻦ ﺗﺎﻟﻲ ﺍﺟﺖ ﺗﻜﻤﻞ ﻭﻳﺎﻳﻪ ﻭﻣﺸﺎﻋﺮﻱ ﺗﺘﺤﺮﻙ ﺍﻟﻮﺍﺣﺪ ﻟﻮ ﺍﻣﻮﺕ ﻣﻴﺸﻮﻓﻨﻲ ﻏﻴﺮ ﻓﺼﻠﻴﻪ ﻭﺑﺖ ﺷﺎﺭﻉ ﻭﺍﺧﺖ ﺍﻟﻲ ﻗﺘﻞ ﺍﺧﻮ
ﺑﭽﻴﺖ ﺑﭽﻴﺖ ﺑﭽﻴﺖ ﻟﺤﺪ ﻣﺎ ﮔﻤﺖ ﺍﺷﻬﮓ ﻣﻦ ﺍﻟﺒﭽﻲ
ﺭﻓﻌﺖ ﺭﺍﺳﻲ ﻭﻣﺴﺤﺖ ﺩﻣﻮﻋﻲ .. ﺍﺻﺤﻲ ﺳﻤﺎﺍ ﺍﺻﺤﻲ ﻋﻠﻰ ﺭﻭﺣﭻ ﻭﻟﺘﺬﻟﻴﻦ ﮔﻠﺒﭻ .. ﻭﻟﭻ ﻭﺟﻊ ﺍﻟﺒﺪﻥ ﻳﻨﺤﻤﻞ ﺑﺲ ﻭﺟﻊ ﺍﻟﮕﻠﺐ ﻣﺎ ﻳﻨﺤﻤﻞ .. ﻟﺘﻮﺟﻌﻴﻦ ﮔﻠﺒﭻ ﺑﺄﻳﺪﭺ ﺍﻧﺘﻲ ﻣﺼﻴﺮﭺ ﻫﻨﺎ ﻣﻌﺮﻭﻑ ﺍﻟﻴﻮﻡ ﻭﺑﺎﭼﺮ ﻭﺑﻌﺪ ١٠ ﺳﻨﻴﻦ ﺍﻧﺘﻲ ﺗﻈﻞ ﻓﺼﻠﻴﻪ ﻭﻣﻨﺒﻮﺫﻩ ﻣﻦ ﺍﻟﻜﻞ
ﮔﻤﺖ ﺗﻤﺸﻴﺖ ﺍﺭﻳﺪ ﺍﻏﺴﻞ ﻭﺟﻬﻲ ﺑﺎﻟﺤﻤﺎﻡ .. ﻋﺎﻳﻨﺖ ﻟﻮﺟﻬﻲ ﻣﻨﺘﻬﻲ ﻣﻦ ﺍﻟﺒﭽﻲ ... ﺭﺣﺖ ﻏﺴﻠﺖ ﻭﺭﺟﻌﺖ ﺷﻐﻠﺖ ﺗﻠﻔﺰﻳﻮﻥ ﺍﺗﺎﺑﻊ ﻣﺴﻠﺴﻠﻪ
ﺍﻧﻲ ﻭﺍﻋﺎﻳﻦ ﺍﻟﻤﺴﻠﺴﻠﻪ ﺩﻣﻮﻋﻲ ﺗﺠﺮﻱ ﻣﻮ ﻋﻠﻰ ﺍﻻﺣﺪﺍﺙ ﻣﺎﻟﺖ ﺍﻟﻤﺴﻠﺴﻠﻪ ﻻ ﻋﻠﻰ ﺣﻈﻲ ﻭﺣﻴﺎﺗﻲ ﻭﻣﺴﺘﻘﺒﻠﻲ ﻧﺺ ﺳﺎﻋﻪ ﻭﺍﻧﻔﺘﺤﺖ ﺍﻟﺒﺎﺏ ﻣﻘﻔﻮﻟﻪ ﺻﺤﺖ ...
ﻣﻨﻮ
ﺍﻣﻴﺮ
ﻣﺴﺤﺖ ﺩﻣﻮﻋﻲ ﺯﻳﻦ ﻭﺭﺣﺖ ﺍﻓﺘﺤﻠﻪ ﺍﻟﺒﺎﺏ
....
ﻃﻠﻌﺖ ﺍﺣﻞ ﺍﻟﻄﻼﺑﻪ ﺍﻟﻌﻨﺪﻱ ﻭﺍﻟﺤﻤﺪ ﻟﻠﻪ ﺣﻠﻴﺘﻬﻪ ﺳﺮﻳﻊ .. ﻣﺎ ﺍﻋﺮﻑ ﻟﻴﺶ ﺭﺩﺕ ﺍﺭﺟﻊ ﻟﻠﺒﻴﺖ ﺣﺴﻴﺖ ﺭﻭﺣﻲ ﺍﺭﻳﺪ ﺍﻧﺎﻡ ﻣﺎ ﺗﺤﻤﻠﺖ ﻭﺟﻊ ﺍﻟﺮﺍﺱ ﺍﻟﮕﺎﻋﺪ ﺍﺣﺲ ﺑﻲ ﻣﺎ ﺍﻋﺮﻑ ﻣﻦ ﺍﻟﺘﻌﺐ ﻣﺎ ﺍﻋﺮﻑ ﻣﻦ ﺍﻟﺘﻔﻜﻴﺮ
ﺭﺟﻌﺖ ﻭﻃﺒﻴﺖ ﻟﻠﺒﻴﺖ ﻏﺪﻳﺮ ﻳﻢ ﺍﻣﻲ ﺑﺎﻟﺼﺎﻟﻪ
ﺳﻠﻤﺖ ﻭﺳﺄﻟﺖ
ﻭﻳﻦ ﺳﻤﺎ ﻟﻌﺪ
ﺻﻌﺪﺕ ﺧﻮﻳﻪ ﻟﻠﻐﺮﻓﻪ ﺍﻭﻝ ﻣﺎ ﻃﻠﻌﺖ ﺍﻧﺖ
ﺍﻣﻲ ﺣﭽﺖ ﻛﺎﻟﻌﺎﺩﻩ ...
ﺍﻱ ﺍﻟﺨﺎﺗﻮﻧﻪ ﺗﺼﻌﺪ ﻟﻴﺶ ﻻ ﻫﻲ ﺗﻨﺎﻡ ﻭﺑﻨﻴﺘﻲ ﺗﺨﺪﻣﻪ
ﺗﻌﺒﺎﻥ ﺻﺎﻋﺪ ﺍﻧﺎﻡ ﻟﺤﺪ ﻳﮕﻌﺪﻧﻲ
ﺻﻌﺪﺕ ﻓﺘﺤﺖ ﺍﻟﺒﺎﺏ ﻣﻘﻔﻮﻝ !!! ﻟﻴﺶ ﻣﻘﻔﻮﻝ ﺍﻟﺒﺎﺏ
ﺩﮔﻴﺘﻬﻪ ﻭﻓﺘﺤﺘﻬﻪ .. ﺣﭽﻴﺖ
ﺍﻟﺒﺎﺏ ﻟﻴﺶ ﻣﻖ ..... ﻫﺎﻱ ﺷﺒﻴﭻ ﺳﻤﺎ ﺷﻨﻮ ﻫﺬﺍ ﻭﺟﻬﭻ .. ﺷﻨﻮ ﭼﻨﺘﻲ ﺗﺒﭽﻴﻦ ﺍﺣﺪ ﺍﺫﺍﭺ
ﻫﻮ ﮔﺎﻝ ﻫﻴﭻ ﻭﺍﻧﻲ ﺷﺒﻌﺖ ﺑﭽﻲ ... ﻣﻴﺪﺭﻱ ﺍﻧﻲ ﺩﺍ ﺍﺫﻱ ﺭﻭﺣﻲ ﻣﻮ ﺍﺣﺪ ﺍﻟﻴﺄﺫﻳﻨﻲ
ﺷﻔﺘﻬﻪ ﻋﻴﻮﻧﻬﻪ ﻣﻮﺭﻣﻪ ﻭﻭﺿﻌﻬﻪ ﻣﻮ ﺗﻤﺎﻡ ﺳﺄﻟﺘﻬﻪ ﺷﺒﻴﭻ ﺷﻮ ﻫﺎﻱ ﺷﺒﻌﺖ ﺑﭽﻲ
ﻣﺎ ﺣﺴﻴﺖ ﻋﻠﻰ ﺭﻭﺣﻲ ﺇﻻ ﻭﺍﻧﻲ ﺍﺷﺒﮕﻬﻪ ﻭﻫﻲ ﺯﺍﺩﺕ ﺑﺎﻟﺒﭽﻲ ... ﺍﺷﺸﺶ ﺍﺳﻜﺘﻲ ﻋﻔﻴﻪ ﻛﺎﻓﻲ ﺗﺒﭽﻴﻦ ﻟﻴﺶ ﺩﺗﺴﻮﻳﻦ ﺑﺮﻭﺣﭻ ﻫﻴﭻ .. ﺍﺣﺪ ﺍﺫﺍﺝ ﺟﺎﻭﺑﻴﻨﻲ ﻭﺍﻭﻋﺪﭺ ﻭﺣﮓ ﺷﻮﺍﺭﺑﻲ ﺍﺟﻴﺒﻠﭻ ﺣﻘﭻ ﻣﻦ ﻋﻴﻮﻧﻪ
....
ﻓﺠﺄﻩ ﮔﻤﺖ ﺍﺑﺠﻲ ﻻ ﺍﺭﺍﺩﻳﺂ ﻭﻣﺎ ﺍﺣﺲ ﺇﻻ ﻭﻫﻮ ﺣﺎﺿﻨﻲ .. ﺑﺲ ﺣﻀﻨﻲ ﺯﺩﺕ ﺑﺎﻟﺒﭽﻲ ﻣﺎ ﺍﻋﺮﻑ ﺷﺤﺴﻴﺖ ﻳﻤﻜﻦ ﺑﻸﻣﺎﻥ ﺍﻟﺼﺎﺭﻟﻲ ﻫﻮﺍﻱ ﻧﺎﺳﻴﻪ ﻃﻌﻤﻪ ﻳﻤﻜﻦ ﭼﻨﺖ ﻣﺤﺘﺎﺟﻪ ﻭﺍﺣﺪ ﻳﺤﺲ ﺑﻴﻪ ﻭﺑﻸﻟﻢ ﺍﻟﺒﺪﺍﺧﻠﻲ ... ﻇﻞ ﻳﺤﭽﻲ ﻭﻳﺎﻳﻪ ﻭﺣﺴﺒﺎﻟﻪ ﺍﺣﺪ ﻣﺄﺫﻳﻨﻲ ﻭﺍﻧﻲ ﻣﻦ ﮔﺪ ﺍﻟﺒﭽﻲ ﺣﺘﻰ ﻣﺎ ﺍﮔﺪﺭ ﺍﮔﻮﻟﻪ ﻣﺤﺪ ﻣﺄﺫﻳﻨﻲ
....
ﻇﻠﺖ ﺗﺒﭽﻲ ﻭﻣﺘﻘﺒﻞ ﺗﺤﭽﻲ ﺳﻜﺘﺖ ﻭﻇﻠﻴﺖ ﺣﺎﺿﻨﻬﻪ ﻭﺍﻣﺴﺢ ﻋﻠﻰ ﺷﻌﺮﻫﻪ ﻋﻠﻰ ﺍﻣﻞ ﺗﺮﺗﺎﺡ ﻭﺗﻬﺪﺃ ... ﺷﻔﺖ ﻧﻔﺴﻲ ﻭﺑﺪﻭﻥ ﻣﺎ ﺍﺗﻘﺼﺪ ﺍﺳﺤﺐ ﺭﻳﺤﺔ ﺷﻌﺮﻫﻪ ﻟﺮﻳﺘﻲ ﻭﺍﻧﻲ ﻣﻐﻤﺾ ... ﺍﻭﻭﻑ ﻳﺎﺭﺑﻲ ﺷﻜﺎﻋﺪ ﻳﺼﻴﺮ ﺑﻴﻪ ﻻ ﻳﺎ ﺍﻟﻬﻲ ﻻ ﻗﻮﻳﻨﻲ ﻋﻤﺮﻱ ﻛﻠﻪ ﻣﺎ ﺍﺳﺘﺴﻠﻤﺖ ﻟﻬﻴﭻ ﻣﺸﺎﻋﺮ ﻣﺎ ﺍﺭﻳﺪﻙ ﺗﺨﻠﻴﻨﻲ ﺍﺿﻌﻒ ﻭﺍﺳﺘﺴﻠﻢ
....
ﻇﻞ ﺣﺎﺿﻨﻲ ﻭﻳﻤﺴﺢ ﻋﻠﻰ ﺷﻌﺮﻱ ﻭﺍﻧﻲ ﺍﺑﭽﻲ ... ﺷﻮﻳﻪ ﻫﺪﺃﺕ ﻭﺣﺴﻴﺖ ﺭﻭﺣﻲ ﺍﺭﺗﺎﺣﻴﺖ ﺷﻮﻳﻪ ... ﺷﻔﺖ ﺭﺍﺳﻲ ﺻﺎﻳﺮ ﻋﻠﻰ ﺻﺪﺭﻩ ﻭﺍﺫﻧﻲ ﺗﺴﻤﻊ ﺩﮔﺎﺕ ﮔﻠﺒﻪ ... ﺣﺴﻴﺖ ﺩﮔﺎﺗﻪ ﻣﻮ ﻃﺒﻴﻌﻴﻪ ﺗﺼﻮﺭﺕ ﻧﻘﻬﺮ ﻋﻠﻴﻪ ﻻﻥ ﺷﺎﻓﻨﻲ ﻣﻨﻬﺎﺭﻩ .. ﺭﻛﺰﺕ ﺷﻮﻳﻪ ﻭﻏﻤﻀﺖ ﻋﻴﻮﻧﻲ ﻭﺷﻤﻴﺖ ﺭﻳﺤﺘﻪ ﻭﺟﺴﻤﻲ ﻣﺎ ﺍﺩﺭﻱ ﺷﺼﺎﺭ ﺑﻴﻪ .. ﺭﻳﺤﺘﻪ ﺗﺸﺒﻪ ﺍﻟﺮﻳﺤﻪ ﺍﻟﭽﻨﺖ ﺍﺣﺲ ﺑﻴﻬﻪ ﻣﻦ ﺍﺷﺒﮓ ﺍﺑﻮﻳﻪ ﺍﻟﻠﻪ ﻳﺮﺣﻤﻪ ﻳﻌﻨﻲ ﺭﻳﺤﺔ ﺣﺐ ... ﻻ ﻳﺎﺭﺑﻲ ﻻ ﻣﺴﺘﺤﻴﻞ ﺍﻧﻲ ﺍﻗﻮﻯ ﻣﻦ ﻫﺎﻟﺸﻲ ... ﻫﺬﺍ ﺍﻟﺸﻲ ﺍﺫﺍ ﺍﺳﺘﺴﻠﻤﺖ ﺍﻟﻪ ﻳﻌﻨﻲ ﺍﺣﻜﻢ ﻋﻠﻰ ﻧﻔﺴﻲ ﺑﺎﻟﻤﻮﺕ ﺍﻟﺒﻄﻴﺊ ﻃﻮﻝ ﻋﻤﺮﻱ ... ﻗﺮﺭﺕ ﺍﺭﻓﻊ ﺭﺍﺳﻲ ﻣﻦ ﺻﺪﺭﻩ
....
ﻇﻠﺖ ﻓﺘﺮﻩ ﺑﺤﻀﻨﻲ ﻭﺍﻧﻲ ﺑﻴﻦ ﺍﻟﻤﺮﺗﺎﺡ ﺣﻴﻞ ﻟﻬﺬﺍ ﺍﻟﺸﻲ ﻭﺑﻴﻦ ﺍﻟﺨﺎﻳﻒ ﻣﻦ ﺍﻟﮕﺎﻋﺪ ﻳﺼﻴﺮ .. ﺷﻮﻳﻪ ﻭﻭﺧﺮﺕ ﺭﺍﺳﻬﻪ ﻣﻦ ﺣﻀﻨﻲ
ﻫﺎ ﻫﺪﺃﺗﻲ
ﺍﻱ ...
ﺷﺒﻴﭻ ﺍﺣﺪ ﻏﺎﺛﭻ
ﻻ ﻣﺤﺪ
ﺍﻟﻠﻪ ﻋﻠﻴﭻ
ﻭﺍﻟﻠﻪ ﻣﺎﻛﻮ ﺍﺣﺪ ﺑﺲ ﺗﺬﻛﺮﺕ ﺍﺑﻮﻳﻪ ﺍﻟﻠﻪ ﻳﺮﺣﻤﻪ ﻭﺍﺷﺘﺎﻗﻴﺘﻠﻪ
ﺍﻟﻠﻪ ﻳﺮﺣﻤﻪ ﺍﻥ ﺷﺎﺀ ﺍﻟﻠﻪ
ﺗﺴﻠﻢ ... ﺷﻌﺠﺐ ﺭﺟﻌﺖ
ﺗﻌﺒﺎﻥ ﻛﻠﺶ ﻭﺭﺍﺳﻲ ﻳﻮﺟﻌﻨﻲ ﺍﺭﻳﺪ ﺍﻧﺎﻡ
ﺍﻭﻙ ﺍﻧﻲ ﺣﻨﺰﻝ ﻭﺍﻧﺖ ﺍﺧﺬ ﺭﺍﺣﺘﻚ ﻧﺎﻡ
ﻻ ﻇﻠﻲ ﺷﻌﻠﻴﭻ ﺑﻴﻪ .. ﻧﺎﻣﻲ ﺍﻧﺘﻲ ﻫﻢ ﻣﺒﻴﻦ ﻋﻠﻴﭻ ﺗﻌﺒﺎﻧﻪ
ﻋﻔﺘﻬﻪ ﻭﺭﺣﺖ ﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﻪ ﺛﻮﺍﻧﻲ ﻭﻏﻔﻴﺖ ﻣﻦ ﺍﻟﺘﻌﺐ
ﻋﺎﻳﻨﺘﻠﻪ ﺑﺴﺮﻋﻪ ﻧﺎﻡ ﻣﺒﻴﻦ ﺗﻌﺒﺎﻥ ﻛﻠﺶ ...
ﮔﻌﺪﺕ ﺑﻄﺮﻑ ﺍﻟﭽﺮﺑﺎﻳﻪ ﻭﺍﻧﻲ ﺍﺗﺄﻣﻞ ﺑﻤﻼﻣﺤﻪ ﻫﻮ ﻭﻧﺎﻳﻢ ... ﺷﺠﺎﺑﻚ ﻋﻠﻴﻪ ... ﻟﻴﺶ ﻣﻦ ﺩﻭﻥ ﻛﻞ ﺍﻟﻌﺎﻟﻢ ﺍﻧﻲ ﻳﺼﻴﺮ ﺑﻴﻪ ﻫﻴﭻ ﻭﻋﻠﻰ ﺍﻳﺪﻙ .. ﻟﻴﺶ ﻣﺎ ﺧﻠﻴﺘﻨﻲ ﺍﺭﺟﻊ ﻷﻫﻠﻲ ... ﻟﻴﺶ ﺣﻜﻤﺖ ﻋﻠﻲ ﺍﻇﻞ ﻃﻮﻝ ﺍﻟﻌﻤﺮ ﻓﺼﻠﻴﻪ ﻭﺧﺪﺍﻣﻪ ﺍﻟﻜﻢ ... ﻟﻴﺶ ﺣﻜﻤﺖ ﻋﻠﻴﻪ ﺑﺎﻟﻤﻮﺕ ﻭﺍﻧﻲ ﻋﺎﻳﺸﻪ ﻟﻤﻦ ﺣﺮﻣﺘﻨﻲ ﻣﻦ ﺣﻀﻦ ﺍﻣﻲ
ﻇﻠﻴﺖ ﺻﺎﻓﻨﻪ ﻋﻠﻲ ﻭﺑﻌﺪﻳﻦ ﺣﺴﻴﺖ ﺑﺘﻌﺐ ﻧﺰﻟﺖ ﻋﻠﻰ ﺍﻟﻤﻨﺪﺭ ﻭﺗﻐﻄﻴﺖ ﻭﻧﻤﺖ
...
ﮔﻌﺪﺕ ﻭﻳﺎ ﺍﻻﺫﺍﻥ ﺷﻔﺘﻬﻪ ﻧﺎﻳﻤﻪ ﻋﻠﻰ ﺍﻟﻤﻨﺪﺭ ﺻﻔﻨﺖ ﻋﻠﻴﻬﻪ ﻭﺍﺣﭽﻲ ﻭﻳﺎ ﻧﻔﺴﻲ
ﺷﺒﻴﭻ ﻟﻴﺶ ﭼﻨﺘﻲ ﺗﺒﭽﻴﻦ ... ﻣﺎ ﺻﺪﮔﺘﭻ ﻣﻦ ﮔﻠﺘﻲ ﺷﺘﺎﻗﻴﺖ ﻻﺑﻮﻳﻪ ﻭﺑﭽﻴﺖ ... ﺍﻛﻮ ﺷﻲ ﺑﻴﭻ ﺑﺲ ﻣﺘﻘﺒﻠﻴﻦ ﺗﺤﭽﻴﻦ .. ﻣﻌﻘﻮﻝ ﺍﻛﻮﻥ ﺍﻧﻲ ﺳﺒﺐ ﺩﻣﻮﻋﭻ .. ﻣﻌﻘﻮﻝ ﺗﻜﺮﻫﻨﻲ ﻟﺪﺭﺟﺔ ﺗﺨﺘﻨﮕﻴﻦ ﻣﻦ ﺗﺸﻮﻓﻴﻨﻲ ﮔﺪﺍﻣﺞ ... ﺗﻌﺒﺎﻥ ﺍﻧﻲ ﺳﻤﺎ ﻛﻠﺶ ﺗﻌﺒﺎﻥ ﻟﻮ ﺑﻴﺪﻱ ﺍﻋﻮﻓﭻ ﺗﺮﺣﻴﻦ ﻟﺤﺎﻝ ﺳﺒﻴﻠﭻ ﺑﺲ ﻣﻮ ﺑﻴﺪﻱ ﻛﻠﺸﻲ ﻳﺤﻜﻤﻨﻲ ﺍﻟﻌﺎﺩﺍﺕ ﺗﺤﻜﻤﻨﻲ ﺍﻟﺘﻘﺎﻟﻴﺪ ﺗﺤﻜﻤﻨﻲ ﮔﻠﺒﻲ ﺍﻟﻤﻠﭽﻮﻡ ﻋﻠﻰ ﺍﺧﻮﻱ ﻳﺤﻜﻤﻨﻲ ﺣﺮﮔﺖ ﮔﻠﺐ ﺍﻣﻲ ﻋﻠﻰ ﺍﺑﻨﻬﻪ ﺗﺤﻜﻤﻨﻲ .. ﺍﻭﻭﻭﻑ ﻣﻦ ﺍﻟﺸﻲ ﺍﻟﺪﺍ ﺍﺣﺴﻪ ﺍﺗﺠﺎﻫﭻ .. ﺳﺒﺤﺎﻥ ﻣﻐﻴﻴﺮ ﺍﻻﺣﻮﺍﻝ ﺍﻟﻐﻴﺮ ﺍﻟﻜﺮﻩ ﻣﺎﻟﺘﻲ ﻟﺸﻔﻘﻪ ﻭﺗﻌﺎﻃﻒ
ﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﮔﻤﺖ ﺍﺻﻠﻲ ... ﺗﻮﺿﻴﺖ ﻭﻭﮔﻔﺖ ﻋﻠﻰ ﺍﻟﺴﺠﺎﺩﻩ ﺻﻠﻴﺖ ﻭﺑﺪﻳﺖ ﺍﺩﻋﻲ
ﻳﺎﺭﺑﻲ ﺭﻳﺢ ﮔﻠﺐ ﻫﺎﻱ ﺍﻟﺒﻨﻴﻪ .. ﻳﺎﺭﺑﻲ ﺍﺑﻌﺪ ﺍﻟﻤﺸﺎﻋﺮ ﺍﻟﺨﻄﺄ ﻋﻦ ﮔﻠﺒﻲ ... ﻳﺎﺭﺏ ﻟﺘﺨﻠﻴﻨﻲ ﺍﺿﻌﻒ ﻭﺍﻧﻲ ﺍﻟﻌﺸﺖ ﻋﻤﺮﻱ ﻛﻠﻪ ﻗﻮﻱ ﺑﻔﻀﻠﻚ
ﻛﻤﻠﺖ ﺻﻼﺓ ﻭﻧﺰﻟﺖ ﺟﻮﻩ ﮔﻌﺪﺕ ﺑﺎﻟﺼﺎﻟﻪ ﺷﻮﻳﻪ ﻭﺷﻔﺘﻬﻪ ﻧﺰﻟﺖ ﻣﻦ ﺍﻟﺪﺭﺝ ﻭﺭﺍﺣﺖ ﻟﻠﻤﻄﺒﺦ
....
ﮔﻌﺪﺕ ﻣﻦ ﺍﻟﻨﻮﻡ ﺷﻔﺘﻪ ﻣﺎﻫﻮ ﻋﺮﻓﺘﻪ ﻧﺎﺯﻝ .. ﺭﺣﺖ ﻏﺴﻠﺖ ﻭﺟﻬﻲ ﻭﻟﺒﺴﺖ ﺷﺎﻟﻲ ﻭﻧﺰﻟﺖ ﺷﻔﺘﻪ ﮔﺎﻋﺪ ﺑﺎﻟﻬﻮﻝ ﺣﺎﻭﻟﺖ ﺍﺑﻌﺪ ﺍﻧﻀﺎﺭﻱ ﻋﻨﻪ ﺣﺘﻰ ﻻ ﺗﺘﺨﺮﺑﻂ ﺍﻭﺿﺎﻋﻲ ﻣﻦ ﺍﺗﺬﻛﺮ ﺍﻟﺼﺎﺭ
ﻃﺒﻴﺖ ﻟﻠﻤﻄﺒﺦ ﻏﺪﻳﺮ ﺗﺸﺘﻐﻞ
ﻫﺎ ﻏﺪﻭﺭﻩ ﺍﺳﻔﻪ ﺍﻟﻴﻮﻡ ﻋﻔﺘﭻ ﻭﺣﺪﭺ
ﻻ ﺧﻴﻪ ﺷﻌﻔﺘﻴﻨﻲ ﻛﻠﺸﻲ ﻣﺎﻋﻨﺪﻱ ﭼﻨﺖ ﮔﺎﻋﺪﻩ ﻳﻢ ﺍﻣﻲ ﻫﺴﻪ ﮔﻤﺖ ﻟﻠﻤﻄﺒﺦ ... ﺑﺲ ﺍﻧﺘﻲ ﺷﺒﻴﭻ ﻣﻮ ﻋﻠﻰ ﺑﻌﻀﭻ ﻣﻌﻘﻮﻟﻪ ﭼﻨﺘﻲ ﺗﺒﭽﻴﻦ
ﻻ ﻳﺎﺑﭽﻲ ﭼﻨﺖ ﻧﺎﻳﻤﻪ ﻭﻫﺴﻪ ﮔﻌﺪﺕ
ﻫﺎﺍﺍ ﻭﻟﻮ ﻣﺎ ﻣﺼﺪﮔﺘﭻ ﺑﺲ ﻣﻦ ﻣﺎﺗﺮﺩﻳﻦ ﺗﺤﭽﻴﻦ ﻣﻌﻨﺎﻫﻪ ﻣﺘﺤﭽﻴﻦ ﻭﻣﺤﺪ ﻳﮕﺪﺭ ﻋﻠﻴﭻ
ﻭﺍﻟﻠﻪ ﻣﺎ ﺑﻴﻪ ﺷﻲ ﺣﺒﻲ ﻟﻴﻈﻞ ﺑﺒﺎﻟﭻ
ﺷﺘﻐﻠﻨﻪ ﻋﻠﻰ ﺍﻟﻌﺸﻪ ﻭﻟﺘﻬﻴﺖ ﺑﺎﻟﺸﻐﻞ
ﭼﻨﺖ ﻭﺣﺪﻱ ﺑﺎﻟﻤﻄﺒﺦ ﺍﺟﺖ ﺳﻌﻴﺪﺍﻥ
ﻫﺎ ﻋﻴﻨﻲ ﻭﺍﺧﻴﺮﺍ ﺷﺮﻓﺘﻲ
ﺳﻌﺎﺩ ﻭﺍﻟﻠﻪ ﻣﺎﻟﻲ ﺧﻠﮕﭻ ﻟﺘﺒﻠﺸﻴﻦ ﻭﻳﺎﻳﻪ
ﺩﻳﻠﻪ ﻋﻴﻨﻲ ﻳﻠﻪ ﻣﺎﻟﻬﻪ ﺧﻠﮓ ﺍﻡ ﺍﻟﻮﺻﺦ ﺍﺳﻤﻌﻲ ﻟﭻ ﺍﻧﻲ ﻣﻦ ﺍﺣﭽﻲ ﻣﺘﺘﻨﻔﺴﻴﻦ ﺣﺮﻑ ﻭﻳﺎﻳﻪ ﻻ ﺗﺸﻮﻓﻴﻨﻲ ﺳﺎﻛﺘﺘﻠﭻ ﺍﻧﺘﻲ ﻫﻨﺎ ﺧﺪﺍﻣﻪ ﺗﻨﻬﺎﻥ ﻭﺗﻨﻀﺮﺏ ﻭﺗﻮﮔﻊ ﻭﺑﻌﺪﻳﻦ ﺗﮕﻮﻡ ﻋﻠﻰ ﺣﻴﻠﻬﻪ ﺗﺒﻮﺱ ﺍﻻﻳﺎﺩﻱ ﻭﺗﺘﻌﺬﺭ
ﺍﻧﻲ ﺷﻤﺴﻮﻳﺘﻠﭻ ﻭﻫﻴﭻ ﺗﻜﺮﻫﻴﻨﻲ
ﻟﻴﺶ ﺍﻛﻮ ﺍﺣﺪ ﻳﺤﺒﭻ ﺍﻧﺘﻲ ﻣﺼﺪﮔﻪ ﺭﻭﺣﭻ ﻟﻮ ﺷﻨﻮ ﺑﺖ ﺍﻟﺸﻮﺍﺭﻉ
ﺳﻜﺘﺖ ﻋﻨﻬﺎ ﻣﺎﻟﻲ ﺧﻠﮓ ﺍﺟﺎﻭﺑﻬﺎ .. ﻭﻫﻲ ﻃﻠﻌﺖ
ﺍﺟﺘﻨﻲ ﻏﺪﻳﺮ ﺗﺮﻛﺾ
ﺳﻤﺎ ﻭﻟﭻ ﺳﻤﺎ ﺳﻤﺎ
ﻫﺎ ﻫﺎ ﻫﺎ ﺷﺒﻴﭻ
ﺍﺟﺖ ﻣﺮﺕ ﻋﻤﻲ ﺳﻌﺪ
ﻫﺎﻱ ﻣﻨﻮ ﻫﺎﻟﻨﻮﺏ ﻣﺮﺕ ﻋﻤﭻ ﺳﻌﺪ
ﺷﺒﻴﭻ ﻭﻟﭻ ﺍﻡ ﺿﺮﻏﺎﻡ ...
