١٦_______١٨
# ﻓﺼﻠﻴﻪ _ ﻷُﻧﺎﺱ _ ﻻﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ _ ﺍﻟﻤﻮﺳﻮﻱ
ﻟﻤﻦ ﮔﺘﻠﻪ ﻟﮕﻴﺘﻠﻚ ﺣﻞ ﺷﻮ ﻫﺬﺍ ﮔﻤﺰ ﻭﻃﻔﺮ ﻋﻠﻲ ﻭﻟﺰﻣﻨﻲ ﻣﻦ ﺟﺘﺎﻓﻲ
ﺷﻨﻮ ﺍﻟﺤﻞ ﺩﺧﻴﻠﻚ ﺳﻮﻟﻔﻠﻲ
ﺍﻧﻲ ﻟﻮ ﺍﺩﺭﻱ ﻫﻴﭻ ﺗﺴﻮﻱ ﻓﻼ ﺍﻟﮕﺎﻟﻚ ﺣﻞ .. ﺍﺧﺬﻟﻚ ﺭﺍﺷﺪﻱ ﻓﺪ ﻧﻮﺏ ﺑﻌﺪ
ﺍﻣﻴﺮ ﻟﺘﻠﻌﺐ ﺑﺄﻋﺼﺎﺑﻲ ﻭﺍﺣﭽﻲ
ﻭﺩﺍﻋﺘﻚ ﺍﻟﺤﻞ ﻟﮕﻴﺘﻪ ﻭﺍﻧﻲ ﺟﺎﻱ ﻟﻠﺪﻳﻮﺍﻥ ﺑﺎﻟﺴﻴﺎﺭﻩ ﻣﺎ ﺍﻋﺮﻑ ﺷﻠﻮﻥ ﻧﺰﻝ ﻋﻠﻴﻪ ﺍﻟﻮﺣﻲ ﻭﻧﻄﺎﻧﻲ ﺍﻟﻔﻜﺮﻩ
ﺍﻱ ﺩﺣﭽﻲ ﻋﺎﺩ ﺷﻨﻮ ﻫﺎﻟﺤﻞ
ﺩﮔﻌﺪ ﻳﺨﻮﻱ ﺩﮔﻌﺪ ﺍﺳﻮﻟﻔﻠﻚ ﻋﻞ ﻭﺍﮔﻒ
ﮔﻌﺪﻧﻪ ﻭﺣﭽﻴﺖ
ﺷﻮﻑ ﺿﺮﻏﺎﻡ .. ﺗﺮﻭﺡ ﻟﻌﻤﻚ ﻭﺗﮕﻠﻪ ﻛﺎﻷﺗﻲ
ﻋﻤﻲ ﺍﻧﻲ ﺍﻋﺘﺬﺭ ﻋﻦ ﺍﻟﺘﺼﺮﻑ ﺍﻟﺒﺪﺭ ﻣﻦ ﺍﻣﻲ ﺻﺪﮔﻨﻲ ﻫﻲ ﺣﺮﺟﺘﻨﻲ ﻗﺒﻞ ﻻ ﺗﺤﺮﺟﻜﻢ ﻭﺗﺼﺮﻓﺖ ﺑﺪﻭﻥ ﺷﻮﺭﻱ ﻭﻋﻠﻤﻲ ﺑﺲ ﺍﻧﻲ ﻣﻨﻄﻲ ﻛﻠﻤﻪ ﻟﻔﺪ ﻧﺎﺱ ﻭﻣﺎ ﺍﮔﺪﺭ ﺍﺭﺟﻊ ﻋﻨﻬﻪ ﻭﺗﺪﺭﻱ ﺍﻧﺖ ﺍﻟﺮﺟﺎﻝ ﻳﻨﻠﺰﻡ ﻣﻦ ﻛﻠﻤﺘﻪ
ﻭﺍﺫﺍ ﮔﺎﻝ ﻣﻨﻮ ﻫﺬﻭﻟﻪ ﺍﻟﻨﺎﺱ
ﮔﻠﻪ ﻣﻦ ﺍﻟﻌﺸﻴﺮﻩ ... ﺑﺲ ﺻﺎﺭﺕ ﺿﺮﻭﻑ ﺍﺟﻠﺖ ﺯﻭﺍﺟﻲ ﻣﻨﻬﻪ ﻓﺘﺮﻩ ﻣﻌﻴﻨﻪ .. ﺣﺘﻰ ﻻ ﻳﮕﻠﻚ ﺍﻟﻘﺮﻳﺐ ﺍﻭﻟﻰ ﻣﻦ ﺍﻟﻐﺮﻳﺐ ﻭﻣﻦ ﻫﺎﻟﺴﻮﺍﻟﻒ
ﻭﺷﻠﻮﻥ ﺑﻌﺪﻳﻦ
ﻫﺴﻪ ﺍﻧﺖ ﺗﻔﻜﺮ ﺑﺒﻌﺪﻳﻦ .. ﺑﻌﺪﻳﻦ ﺭﺑﻚ ﻳﺤﻠﻬﻪ ﺍﻟﻤﻬﻢ ﻫﺴﻪ ﺗﺨﻠﺺ
ﺍﻧﻲ ﮔﺘﻠﻪ ﻫﻴﭻ ﻭﻫﺬﺍ ﮔﻤﺰ ﻋﻠﻴﻪ ﺷﺒﻌﻨﻲ ﺑﻮﺱ
ﺍﺑﻮﺱ ﺭﺍﺳﻚ ﺍﻣﻴﺮ ﺍﺑﻮﺱ ﻋﻴﻨﻚ ﺍﺑﻮﺱ ﺧﺸﻤﻚ ﺍﺑﻮﺱ
ﻫﻮﺏ ﻫﻮﺏ ﻫﻮﺏ ﺷﺘﺒﻮﺱ ﺑﻌﺪ ﺷﺒﻴﻚ ﺗﺨﺒﻠﺖ
ﺷﺒﻴﻚ ﺭﺩﺕ ﺍﺑﻮﺱ ﺍﻳﺪﻙ
ﻫﺎ ﻋﺒﺎﻟﻲ
ﺷﻌﺒﺎﻟﻚ ﺑﻠﻪ ﻫﻬﻬﻪ
ﻫﻬﻬﻪ ﺧﺎﻳﺐ ﺷﻮ ﮔﻮﻡ ﻣﻦ ﻳﻤﻲ ﺿﺤﻜﺘﻨﻲ ﻭﺍﻧﻲ ﺿﺎﻳﺞ
ﻻ ﻛﻠﺸﻲ ﻭﻻ ﺿﻮﺟﺘﻚ ﺣﺒﻴﺐ ﮔﻠﺒﻲ ... ﺍﻟﻬﻲ ﻭﺍﻧﺖ ﺟﺎﻫﻲ ﻛﻮﻥ ﺗﻔﺮﺡ ﺍﻣﻴﺮ ﺍﺑﻦ ﺭﺳﻤﻴﻪ ﻭﻻ ﺗﺸﻤﺖ ﺑﻲ ﻋﺪﻭ ﻳﺎﺭﺏ
ﺧﻮﺵ ﺧﻠﺼﺖ ﻟﻮﺍﮔﻪ ﮔﻮﻡ ﺍﺷﻄﺢ ﺣﺒﻴﺒﻲ
ﺍﻱ ﺭﺍﻳﺢ ﺭﺍﻳﺢ ... ﺍﺭﻭﺡ ﻟﻌﻤﻲ ﺍﻓﺾ ﺍﻟﺴﺎﻟﻔﻪ ﻭﻳﺎ
ﻭﻟﻚ ﺷﺘﺮﻭﺡ ﻫﺴﺘﻮﻩ ﺍﻟﻔﺠﺮ ﻃﺮ ﺷﺒﻴﻚ ﺗﺴﻮﺩﻧﺖ ﺷﻴﮕﻮﻟﻮﻥ ﺍﻟﻌﺎﻟﻢ ﺭﻭﺣﻠﻬﻢ ﺍﻟﻈﻬﺮ
ﻭﺷﺴﻮﻱ ﻛﻞ ﻫﺎﻟﻔﺘﺮﻩ ﺍﻧﻲ ﺷﻴﺼﺒﺮﻧﻲ
ﺗﻌﺎﻝ ﻭﻳﺎﻱ ﻟﻠﻤﻌﻤﻞ ﻋﻨﺪﻱ ﺷﻐﻞ ﺍﻟﺘﻬﻲ ﻭﻣﺘﺸﻮﻑ ﺍﻟﻈﻬﺮ ﺇﻟﻪ ﺻﺎﺭ
ﮔﻮﻝ ﻫﻴﭻ ﻣﻦ ﺍﻭﻝ ﺭﺍﻳﺪﻙ ﺣﺘﻰ ﺍﻛﺮﺑﻚ
ﻫﻬﻬﻪ ﺩﻣﺸﻲ ﻟﻚ ﺍﻣﺸﻲ ﺷﻠﻮﻧﻚ ﻫﺴﻪ ﺍﻧﺖ ﻋﺎﺩ
.....
ﺣﺴﻴﺖ ﺍﻟﻔﺠﺮ ﻋﻠﻰ ﺍﻣﻴﺮ ﮔﺎﻡ ﻟﻠﺼﻼﻩ ﻭﺍﻧﻲ ﻫﻢ ﮔﻤﺖ ﺻﻠﻴﺖ ... ﻧﺰﻟﺖ ﻗﺒﻠﻪ ﺍﺳﻮﻳﻠﻪ ﺭﻳﻮﮒ ﺷﻔﺘﻪ ﻃﺐ ﻟﻠﻤﻄﺒﺦ ﻭﺣﭽﻪ ﺑﻨﺘﺮﻩ ﻟﺘﺴﻮﻳﻠﻲ ﺭﻳﻮﮒ ﻣﺎ ﺍﺷﺘﻬﻲ ﻭﺧﻠﻪ ﻭﻃﻠﻊبيج قصص عراقيه حقيقيه من واقعنا.روعه الطائي
ﻳﺎﺍﺍﺍﺍ ﻫﺬﺍ ﺷﺒﻲ ﺍﻧﺠﻠﺐ ﻓﺠﺄﻩ ... ﺍﻱ ﻋﻤﻲ ﺣﻘﻪ ﻳﺮﻳﺪ ﺍﻟﻔﺼﻠﻴﻪ ﺗﺠﻲ ﺧﺎﻡ ﺑﻴﻀﻪ ﻭﻣﺤﺪ ﻣﻌﺎﻳﻦ ﻋﻠﻴﻬﻪ ﻭﺑﻨﻔﺲ ﺍﻟﻮﻗﺖ ﻋﻤﺮﻩ ﻣﻴﻔﻜﺮ ﻳﻌﺎﻳﻦ ﻋﻠﻴﻬﻪ ﻻﻥ ﻓﺼﻠﻴﻪ ﻣﻌﻨﺎﻫﻪ ﻋﺪﻭﺗﻪ ﻭﻋﺪﻭﺕ ﺍﻟﺨﻠﻔﻮ ﻭﻣﻮ ﻣﻦ ﻣﻘﺎﻣﻪ ﻳﻌﻨﻲ ﺑﻴﻦ ﻗﻮﺳﻴﻦ ﻻ ﻳﺮﺣﻢ ﻭﻻ ﻳﺨﻠﻲ ﺭﺣﻤﺔ ﺍﻟﻠﻪ ﺗﻨﺰﻝ ... ﺷﻮ ﺩﺧﻠﻲ ﺍﺻﻌﺪ ﺍﺭﺗﺐ ﺍﻟﻐﺮﻓﻪ ﻭﺍﻏﺴﻞ ﺍﻟﻤﻼﺑﺲ ﺍﺣﺴﻨﻠﻲ
ﺻﻌﺪﺕ ﻃﺒﻴﺖ ﻟﻠﻐﺮﻓﻪ ﺭﺗﺒﺘﻬﻪ ﻭﻃﺒﻴﺖ ﻟﻠﺤﻤﺎﻡ ﺍﻏﺴﻞ ﺍﻟﻤﻼﺑﺲ
ﺍﺟﺖ ﺑﺒﺎﻟﻲ ﻣﺎﻣﺎ ﻫﻲ ﭼﺎﻧﺖ ﺗﻐﺴﻞ ﺍﻟﻤﻼﺑﺲ ﺍﻭﻝ ﻣﺘﮕﻌﺪ ﻣﻦ ﺍﻟﻨﻮﻡ ﻭﻫﺴﻪ ﺍﻧﻲ ﺍﺧﺬﺕ ﻫﺎﻟﻄﺒﻊ ﻣﻨﻬﻪ
ﻣﺎﻣﺎ ﺣﺒﻴﺒﺘﻲ ﺷﺘﺎﻗﻴﺘﻠﭻ ... ﻳﺎ ﺗﺮﻯ ﺷﻠﻮﻧﭻ ﻫﺴﻪ ﻧﺴﻴﺘﻴﻨﻲ ﻭﺧﻒ ﺣﺰﻧﭻ ﻋﻠﻴﻪ ﻟﻮ ﺑﻌﺪﭺ ﺗﻔﻜﺮﻳﻦ ﺑﻴﻪ ﻭﺗﺒﭽﻴﻦ ﻋﻠﻴﻪ ... ﺍﺟﺖ ﺑﺒﺎﻟﻲ ﻓﻜﺮﻩ
ﻋﺎﻳﻨﺖ ﺍﻟﺴﺎﻋﻪ ﺑﻌﺪ ﻭﻗﺖ ﻏﺪﻳﺮ ﻫﺴﻪ ﻧﺎﻳﻤﻪ ﺍﻛﻴﺪ ... ﺍﺭﻭﺡ ﺍﺟﻴﺐ ﻣﻮﺑﺎﻳﻠﻬﻪ ﻭﺍﻧﻲ ﺍﻋﺮﻑ ﺍﻟﺮﻣﺰ ﺗﻔﺘﺤﻪ ﺩﺍﺋﻤﺎ ﮔﺪﺍﻣﻲ ﻭﺍﺧﺎﺑﺮ ﻋﻠﻰ ﻣﺎﻣﺎ ﺑﻠﻜﺖ ﺗﺤﺲ ﻋﻠﻰ ﺍﻟﻤﻮﺑﺎﻳﻞ ﻭﺗﺠﺎﻭﺑﻨﻲ
ﻃﺒﻴﺖ ﻟﻐﺮﻓﺔ ﻏﺪﻳﺮ ﺑﻬﺪﻭﺀ .. ﺑﺲ ﻻ ﺗﺤﺲ
ﺭﺣﺖ ﺷﻔﺖ ﻣﻮﺑﺎﻳﻠﻬﻪ ﻋﻠﻰ ﺍﻟﻤﻴﺰ ﻳﻢ ﺭﺍﺳﻬﻪ ﺍﺧﺬﺗﻪ ﻭﻃﻠﻌﺖ ﺑﺴﺮﻋﻪ ... ﺍﻟﺤﻤﺪ ﻟﻠﻪ ﻣﺎ ﺣﺴﺖ
ﻧﺰﻟﺖ ﺭﻗﻢ ﻣﺎﻣﺎ ﺩﮒ ... ﻭﻳﺎ ﻛﻠﻪ ﺩﮔﻪ ﮔﻠﺒﻲ ﻳﺼﻌﺪ ﻭﻳﻨﺰﻝ ﻣﻌﻘﻮﻟﻪ ﺭﺍﺡ ﺍﺳﻤﻊ ﺻﻮﺗﻬﻪ ﻣﻌﻘﻮﻟﻪ ﺗﻔﺘﺢ ﺍﻟﺨﻂ ﻭﺗﮕﻮﻟﻲ ﺍﻟﻮﻭﻭ
ﻣﺎ ﺗﻤﺖ ﻓﺮﺣﺘﻲ ﻻﻥ ﺧﻠﺺ ﺍﻻﺗﺼﺎﻝ ﻭﻣﺎ ﺟﺎﻭﺑﺖ ﺍﻛﻴﺪ ﻧﺎﻳﻤﻪ ... ﻭﺍﻟﻤﺸﻜﻠﻪ ﻣﺎ ﺍﻟﮕﻪ ﻓﺮﺻﻪ ﻏﻴﺮ ﻫﺎﻟﻮﻗﺖ ﺣﺘﻰ ﺍﮔﺪﺭ ﺍﺗﺼﻞ ﻋﻠﻴﻬﻪ
ﻣﺴﺤﺖ ﺍﻟﺮﻗﻢ ﻭﺭﺣﺖ ﻋﻠﻰ ﻛﻴﻒ ﻓﺘﺖ ﻟﻐﺮﻓﺔ ﻏﺪﻳﺮ ﺧﻠﻴﺖ ﺍﻟﻤﻮﺑﺎﻳﻞ ﭼﺎﻥ ﺣﺴﺖ
ﻫﺎ ﺧﻴﻪ ﺷﻌﻨﺪﭺ ﻳﻢ ﺭﺍﺳﻲ ﺣﻠﻤﺎﻧﻪ ﺑﻴﻪ ﻣﻦ ﺍﻟﺼﺒﺢ
ﺍﺭﺗﺒﻜﺖ ﻣﻦ ﮔﻌﺪﺕ
ﻫﺎﺍﺍ ﻣﻮ ﺷﺴﻤﻪ ﮔﻌﺪﺕ ﻟﻠﺼﻼﺓ ﻭﺑﻌﺪ ﻣﺎ ﻧﻤﺖ ﻭﺍﻣﻴﺮ ﻃﻠﻊ ﻣﻦ ﻏﺒﺸﻪ ﻇﻠﻴﺖ ﻣﮕﺎﺑﻠﻪ ﺍﻟﺤﻴﻄﺎﻥ ﻭﺿﺎﻳﺠﻪ ﮔﻠﺖ ﺍﺟﻲ ﺍﮔﻌﺪﺝ ﻧﺸﺘﻐﻞ ﻭﻧﺴﻮﻟﻒ
ﮔﻌﺪﺕ ﺣﺒﻴﺒﻪ ﮔﻌﺪﺕ
ﻧﺰﻟﻨﻪ ﺍﻧﻲ ﻭﻏﺪﻳﺮ ﻧﺸﺘﻐﻞ ﻭﻧﺴﻮﻟﻒ ﻭﮔﻌﺪﻭﺍ ﺍﻟﻌﺎﻟﻢ ﻭﺗﺮﻳﮕﻮﺍ ﻭﺑﻠﺸﻨﻪ ﺑﺎﻟﻐﺪﻩ
ﭼﻨﻪ ﺍﻧﻲ ﻭﻏﺪﻳﺮ ﻭﺣﺪﻧﻪ ﺑﺎﻟﻤﻄﺒﺦ
ﻏﺪﻳﺮ ﺍﺷﻮﻓﭻ ﺍﺣﺴﻦ ﺍﻥ ﺷﺎﺀ ﺍﻟﻠﻪ ﻣﻮ ؟؟
ﺍﻱ ﺣﺒﻴﺒﻪ ﺍﻟﺤﻤﺪ ﻟﻠﻪ ﺍﺣﺴﻦ
ﺗﻌﺎﻟﻲ ﻓﻮﮒ ﺍﺳﻮﻟﻔﻠﭻ ﺍﻟﺼﺎﺭ ﺍﻟﺒﺎﺭﺣﻪ
ﻳﻼ ﺍﻣﺸﻴﻨﻪ
ﺻﻌﺪﺕ ﻟﻐﺮﻓﺔ ﻏﺪﻳﺮ ﻭﻫﻲ ﻭﻳﺎﻳﻪ ﻭﺳﻮﻟﻔﺘﻠﻬﻪ ﺍﻟﺼﺎﺭ ... ﺷﻮ ﻫﺎﻱ ﺍﺑﺘﺴﻤﺖ
ﻫﺎ ﺣﺒﻲ ﺷﺒﻴﭻ ﺗﺨﺒﻠﺘﻲ
ﻻ ﺧﻴﻪ ﺑﻜﺎﻣﻞ ﻗﻮﺍﻱ ﺍﻟﻌﻘﻠﻴﻪ
ﻟﻌﺪ ﻟﻴﺶ ﺗﺒﺘﺴﻤﻴﻦ ... ﺣﺴﺒﺎﻟﻲ ﺭﺍﺡ ﺗﻨﻘﻬﺮﻳﻦ ﻭﺗﻈﻠﻴﻦ ﺗﺒﭽﻴﻦ ﻭﺗﻐﺮﮔﻴﻨﻪ ﺩﻣﻮﻉ ﻟﻤﻦ ﺗﻌﺮﻓﻴﻦ ﻳﺤﺐ ﻭﺣﺪﻩ ﻭﻣﻴﺖ ﻋﻠﻴﻬﻪ ﻭﻣﻴﻘﺒﻞ ﻳﺘﺰﻭﺝ ﺍﻟﻪ ﻫﻲ
ﺻﺢ ﺍﻧﻘﻬﺮﺕ ﻣﺎ ﺍﺟﺬﺏ ﻋﻠﻴﭻ ﺑﺲ ﻓﺮﺣﺘﻲ ﺍﻛﺒﺮ ﻣﻦ ﻗﻬﺮﻱ
ﻟﻴﺶ ﺑﻼ
ﺍﻧﻲ ﺍﮔﻠﭻ ﻟﻴﺶ ... ﻻﻥ ﺍﻧﻲ ﺍﻋﺮﻑ ﻭﻟﺪﻧﻪ ﻳﻌﻨﻲ ﺍﻗﺼﺪ ﻭﻟﺪ ﺍﻟﺸﻴﻮﺥ ﻟﻮ ﺣﺒﻮ ﻳﺤﺒﻮﻥ ﻟﻠﻤﻮﺕ ﻭﻣﺴﺘﺤﻴﻞ ﻳﺎﺧﺬﻭﻥ ﻏﻴﺮ ﺍﻟﻴﺤﺒﻮﻫﻪ ﻭﺿﺮﻏﺎﻡ ﻣﺎﺩﺍﻡ ﺣﺐ ﻫﺎﻱ ﺍﻟﺒﺖ ﻳﻌﻨﻲ ﻣﺮﺍﺡ ﻳﺘﺰﻭﺝ ﻏﻴﺮﻫﻪ ﻭﻣﺜﻞ ﻣﺘﮕﻮﻟﻴﻦ ﻫﻲ ﻣﺘﺤﺒﻪ ﻭﻻ ﺗﺮﻏﺐ ﺍﻟﻪ ﻓﻬﺬﺍ ﻳﻌﻨﻲ ﺿﺮﻏﺎﻡ ﻋﻤﺮﻩ ﻛﻠﻪ ﻣﻴﺘﺰﻭﺝ ... ﻭﺍﻧﻲ ﻫﻢ ﻻﻥ ﺍﺣﺒﻪ ﻣﺜﻞ ﻣﻴﺤﺐ ﻫﺎﻱ ﺍﻟﺒﺖ ﻓﻌﻤﺮﻱ ﻛﻠﻪ ﻣﺮﺍﺡ ﺍﺗﺰﻭﺝ ﻭﺧﻠﻴﻨﻪ ﻫﻴﺞ ﻻ ﻫﻮ ﻳﺼﻴﺮ ﻟﻐﻴﺮﻱ ﻭﻻ ﺍﻧﻲ ﺍﺻﻴﺮ ﻟﻐﻴﺮﻩ ﻋﻠﻰ ﺍﻻﻗﻞ ﺗﺒﺮﺩ ﻧﺎﺭ ﮔﻠﺒﻲ ﺷﻮﻳﻪ
ﺗﺤﭽﻲ ﻫﻴﭻ ﻭﺍﻧﻲ ﺻﺎﻓﻨﻪ ﻳﺎﻳﺎﺑﻪ ﺷﮕﺪ ﻟﻌﺪ ﺗﺤﺒﻪ ﺍﻟﻲ ﺗﻘﺒﻞ ﺗﻈﻞ ﻣﺮﺗﺒﻄﻪ ﺑﻲ ﺭﻭﺣﻴﺎ ﻣﻦ ﺑﻌﻴﺪ ﻟﺒﻌﻴﺪ ... ﺍﻟﻠﻪ ﻳﺴﺎﻋﺪ ﮔﻠﺒﭻ ﻏﺪﻳﺮ ... ﻗﺎﻃﻌﺖ ﺍﻓﻜﺎﺭﻱ ﻭﺣﭽﻴﺖ
ﻳﻌﻨﻲ ﻫﻴﭻ ﺍﺣﺴﻦ
ﺍﻱ ﻛﻠﺶ ﺍﺣﺴﻦ ﻻﻥ ﻣﺎ ﺍﺗﺤﻤﻞ ﺍﺑﺪ ﺍﺷﻮﻓﻪ ﻟﻐﻴﺮﻱ ﺧﺼﻮﺻﺎ ﻟﺒﺖ ﻣﻦ ﺍﻗﺎﺭﺑﻨﻪ ﺍﻣﻮﺕ
ﺧﻮ ﺍﻟﺤﻤﺪ ﻟﻠﻪ ﻣﻦ ﺭﺗﺎﺣﻴﺘﻲ ﺷﻮﻳﻪ ... ﺩﻧﺤﭽﻲ ﻃﺒﺖ ﺳﺠﻰ ﻭﺳﻠﻤﺖ ... ﺑﺲ ﻻﺳﻤﻌﺖ ﺷﻲ ﻻ ﻻ ﺍﻥ ﺷﺎﺀ ﺍﻟﻠﻪ ﻣﺎ ﺳﻤﻌﺖ
ﺷﻮ ﻫﺎﻱ ﺳﻠﻤﺖ ﻋﻠﻰ ﻏﺪﻳﺮ ﻭﻋﻠﻴﻪ ﻭﻫﻲ ﺗﻀﺤﻚ
ﻫﻠﻮ ﺳﻤﺎﻭﻱ ﺷﻠﻮﻧﭻ
ﺑﺎﺳﺘﻐﺮﺍﺏ ﺯﻳﻨﻪ ﺍﻧﺘﻲ ﺷﻠﻮﻧﭻ
ﺯﻳﻨﻪ ﺣﺒﻴﺒﺘﻲ ﺍﺷﻜﺮﭺ
ﻋﺎﻳﻨﺖ ﻋﻠﻰ ﻏﺪﻳﺮ ﻭﺍﻧﻲ ﻋﺎﻗﭽﻪ ﻭﺟﻬﻲ ﻭﺣﭽﻴﺖ ﺑﻬﺪﻭﺀ ... ﻫﺎﻱ ﺑﻴﻬﻪ ﺷﻲ
ﻳﺠﻮﺯ ﺑﻴﻬﻪ ﺧﻴﻪ ﻭﻳﺠﻮﺯ ﺍﻟﻠﻪ ﻫﺪﺍﻫﻪ ﻳﻬﺪﻱ ﻣﻦ ﻳﺸﺎﺀ
ﺍﻟﻠﻪ ﻳﻬﺪﻳﻬﻪ
ﻧﺰﻟﻨﻪ ﻭﻧﺰﻟﺖ ﺳﺠﻰ ﻭﻳﺎﻧﻪ ﻃﺒﻴﻨﻪ ﻟﻠﻤﻄﺒﺦ ﻧﺸﺘﻐﻞ ﺷﻮ ﻫﺎﻱ ﺍﺟﺖ ﺗﺸﺘﻐﻞ ﻭﻳﺎﻧﻪ
ﻏﺪﻳﺮ ﺍﮔﺮﺻﻴﻨﻲ
ﻟﻴﺶ ﺧﻴﻪ
ﻭﻟﭻ ﻋﺎﻳﻨﻲ ﺍﻟﻠﻪ ﻋﻠﻴﭻ ﺳﺠﻰ ﺩﺗﺸﺘﻐﻞ ﻭﻳﺎﻧﻪ
ﻫﻬﻬﻪ ﺧﻴﻪ ﻣﻮ ﮔﺘﻠﺞ ﻳﻬﺪﻱ ﻣﻦ ﻳﺸﺎﺀ
ﻣﺎ ﺍﺻﺪﮒ ﻫﺎﻱ ﺍﻟﻠﻪ ﻳﻬﺪﻳﻬﺎ
ﻳﺠﻮﺯ ﻧﻬﺪﺕ ﺣﺒﻴﺒﻪ ﻛﻠﺸﻲ ﻳﺼﻴﺮ
ﺍﻥ ﺷﺎﺀ ﺍﻟﻠﻪ ﺻﺪﮒ ﺍﻟﻠﻪ ﻫﺪﺍﻫﺎ
ﻇﻠﻴﻨﻪ ﻧﺸﺘﻐﻞ ﺑﺎﻟﻤﻄﺒﺦ ﻭﺳﺠﻰ ﻋﻠﻰ ﻏﻴﺮ ﻋﻮﺍﻳﺪﻫﺎ ﺗﺸﺘﻐﻞ ﻭﺗﻀﺤﻚ ﻭﻳﺎﻳﻪ
ﺻﺎﺭ ﻭﻗﺖ ﺍﻟﻐﺪﻩ ﻭﺑﺪﻳﻨﻪ ﻧﺼﺐ ﻃﺐ ﺍﻣﻴﺮ
....
ﺍﺧﺬﺕ ﺿﺮﻏﺎﻡ ﻭﺭﺣﺖ ﻟﻠﻌﻤﺎﻝ ﭼﺎﻥ ﻋﻨﺪﻱ ﺷﻐﻞ ﻫﻮﺍﻱ ...
ﻇﻠﻴﻨﻪ ﻧﺸﺘﻐﻞ ﻟﺤﺪ ﻣﺎ ﺻﺎﺭ ﺍﻟﻈﻬﺮ
ﺍﻣﻴﺮ ﺭﺍﻳﺢ ﺍﻧﻲ ﻟﻌﻤﻲ ﺍﺩﻋﻴﻠﻲ
ﺍﻱ ﻣﻮ ﻋﻠﻰ ﺍﺳﺎﺱ ﺭﺍﻳﺢ ﻟﻠﺠﻬﺎﺩ ﺣﺘﻰ ﺍﺩﻋﻴﻠﻚ
ﻭﺍﻟﻠﻪ ﻟﻮ ﺭﺍﻳﺢ ﻟﻠﺠﻬﺎﺩ ﺍﺭﺣﻢ ﻋﻠﻰ ﺍﻗﻞ ﻣﺎ ﺍﺧﺎﻑ ﻭﻻ ﻫﺎﻱ ﺍﻟﻮﺭﻃﻪ
ﻫﻬﻪ ﻟﻬﻞ ﺩﺭﺟﻪ ﺗﺤﺒﻬﻪ ﻭﻟﻚ
ﺍﻟﻠﻪ ﻻ ﻳﻮﺟﻊ ﮔﻠﺒﻚ ﻣﺜﻞ ﻭﺟﻊ ﮔﻠﺒﻲ ﻳﺨﻮﻱ
ﺍﻭﻭﻑ ﺿﺮﻏﺎﻡ ﺧﻠﻴﻨﻲ ﺳﺎﻛﺖ ﺍﺣﺴﻦ
ﻫﺎ ﻭﻟﻚ ﺑﺲ ﻻ ﻭﮔﻌﺖ
ﻫﻮ ﻫﻴﭻ ﻣﺒﻴﻦ ﻭﮔﻌﺖ ﺑﺲ ﻣﻮ ﺍﻱ ﻭﮔﻌﻪ ... ﻭﮔﻌﺔ ﺍﻟﮕﺸﺮﻩ
ﻻ ﺍﻟﻠﻪ ﻋﻠﻴﻚ ﺍﻟﻴﻮﻡ ﺗﺤﭽﻴﻠﻲ ﻣﺎ ﻫﺪﻙ ﻭﺍﻟﻌﺒﺎﺱ ﺍﺑﻮ ﻓﺎﺿﻞ
ﻫﻬﻬﻪ ﺷﻮ ﺷﻜﻠﻚ ﻧﺴﻴﺖ ﻋﻤﻚ ﻭﺳﺎﻟﻔﺘﻪ
ﺍﻫﻮﻭﻭ ﺻﺪﮒ ﺗﺬﻛﺮﺕ ﻻﺯﻡ ﺍﺭﻭﺡ ﺑﺲ ﺍﻟﮕﻔﻚ ﺍﻟﮕﻔﻚ ﻭﺳﺎﻋﺘﻬﻪ ﻣﺎ ﺍﻋﻮﻓﻚ ﺍﺫﺍ ﻣﺎ ﺗﺤﻂ ﺑﺤﻀﻨﻲ ﺍﻟﺴﺎﻟﻔﻪ ﻣﻦ ﺍﻻﻟﻒ ﻟﻠﻴﺎﺀ ﺧﻠﻴﻬﻪ ﺑﺒﺎﻟﻚ
ﻫﻬﻬﻪ ﺩﺭﻭﺡ ﻳﻤﻌﻮﺩ ﺣﭽﺎﻳﻪ ﻭﻭﮔﻌﺖ ﺑﺤﻠﮕﻚ ﺷﻴﺨﻠﺼﻨﻪ ﺑﻌﺪ .... ﺷﻮ ﻫﺬﺍ ﮔﺎﻡ ﻳﻬﺰ ﺑﺮﺍﺳﻪ ﻭﻳﮕﻮﻝ
ﺍﻱ ﻣﻌﻴﺪﻱ ﻭﻛﻀﻠﻪ ﻣﺼﺎﺻﻪ
ﺩﺭﻭﺡ ﮔﺒﺮ ﻟﻬﻞ ﺧﻠﻘﻪ ﻣﻮ ﺻﻮﭼﻚ ﺻﻮﭼﻲ ﺳﺎﻋﺪﺗﻚ ﻭﺭﺟﻌﺖ ﺗﻨﻜﺖ ﺗﺮﺍﺏ
ﻫﻬﻬﻬﻪ ﺭﺍﻳﺢ ﺭﺍﻳﺢ ﻣﻊ ﺍﻟﺴﻼﻣﻪ
ﺍﻟﻠﻪ ﻭﻳﺎﻙ
ﺭﺣﺖ ﺻﻠﻴﺖ ﻳﻢ ﺍﻟﻌﻤﺎﻝ ﻭﻛﻤﻠﺖ ﺷﻐﻠﻲ ﺍﻟﺒﺎﻗﻲ ﻭﮔﻠﺖ ﺍﺭﺟﻊ ﻟﻠﺒﻴﺖ ﺍﺗﻐﺪﻩ ﻭﺍﺧﺬﻟﻲ ﻛﺴﺮﻩ ﻓﺪ ﺳﺎﻋﻪ ﻭﺍﻃﻠﻊ ﻟﻠﺪﻳﻮﺍﻥ
ﺭﺟﻌﺖ ﻟﻠﺒﻴﺖ ﻃﺒﻴﺖ ﻟﮕﻴﺘﻬﻦ ﻛﻠﻬﻦ ﺑﺎﻟﻤﻄﺒﺦ ﺩﻳﺼﺒﻦ ﻏﺪﻩ ﻭﻫﺎﻱ ﺳﺠﻰ ﻫﻢ ﻣﻮﺟﻮﺩﻩ
ﺍﻫﻮﻭﻭﻭ ﺷﺠﺎﺑﻬﻪ ﻫﺎﻱ ﻣﻦ ﻳﻮﻡ ﺍﻟﺴﻮﺕ ﻫﺎﻱ ﻋﻤﻠﺘﻬﻪ ﻭﺍﻧﻲ ﺿﺎﻳﺞ ﻣﻨﻬﻪ ﻛﻠﺶ
ﺳﻠﻤﺖ ﻭﺻﻌﺪﺕ ﺍﻏﻴﺮ ﻣﻼﺑﺴﻲ
...
ﻃﺐ ﺍﻣﻴﺮ ﺳﻠﻢ ﻭﻫﻮ ﮔﺎﻟﺐ ﻭﺟﻬﻪ ﻭﺻﻌﺪ ﻳﻐﻴﺮ ﻣﻼﺑﺴﻪ ... ﺍﻋﺎﻳﻦ ﻋﻠﻰ ﺳﺠﻰ ﻋﻴﻨﻬﻪ ﻭﺭﻯ ﻣﻦ ﻃﺐ ﻟﺤﺪ ﻣﺎ ﻃﻠﻊ ﻣﻦ ﺍﻟﻤﻄﺒﺦ
ﺍﺟﻴﺖ ﺍﺭﮔﻌﻬﻪ ﺑﻘﺒﻖ ﺍﻟﮕﺪﺭ ﺑﻠﻜﺖ ﺍﺑﺮﺩ ﻧﺎﺭ ﮔﻠﺒﻲ ﺑﻴﻬﺎ
ﺷﻮﻳﻪ ﻭﺷﻔﺘﻪ ﻧﺰﻝ ... ﺗﻘﺼﺪﺕ ﺍﻃﻠﻊ ﻣﻦ ﺍﻟﻤﻄﺒﺦ ﻭﺍﺭﻭﺡ ﻳﻤﻪ ﺣﺘﻰ ﺗﺸﻮﻓﻨﻲ ﻭﺗﻨﻐﺚ
ﭼﺎﻥ ﺩﻳﻠﻌﺐ ﺍﺑﻦ ﺍﺧﻮ ﻳﺸﻴﻞ ﻭﻳﺸﻤﺮ ﺑﻲ ﻭﺍﻟﻄﻔﻞ ﻣﻴﺖ ﺿﺤﻚ
ﺍﺟﻴﺖ ﻳﻤﻪ
ﺍﻣﻴﺮ .. ﺷﻮ ﻫﺬﺍ ﻧﺘﺮ ﺑﻮﺟﻬﻲ
ﻧﻌﻢ ﺷﻜﻮ
ﺑﺼﻮﺕ ﻧﺎﺻﻲ ﮔﺘﻠﻪ ...
ﻫﺎﻱ ﺷﺒﻴﻚ ﻫﻴﭻ ﺗﺤﭽﻲ ﻭﻳﺎﻳﻪ
ﺷﻠﻮﻥ ﻳﻌﻨﻲ ﺗﺮﺩﻳﻨﻲ ﺍﺣﭽﻲ ﻭﻳﺎﭺ
ﻫﺴﻪ ﺍﻟﻤﻬﻢ ﻫﺬﺍ ﻣﻮ ﻣﻮﺿﻮﻋﻨﻪ .. ﺍﺟﻴﺖ ﺍﺳﺄﻟﻚ ﺷﺴﻮﻳﺖ ﻭﻳﺎ ﺿﺮﻏﺎﻡ
ﻭﺍﻧﺘﻲ ﺷﻌﻠﻴﭻ
ﻳﺎﺍﺍ ﺷﺒﻴﻚ ﻣﺘﮕﻠﻲ ﻣﻦ ﺍﻟﺼﺒﺢ ﻟﺤﺪ ﻫﺴﻪ ﺍﻧﺖ ﺗﻨﺘﺮ ﺑﻮﺟﻬﻲ
ﻭﺍﻧﻲ ﺷﺎﻳﻒ ﺧﻠﻘﺘﭻ ﻣﻦ ﺍﻟﺼﺒﺢ ﻟﻬﺴﻪ ﺣﺘﻰ ﺍﻧﺘﺮ ... ﻓﻮﺗﻲ ﺻﺒﻴﻠﻲ ﺍﻟﻐﺪﻩ ﺟﻮﻋﺎﻥ ﻭﺍﺭﻳﺪ ﺍﻧﻄﻤﺮ ﻭﺭﺍﻳﻪ ﻃﻼﻳﺐ
ﺭﺣﺖ ﻣﻦ ﻳﻤﻪ ﻭﺍﻧﻲ ﻣﻴﺘﻪ ﻗﻬﺮ ﻟﻴﺶ ﻫﻴﭻ ﻳﺘﻌﺎﻣﻞ ﻭﻳﺎﻳﻪ ﻣﻌﻘﻮﻟﻪ ﺣﺴﺒﺎﻟﻪ ﭼﻨﺖ ﺍﺣﺐ ﻭﺍﺣﺪ ﻭﮔﺎﻡ ﻳﺸﻮﻓﻨﻲ ﻣﻮ ﺧﻮﺵ ﺑﻨﻴﻪ ﻭﺭﺧﻴﺼﻪ ﻭﮔﻠﺐ ﻋﻠﻴﻪ ﻫﻴﭻ ... ﻳﺎﺭﺑﻲ ﺍﺩﺭﻱ ﺑﺤﻈﻲ ﻣﻦ ﻳﻮﻡ ﻳﻮﻣﻪ ﻣﺪﺭﻱ ﺑﻴﺎ ﻃﻴﻨﻪ ﻧﺎﻳﻢ
ﻇﻠﻴﺖ ﺍﻧﮕﻞ ﺑﻸﻛﻞ ﻃﺒﻮﺍ ﺍﺧﻮﺗﻪ ﺳﺎﻣﺮ ﻭﻭﺳﺎﻡ ﺻﺎﺭﻭﺍ ﮔﺒﺎﻟﻲ
ﺳﺄﻟﻨﻲ ﻭﺳﺎﻡ ﻭﻫﺎﻱ ﺍﻭﻝ ﻣﺮﻩ ﻳﺤﭽﻲ ﻭﻳﺎﻳﻪ
ﺍﻟﻐﺪﻩ ﺟﺎﻫﺰ ﺳﻤﺎ
ﺍﻱ ﺟﺎﻫﺰ ﻭﺩﺍ ﺍﻧﮕﻠﻪ ﻟﻠﺼﺎﻟﻪ
ﺍﻱ ﻭﺍﻟﻠﻪ ﺟﻮﻋﺎﻥ ﻛﻠﺶ ﺧﻴﺘﻲ
ﻏﺴﻞ ﻭﺭﻭﺡ ﺍﻛﻞ ﺍﺧﻮﻳﻪ
ﻋﺎﺷﺖ ﺍﻳﺪﭺ
ﺗﺘﺪﻟﻞ ﺍﺑﻮ ﺣﺴﻴﻦ
ﺭﺍﺡ ﻭﻇﻠﻴﺖ ﺻﺎﻓﻨﻪ ﻭﺭﻯ ... ﺍﻟﻴﻮﻡ ﺷﻨﻮ ﺍﻟﺴﺎﻟﻔﻪ ﺍﻟﻜﻞ ﻳﺘﺼﺮﻑ ﺑﻐﺮﺍﺑﻪ ﺑﺲ ﻻ ﻟﺒﺴﻬﻢ ﺟﻨﻲ ﺟﻤﺎﻋﻲ .. ﺩﺧﻴﻠﻚ ﺭﺑﻲ
ﻃﺒﻴﺖ ﻟﻠﻤﻄﺒﺦ ﺩﺍ ﺍﺧﺬ ﺍﻣﻮﺍﻋﻴﻦ ﺍﻭﺩﻳﻬﻦ ﻟﻠﺼﺎﻟﺔ ﺩﮒ ﻣﻮﺑﺎﻳﻞ ﻏﺪﻳﺮ ﺟﺎﻥ ﻋﻠﻰ ﺍﻟﻤﻴﺰ ﻳﻢ ﺍﻳﺪﻱ ... ﻋﺰﻩ ﺭﻗﻢ ﺍﻣﻲ ﻫﺬﺍ
ﺍﺟﺖ ﻏﺪﻳﺮ ﻭﮔﺎﻟﺖ :
ﻫﺬﺍ ﺭﻗﻢ ﻏﺮﻳﺐ !!!
ﺣﺎﻭﻟﺖ ﺍﺗﺪﺍﺭﻙ ﺍﻟﻤﻮﻗﻒ ﻭﮔﻠﺘﻠﻬﺎ
ﻋﺎﺩﻱ ﺷﺘﺮﻳﺪﻳﻦ ﻣﻨﻪ ﺧﻠﻲ ﻳﺪﮒ ﻭﻳﺴﻜﺖ ﻭﺣﺪﻩ
ﻻ ﻳﻤﻌﻮﺩﻩ ﺧﻠﻲ ﺍﻭﺩﻱ ﺍﻟﻮﺍﺣﺪ ﻣﻦ ﺍﺧﻮﺗﻲ ﺍﺣﺴﻦ ﻫﺴﻪ ﺑﺲ ﻳﺸﻮﻑ ﻣﺤﺪ ﻳﺠﺎﻭﺏ ﻳﻈﻞ ﻳﻠﺢ ﺑﻼﺗﺼﺎﻝ ﻻﻥ ﻳﻌﺮﻑ ﺑﻨﻴﻪ
ﻣﺎﮔﺪﺭﺕ ﺍﻣﻨﻌﻬﻪ ﻻﻥ ﻣﺎﻛﻮ ﻃﺮﻳﻘﻪ ﺍﻣﻨﻌﻬﻪ ﺑﻴﻬﻪ ﻭﺭﺍﺣﺖ ﻟﻠﺼﺎﻟﻪ ... ﻳﺎﺭﺑﻲ ﺷﻠﻮﻥ ﻳﺎﺭﺑﻲ ﺩﺧﻴﻠﻚ
ﻣﺪﻳﺖ ﺭﺍﺳﻲ ﺷﻔﺖ ﺍﻣﻴﺮ ﮔﺎﻋﺪ ﺍﻭﻝ ﻭﺍﺣﺪ ﺍﻛﻴﺪ ﺭﺍﺡ ﺗﻨﻄﻴﻬﻪ ﻻﻥ ﻫﻮ ﺍﻗﺮﺏ ﻭﺍﺣﺪ ﻣﻦ ﺍﺧﻮﺗﻬﻪ ﮔﺎﻋﺪ ﺑﻄﺮﻑ ﺍﻟﺼﺎﻟﻪ
ﻓﻌﻼ ﺍﻧﻄﺘﻪ ﺍﻟﻤﻮﺑﺎﻳﻞ ﻣﺜﻞ ﻣﺎ ﺗﻮﻗﻌﺖ .. ﺭﺣﺘﻲ ﺑﻴﻬﺎ ﺳﻤﺎ ﺍﻟﻠﻪ ﻳﺮﺣﻤﭻ
ﺳﻜﺖ ﺍﻻﺗﺼﺎﻝ ﺍﻟﺤﻤﺪ ﻟﻠﻪ
ﺍﺭﺗﺎﺣﻴﺖ ﻭﻫﺪﺃ ﮔﻠﺒﻲ ﺩﺭﺕ ﻭﺟﻬﻲ ﺍﺭﺟﻊ ﻟﻠﻤﻄﺒﺦ ﺳﻤﻌﺘﻪ ﺩﮒ ﻣﺮﻩ ﺛﺎﻧﻴﻪ ... ﻻ ﻳﺎﺭﺑﻲ
ﺭﺟﻌﺖ ﻣﺪﻳﺖ ﺭﺍﺳﻲ ﺍﻋﺎﻳﻦ
ﻓﺘﺢ ﺍﻟﺨﻂ ﺍﻣﻴﺮ ﺍﻟﻮﻭﻭﻭ ....
