١٣_______١٥
# ﻓﺼﻠﻴﻪ _ ﻷُﻧﺎﺱ _ ﻻﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ _ ﺍﻟﻤﻮﺳﻮﻱ
ﻭﺍﻧﻲ ﮔﺎﻋﺪ ﺑﺎﻟﺪﻳﻮﺍﻥ ﻭﺍﻻﻓﻜﺎﺭ ﺗﻮﺩﻳﻨﻲ ﻭﺗﺠﻴﺒﻨﻲ ﺷﻔﺖ ﺿﺮﻏﺎﻡ ﻃﺐ .. ﺳﻠﻢ ﻭﮔﻌﺪ
ﻫﺎ ﺍﺑﻦ ﻋﻤﻲ ﺷﺒﻴﻚ ﺳﻼﻣﺎﺕ
ﻣﺎﺑﻴﻪ ﺷﻲ ﺿﺮﻏﺎﻡ ... ﺷﻮﻳﻪ ﺻﻌﺪ ﺿﻐﻄﻲ ﺍﻟﻔﺠﺮ ﻭﻫﺴﻪ ﮔﺎﻋﺪ ﺍﺣﺲ ﺑﺮﺍﺳﻲ ﻳﻮﺟﻌﻨﻲ ﺭﺍﺡ ﻳﻨﻔﺠﺮ
ﺳﻼﻣﺘﻚ ﺍﺑﻦ ﻋﻤﻲ ﻟﻴﺶ ﻃﻠﻌﺖ ﻣﺎ ﻇﻠﻴﺖ ﺑﺎﻟﺒﻴﺖ ﺍﺫﺍ ﻭﺿﻌﻚ ﻫﻴﭻ
ﻻ ﻭﻳﻦ ﺍﻇﻞ ﺑﺎﻟﺒﻴﺖ ﺍﺫﺍ ﻇﻠﻴﺖ ﺑﺎﻟﺒﻴﺖ ﺣﺎﻟﺘﻲ ﺗﺴﻮﺀ ﺍﻛﺜﺮ ﺑﻌﺪ
ﺗﻌﺎﻝ ﮔﻮﻡ ﻭﻳﺎﻱ ﺍﻭﺩﻳﻚ ﻟﻠﺪﻛﺘﻮﺭ
ﻻ ﺿﺮﻏﺎﻡ ﻣﺎ ﺍﺭﻳﺪ ﺑﻠﻌﺖ ﺣﺒﺎﻳﻪ ﻭﻫﺴﻪ ﺍﺗﺤﺴﻦ
ﺑﺮﺍﺣﺘﻚ ﺍﻣﻴﺮ .. ﺍﻧﻲ ﺭﺍﺟﻊ ﻟﻠﻌﻤﺎﻝ ﻋﻔﺘﻬﻢ ﻭﺣﺪﻫﻢ ﻻﻥ ﻇﻞ ﺑﺎﻟﻲ ﻳﻤﻚ ﺍﺟﻴﺖ ﺍﺷﻮﻓﻚ ﺷﻠﻮﻧﻚ ﻭﺍﺭﺟﻊ ﺍﻟﻬﻢ
ﺍﻟﻠﻪ ﻭﻳﺎﻙ ﺍﺑﻦ ﻋﻤﻲ ﺗﻌﺒﺘﻚ ﻇﻞ ﺍﻟﺸﻐﻞ ﻋﻠﻰ ﺭﺍﺳﻚ ﺍﻟﻴﻮﻡ
ﻻ ﻳﻤﻌﻮﺩ ﺑﺎﻟﺨﺪﻣﻪ ﭼﻢ ﺍﻣﻴﺮ ﻋﺪﻧﻪ ﺍﺣﻨﻪ
ﺭﺣﻢ ﺍﻟﻠﻪ ﻭﺍﻟﺪﻳﻚ ..
ﻃﻠﻊ ﺿﺮﻏﺎﻡ ﻭﺍﻧﻲ ﺣﺴﻴﺖ ﺑﺮﻭﺣﻲ ﺗﻌﺒﺖ ﺣﻴﻞ .. ﺷﻠﻮﻥ ﻳﺎﺭﺑﻲ ﺷﻔﺘﻪ ﺗﺄﺫﻳﺖ ﺍﻛﺜﺮ .. ﻻﺑﻴﻪ ﺍﺳﻜﺖ ﻭﻻ ﺍﮔﺪﺭ ﺍﺣﭽﻲ ﺷﺴﻮﻱ ﻳﺎ ﺍﻟﻬﻲ
ﻇﻠﻴﺖ ﺑﺎﻟﺪﻳﻮﺍﻥ ﻭﻛﻞ ﺷﻮﻳﻪ ﻭﺍﺣﺪ ﻃﺎﺏ ﻭﻭﺍﺣﺪ ﻃﺎﻟﻊ ﻭﻃﻼﻳﺐ ﺍﻟﻌﺎﻟﻢ ﻣﺘﺨﻠﺺ
ﺻﺎﺭ ﺍﻟﻀﻬﺮ ﺭﺟﻌﺖ ﻟﻠﺒﻴﺖ ﺍﻧﺎﻡ ﺑﻠﻜﺖ ﺍﺧﻠﺺ ﻣﻦ ﻭﺟﻊ ﺭﺍﺳﻲ ﺷﻮﻳﻪ
ﻃﺒﻴﺖ ﻟﻠﺒﻴﺖ ﻣﻦ ﺑﺎﺏ ﺍﻟﻤﻄﺒﺦ ﻭﭼﺎﻧﺖ ﺳﻤﺎ ﺑﺎﻟﻤﻄﺒﺦ ﻭﻳﺎﻫﻪ ﺿﺤﻰ
....
ﻧﺰﻟﺖ ﻣﻦ ﻏﺪﻳﺮ ﻟﺸﻐﻞ ﺍﻟﻤﻄﺒﺦ ﻭﺑﺎﻟﻲ ﻛﻠﻪ ﻳﻤﻬﻪ ﻭﻛﻞ ﺷﻮﻳﻪ ﺳﻌﻴﺪﺍﻥ ﺟﺎﻳﻪ ﺗﺸﻤﺮ ﺣﭽﻲ ﻋﻠﻴﻪ ﻭﺍﻧﻲ ﻣﻮ ﻳﻤﻬﺎ ﻭﻻ ﺑﺤﺎﻟﻪ ﺗﺴﻤﺢ ﺍﺟﺎﻭﺑﻬﺎ
ﺻﺎﺭ ﺍﻟﻀﻬﺮ ﻭﺍﻟﺸﻐﻞ ﻣﻴﺨﻠﺺ ﮔﻠﺖ ﺑﺲ ﻧﺘﻐﺪﻩ ﺍﺻﻌﺪ ﺍﻭﺩﻳﻠﻬﺎ ﻏﺪﻩ ﻭﺍﻇﻞ ﻳﻤﻬﺎ
ﮔﻌﺪﻧﻪ ﺍﻧﻲ ﻭﺿﺤﻰ ﻧﺼﺐ ﺑﺎﻟﻐﺪﻩ ﻭﺳﻌﻴﺪﺍﻥ ﺷﺎﻳﻠﻪ ﺍﻳﺪﻫﺎ ﻣﻦ ﺍﻟﻤﻄﺒﺦ ﺍﻟﻴﻮﻡ .. ﺑﻬﺎﻱ ﺍﻻﺛﻨﺎﺀ ﺩﺧﻞ ﺍﻣﻴﺮ ﻣﻦ ﺑﺎﺏ ﺍﻟﻤﻄﺒﺦ ﺑﺲ ﻭﺟﻬﻪ ﻣﻴﺘﻔﺴﺮ ﻭﻣﺒﻴﻦ ﻋﻠﻲ ﺍﻟﺘﻌﺐ ﻧﻘﻬﺮﺕ ﻋﻠﻰ ﻭﺿﻌﻪ ﻛﻠﺶ ﺳﻠﻢ ﻭﺟﺎﻭﺑﺘﻪ
ﺍﻟﻠﻪ ﻳﺴﺎﻋﺪﻙ .. ﺷﻠﻮﻥ ﺻﺮﺕ
ﻭﻳﺴﺎﻋﺪﭺ .. ﺍﻟﺤﻤﺪ ﻟﻠﻪ
ﺭﻭﺡ ﻏﺴﻞ ﻭﺑﺪﻝ ﺑﻴﻦ ﻣﻨﻨﮕﻞ ﺍﻟﺼﺐ ﺣﺘﻰ ﺗﺠﻲ ﺗﺘﻐﺪﻩ
ﻻ ﻣﺎ ﺍﺷﺘﻬﻲ ﺍﻛﻠﻮ ﺍﻧﺘﻮ ﺑﺎﻟﻌﺎﻓﻴﻪ
ﺷﻔﺘﻪ ﮔﺎﻝ ﻣﺎ ﺍﺷﺘﻬﻲ ﻭﺧﻠﻪ ﻭﺻﻌﺪ ... ﻧﻘﻬﺮﺕ ﺣﻴﻞ ﻫﺬﺍ ﺷﺒﻲ ﻻ ﺗﺮﻳﮓ ﻭﻻ ﻳﻘﺒﻞ ﻳﺘﻐﺪﻩ ﻭﺍﻟﺼﺒﺢ ﺿﻐﻄﻪ ﺻﻌﺪ .. ﻳﺎﺭﺑﻲ ﺍﺣﻴﺮ ﺑﻐﺪﻳﺮ ﻟﻮ ﺑﻲ ﻟﻮ ﺑﻀﻴﻤﻲ ﺷﻠﻮﻥ ﺑﻴﻪ
ﺍﻓﻜﺮ ﺑﺎﻟﺪﻳﺼﻴﺮ ﻭﺍﺻﺐ ﻣﻦ ﺩﻭﻥ ﻣﺎ ﺍﻧﺘﺒﻪ ﺷﻠﺖ ﻏﻄﻪ ﺍﻟﻤﺮﮔﻪ ﺑﻼ ﻭﺻﻠﻪ ﻧﭽﻮﺕ ﺍﻳﺪﻱ ﻭﺷﺎﻏﺖ ﺭﻭﺣﻲ
ﺍﺍﺥ ﺍﻳﺪﻱ ﺭﺍﺣﺖ
ﺣﭽﺖ ﺿﺤﻰ ... ﺷﺒﻴﭻ ﺧﻴﻪ ﻏﻴﺮ ﺗﻨﺘﺒﻴﻬﻦ
ﻣﺎ ﺍﺩﺭﻱ ﺑﻲ ﻫﻴﭻ ﺣﺎﺭ
ﺭﻭﺣﻲ ﻏﺴﻠﻲ ﺍﻳﺪﭺ ﺍﻧﻲ ﺍﺻﺐ ﺍﻟﻤﺮﮔﻪ
ﻏﺴﻠﺖ ﻭﺻﺒﺖ ﺿﺤﻰ ﺍﻟﻤﺮﮔﻪ ﻭﻭﺩﻳﻨﻪ ﺍﻟﻤﻮﺍﻋﻴﻦ ﻟﻠﺼﺎﻟﻪ ﻭﺍﻟﻜﻞ ﮔﻌﺪﻭﺍ ﻳﺎﻛﻠﻮﻥ
ﺭﺟﻌﺖ ﻟﻠﻤﻄﺒﺦ ﺻﺒﻴﺖ ﺻﻴﻨﻴﻪ ﺍﻟﻐﺪﻳﺮ ﻭﺻﻌﺪﺕ ﻟﮕﻴﺘﻬﺎ ﻣﻨﺘﻬﻴﻪ ﻣﻦ ﺍﻟﺒﭽﻲ ﻭﻭﺟﻬﺎ ﻣﻴﻨﺸﺎﻑ ﻣﺘﺖ ﻗﻬﺮ ﻋﻠﻴﻬﺎ
ﻏﺪﻳﺮ ﺷﻠﻮﻥ ﺗﺎﻟﻲ ﻭﻳﺎﭺ ﻛﺎﻓﻲ ﺑﭽﻲ ﺭﺍﺡ ﺗﻤﻮﺗﻴﻦ ﺭﻭﺣﭻ
ﻳﺎﺭﻳﺖ ﺍﻣﻮﺕ ﺻﺪﮒ ﺳﻤﺎ ... ﻳﺎﺭﻳﺖ
ﺧﻠﻴﺖ ﺍﻟﺼﻴﻨﻪ ﻋﻠﻰ ﺍﻟﻤﻴﺰ ﻭﺭﺣﺖ ﻳﻤﻬﺎ
ﺷﻮ ﺭﻓﻌﻲ ﺭﺍﺳﭻ ﻋﺎﻳﻨﻴﻠﻲ ...
ﺭﻓﻌﺘﻠﻲ ﺭﺍﺳﻬﺎ ﻭﻋﻴﻮﻧﻬﺎ ﻣﻠﻴﺎﻧﻪ ﺩﻣﻮﻉ
ﺍﻧﺘﻲ ﻟﻴﺶ ﻫﻴﺞ ﺿﻌﻴﻔﻪ ﻏﺪﻳﺮ ... ﺻﻴﺮﻱ ﻗﻮﻳﻪ ﺗﻌﻠﻤﻲ ﻣﻨﻲ ﺍﺷﻜﺎﻝ ﺷﻔﺖ ﺑﺤﻴﺎﺗﻲ ﻭﺑﻌﺪﻧﻲ ﻭﺍﮔﻔﻪ ﻋﻠﻰ ﺭﺟﻠﻲ ﻭﺍﻗﺎﻭﻡ ﺍﻟﻀﺮﻭﻑ
ﮔﺎﻣﺖ ﺗﺸﻬﮓ ﺑﭽﻲ ﻭﺗﮕﻮﻝ ...
ﺍﻧﺘﻲ ﺗﻮﺟﻌﺘﻲ ﺑﮕﻠﺒﭻ ﺳﻤﺎ ﺗﻮﺟﻌﺘﻲ ﺟﺎﻭﺑﻴﻨﻲ
ﺗﻮﺟﻌﺖ ﻏﺪﻳﺮ ﺗﻮﺟﻌﺖ ... ﻣﻮ ﺑﺲ ﺗﻮﺟﻌﺖ ﮔﻠﺒﻲ ﻫﺴﻪ ﻟﻮ ﺗﺸﻮﻓﻲ ﺗﻨﺼﺪﻣﻴﻦ ﻣﻦ ﮔﺪ ﻣﺎ ﺑﻲ ﺟﺮﻭﺡ ﻭﻟﻮﻋﺎﺕ
ﺍﺳﻮﻟﻔﻠﭻ ﻭﺍﻧﺘﻲ ﺣﻜﻤﻲ ...
ﮔﻌﺪﺕ ﺍﺳﻮﻟﻔﻠﻬﺎ ﻋﻠﻰ ﻣﻮﺕ ﺑﺎﺑﺎ ﻭﺻﺪﻣﺘﻲ ﻭﻟﻮﻋﺘﻲ ﻋﻠﻰ ﻓﺮﺍﮔﻪ .. ﺳﻮﻟﻔﺘﻠﻬﺎ ﻋﻠﻰ ﺍﻟﻠﻴﻠﻪ ﺍﻟﺼﻌﺒﻪ ﺍﻟﮕﻀﻴﺘﻬﺎ ﺑﻴﻦ ﺍﻣﻲ ﻭﺍﺧﺘﻲ ﻭﺍﻧﻲ ﺍﻭﺩﻋﻬﻢ ﻻﻥ ﺑﺎﭼﺮ ﺍﺭﻭﺡ ﻓﺼﻠﻴﻪ ﻟﻨﺎﺱ ﻳﺘﻤﻨﻮﻥ ﺫﻟﺘﻲ ﻭﻣﻮﺗﻲ ﻭﻣﻮﺕ ﺍﺧﻮﻳﻪ ... ﺳﻮﻟﻔﺘﻠﻬﺎ ﻋﻠﻰ ﺍﻻﺣﺴﺎﺱ ﺍﻻﺣﺲ ﺑﻲ ﻟﻤﻦ ﺍﺟﻴﺖ ﻳﻤﻬﻢ ﻭﺍﻧﻲ ﺍﺳﻤﻌﻬﻢ ﺭﺍﻳﺤﻴﻦ ﺟﺎﻳﻦ ﻳﻐﻠﻄﻮﻥ ﻋﻠﻲ ﺍﺷﻜﺎﻝ ﺷﻲ ﺑﺖ ﺍﻟﺸﻮﺍﺭﻉ ﺷﻲ ﺑﺖ ﺍﻟﺤﺮﺍﻡ .... ﺳﻮﻟﻔﺘﻠﻬﺎ ﻋﻠﻰ ﺍﻟﺨﻨﮕﻪ ﺍﻟﺒﺪﺍﺧﻠﻲ ﻟﻤﻦ ﺍﻏﻤﺾ ﻋﻴﻮﻧﻲ ﻭﺍﻧﻲ ﺍﺗﻤﻨﻰ ﺍﮔﻌﺪ ﺍﻟﮕﻪ ﺭﻭﺣﻲ ﺑﺤﻀﻦ ﻣﺎﻣﺎ ﻭﺍﺷﺘﻢ ﺭﻳﺤﺘﻬﺎ ... ﻛﻤﻠﺖ ﻭﻋﺎﻳﻨﺘﻠﻬﺎ ﺗﺒﭽﻲ
ﻫﺎ ﻏﺪﻳﺮ ﻣﻨﻮ ﺍﻟﺘﺤﻤﻞ ﺍﻛﺜﺮ ﺍﻧﻲ ﻟﻮ ﺍﻧﺘﻲ ... ﻣﻨﻮ ﺍﻟﻼﺯﻡ ﻫﻴﭻ ﻳﺼﻴﺮ ﻭﺿﻌﻪ ﻭﻳﺤﺒﺲ ﻧﻔﺴﻪ ﻭﻳﻤﻮﺕ ﺭﻭﺣﻪ ﻣﻦ ﺍﻟﺒﭽﻲ ﺟﺎﻭﺑﻴﻨﻲ
ﺣﭽﺖ ﻭﻫﻲ ﺗﺸﻬﮓ ... ﺍﻧﺘﻲ
ﻟﻌﺪ ﻛﺎﻓﻲ .. ﻣﺴﺤﻲ ﺩﻣﻮﻋﭻ ﻭﻗﻮﻱ ﮔﻠﺒﭻ ﻣﺤﺪ ﻳﻔﻴﺪﭺ .. ﺍﺩﻋﻲ ﺍﻟﻠﻪ ﻳﺤﻔﻈﻠﺞ ﺍﻣﭻ ﻭﺍﺑﻮﭺ ﻭﺍﺧﻮﭺ ﻭﻳﺨﻠﻴﻬﻢ ﺧﻴﻤﻪ ﻋﻠﻰ ﺭﺍﺳﭻ ﻫﻲ ﻫﺎﻱ ﻛﻠﺶ ﻛﺎﻓﻲ ﺻﺪﮔﻴﻨﻲ ﻣﺎﻛﻮ ﺷﻲ ﻳﺴﺘﺎﻫﻞ ﺗﺰﻋﻠﻴﻦ ﻋﻠﻲ ﻏﻴﺮ ﻓﻘﺪﺍﻧﭻ ﻟﻸﻣﺎﻥ ﺍﻟﺘﺤﺴﻴﻦ ﺑﻲ ﻭﺳﻂ ﺍﻫﻠﭻ
ﺷﻔﺘﻬﺎ ﺳﻜﺘﺖ ﻭﻫﺪﺃﺕ ﺷﻮﻳﻪ ﺟﺒﺮﺗﻬﺎ ﺗﺎﻛﻞ ﻭﺟﺮﻳﺖ ﺍﻟﺒﺮﺩﻩ ﻭﻏﻄﻴﺘﻬﺎ ﻭﮔﻠﺘﻠﻬﺎ ﻧﺎﻣﻲ ﺷﻮﻳﻪ ﺍﺭﺗﺎﺣﻲ ﺍﻟﻌﺼﺮ ﺍﺟﻴﭻ ﺍﻧﻲ
ﻃﻠﻌﺖ ﻭﺍﻧﻲ ﮔﻠﺒﻲ ﻣﻤﺮﻭﺩ ﻋﻠﻴﻬﺎ ﺻﺢ ﺣﺎﻭﻟﺖ ﺍﺟﺒﺮ ﺑﺨﺎﻃﺮﻫﺎ ﻭﺍﻫﺪﻳﻬﺎ ﺑﺲ ﻭﺍﻟﻠﻪ ﺣﻘﻬﺎ ﻭﺟﻊ ﺍﻟﺤﺐ ﻣﻴﻨﺤﻤﻞ ... ﻓﺠﺄﻩ ﺗﺬﻛﺮﺕ ﺍﻣﻴﺮ ﻣﺎ ﻣﺘﺮﻳﮓ ﻭﻻ ﻣﺘﻐﺪﻱ
ﻧﺰﻟﺖ ﻟﮕﻴﺘﻬﻢ ﻣﺘﻐﺪﻳﻦ ﻭﻣﻨﻀﻔﻴﻦ ﺍﻟﻤﻄﺒﺦ ﻭﻛﻠﻤﻦ ﺑﻐﺮﻓﺘﻪ
ﻏﺴﻠﺖ ﺍﻟﺼﻴﻨﻴﻪ ﻣﺎﻟﺖ ﻏﺪﻳﺮ ﻭﺻﺒﻴﺖ ﺍﻻﻣﻴﺮ ﻏﺪﻩ ﻭﺻﻌﺪﺕ
ﻓﺘﺤﺖ ﺍﻟﺒﺎﺏ ﻟﮕﻴﺘﻪ ﻣﺘﻤﺪﺩ ﻋﻠﻰ ﺍﻟﺠﺮﺑﺎﻳﻪ ﻭﺍﻳﺪﻩ ﻋﻠﻰ ﻭﺟﻬﻪ
ﺍﻣﻴﺮ ﻧﺎﻳﻢ
ﻻ
ﻟﻴﺶ ﻣﺎ ﻧﺎﻣﺖ
ﻣﺎ ﮔﺪﺭﺕ
ﻟﻴﺶ ﺑﻌﺪﻩ ﺭﺍﺳﻚ ﻳﺄﺫﻳﻚ
ﺍﻱ
ﮔﻮﻡ ﺍﻛﻞ ﺟﺒﺘﻠﻚ ﻏﺪﻩ
ﺷﻜﺮﺍ ﻣﺎ ﺍﺷﺘﻬﻲ
ﺍﻟﻠﻪ ﻋﻠﻴﻚ ﻛﻮﻡ ﺍﻛﻞ ﺑﺪﺍﻋﺘﻲ ... ﺻﻔﻨﺖ ﻋﻠﻰ ﻧﻔﺴﻲ ﺷﻨﻮ ﺑﺪﺍﻋﺘﻲ ﻏﺒﻴﻪ ﺍﻧﺘﻲ ﻏﺒﻴﻪ ﻣﻨﻮ ﺍﻧﺘﻲ ﺑﺎﻟﻨﺴﺒﻪ ﺍﻟﻪ ﺣﺘﻰ ﺗﮕﻮﻟﻴﻠﻪ ﺑﺪﺍﻋﺘﻲ ... ﺷﮕﺪ ﻓﺸﻠﻪ ﻫﺴﻪ ﺷﻴﮕﻮﻝ ﻋﻠﻴﻪ
....
ﺻﻌﺪﺕ ﺍﻭﻝ ﻣﺎ ﻭﺻﻠﺖ ﻟﻐﺮﻓﺘﻲ ﺑﺪﻟﺖ ﻭﺣﺎﻭﻟﺖ ﺍﻧﺎﻡ ﻣﺎ ﮔﺪﺭﺕ ﻣﻨﺎ ﻭﺟﻊ ﺭﺍﺳﻲ ﻭﻣﻨﺎ ﺍﻟﺘﻔﻜﻴﺮ ﻣﻮﺗﻨﻲ ﻇﻠﻴﺖ ﻧﺎﻳﻢ ﻭﺍﻓﻜﺮ ﺑﺎﻟﻲ ﺩﻳﺼﻴﺮ
ﺣﺴﻴﺖ ﻋﻠﻰ ﺳﻤﺎ ﻓﺘﺤﺖ ﺍﻟﺒﺎﺏ ﻭﺳﺄﻟﺘﻨﻲ ﻧﺎﻳﻢ ﺑﻌﺪﻳﻦ ﮔﺎﻟﺘﻠﻲ ﮔﻮﻡ ﺍﻛﻞ ﻭﻟﻤﻦ ﮔﻠﺘﻠﻬﺎ ﻣﺎ ﺍﺷﺘﻬﻲ ﮔﺎﻟﺘﻠﻲ ﺑﺪﺍﻋﺘﻲ ... ﺍﻧﺘﺒﻬﺖ ﻋﻠﻰ ﻛﻠﻤﺘﻬﻪ ﻭﺍﺳﺘﻐﺮﺑﺖ ﻣﻨﻬﻪ ﻭﻻﻥ ﮔﺎﻟﺘﻠﻲ ﺑﺪﺍﻋﺘﻲ ﻣﺎ ﮔﺪﺭﺕ ﺍﻗﺎﻭﻡ ﻭﮔﻤﺖ
ﮔﻌﺪﺕ ﺍﻛﻞ .. ﺣﭽﻴﺖ
ﺗﻐﺪﺕ ﻏﺪﻳﺮ
ﺍﻱ ﻭﺩﻳﺘﻠﻬﺎ ﺍﻛﻞ ﺍﻟﻐﺮﻓﺘﻬﺎ ﻭﻏﺪﻳﺘﻬﺎ ﻭﻫﺴﻪ ﻧﺎﻣﺖ
ﺷﻠﻮﻥ ﺻﺎﺭﺕ
ﻟﺘﺸﻴﻞ ﻫﻢ ﻳﻮﻣﻴﻦ ﻭﺗﻨﺴﻰ ﻭﺗﺮﺟﻊ ﺗﻘﻮﻱ ﺭﻭﺣﻬﺎ ... ﺣﭽﻴﺖ ﻫﻴﺞ ﺑﺲ ﺣﺘﻰ ﻳﻄﻤﺄﻥ ﻭﻣﻴﻈﻞ ﻳﻔﻜﺮ ﺑﻴﻬﺎ ﻭﺇﻻ ﻫﻲ ﻣﺴﺘﺤﻴﻞ ﺗﻨﺴﻰ ﺣﺐ ﺣﻴﺎﺗﻬﺎ ﺑﻴﻮﻣﻴﻦ ... ﺻﺤﻴﺖ ﻋﻠﻲ ﻭﻫﻮ ﻳﮕﻮﻝ ﻭﺍﻧﺘﻲ
ﺍﻟﺤﻤﺪ ﻟﻠﻪ ﺯﻳﻨﻪ
ﻣﮕﺎﻋﺪ ﺍﺳﺄﻟﭻ ﺷﻠﻮﻧﭻ .. ﻗﺼﺪﻱ ﺗﻐﺪﻳﺘﻲ
ﻫﺎﺍ .. ﻻ ﻣﺎ ﺗﻐﺪﻳﺖ ﺍﻟﺘﻬﻴﺖ ﻭﻳﺎ ﻏﺪﻳﺮ
ﺍﮔﻌﺪﻱ ﺗﻐﺪﻱ
ﮔﻌﺪﺕ ﻳﻤﻪ ﺍﺗﻐﺪﻩ ﻗﺪﻣﻠﻲ ﺧﺎﺷﻮﮔﺘﻪ .. ﻋﺎﻳﻨﺘﻠﻪ ﺑﺎﺳﺘﻐﺮﺍﺏ
ﺷﺒﻴﭻ ﺗﻠﻌﺐ ﻧﻔﺴﭻ
ﺻﻔﻨﺖ ﻣﻦ ﮔﺎﻝ ﺗﻠﻌﺐ ﻧﻔﺴﭻ ﻻﻥ ﺍﻧﻲ ﻣﺎ ﺍﺣﺲ ﺗﻠﻌﺐ ﻧﻔﺴﻲ ﻣﻨﻪ ﻣﺎ ﺍﻋﺮﻑ ﻟﻴﺶ ... ﺑﺲ ﺍﻧﻲ ﻧﻔﺲ ﺍﻟﺸﻲ ﺧﻄﺮ ﻋﻠﻰ ﺑﺎﻟﻲ ﻣﻦ ﻗﺪﻡ ﺧﺎﺷﻮﮔﺘﻪ ﺍﻧﻮ ﺷﻠﻮﻥ ﻳﻘﺪﻣﻠﻲ ﺧﺎﺷﻮﮔﺘﻪ ﻣﺘﻠﻌﺐ ﻧﻔﺴﻪ .. ﻗﺎﻃﻌﺖ ﺗﻔﻜﻴﺮﻱ ﻭﮔﺘﻠﻪ . . .
ﻻ ﻣﺘﻠﻌﺐ ﻧﻔﺴﻲ ﺑﺲ ﻣﺎ ﺍﺣﺐ ﺍﻟﺘﻤﻦ ﻫﻮﺍﻱ .. ﻟﺬﺍﻟﻚ ﺭﺍﺡ ﺍﻛﻞ ﺧﺒﺰ ﻭﻣﺮﮔﻪ ﻭﺍﻛﻞ ﺍﻧﺖ ﺍﻟﺘﻤﻦ
ﺑﺮﺍﺣﺘﭻ
ﻛﻤﻠﻨﻪ ﺍﻛﻞ ﻭﻧﺰﻟﺖ ﺍﻟﺼﻴﻨﻴﻪ ﻭﺻﻌﺪﺕ ﻟﮕﻴﺘﻪ ﻣﺘﻤﺪﺩ ﻋﻠﻰ ﺍﻟﺠﺮﺑﺎﻳﻪ ﻭﻣﻐﻤﺾ
ﻧﺰﻋﺖ ﺍﻟﺠﺒﻪ ﻭﺍﻟﺤﺠﺎﺏ ﻭﺗﻤﺪﺩﺕ ﻋﻠﻰ ﺍﻟﻤﻨﺪﺭ ﻭﺍﻧﻲ ﺍﻓﻜﺮ ﺑﻲ ﻭﺑﻐﺪﻳﺮ ﻭﻣﻘﻬﻮﺭﻩ ﻛﻠﺶ ﻋﻠﻴﻬﻢ
ﺣﭽﻴﺖ
ﺍﻣﻴﺮ ﻧﻤﺖ
ﻻ ﻟﻴﺶ ﺗﺴﺄﻟﻴﻦ
ﻟﻴﺶ ﻣﺪﺍ ﺗﻨﺎﻡ .. ﺣﺎﻭﻝ ﺗﻨﺎﻡ ﻋﻔﻴﻪ ﺣﺘﻰ ﺭﺍﺳﻚ ﻳﺼﻴﺮ ﺍﺣﺴﻦ
ﻣﮕﺎﻋﺪ ﺍﮔﺪﺭ ﺍﻧﺎﻡ ﺳﻤﺎ ﻭﺟﻊ ﺭﺍﺳﻲ ﺭﺍﺡ ﻳﻤﻮﺗﻨﻲ
ﺗﻔﻜﺮ ﺑﺎﻟﻲ ﺻﺎﺭ ﻟﻮ ﻣﻦ ﺍﻟﻀﻐﻂ
ﻣﺎ ﺍﻋﺮﻑ ﺷﮕﻠﭻ ... ﺍﭼﺬﺏ ﻋﻠﻴﭻ ﻟﻮ ﺍﮔﻠﺞ ﻣﺎ ﺍﻓﻜﺮ ﺑﺎﻟﻲ ﺻﺎﺭ .. ﻭﺻﻌﺐ ﺍﮔﻠﭻ ﺍﻱ ﺍﻓﻜﺮ
ﺍﺣﭽﻴﻠﻲ ﺷﺘﺤﺲ ﻭﺍﺣﺴﺐ ﺭﻭﺣﻚ ﺗﺤﭽﻲ ﻭﻳﺎ ﻧﻔﺴﻚ ﺑﺎﻟﻤﺮﺍﻳﻪ ﻭﺍﻟﺘﺤﭽﻲ ﻳﻨﺪﻓﻦ ﻫﻨﺎ ﺑﺎﻟﻐﺮﻓﻪ ﺑﻴﻨﺎﺗﻨﻪ
ﻣﻦ ﺣﭽﺖ ﻫﻴﭻ ﺣﺒﻴﺖ ﺍﺣﭽﻲ ﺍﻟﺒﺪﺍﺧﻠﻲ ﺍﻟﻬﻪ ﺑﻠﻜﺖ ﺍﺭﺗﺎﺡ ﻻﻥ ﺍﺣﺲ ﺭﻭﺣﻲ ﻣﺤﺘﺎﺝ ﺍﺣﺠﻲ ﻷﺣﺪ .. ﺣﭽﻴﺖ
ﺍﻟﺘﻔﻜﻴﺮ ﻣﻮﺗﻨﻲ ﺳﻤﺎ
ﺑﺸﻨﻮ ﺗﻔﻜﺮ
ﺑﻜﻠﺸﻲ ... ﺑﻐﺪﻳﺮ ﻭﺑﻀﺮﻏﺎﻡ ﻭﺑﺎﺧﻮﻳﻪ ﻭﺑﺎﺧﻮﭺ ﻭﺑﻴﭻ ﻫﺎﻱ ﻏﻴﺮ ﻣﺸﺎﻛﻞ ﺍﻟﻌﺎﻟﻢ ﺍﻟﻌﻠﻰ ﺭﺍﺳﻲ
ﺻﻔﻨﺖ ﻋﻠﻰ ﻛﻼﻣﻪ ﻭﺑﻨﻔﺲ ﺍﻟﻮﻗﺖ ﻧﻘﻬﺮﺕ ﻋﻠﻲ ﺷﮕﺪ ﻣﺘﺤﻤﻞ .. ﺣﭽﻴﺖ
ﺷﺤﺘﺴﻮﻱ ﻋﻠﻰ ﻣﻮﺿﻮﻉ ﻏﺪﻳﺮ
ﻣﺎ ﺑﻴﺪﻱ ﺍﺳﻮﻱ ﺷﻲ
ﺣﺎﭼﻲ ﺿﺮﻏﺎﻡ
ﺍﻧﺘﻲ ﻣﻦ ﻛﻞ ﻋﻘﻠﭻ ﺷﺤﺎﭼﻲ ﻣﺘﮕﻠﻴﻠﻲ ﺍﺭﻭﺡ ﺍﮔﻠﻪ ﻟﺘﺘﺰﻭﺝ ﺑﺖ ﻋﻤﻲ ﻭﺗﻌﺎﻝ ﺍﻧﻄﻴﻚ ﺍﺧﺘﻲ .. ﺟﺒﻴﺮﻩ ﺑﺤﻘﻲ ﻭﺣﻘﻬﻪ ﻟﻤﻦ ﺍﺷﻤﺮ ﺍﺧﺘﻲ ﻟﻮﺍﺣﺪ ﻣﺎ ﺭﺍﻳﺪﻫﻪ
ﺻﻔﻨﺖ ﻛﻼﻣﻪ ﺻﺢ ...
ﻛﺎﻓﻲ ﺍﻣﻴﺮ ﻟﺘﻔﻜﺮ ﻭﺗﻌﺐ ﻧﻔﺴﻚ ﺭﺑﻚ ﻳﺤﻠﻬﺎ ﺣﺎﻭﻝ ﺗﻨﺎﻡ ﺷﻮﻳﻪ
...
ﺣﺎﻭﻟﺖ ﺍﻧﺎﻡ ﺑﻌﺪ ﻣﺎ ﺣﭽﻴﺘﻠﻬﻪ ﺍﻟﺒﮕﻠﺒﻲ ﻣﺎ ﮔﺪﺭﺕ
ﻇﻠﻴﺖ ﺍﺗﮕﻠﺐ ﻭﺍﻟﻮﺟﻊ ﻣﺎﻛﻠﻨﻲ ﻭﻣﺨﻲ ﺭﺍﺡ ﻳﻄﮓ ... ﺣﺴﻴﺖ ﻋﻠﻰ ﺳﻤﺎ ﮔﻌﺪﺕ ﻋﻠﻰ ﺍﻟﺠﺮﺑﺎﻳﻪ ﻳﻤﻲ ﻭﺭﻓﻌﺖ ﺭﺍﺳﻲ ﺑﻴﺪﻫﺎ
....
ﺷﻔﺘﻪ ﻣﺎﮔﺪﺭ ﻳﻨﺎﻡ ﻭﻇﻞ ﻳﺤﻮﺹ ... ﺣﺴﻴﺖ ﺑﻲ ﻭﻋﺮﻓﺖ ﺷﻠﻮﻥ ﻣﺘﻮﺟﻊ ﻭﻣﺘﺤﻤﻞ ﻭﻻﻥ ﻫﻮ ﺭﺟﺎﻝ ﺻﻌﺒﻪ ﻋﻠﻲ ﻳﺒﭽﻲ ﺣﺘﻰ ﻳﺮﺗﺎﺡ ﻣﺜﻞ ﻣﺎ ﺍﺳﻮﻱ ﺍﻧﻲ ﻣﻦ ﺍﻧﻘﻬﺮ ﺍﻭ ﺍﺿﻮﺝ
ﺗﺬﻛﺮﺕ ﻣﻦ ﺑﺠﻴﺖ ﻭﺣﻀﻨﻲ ﺑﺪﻭﻥ ﻣﻴﺘﺮﺩﺩ ﻭﻫﺪﺃﻧﻲ .. ﮔﻠﺖ ﻻﺯﻡ ﺍﺗﺠﺮﺃ ﻭﺍﺭﻭﺣﻠﻪ ﺑﻠﻜﺖ ﻳﻬﺪﺃ ﺷﻮﻳﻪ ﻭﻳﻨﺎﻡ ﻭﻳﺨﻠﺺ ﻣﻦ ﻫﺎﻟﻮﺟﻊ .. ﮔﻤﺖ ﻭﮔﻌﺪﺕ ﻳﻤﻪ ﻋﻠﻰ ﺍﻟﺠﺮﺑﺎﻳﻪ
ﺭﻓﻌﺖ ﺭﺍﺳﻪ ﻭﮔﺘﻠﻪ
ﺗﺮﻳﺪ ﺗﻨﺎﻡ
ﻳﺎﺭﻳﺖ ﺳﻤﺎ ﻳﺎﺭﻳﺖ
ﺗﻤﺪﺩﺕ ﻳﻤﻪ ﻭﺧﻠﻴﺖ ﺭﺍﺳﻲ ﻋﻠﻰ ﺻﺪﺭﻩ ﻭﺍﻧﻲ ﺑﻴﻦ ﺍﻟﺨﺠﻼﻧﻪ ﻭﺑﻴﻦ ﺍﻟﻤﺘﺮﺩﺩﻩ ﻭﺑﻴﻦ ﺍﻟﻤﺴﺘﻐﺮﺑﻪ ﻣﻦ ﺍﻟﺪﻳﺼﻴﺮ
ﺣﺴﻴﺘﻪ ﻓﺘﺢ ﺍﻳﺪﻱ ﻭﺣﻀﻨﻲ ﺣﻴﻞ ﻟﻌﺪ ﺷﮕﺪ ﺗﻌﺒﺎﻥ ... ﻇﻠﻴﺖ ﻧﺎﻳﻤﻪ ﻭﺭﺍﺳﻲ ﺑﻴﻦ ﺣﻀﻨﻪ ﻭﺍﺳﻤﻊ ﺩﮔﺎﺕ ﮔﻠﺒﻪ ﻭﮔﻠﺒﻲ ﻳﻨﺒﺾ ﺳﺮﻳﻊ ... ﺣﺴﻴﺖ ﺑﺮﺍﺣﻪ ﻣﻮ ﻃﺒﻴﻌﻴﻪ ﻭﮔﻠﺒﻲ ﻣﺎ ﺍﻋﺮﻑ ﺷﺼﺎﺭ ﺑﻲ ﺷﻮﻳﻪ ﻭﻧﻤﺖ ﻣﺎ ﺍﻋﺮﻑ ﺷﻠﻮﻥ
....
ﻣﻦ ﺍﺟﺖ ﻳﻤﻲ ﻭﺗﻤﺪﺩﺕ ﻭﺧﻠﺖ ﺭﺍﺳﻬﻪ ﻋﻠﻰ ﺻﺪﺭﻱ ﻧﺼﺪﻣﺖ ﻭﻣﺎ ﺻﺪﮔﺖ ﻫﻴﺞ ﺳﻮﺕ ... ﺗﺮﺩﺩﺕ ﺍﺷﺒﮕﻬﻪ ﺑﺲ ﻓﻌﻼ ﭼﻨﺖ ﻣﺤﺘﺎﭺ ﻟﻬﺬﺍ ﺍﻟﺸﻲ ﻓﺘﺤﺖ ﺍﻳﺪﻱ ﻭﺷﺒﮕﺘﻬﻪ ﻗﻮﻱ ﻭﺧﻠﻴﺖ ﺭﺍﺳﻲ ﻋﻠﻰ ﺷﻌﺮﻫﻪ ... ﺍﻓﻴﻴﺶ ﺷﮕﺪ ﺍﺣﺐ ﻫﺬﺍ ﺍﻟﻌﻄﺮ ﻣﻦ ﻳﻮﻡ ﺍﻟﺸﺒﮕﺘﭻ ﻭﻟﻠﻴﻮﻡ ﻳﻔﺘﺮ ﺑﺮﻳﺘﻲ ... ﺑﺲ ﻻ ﺣﺒﻴﺘﻬﻪ ﻳﺎﺭﺑﻲ ﻣﻮ ﺻﺢ ﻫﺎﻟﺸﻲ ﻣﻮ ﺻﺢ .. ﻇﻠﻴﺖ ﺷﺎﺑﮕﻬﻪ ﻭﺣﺴﻴﺖ ﺑﺮﺍﺣﻪ ﻣﻮ ﻃﺒﻴﺒﻌﻴﻪ ﻭﻏﻤﻀﺖ ﻋﻴﻨﻲ ﻭﻧﻤﺖ
