#فصليه_لأناس_لايرحمون
٣٢______٣٥
الأخيرررررااااات
# ﻓﺼﻠﻴﻪ _ ﻷُﻧﺎﺱ _ ﻻﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ _ ﺍﻟﻤﻮﺳﻮﻱ
ﻣﻦ ﮔﺎﻝ ﺳﻤﺎ ﺣﻈﺮﻱ ﺭﻭﺣﭻ ﺍﻭﺩﻳﭻ ﻷﻫﻠﭻ ﻣﺎ ﺻﺪﮔﺖ ﺍﻟﺴﻤﻌﺘﻪ .. ﻧﺼﺪﻣﺖ ﻭﺗﻔﺎﺟﺄﺕ ﺑﺲ ﺍﻻﻫﻢ ﻣﻦ ﻛﻞ ﻫﺬﺍ ﻓﺮﺣﺖ ..
ﺍﻱ ﻓﺮﺣﺖ ﻭﺍﺧﻴﺮﺍ ﺣﺮﺟﻊ ﻟﺤﻀﻦ ﻣﺎﻣﺎ .. ﻭﺍﺧﻴﺮﺍ ﺣﺨﻠﺺ ﻣﻨﻬﻢ ﻭﺍﺭﺗﺎﺡ ﻣﻦ ﻫﺬﺍ ﺍﻟﻌﺬﺍﺏ
ﺷﻜﺮﺍ ﻳﺎﺭﺑﻲ ﺷﻜﺮﺍ ﻻﻥ ﺍﺳﺘﺠﺎﺑﻴﺖ ﻟﺪﻋﺎﺋﻲ ﻭﻋﻮﺿﺖ ﺻﺒﺮﻱ ﺧﻴﺮ
ﺳﻤﻌﺖ ﺍﺑﻮ ﮔﺎﻡ ﻳﺤﭽﻲ .. ﺷﻠﻮﻥ ﺗﺮﺟﻌﻬﺎ ﻭﺑﻜﻴﻔﻚ ﺗﺘﺼﺮﻑ
ﺻﺎﺡ ﺑﻴﻬﻢ ﻭﮔﻠﻬﻢ ﻭﻫﻮ ﺻﺎﻳﺮ ﺍﻋﺼﺎﺏ
ﺍﻱ ﺑﻜﻴﻔﻲ .. ﺍﻧﻪ ﺍﻟﺸﻴﺦ ﻭﺍﻧﻪ ﺍﻟﺠﺒﺘﻬﻪ ﻭﺍﻧﻪ ﺍﻟﺮﺍﺡ ﺍﺭﺟﻌﻬﻪ ﻟﻬﻨﺎ ﻭﻛﺎﻓﻲ ﻃﻠﻊ ﺩﻡ ﺍﺑﻨﻜﻢ ﻭﺯﺍﻳﺪ ﻭﺍﻟﺒﺎﻗﻲ ﻳﺮﻭﺡ ﻓﺪﻭﻩ ﻟﺠﺰﺍﺀ ﻏﻠﻄﻪ ﻭﻃﻴﺸﻪ
ﻋﻔﺘﻬﻢ ﻭﺭﺣﺖ ﺍﺭﻛﺾ ﻟﻐﺮﻓﺔ ﻏﺪﻳﺮ ﻭﺍﻧﻲ ﻓﺮﺣﺎﻧﻪ
ﻓﺘﺤﺖ ﺍﻟﻜﻨﺘﻮﺭ ﻭﺑﺪﻳﺖ ﺍﻃﻠﻊ ﺍﻟﻤﻼﺑﺲ ﻭﮔﻠﺒﻲ ﻳﺪﮒ ﺳﺮﻳﻊ ﻭﻣﺎ ﻣﺼﺪﮔﻪ ﻛﻞ ﺍﻟﺼﺎﺭ
ﻧﻔﺘﺤﺖ ﺍﻟﺒﺎﺏ ﻭﻃﺒﺖ ﻏﺪﻳﺮ
ﺭﻓﻌﺖ ﺭﺍﺳﻲ ﻭﺍﻧﻲ ﺍﺿﺤﻚ ﻭﺍﻋﺎﻳﻨﻠﻬﺎ .. ﺷﻔﺘﻬﺎ ﺍﻟﺪﻣﻮﻉ ﺑﻌﻴﻨﻬﺎ ﻭﻭﺍﮔﻔﻪ ﺑﺎﻟﺒﺎﺏ
ﻓﺠﺄﻩ ﺻﺤﻴﺖ ﻋﻠﻰ ﺭﻭﺣﻲ ﻭﺍﺧﺘﻔﺖ ﺍﺑﺘﺴﺎﻣﺘﻲ
ﺭﻏﻢ ﻛﻞ ﺍﻷﻟﻢ ﺍﻟﻌﺸﺘﻪ ﺑﻬﺬﺍ ﺍﻟﺒﻴﺖ ﺑﺲ ﺍﻛﻮ ﺷﻲ ﺑﻲ ﻳﺮﺑﻄﻨﻲ ﺑﻲ .. ﺍﻛﻮ ﺷﻲ ﻳﺨﺼﻨﻲ
ﺍﻛﻮ ﻏﺪﻳﺮ ﺍﺧﺘﻲ ﺍﻟﻤﺎﺟﺎﺑﺘﻬﺎ ﺍﻣﻲ .. ﺍﻟﻮﮔﻔﺖ ﻭﻳﺎﻳﻪ ﻭﺳﺎﻧﺪﺗﻨﻲ ﻭﻣﺎ ﺗﺨﻠﺖ ﻋﻨﻲ ﺣﺘﻰ ﺑﺄﺻﻌﺐ ﺍﻟﻀﺮﻭﻑ
ﺍﻛﻮ ﺍﻣﻴﺮ ﺍﻟﺤﺒﻴﺘﻪ ﻭﭼﺎﻥ ﺍﻭﻝ ﺭﺟﺎﻝ ﻳﺪﺧﻞ ﺍﻟﮕﻠﺒﻲ ﻭﻳﺴﺘﻮﻃﻦ ﻣﺸﺎﻋﺮﻱ ﺑﺪﻭﻥ ﺍﺫﻥ ﻣﻨﻲ .. ﺑﺲ ﻟﻸﺳﻒ ﻣﺎ ﻛﺎﻥ ﮔﺪ ﻫﺬﺍ ﺍﻟﺤﺐ ﻭﻻ ﮔﺪﺭ ﻳﺘﻤﺴﻚ ﺑﻴﻪ
ﻧﺰﻟﺖ ﺩﻣﻮﻋﻲ ﻓﺠﺄﻩ .. ﻭﻧﺴﻴﺖ ﺍﻟﻔﺮﺡ ﺍﻟﭽﻨﺖ ﺍﺣﺲ ﺑﻲ ﻗﺒﻞ ﻟﺤﻈﺎﺕ
ﻓﺘﺤﺖ ﺍﻳﺪﻱ ﺍﻻﺛﻨﻴﻦ ﺍﻟﻐﺪﻳﺮ .. ﻭﺍﺟﺖ ﺗﺮﻛﺾ ﺑﺴﺮﻋﻪ ﻭﺣﻀﻨﺘﻨﻲ ﻭﻫﻲ ﺗﺸﻬﮓ ﻣﻦ ﺍﻟﺒﭽﻲ
ﻭﻟﭻ ﺳﻤﺎ ﺻﺪﮒ ﺭﺍﺡ ﺗﻌﻮﻓﻴﻨﻲ ... ﻭﻟﭻ ﺷﻌﻨﺪﻱ ﻏﻴﺮﭺ ﺑﻬﺬﺍ ﺍﻟﺒﻴﺖ
ﺳﻤﺎ ﺍﻧﺘﻲ ﺍﺧﺘﻲ ﺍﻟﻮﺣﻴﺪﻩ ﺍﻟﻄﻠﻌﺖ ﻣﻨﻬﻪ ﻣﻦ ﻫﺎﻱ ﺍﻟﺪﻧﻴﻪ ﺗﺎﻟﻲ ﻫﻨﺖ ﻋﻠﻴﭻ ﻭﺭﺍﺡ ﺗﻌﻮﻓﻴﻨﻲ
ﺍﻟﻠﻪ ﻋﻠﻴﭻ ﻟﺘﺮﻭﺣﻴﻦ ﻭﺍﻭﻋﺪﭺ ﺑﻌﺪ ﻣﺎ ﺍﺧﻠﻲ ﺍﺣﺪ ﻳﺄﺫﻳﭻ ﻭﺍﺗﻮﺳﻞ ﺑﺄﻣﻴﺮ ﻳﺤﻤﻴﭻ ﻣﻨﻬﻢ
ﮔﻤﺖ ﺍﺑﭽﻲ ﻟﻜﻼﻣﻬﺎ ﻭﺍﻧﻲ ﺣﺎﺿﻨﺘﻬﺎ ﺣﻴﻞ
ﻏﺪﻳﺮ ﺍﻧﺘﻲ ﺍﺧﺘﻲ ﺍﻟﻤﺎ ﺟﺎﺑﺘﻬﺎ ﺍﻣﻲ .. ﺍﻭﻋﺪﭺ ﻣﺎ ﺍﻧﺴﺎﭺ ﻃﻮﻝ ﻋﻤﺮﻱ ﻭﺍﺩﻋﻴﻠﭻ ﻳﻮﻣﻴﻪ ﺑﺼﻼﺗﻲ ﺍﻟﻠﻪ ﻳﺮﻳﺢ ﮔﻠﺒﭻ ﻭﻳﺴﻌﺪ ﺑﺨﺘﭻ
ﻣﺠﺒﻮﺭﻩ ﺍﺭﻭﺡ ﻏﺪﻳﺮ ﺳﺎﻣﺤﻴﻨﻲ ... ﻭﻟﺘﺨﺎﻓﻴﻦ ﺍﻧﺘﻲ ﻣﻮ ﻭﺣﺪﭺ
ﺍﻣﻴﺮ ﺍﺧﻮﭺ ﻭﻳﺎﭺ ﻳﺤﺒﭻ ﻭﻳﺨﺎﻑ ﻋﻠﻴﭻ ﺣﺘﻰ ﻣﻦ ﺍﻟﻬﻮﻯ .. ﻭﺧﺮﺗﻬﺎ ﻣﻦ ﺣﻀﻨﻲ ﻭﺭﻓﻌﺖ ﺭﺍﺳﻬﺎ ﺑﻴﺪﻱ ﻭﻋﺎﻳﻨﺖ ﻟﻌﻴﻮﻧﻬﺎ ﻣﻠﻴﺎﻧﻪ ﺩﻣﻮﻉ
ﺿﺮﻏﺎﻡ ﻭﻳﺎﭺ ﻏﺪﻳﺮ .. ﺳﻤﻌﺘﻲ ﺷﻠﻮﻥ ﻳﺤﺒﭻ ﻣﻦ ﺍﻟﻄﻔﻮﻟﻪ ﻣﺜﻞ ﻣﺎ ﺍﻧﺘﻲ ﺗﺤﺒﻲبيج قصص عراقيه حقيقيه من واقعنا.روعه الطائي
ﺍﻥ ﺷﺎﺀ ﺍﻟﻠﻪ ﺑﻌﺪ ﻓﺘﺮﻩ ﺑﺴﻴﻄﻪ ﺗﺘﺰﻭﺟﻮﻥ ﻭﺗﺤﻘﻘﻴﻦ ﺣﻠﻤﭻ ﺍﻟﭽﻨﺘﻲ ﻃﻮﻝ ﻋﻤﺮﭺ ﺗﺤﻠﻤﻴﻦ ﺑﻲ
ﮔﺎﻣﺖ ﺗﺸﻬﮓ ﻭﺗﮕﻮﻝ .. ﺳﻤﺎ ﺭﺩﺗﭻ ﻣﻮﺟﻮﺩﻩ ﻭﻳﺎﻱ ﺑﻬﺬﺍ ﺍﻟﻴﻮﻡ ﺷﻠﻮﻥ ﺍﺗﺤﻤﻞ ﺍﻟﺒﻴﺖ ﺑﻐﻴﺎﺑﭻ ﻭﺍﻟﻠﻪ ﺻﻌﺒﻪ ﺳﻤﺎ ﺻﻌﺒﻪ ... ﻭﺭﺟﻌﺖ ﺣﻀﻨﺘﻲ ﻭﮔﺎﻣﺖ ﺗﺒﭽﻲ
ﺭﻓﻌﺖ ﺭﺍﺳﻲ ﻭﺍﻧﻲ ﺣﺎﺿﻨﺘﻬﺎ ﻭﺍﺑﭽﻲ .. ﺷﻔﺖ ﺍﻣﻴﺮ ﻭﺍﮔﻒ ﺑﺎﻟﺒﺎﺏ ﻭﻳﻌﺎﻳﻦ ﻋﻠﻴﻨﻪ ﺑﻨﻀﺮﺍﺕ ﻏﺮﻳﺒﻪ
....
ﮔﻠﺖ ﻟﺴﻤﺎ ﺗﺤﻈﺮ ﺭﻭﺣﻬﻪ ﺣﺘﻰ ﺍﺭﺟﻌﻬﻪ ﻻﻫﻠﻬﻪ
ﻟﻬﻨﺎ ﻭﻛﺎﻓﻲ ﺍﻟﺒﺖ ﺗﻌﺬﺑﺖ ﻭﻳﺎﻱ ﻭﻳﺎ ﺍﻫﻠﻲ ﻫﻮﺍﻱ .. ﻭﺍﻷﻫﻢ ﻣﻦ ﻛﻞ ﻫﺬﺍ ﻣﺎ ﻃﺎﻳﻘﻪ ﻭﺟﻮﺩﻱ ﻭﺗﻨﺘﻈﺮ ﺍﻟﻴﻮﻡ ﺍﻟﺘﺨﻠﺺ ﻣﻨﻲ ﺑﻔﺎﺭﻍ ﺍﻟﺼﺒﺮ
ﻣﻦ ﮔﻠﺘﻠﻬﻪ ﺍﺭﺟﻌﭻ ﺍﻻﻫﻠﭻ ﺷﻔﺖ ﺍﻟﻔﺮﺣﻪ ﺑﻌﻴﻮﻧﻬﻪ ﺍﻟﻐﺎﺑﺖ ﻋﻨﻬﻪ ﻣﻦ ﺍﺟﺖ ﻟﻬﺬﺍ ﺍﻟﺒﻴﺖ
ﺻﻌﺪﺕ ﻭﺻﻌﺪﺕ ﻏﺪﻳﺮ ﻭﺭﺍﻫﻪ .. ﻭﻇﻠﻴﺖ ﺍﺗﺠﺎﺩﻝ ﻭﻳﺎ ﺍﺑﻮﻱ ﻋﻠﻰ ﻫﺎﻱ ﺍﻟﺴﺎﻟﻔﻪ
ﺣﭽﻲ ﺍﺳﻤﻌﻨﻲ ﺍﻟﻌﻨﺪﻱ ﮔﻠﺘﻪ ﻭﻫﺎﻱ ﺍﻟﺒﺖ ﺍﻟﻴﻮﻡ ﺗﺒﺎﺕ ﺑﺒﻴﺖ ﺍﻫﻠﻬﻪ ﻭﻓﻀﺖ ﺍﻟﺴﺎﻟﻔﻪ
ﻭﺍﻟﻮﺍﺩﻡ ﺷﻨﮕﻠﻠﻬﻢ ﻳﺎ ﺍﻣﻴﺮ
ﺳﺎﻣﺮ ﺍﻟﻮﺍﺩﻡ ﻣﻦ ﻳﺤﭽﻮﻥ ﻳﺤﭽﻮﻥ ﻋﻠﻲ ﺍﻧﻪ ﻣﻮ ﻋﻠﻴﻜﻢ .. ﻋﻮﻓﻮﻟﻲ ﻫﺎﻱ ﺍﻟﺴﺎﻟﻔﻪ ﺍﻧﻪ ﺍﺣﻠﻬﻪ ..
ﺳﻤﻌﺖ ﻭﺳﺎﻡ ﺣﭽﻪ
ﻫﺬﺍﻫﻮ ﺧﻮﻳﻪ ﺑﺮﺍﺣﺘﻚ ﺳﻮﻱ ﺍﻟﻴﻌﺠﺒﻚ ﻭﺍﻧﻲ ﺑﺮﺃﻳﻲ ﻫﺬﺍ ﺍﻟﺼﺢ ﺍﻟﺒﺖ ﺗﻌﺬﺑﺖ ﻫﻮﺍﻱ ﻭﻫﻲ ﻣﺎﻟﻬﻪ ﺫﻧﺐ .. ﺍﻟﺬﻧﺐ ﺍﻻﺳﺎﺱ ﺫﻧﺐ ﺍﺧﻮﻱ ﺍﻟﻠﻪ ﻳﺮﺣﻤﻪ
ﻋﻔﺘﻬﻢ ﻭﺻﻌﺪﺕ ﻭﺍﻧﻪ ﺣﺎﻣﻞ ﺣﻤﻞ ﺑﺼﺪﺭﻱ ﺑﺲ ﺍﻟﻠﻪ ﻳﻌﻠﻢ ﺑﻲ
ﻭﺻﻠﺖ ﻟﻐﺮﻓﺔ ﻏﺪﻳﺮ ﻭﺷﻔﺘﻬﻪ ﺷﻠﻮﻥ ﺣﺎﺿﻨﻪ ﺳﻤﺎ ﻭﺗﺘﻮﺳﻞ ﺑﻴﻬﻪ ﺣﺘﻰ ﻣﺘﻌﻮﻓﻬﻪ ﻭﺗﺮﻭﺡ
ﻭﺳﻤﺎ ﺗﺤﺎﻭﻝ ﺗﻘﻨﻊ ﺑﻴﻬﻪ
ﺍﻟﻤﻮﻗﻒ ﺑﻬﺬﻳﭻ ﺍﻟﻠﺤﻈﻪ ﺻﻌﺐ ﻛﻠﺶ ﺍﺷﺮﺣﻪ ﺑﻜﻠﻤﺎﺕ ﺑﺴﻴﻄﻪ .. ﻳﺎﺭﺑﻲ ﺻﺒﺮﻧﻲ ﻭﺍﻧﺖ ﺻﺎﺣﺐ ﺍﻟﺼﺒﺮ
ﺷﻔﺖ ﺳﻤﺎ ﺍﻧﺘﺒﻬﺘﻠﻲ ﻭﺍﮔﻒ
ﻋﺎﻓﺖ ﻏﺪﻳﺮ ﻭﺍﺟﺘﻲ ﺑﺎﺗﺠﺎﻫﻲ
ﺍﻣﻴﺮ ﺷﻜﺮﺍ ﺍﻟﻚ .. ﺷﻜﺮﺍ ﻣﻦ ﻛﻞ ﮔﻠﺒﻲ ﻋﻠﻰ ﻫﺬﺍ ﺍﻟﻤﻮﻗﻒ .. ﻣﺤﻨﺴﻰ ﻃﻮﻝ ﺣﻴﺎﺗﻲ ﺻﺪﮔﻨﻲ
ﺗﺸﻜﺮﻧﻲ ﻭﺍﻧﻪ ﺑﺪﺍﺧﻠﻲ ﺍﮔﻠﻬﻪ ﻳﺎﺭﻳﺘﭻ ﺗﺤﺴﻴﻦ ﺑﺎﻟﻨﺎﺭ ﺍﻟﻮﺍﺟﻪ ﺑﻴﻪ ﻋﻠﻰ ﻓﺮﺍﮔﺞ
ﺟﺎﻭﺑﺘﻬﻪ ﻣﺎﻛﻮ ﺩﺍﻋﻲ ﺗﺸﻜﺮﻳﻨﻲ ﻫﺬﺍ ﺍﻟﺸﻲ ﭼﺎﻥ ﻻﺯﻡ ﻳﺼﻴﺮ ﻣﻦ ﺯﻣﺎﻥ ..
ﺧﻠﺼﻲ ﻭﺍﻧﻪ ﻧﺎﻃﺮﭺ ﺑﺎﻟﺼﺎﻟﻪ ﻻ ﺗﺘﺄﺧﺮﻳﻦ .. ﻭﻧﺰﻟﺖ ﻭﻋﻔﺘﻬﻢ
.....
ﺍﻧﻄﺘﻨﻲ ﻏﺪﻳﺮ ﺟﻨﻄﻪ ﺻﻐﻴﺮﻩ ﺧﻠﻴﺖ ﺑﻴﻬﺎ ﻣﻼﺑﺴﻲ ﻣﺎ ﻋﻨﺪﻱ ﻫﻮﺍﻱ ﻣﻼﺑﺲ ﺍﺻﻼ
ﺧﻠﻴﺖ ﮔﻼﺑﻴﺎﺗﻲ ﺑﻜﻨﺘﻮﺭ ﻏﺪﻳﺮ ﻭﻣﺎ ﺍﺧﺬﺗﻬﻦ .. ﺩﺭﺕ ﻭﺟﻬﻲ ﻋﻠﻰ ﻏﺪﻳﺮ ﻭﺷﻔﺘﻬﺎ ﺑﻌﺪﻫﺎ ﺗﺒﭽﻲ
ﻟﺘﺒﭽﻴﻦ ﺣﺒﻲ ﺍﻟﻠﻪ ﻋﻠﻴﺞ ﺷﻮﻓﻲ ﻫﺎﻱ ﮔﻼﺑﻴﺎﺗﻲ ﺧﻠﻴﺘﻬﻦ ﺑﻜﻨﺘﻮﺭﭺ ﻛﻠﻤﺎ ﺗﻔﺘﺤﻲ ﻭﺗﺸﻮﻓﻴﻨﻬﻦ ﺗﺬﻛﺮﻳﻨﻲ
ﮔﺎﻣﺖ ﺗﺒﺠﻲ ﻭﺭﻛﻀﺖ ﺣﻀﻨﺘﻨﻲ ﻭﻫﻲ ﺗﻜﻮﻝ
ﻻ ﺗﻨﺴﻴﻨﻲ ﺳﻤﺎ ﻭﺍﻟﻠﻪ ﺍﻧﻪ ﻣﺮﺍﺡ ﺍﻧﺴﺎﭺ ﻭﺍﻇﻞ ﻟﻠﻤﻮﺕ ﺍﺣﺒﻨﭻ
ﺑﺴﺘﻬﺎ ﻭﻣﺴﺤﺖ ﺩﻣﻮﻋﻬﺎ ﻭﺍﻧﻲ ﺍﮔﻮﻟﻬﺎ ...
ﺍﻛﻮ ﺣﺪﻩ ﺗﻨﺴﻰ ﺍﺧﺘﻬﺎ ﺷﺪﺗﺤﭽﻴﻦ ﻏﺪﻳﺮ
ﺭﺍﺣﺖ ﺟﺎﺑﺖ ﻭﺭﻗﻪ ﻭﻗﻠﻢ ﻭﻛﺘﺒﺖ ﺭﻗﻤﻬﺎ ﺍﻟﻲ
ﻫﺎﭺ ﻫﺬﺍ ﺭﻗﻤﻲ ﻭﺻﻔﺤﺘﻲ ﺑﺎﻟﻔﻴﺲ ﺗﻌﺮﻓﻴﻬﺎ ﺍﻧﺘﻲ .. ﺍﻟﻠﻪ ﻋﻠﻴﭻ ﺑﺲ ﻳﺼﻴﺮ ﻋﻨﺪﭺ ﺭﻗﻢ ﻭﺗﻔﺘﺤﻴﻦ ﺍﻟﻔﻴﺲ ﻣﺎﻟﭻ ﺧﺎﺑﺮﻳﻨﻲ ﺍﻧﺘﻈﺮﭺ ﺩﻗﻴﻘﻪ ﺩﻗﻴﻘﻪ ﻣﻮ ﺗﻨﺴﻴﻦ
ﺗﺘﺪﻟﻠﻴﻦ ﺣﻴﺎﺗﻲ ﻣﺎ ﺍﻧﺴﻰ ﺍﻭﻋﺪﭺ
ﻟﺒﺴﺖ ﺍﻟﺠﺒﻪ ﻭﻓﻮﮔﺎﻫﺎ ﺍﻟﻌﺒﺎﻳﻪ ﻭﻣﺎ ﺍﻋﺮﻑ ﻟﻴﺶ ﻟﺒﺴﺖ ﺍﻟﻌﺒﺎﻳﻪ ﻣﻊ ﺍﻧﻲ ﺭﺍﺟﻌﻪ ﻟﺒﻐﺪﺍﺩ ﻭﻻﺯﻡ ﺍﻧﺴﻰ ﻛﻠﺸﻲ ﻫﻨﺎ
ﺩﺭﺕ ﻭﺟﻬﻲ ﻋﻠﻰ ﻏﺪﻳﺮ ﻭﺷﻔﺘﻬﺎ ﺗﻌﺎﻳﻨﻠﻲ ﻭﺗﺒﭽﻲ ﺭﻛﻀﺖ ﺣﻀﻨﺘﻬﺎ
ﻏﺪﻭﺭﻩ ﺩﻳﺮﻱ ﺑﺎﻟﭻ ﻋﻠﻰ ﻧﻔﺴﭻ ﻭﺑﺲ ﻳﺼﻴﺮ ﺷﻲ ﻭﻳﺎﭺ ﺣﺎﭼﻴﻨﻲ ﻧﻈﻞ ﻧﺘﻮﺍﺻﻞ ﻣﺘﻔﺮﻗﻨﻪ ﺍﻟﻤﺴﺎﻓﺎﺕ ﻭﻻ ﺗﻨﻬﻲ ﺧﻮﺗﻨﻪ
ﻧﺰﻟﺖ ﻭﻧﺰﻟﺖ ﻏﺪﻳﺮ ﻭﻳﺎﻳﻪ ﻭﻫﻲ ﻣﺘﺴﻜﺖ ﻣﻦ ﺍﻟﺒﭽﻲ
ﻋﺎﻳﻨﺖ ﺍﻻﻣﻴﺮ ﺍﻧﺘﺒﻪ ﻋﻠﻴﻨﻪ ﻣﻦ ﻧﺰﻟﻨﻪ ﻭﻇﻞ ﻳﻌﺎﻳﻨﻠﻲ
...
ﻧﺰﻟﺖ ﻭﻇﻠﻴﺖ ﺍﻧﺘﻈﺮﻫﻢ ﺑﺎﻟﺼﺎﻟﻪ ﻭﺍﻧﻲ ﮔﻠﺒﻲ ﻣﺜﻞ ﺍﻟﻨﺎﺭ .. ﺍﺗﻤﻨﻰ ﻫﺎﻱ ﺍﻟﺪﻗﺎﻳﻖ ﻣﺘﻤﺸﻲ .. ﺍﺗﻤﻨﻰ ﺍﻟﺰﻣﻦ ﻳﻮﮔﻒ ﺑﻬﺎﻱ ﺍﻟﻠﺤﻈﻪ
ﺭﺑﻲ ﺷﻠﻮﻥ ﺭﺍﺡ ﺍﺣﻤﻞ ﻏﻴﺎﺑﻬﻪ ... ﺍﻟﻬﻲ ﻣﺜﻞ ﻣﺎ ﺯﺭﻋﺖ ﺣﺒﻬﻪ ﺑﻲ ﺷﻴﻠﻪ ﻣﻦ ﮔﻠﺒﻲ ﻭﺭﻳﺤﻨﻲ
ﻧﺰﻟﺖ ﻭﺷﻔﺘﻬﻪ ﻻﺑﺴﻪ ﺍﻟﺠﺒﻪ ﻭﻓﻮﮔﺎﻫﻪ ﺍﻟﻌﺒﺎﻳﻪ ﻣﺎ ﺗﻮﻗﻌﺖ ﻣﻨﻬﻪ ﻫﺎﻱ ﺍﻟﺤﺮﻛﻪ ﻧﺼﺪﻣﺖ ﻛﻠﺶ
ﺷﻔﺘﻬﻪ ﺭﺍﺣﺖ ﺑﺎﺗﺠﺎﻩ ﺍﻣﻲ ﻭﮔﻌﺪﺕ ﻳﻢ ﺭﺟﻠﻬﻪ ﻭﮔﺎﻟﺘﻠﻬﻪ
ﺧﺎﻟﻪ ﺳﺎﻣﺤﻴﻨﻲ ﺍﺫﺍ ﺑﺪﺭ ﻣﻨﻲ ﺷﻲ ﻏﻠﻂ ﺑﺲ ﻭﺍﻟﻠﻪ ﺍﻧﻲ ﻣﺎﻟﻲ ﺫﻧﺐ ﺑﻜﻠﺸﻲ ﺻﺎﺭ ﻭﻣﻊ ﺫﺍﻟﻚ ﺍﻋﺘﺬﺭ ﻣﻦ ﮔﻠﺒﭻ ﺍﻟﻤﻠﭽﻮﻡ ﻧﻴﺎﺑﻪ ﻋﻦ ﺍﺧﻮﻳﻪ
ﺑﺎﺳﺖ ﺭﺍﺳﻬﻪ ﺍﻣﻲ ﻭﮔﺎﻟﺘﻠﻬﻪ ﻭﺍﻧﺘﻲ ﻫﻢ ﺳﺎﻣﺤﻴﻨﻪ ﻳﻤﻪ ﻣﺤﺮﻭﺳﻪ ﺑﻌﻠﻲ
ﮔﺎﻣﺖ ﻭﻋﺎﻳﻨﺖ ﺍﻻﻫﻠﻲ ﻭﺍﺣﺪ ﻭﺍﺣﺪ ﺣﺘﻰ ﻧﺴﻮﺍﻥ ﺍﺧﻮﺗﻲ ﻭﮔﺎﻟﺘﻠﻬﻢ ﻣﻊ ﺍﻟﺴﻼﻣﻪ ﺳﺎﻣﺤﻮﻧﻲ ﺍﺫﺍ ﺍﺫﻳﺖ ﻭﺍﺣﺪ ﺑﻴﻮﻡ ﻣﻨﻜﻢ ﻭﺑﺪﻭﻥ ﻗﺼﺪ ﻭﺍﻧﻲ ﻣﻦ ﻳﻤﻲ ﻣﺴﺎﻣﺤﺘﻜﻢ
ﺭﺩ ﻋﻠﻴﻬﻪ ﻭﺳﺎﻡ ﺍﺧﻮﻱ
ﺑﺎﻟﺴﻼﻣﻪ ﺧﻴﺘﻲ ﻭﺍﺳﺘﺮﻱ ﻣﺎ ﺷﻔﺘﻲ ﻣﻨﻪ
ﻳﺎ ﺍﻟﻠﻪ ﺷﮕﺪ ﻫﺎﻱ ﺍﻟﺒﻨﻴﻪ ﺻﺎﻓﻴﻪ ﻭﻧﻘﻴﻪ .. ﺭﻏﻢ ﻛﻞ ﺍﻟﺴﻮﻳﻨﺎ ﺑﻴﻬﻪ ﺟﺎﻱ ﺗﻌﺘﺬﺭ ﻣﻨﻬﻢ
ﺍﺧﺬﺗﻬﻪ ﻭﻃﻠﻌﺖ ﻭﻏﺪﻳﺮ ﻃﻠﻌﺖ ﻭﻳﺎﻧﻪ ﻟﻠﺴﻴﺎﺭﻩ
ﻏﺪﻳﺮ ﻛﺎﻓﻲ ﺭﺟﻌﻲ ﺧﻠﻲ ﻧﺘﺤﺮﻙ
ﻟﺤﻈﻪ ﺍﻣﻴﺮ ﺍﻟﻠﻪ ﻋﻠﻴﻚ ﺑﺲ ﺍﺣﭽﻲ ﻭﻳﺎﻫﻪ ﺷﻮﻳﻪ
ﻳﻠﻪ ﻓﻀﻴﻨﻪ
ﺩﺍﺭﺕ ﻭﺟﻬﻪ ﻋﻠﻰ ﺳﻤﺎ ﻭﮔﺎﻣﺖ ﺗﺒﭽﻲ
ﺳﻤﺎﻭﻱ ﺣﺒﻴﺒﻪ ﺻﺪﮒ ﺻﺎﺭﺕ ﻭﺭﺍﺡ ﺗﺮﺣﻴﻦ ﻣﻨﻮ ﺍﻟﻲ ﻣﻦ ﺑﻌﺪﭺ
ﻟﺘﺒﺠﻴﻦ ﺣﻴﺎﺗﻲ ﺑﺪﺍﻋﺘﻲ ﻫﺬﺍ ﺍﻣﻴﺮ ﻣﻮﺟﻮﺩ ﻭﺍﻣﭻ ﻭﺍﺑﻮﭺ ﻭﺍﺧﻮﺗﭻ ﻣﻮﺟﻮﺩﻳﻦ ﻭﺍﻧﻲ ﻣﺎ ﺍﻧﺴﺎﭺ ﺻﺪﮔﻴﻨﻲ
ﻳﻼ ﻣﺴﺤﻲ ﺩﻣﻮﻋﭻ ﻭﺩﺧﻠﻲ ﻟﻠﺒﻴﺖ ﻭﻛﺎﻓﻲ ﺑﭽﻲ
ﺳﻤﻌﺖ ﻛﻼﻡ ﺳﻤﺎ ﻭﺭﺍﺣﺖ ﻟﻠﺒﻴﺖ ﻭﻛﻞ ﺷﻮﻳﻪ ﺗﺘﻠﻔﺖ ﻋﻠﻴﻬﻪ
ﺻﻌﺪﺕ ﺳﻤﺎ ﺑﺎﻟﺴﻴﺎﺭﻩ ﻭﺻﻌﺪﺕ ﺍﻧﻲ ﻭﺷﻐﻠﺘﻬﻪ ﻭﺣﺮﻛﺖ
...
ﻧﺰﻟﺖ ﻭﺳﻠﻤﺖ ﻋﻠﻰ ﺍﻡ ﺍﻣﻴﺮ ﻭﺍﻋﺘﺬﺭﺕ ﻣﻨﻬﺎ ﻻﻧﻲ ﺍﻗﺪﺭ ﺣﺮﮔﺖ ﮔﻠﺒﻬﺎ ﻋﻠﻰ ﺍﺑﻨﻬﺎ .. ﭼﺎﻥ ﺭﺩﻫﺎ ﺍﻟﻲ ﺑﺎﻋﺘﺬﺍﺭ ﻣﺘﺒﺎﺩﻝ
ﺭﻓﻌﺖ ﺭﺍﺳﻲ ﻭﺍﻋﺘﺬﺭﺕ ﻣﻦ ﺍﻟﻜﻞ ﻣﻊ ﺍﻧﻲ ﻣﺎ ﻏﻠﻄﺖ ﺑﺤﻖ ﺍﺣﺪ ﺑﺲ ﻣﻊ ﺫﺍﻟﻚ ﺻﺎﺭ ﺑﻴﻨﻲ ﻭﺑﻴﻨﻬﻢ ﺯﺍﺩ ﻭﻣﻠﺢ ﻭﺍﻟﻌﺸﺮﻩ ﻣﺘﻬﻮﻥ ﺇﻻ ﻋﻠﻰ ﺍﺑﻦ ﺍﻟﺤﺮﺍﻡ
ﻛﻤﻠﺖ ﻣﻨﻬﻢ ﻭﻃﻠﻌﻨﻪ ﻣﻦ ﺑﺎﺏ ﺍﻟﻤﻄﺒﺦ ... ﻋﺎﻳﻨﺖ ﻟﻠﻤﻄﺒﺦ ﻭﺍﺗﻲ ﺻﺎﻓﻨﻪ ﻋﻠﻰ ﻛﻞ ﺗﻔﺎﺻﻠﻴﻪ
ﺷﮕﺪ ﺍﻟﻲ ﺫﻛﺮﻳﺎﺕ ﺑﻴﻚ ﺷﮕﺪ ﺍﺷﺘﻐﻠﺖ ﻫﻨﺎ ﻭﺑﭽﻴﺖ ﻫﻨﺎ ﻭﺗﺮﺯﻟﺖ ﻫﻨﺎ ﻭﻧﻬﺎﻧﻴﺖ ﻫﻨﺎ ﻭﺣﻀﺮﺕ ﺍﻻﻣﻴﺮ ﺭﻳﻮﮒ ﻫﻨﺎ ﻭﺗﺮﻳﮕﺖ ﺍﻧﻲ ﻭﻳﺎ ﻷﻭﻝ ﻣﺮﻩ ﻫﻨﺎ ...
ﻗﺎﻃﻌﺖ ﺻﻔﻨﺘﻲ ﻭﻃﻠﻌﺖ ﻭﻃﻠﻌﺖ ﻏﺪﻳﺮ ﻭﻳﺎﻧﻪ ﻭﻣﺘﻘﺒﻞ ﺗﻌﻮﻓﻨﻲ ﮔﻮﻩ ﻗﻨﻌﺘﻬﺎ ﺗﺮﻭﺡ ﻭﻟﺤﺪ ﻣﺎ ﺣﺮﻙ ﺍﻣﻴﺮ ﺍﻟﺴﻴﺎﺭﻩ ﻫﻲ ﺗﻌﺎﻳﻦ ﻭﺭﺍﻧﻪ .. ﺍﺣﺒﭻ ﻏﺪﻳﺮ ﻭﻣﺮﺍﺡ ﺍﻧﺴﺎﭺ
......
ﻃﻮﻝ ﺍﻟﻄﺮﻳﻖ ﺍﻧﻪ ﺳﺎﻛﺖ ﻭﺳﻤﺎ ﻫﻢ ﺳﺎﻛﺘﻪ ... ﺍﻟﻬﺪﻭﺀ ﻋﺎﻡ ﺍﻟﻤﻜﺎﻥ ﻭﺍﻟﺤﺰﻥ ﻣﺨﻴﻢ ﻋﻠﻴﻨﻪ ﺛﻨﻴﻨﻪ ﻭﻭﺍﺿﺢ ﻫﺎﻟﺸﻲ
ﺷﻐﻠﺖ ﺍﻟﺮﺍﺩﻳﻮ ﺑﻠﻜﺖ ﻳﺼﻴﺮ ﺻﻮﺕ ﻭﻧﻠﺘﻬﻲ ﺣﻈﻲ ﻃﻠﻊ ﺍﻏﻨﻴﺔ ﺷﻮ ﮔﺪﺭﺗﻲ ﻋﻠﻰ ﻓﺮﺍﮔﻲ ﺷﻮ ﮔﺪﺭﺗﻲ ﻟﻬﻴﺜﻢ ﻳﻮﺳﻒ
ﻣﺎ ﻏﻴﺮﺗﻬﻪ ﺍﺧﺎﻑ ﺗﻨﺘﺒﻪ ﻋﻠﻲ .. ﺑﺲ ﺍﻻﻏﻨﻴﻪ ﺧﻨﮕﺘﻨﻲ ﻓﻮﮒ ﺧﻨﮕﺘﻲ ﻭﺣﺴﻴﺖ ﺍﻟﻬﻮﻩ ﻣﺎ ﻳﻄﺐ ﺍﻟﺼﺪﺭﻱ ﺑﻌﺪ
...
ﺍﻣﻴﺮ ﭼﺎﻥ ﺳﺎﻛﺖ ﻃﻮﻝ ﺍﻟﻄﺮﻳﻖ ﻭﺍﻧﻲ ﻫﻢ ﺳﻜﺘﺖ ﻭﺣﺎﻭﻟﺖ ﻣﺎ ﺍﻟﺘﻔﺖ ﻋﻠﻲ ﺣﺘﻰ ﺍﻗﻮﻱ ﮔﻠﺒﻲ ﻭﺍﺧﻠﺺ ﻣﻦ ﻫﺬﺍ ﺍﻟﺤﺐ ..
ﻓﺠﺄﻩ ﺷﻐﻞ ﺍﻟﺮﺍﺩﻳﻮ ﻭﻃﻠﻌﺖ ﺍﻏﻨﻴﺔ ﻟﻬﻴﺜﻢ ﻳﻮﺳﻒ
ﺷﻮ ﮔﺪﺭﺗﻲ ﻋﻠﻰ ﻓﺮﺍﮔﻲ ﺷﻮ ﮔﺪﺭﺗﻲ
ﻭﺍﺑﺪ ﻣﺎﺗﻌﺒﺘﻲ ﻧﻔﺴﭻ ﻣﺎ ﺳﺄﻟﺘﻲ
ﺷﺮﺧﺺ ﺍﻟﻲ ﭼﺎﻥ ﻏﺎﻟﻲ ﺍﺣﭽﻴﻠﻲ
ﺑﻠﻜﻲ ﺍﻏﻤﺾ ﺳﺎﻋﻪ ﺍﻧﺎﻡ ﺑﻠﻴﻠﻲ
...
ﻳﺎﻣﺎ ﮔﻠﺘﻲ ﺍﺑﻘﻰ ﻭﻳﺎﻙ ﺍﻟﻌﻤﺮ
ﺗﺮﻳﺪ ﺗﺮﺣﻞ ﻭﺍﺑﻘﻲ ﺍﺗﺎﻧﻲ ﻭﺍﻧﺘﻈﺮ
ﻭﻳﻦ ﺍﺭﻭﺡ ﻭﻣﻦ ﺣﭽﻲ ﺍﻟﻼﻣﻮﻧﻲ
ﺷﻐﻴﺮﭺ ﻫﺴﻪ ﻭﻧﺴﺘﻲ ﻋﻴﻮﻧﻲ
....
ﻳﺎﻣﺎ ﮔﻠﺘﻲ ﻋﻤﺮﻱ ﻣﺎ ﺍﻧﺴﻰ ﻫﻮﺍﻙ
ﮔﻠﺒﻲ ﻣﻮ ﮔﻠﺒﻲ ﺍﺫﺍ ﻟﺤﻀﻪ ﻧﺴﺎﻙ
ﮔﻮﻟﻲ ﺷﻠﻲ ﺻﺎﺭ ﺑﺲ ﻓﻬﻤﻴﻨﻲ
ﻣﻦ ﻋﺬﺍﺑﻲ ﻛﺎﻓﻲ ﺑﺲ ﺭﻳﺤﻴﻨﻲ
.......
ﻟﻠﺤﻈﻪ ﺣﺴﻴﺖ ﺍﻣﻴﺮ ﻳﻌﺮﻑ ﺑﻤﺸﺎﻋﺮﻱ ﺗﺠﺎﻫﺎ ﻭﺩﻳﻬﺪﻳﻠﻲ ﻫﺎﻱ ﺍﻻﻏﻨﻴﻪ ﻛﻌﺘﺎﺏ ﻣﻨﻪ ﻋﻠﻰ ﺭﻭﺣﺘﻲ
ﺑﻼ ﺷﻌﻮﺭ ﺑﭽﻴﺖ ﺑﺨﻨﮕﻪ ... ﺑﻌﺪﻳﻦ ﺍﻧﺘﻬﺒﺖ ﺍﻟﺮﻭﺣﻲ ﻭﻣﺴﺤﺖ ﺩﻣﻮﻋﻲ ﻭﺣﺎﻭﻟﺖ ﻣﺎ ﺍﺧﻠﻲ ﻳﻨﺘﺒﻪ ﻋﻠﻴﻪ
ﺩﺭﺕ ﻭﺟﻬﻲ ﻋﻠﻲ ﺷﻔﺖ ﻋﺮﻭﮔﻪ ﻭﻭﺍﺿﺤﻪ ﺑﻮﺟﻬﻪ ﻭﻳﺴﻮﻕ ﺑﺄﻳﺪ ﻭﻻﺯﻡ ﺭﺍﺳﻪ ﺑﻸﻳﺪ ﺍﻟﺜﺎﻧﻴﻪ
ﺍﻣﻴﺮ ﺑﻴﻚ ﺷﻲ ﺭﺍﺳﻚ ﺩﻳﺄﺫﻳﻚ ﻟﻮ ﺷﻨﻮ
ﻻ ﺳﻤﺎ ﻻ ﻣﺎ ﺑﻴﻪ ﺷﻲ
ﺩﺧﻠﻨﻪ ﻟﺒﻐﺪﺍﺩ ﻭﺭﺩﺕ ﺭﻭﺣﻲ ﺍﻟﻲ ﺑﻬﻮﺍﻫﺎ ...
ﻭﺍﺧﻴﺮﺍ ﺭﺟﻌﺘﻠﭻ ﻣﺪﻳﻨﺘﻲ ﺍﻟﺤﺒﻴﺒﻪ ﻭﺍﺧﻴﺮﺍ ﺩﺍ ﺍﺷﻮﻓﭻ ﮔﺪﺍﻡ ﻋﻴﻨﻲ
ﻣﺮ ﺷﺮﻳﻂ ﺍﻟﺬﻛﺮﻳﺎﺕ ﮔﺪﺍﻣﻲ ﻣﻦ ﻃﻠﻌﺖ ﻣﻨﻬﺎ ﻗﺒﻞ ﻛﻢ ﺷﻬﺮ ﻭﺍﻧﻲ ﻣﺎ ﺍﻋﺮﻑ ﺍﺭﺟﻌﻠﻬﺎ ﺑﻌﺪ ﻟﻮﻻ
ﻓﺠﺄﻩ ﻧﺰﻟﻨﻲ ﺍﻣﻴﺮ ﺑﻤﻜﺎﻥ ﻣﺎ ﺍﻋﺮﻑ ﺷﻨﻮ .. ﻓﺘﺢ ﺍﻟﺒﺎﺏ ﻭﮔﻠﻲ ﻧﺰﻟﻲ
ﻧﺰﻟﺖ ﻭﺍﻧﻲ ﻣﺘﺮﺩﺩﻩ ﻭﺻﺎﻓﻨﻪ ﺑﻮﺟﻬﻪ !!
ﻟﻴﺶ ﻧﺰﻟﺘﻨﻲ ﻫﻨﺎ ﺍﻣﻴﺮ ﺷﻨﻮ ﺻﺎﺭ ؟؟ ....
