#فصليه_لأناس_مايرحمون
٢٥________٢٧
# ﻓﺼﻠﻴﻪ _ ﻷُﻧﺎﺱ _ ﻻﻳﺮﺣﻤﻮﻥ
ﻟﻠﻜﺎﺗﺒﻪ # ﻟﺒﻨﻰ _ ﺍﻟﻤﻮﺳﻮﻱ
ﻣﺮﺣﺒﺎ ﺣﺒﺎﻳﺒﻲ ... ﺗﻌﻮﺩﺗﻮ ﺗﻘﺮﻭﻥ ﺍﻟﻘﺼﻪ ﻧﻘﻶ ﻋﻦ ﺳﻤﺎ ﻭﺍﻣﻴﺮ ... ﻫﺬﺍ ﺍﻟﺒﺎﺭﺕ ﻳﺨﺘﻠﻒ ﺷﻮﻳﻪ ﺍﺳﻤﺤﻮﻟﻨﻪ ﺑﻲ ﻧﻨﻄﻲ ﺍﻟﻘﻠﻢ ﺍﻟﻀﺮﻏﺎﻡ ﺣﺘﻰ ﻳﺴﻮﻟﻔﻠﻜﻢ ﻋﻦ ﻣﻌﺎﻧﺎﺗﻪ ﻭﻳﺎ ﺍﻟﺤﺐ ﻟﺤﺪ ﺍﻟﻠﺤﻈﻪ ﺍﻟﺼﻌﺪﺕ ﺑﻴﻬﺎ ﺍﻟﻪ ﺳﻤﺎ ﻣﺘﺎﺑﻌﻪ ﺷﻴﻘﻪ
.........
ﺍﻟﺴﻼﻡ ﻋﻠﻴﻜﻢ ﻣﺘﺎﺑﻌﻴﻦ ﻗﺼﺘﻨﻪ ﺍﻻﻋﺰﺍﺀ
ﺍﻧﻪ ﺿﺮﻏﺎﻡ ﻭﺍﻛﻴﺪ ﺗﻌﺮﻓﺘﻮ ﻋﻠﻲ ﻣﻦ ﺧﻼﻝ ﺍﺣﺪﺍﺙ ﺍﻟﻘﺼﻪ ﻟﻜﻦ ﺍﻛﻮ ﺍﻣﻮﺭ ﭼﺜﻴﺮ ﻣﺎ ﺗﻌﺮﻓﻮﻫﻪ ﻋﻨﻲ ﺑﻌﺪﻛﻢ
ﺍﺳﻤﻲ ﺿﺮﻏﺎﻡ ﻋﻤﺮﻱ ٢٧ ﺳﻨﻪ ﻣﻼﻣﺤﻲ ﻣﻼﺡ ﺍﺑﻦ ﺍﻟﺠﻨﻮﺏ ﺍﻻﺻﻴﻞ ﻭﺑﻮﺟﻬﻲ ﻭﺍﺿﺤﺔ ﻣﻠﻮﺣﺔ ﺍﻻﻫﻮﺍﺭ ﻭﺯﺭﻋﺎﺗﻪ
ﺻﺎﺣﺒﻲ ﻭﺍﺧﻮﻱ ﻭﺍﺑﻦ ﻋﻤﻲ ﺍﻣﻴﺮ ﻫﻮ ﺍﻗﺮﺏ ﺷﺨﺺ ﺍﻟﻲ ﻣﻦ ﻃﻔﻮﻟﺘﻲ ﻭﻟﻬﺬﺍ ﻋﻤﺮﻱ ... ﻓﺘﺤﺖ ﻋﻴﻨﻲ ﻭﺍﻧﻪ ﺍﻟﻌﺐ ﻭﻳﺎ ﻭﺍﻗﺮﻩ ﻭﻳﺎ ﺻﺢ ﺑﻴﻨﺎﺗﻨﻪ ٣ ﺳﻨﻮﺍﺕ ﺑﺲ ﻫﻮ ﺍﻗﺮﺏ ﺍﻟﻲ ﺣﺘﻰ ﻣﻦ ﻭﻟﺪ ﻋﻤﺎﻣﻲ ﺍﻟﺒﻌﻤﺮﻱ .. ﺍﺣﺲ ﺑﻲ ﺷﻲ ﻳﺸﺒﻬﻨﻲ ﺷﻨﻮ ﻣﺎ ﺍﻋﺮﻑ ﺍﺭﺗﺎﺡ ﻟﺼﺤﺒﺘﻪ ﺣﻴﻞ ﻣﻦ ﺻﻐﺮﻱ
ﻏﺪﻳﺮ ﺍﺧﺖ ﺍﻣﻴﺮ ﻫﻲ ﺣﺒﻴﺒﺘﻲ ﻭﺣﻴﺎﺗﻲ ﻭﺣﻠﻢ ﻋﻤﺮﻱ ... ﺍﻱ ﻻ ﺗﺴﺘﻐﺮﺑﻮﻥ ﻫﻲ ﺣﺒﻴﺒﺘﻲ ﻣﻦ ﻃﻔﻮﻟﺘﻲ ﻭﻟﺤﺪ ﻣﺎ ﺷﺒﻴﺖ ﻭﺻﺮﺕ ﺯﻟﻤﻪ
ﻟﻤﻦ ﺷﺐ ﻋﻮﺩﻱ ﻭﻛﺒﺮﺕ ﻭﺻﺎﺭ ﻻﺯﻡ ﺍﺗﺰﻭﺝ ﻓﺎﺗﺤﺖ ﺍﻣﻲ ﺑﺎﻟﻤﻮﺿﻮﻉ ﻭﮔﻠﺘﻠﻬﻪ ﺍﺣﺐ ﻏﺪﻳﺮ ﻭﺍﺭﻳﺪﻧﭻ ﺗﺨﻄﺒﻴﻬﻪ ﺍﻟﻲ .. ﭼﺎﻥ ﻋﻤﺮﻱ ﺑﻮﻛﺘﻬﻪ ٢٣ ﻭﻫﻲ ﭼﺎﻧﺖ ﺻﻐﻴﺮﻩ ﻋﻤﺮﻫﻪ ١٥
ﺍﻣﻲ ﻋﺎﺭﺿﺖ ﻫﺎﻟﺸﻲ ﻻﻥ ﺍﻛﻮ ﺑﻴﻨﻬﻪ ﻭﺑﻴﻦ ﺍﻡ ﺍﻣﻴﺮ ﻣﺸﺎﺣﻨﺎﺕ ﻭﻣﺸﺎﻛﻞ ﻗﺪﻳﻤﻪ ﺳﻮﺍﻟﻒ ﻧﺴﻮﺍﻥ ﻳﻌﻨﻲ .. ﺍﻡ ﺍﻣﻴﺮ ﺗﺼﻴﺮ ﺿﺮﺕ ﺧﺎﻟﺘﻲ ﺍﻡ ﺳﺎﻣﺮ ﺍﻟﻠﻪ ﻳﺮﺣﻤﻬﻪ
ﻗﻨﻌﺖ ﺍﻣﻲ ﻭﮔﻠﺘﻬﻪ ﺍﺣﺐ ﻫﺎﻱ ﺍﻟﺒﺖ ﻭﻟﻮ ﻫﻲ ﻟﻮ ﺗﺤﺮﻡ ﻋﻠﻲ ﻣﺮﻩ ﻏﻴﺮﻫﻪ ﻃﻮﻝ ﺍﻟﻌﻤﺮ ... ﺍﻗﺘﻨﻌﺖ ﻭﻭﺍﻓﻘﺖ ﺗﺨﻄﺒﻬﻪ ﻻﻥ ﺷﺎﻓﺘﻨﻲ ﻣﺘﻤﺴﻚ ﺑﻴﻬﻪ .. ﻃﻠﺒﺖ ﻣﻨﻬﻪ ﺍﺟﺲ ﻧﺒﺾ ﺍﻟﺒﺖ ﻗﺒﻞ ﻻ ﺍﺧﻄﺒﻬﻪ ﻻﻥ ﻣﺎ ﺍﺭﻳﺪ ﺍﺻﻴﺮ ﺑﻤﻮﻗﻒ ﻣﺤﺮﺝ ﻭﻳﺎ ﺍﻣﻴﺮ
ﺑﻤﺎ ﺍﻧﻮ ﺍﻣﻴﺮ ﺻﺎﺣﺒﻲ ﻭﺍﺧﻮﻱ ﻭﺣﺰﺍﻡ ﻇﻬﺮﻱ .. ﻓﻤﺴﺘﺤﻴﻞ ﺍﺭﻭﺣﻦ ﻣﻦ ﻭﺭﻩ ﻇﻬﺮﻩ ﻭﺍﺣﺎﭼﻲ ﺍﺧﺘﻪ ﻭﺍﺧﻮﻥ ﺍﻟﻌﺸﺮﻩ ﻭﺍﻟﺰﺍﺩ ﻭﺍﻟﻤﻠﺢ ﺍﻟﺒﻴﻨﺎﺗﻨﻪ ... ﻣﻮﺵ ﺍﻧﻪ ﺍﺩﮒ ﺍﻟﻨﺎﻗﺼﻪ ﺑﻌﻀﻴﺪﻱ
ﻗﺮﺭﺕ ﺍﺩﺯ ﺳﺠﻰ ﺍﻟﻬﻪ ... ﺳﺠﻰ ﺗﺼﻴﺮ ﺑﺖ ﻋﻤﺘﻨﻪ ﻭﻫﻲ ﻣﻘﺮﺑﻪ ﻣﻨﻲ ﻭﻣﺴﻮﻟﻔﻠﻬﻪ ﻋﻦ ﺣﺒﻲ ﺍﻟﻐﺪﻳﺮ .. ﭼﺎﻧﺖ ﺳﺠﻰ ﺑﻬﺬﺍﻙ ﺍﻟﻮﻗﺖ ﺍﻛﺒﺮ ﻣﻦ ﻏﺪﻳﺮ ﻭﻋﻤﺮﻫﻪ ﭼﺎﻥ ١٧
ﻃﻠﺒﺖ ﻣﻦ ﺳﺠﻰ ﺗﺠﺲ ﻧﺒﻀﻬﻪ ﻭﺗﺮﺟﻌﻠﻲ ﺧﺒﺮ ﻭﺑﻌﺪ ﻳﻮﻡ ﻭﺍﺣﺪ ﺭﺣﺖ ﻟﺒﻴﺖ ﻋﻤﺘﻲ ﺍﺧﺬ ﻣﻨﻬﻪ ﺍﻟﺨﺒﺮ ﻭﭼﺎﻧﺖ ﻫﻨﺎ ﺍﻟﺼﺪﻣﻪ
ﻫﺎ ﺳﺠﻰ ﺧﻴﺘﻲ ﺑﺸﺮﻱ
ﺿﺮﻏﺎﻡ ﺧﺘﻮﻟﻲ ﻣﺘﻔﻴﺪﻙ
ﻟﻴﺶ ﺗﺤﭽﻴﻦ ﻋﻠﻴﻬﻪ ﺷﺼﺎﺭ
ﺭﺣﺖ ﺣﺎﭼﻴﺘﻬﻪ ﺍﻟﻚ ﻣﺜﻞ ﻣﺎﻃﻠﺒﺖ ﻣﻨﻲ ﺷﻮ ﻫﺎﻱ ﮔﺎﻣﺖ ﺗﻀﺤﻚ ﻭﺗﮕﻠﻲ ﻣﻦ ﻛﻞ ﻋﻘﻠﻪ ﺿﺮﻏﺎﻡ ﺍﻧﻲ ﻏﺪﻳﺮ ﺍﺑﺎﻭﻉ ﺍﻟﻮﺍﺣﺪ ﺍﺟﻠﺢ ﺍﻣﻠﺢ ﻣﺜﻠﻪ ﺷﺎﻳﻒ ﺭﻭﺣﻪ ﺑﺎﻟﻤﺮﺍﻳﻪ ﻟﻮ ﻻ ... ﻭﮔﺎﻟﺖ ﻻ ﻳﺠﻲ ﻭﻻ ﻳﺪﮒ ﺍﻟﺒﺎﺏ ﻣﺎ ﺍﻗﺒﻞ ﺑﻲ ﻟﻮ ﻳﻈﻞ ﺍﺧﻴﺮ ﺯﻟﻤﻪ ﺑﺎﻟﺪﻳﺮﻩ
ﻧﺼﺪﻣﺖ ﺻﺪﻣﺔ ﻋﻤﺮﻱ .. ﻣﻌﻘﻮﻟﻪ ﻏﺪﻳﺮ ﺍﻟﺒﺖ ﺍﻟﺤﺒﺎﺑﻪ ﺍﻟﻄﻴﺒﻪ ﻭﺍﻟﻬﺎﺩﺋﻪ ﻳﻄﻠﻊ ﻣﻨﻬﻪ ﻫﻴﭻ ﺣﭽﻲ
ﺭﺟﻌﺖ ﻟﺒﻴﺘﻲ ﻭﺍﻧﻲ ﻣﻘﺮﺭ ﺍﺳﺪ ﻣﻮﺿﻮﻋﻬﻪ ... ﺧﻠﺺ ﺍﻟﺒﺖ ﻣﺎﺭﺍﻏﺒﺘﻠﻚ ﺿﺮﻏﺎﻡ ﻣﻮ ﻏﺼﺐ ﺍﻟﺴﺎﻟﻔﻪ ﻫﻤﺰﻳﻦ ﻣﺎ ﻓﺘﺤﺖ ﺍﻟﻤﻮﺿﻮﻉ ﻭﻳﺎ ﺍﻣﻴﺮ ﭼﺎﻥ ﻟﻮ ﻏﺼﺒﻬﻪ ﻋﻠﻴﻚ ﻟﻮ ﻳﺮﺩﻙ ﺧﺎﻳﺐ ﻭﺗﻄﻢ ﺭﻭﺣﻚ ﺑﺎﻟﻄﻴﻨﻪ ﺳﺎﻋﺘﻬﻪ
ﺣﭽﻴﺖ ﻭﻳﺎ ﺍﻣﻲ ﺗﺴﺪ ﻣﻮﺿﻮﻉ ﺍﻟﺰﻭﺍﺝ ﻭﻇﻠﺖ ﺗﺘﻮﺳﻞ ﻟﻴﺶ ﻳﻤﻪ ﺍﺧﻄﺒﻠﻚ ﻏﺪﻳﺮ ﻣﺜﻞ ﻣﺘﺮﻳﺪ
ﻻ ﻳﻤﻪ ﻣﺎﺭﻳﺪﻫﻪ ﻃﻠﻌﺖ ﻣﻦ ﻧﻔﺴﻲ
ﺑﻌﺪ ﺍﺣﺴﻦ ﺧﻠﻴﻬﻪ ﺗﻮﻟﻲ ﺍﺧﻄﺒﻠﻚ ﺍﻻﺣﺴﻦ ﻣﻨﻬﻪ ﻳﻴﻤﻪ
ﻳﻤﻪ ﮔﺘﻠﭻ ﻣﺎ ﺍﺭﻳﺪ ﻟﺘﻠﺤﻴﻦ ﻋﻠﻲ ﻟﺨﺎﻃﺮ ﺭﺑﭻ
ﻣﺸﺖ ﺍﻻﻳﺎﻡ ﻭﻣﺎ ﺑﻴﻨﺖ ﺍﻱ ﺷﻲ ﺍﻟﻐﺪﻳﺮ ﻣﻦ ﺍﺷﻮﻓﻨﻬﻪ ﻋﺎﺩﻱ ﺍﺿﺤﻚ ﻭﺍﺳﻠﻢ ﻭﻣﺎ ﺍﺣﺴﺴﻬﻪ ﺍﻧﻲ ﺿﺎﻳﺞ ﻣﻦ ﺭﺩﻫﻪ ﺍﻟﻲ ﻭﻛﻼﻣﻬﻪ ﻋﻠﻲ .. ﺍﺷﻮﻓﻬﻪ ﻣﻦ ﺗﺸﻮﻓﻨﻲ ﺗﺮﺗﺒﻚ ﻭﺗﺴﺘﺤﻲ ﻭﻣﺮﺍﺕ ﺗﺴﻠﻢ ﻭﺗﺸﺮﺩ ﻣﺘﺮﺍﻭﻳﻨﻲ ﻭﺟﻬﻪ ﺑﻌﺪ .. ﺍﻛﻴﺪ ﺧﺠﻼﻧﻪ ﻭﻋﺮﻓﺖ ﻭﺻﻠﻲ ﻛﻼﻣﻬﻪ ﻭﺍﻫﺎﻧﺘﻬﻪ ﺍﻟﻲ ﻟﺬﺍﻟﻚ ﻫﻴﭻ ﺗﺘﺼﺮﻑ ...
ﻇﻠﻴﺖ ﺍﺣﺒﻬﻪ ﻣﻮ ﺑﻴﺪﻱ ﺍﻟﮕﻠﺐ ﻫﻮﺍﻫﻪ ﻭﺩﺧﻠﻬﻪ ﺑﺸﺮﺍﻳﻨﻪ ﻭﺳﺪ ﺍﻟﺒﺎﺏ ﻭﻣﺎﻳﺮﺿﺎﻫﻪ ﺗﻄﻠﻊ ﺑﻌﺪ ... ﺣﻘﻬﻪ ﺗﺮﻓﻀﻨﻲ ﺍﻟﺒﺖ ﺣﻠﻮﻩ ﻭﺗﺴﺘﺎﻫﻞ ﻭﺍﺣﺪ ﺍﺣﺴﻦ ﻣﻨﻲ ﺑﻬﻮﺍﻱ
ﻓﺪ ﻳﻮﻡ ﻣﻦ ﺍﻻﻳﺎﻡ ﺍﻣﻲ ﺭﺟﻌﺖ ﻓﺘﺤﺖ ﺍﻟﻤﻮﺿﻮﻉ ﻭﻳﺎﻱ ﺗﺮﻳﺪ ﺗﺨﻄﺒﻠﻲ ﺑﺖ ﻋﻤﻲ ﺳﻌﻴﺪ .. ﺍﻟﺒﺖ ﺍﺳﻤﻬﻪ ﺗﺒﺎﺭﻙ ﺣﺒﺎﺑﻪ ﻭﺧﻠﻮﻗﻪ ﻭﻣﺎﻛﻮ ﻣﺜﻠﻬﻪ ﺑﺲ ﻣﺘﻔﻴﺪﻧﻲ ﮔﻠﺒﻲ ﻣﻦ ﺍﻟﺼﻐﺮ ﻣﻮﺵ ﻣﻠﻜﻲ ﻣﻠﻚ ﺑﻨﻴﺖ ﮔﻠﻴﺒﻲ ﻏﺪﻳﺮ
ﺭﻓﻀﺖ ﻭﻃﻠﺒﺖ ﻣﻨﻬﻪ ﺗﺴﺪ ﺍﻟﻤﻮﺿﻮﻉ .. ﻧﺼﺪﻣﺖ ﺛﺎﻧﻲ ﻳﻮﻡ ﻣﻦ ﺭﺣﺖ ﺑﻴﺖ ﻋﻤﻲ ﻭﻋﺮﻓﺖ ﺍﻣﻲ ﻓﺎﺗﺤﻪ ﻣﻮﺿﻮﻉ ﺍﻟﺒﺖ ﻭﻳﺎﻫﻢ
ﺭﺟﻌﺖ ﻭﺍﻧﻲ ﻣﻨﻬﺎﺭ ﻭﺍﻟﻨﺎﺭ ﮔﺎﻳﺪﻩ ﺑﺬﻳﺎﻟﻲ ﻫﺪﻣﺖ ﻛﺴﺮﺕ ﺻﻴﺤﺖ ﺣﺘﺎﺭﻳﺖ ﺷﺴﻮﻱ
ﻣﺎ ﻟﮕﻴﺖ ﺭﻭﺣﻲ ﻏﻴﺮ ﺍﺭﻭﺣﻦ ﻷﻣﻴﺮ ﺷﻴﺦ ﻋﺸﻴﺮﺗﻨﻪ ﻫﻮ ﻳﻄﻠﻌﻨﻲ ﻣﻦ ﺍﻟﺴﺎﻟﻔﻪ ﻫﺎﻱ
ﻃﺒﻌﺎ ﺍﻧﻪ ﻭﺍﻣﻴﺮ ﺟﺪﻱ ﻣﺮﺑﻴﻨﻪ ﻋﻠﻰ ﺍﻳﺪﻩ .. ﭼﺎﻥ ﺍﻟﻠﻪ ﻳﺮﺣﻤﻪ ﻳﮕﻮﻝ ﭼﻠﻤﺔ ﺯﻟﻤﻪ ﺣﺮﺍﻡ ﺗﻨﮕﺎﻝ ﻟﻐﻴﺮﻛﻢ
ﻣﻦ ﻓﺘﺤﺖ ﻋﻴﻨﻲ ﻋﻠﻰ ﺍﻟﺪﻧﻴﻪ ﻭﺍﻧﻪ ﺍﺷﻮﻓﻦ ﻋﻤﺎﻣﻲ ﻭﺍﺑﻮﻱ ﻳﺘﻌﺎﺭﻛﻮﻥ ﺑﺤﻴﺎﺓ ﺟﺪﻱ ﻋﻠﻰ ﺍﻟﺸﻴﺨﻪ ﻣﻦ ﺑﻌﺪﻩ ﺑﺪﻭﻥ ﻣﻴﺨﺠﻠﻮﻥ ﻣﻦ ﺍﺑﻮﻫﻢ ﺍﻭ ﻳﺮﺍﻋﻮﻥ ﻣﺸﺎﻋﺮﻩ ﺑﻠﻘﻠﻴﻠﻪ
ﻣﻦ ﺗﻮﻓﻪ ﺟﺪﻱ ﻭﻓﺘﺤﻮ ﻭﺻﻴﺘﻪ .. ﻧﺼﺪﻣﻮ ﻣﻦ ﺷﺎﻓﻮ ﻣﺴﻠﻢ ﺍﻟﺸﻴﺨﻪ ﻣﻦ ﺑﻌﺪﻩ ﻷﻣﻴﺮ ﻣﻮ ﻟﻮﺍﺣﺪ ﻣﻨﻬﻢ ﻭﭼﺎﻧﻮ ﻣﺠﺒﻮﺭﻳﻦ ﻳﻨﻔﺬﻭﻥ ﻭﺻﻴﺘﻪ
ﺟﺪﻱ ﺍﺧﺘﺎﺭ ﺍﻣﻴﺮ ﻭﻣﺎ ﺧﺘﺎﺭﻧﻲ ﻻﻧﻪ ﺍﻛﺒﺮ ﻣﻨﻲ ﻭﺍﺫﻛﻪ ﻣﻨﻲ ﻭﻋﻨﺪﻩ ﺟﺮﺃﻩ ﺍﻛﺜﺮ ﻣﻨﻲ .. ﻫﻮ ﮔﺪ ﻣﺴﺆﻭﻟﻴﺔ ﺍﻟﺴﻠﻒ ﻭﻃﻼﻳﺒﻬﻢ ﻭﻳﮕﺪﺭ ﻳﺸﻴﻞ ﺍﻟﺪﻳﻮﺍﻥ ﻋﻠﻰ ﺭﺍﺳﻪ ﺑﺪﻭﻥ ﻣﻴﺘﻌﺐ .. ﭼﺎﻥ ﻗﺮﺍﺭ ﺟﺪﻱ ﺻﺤﻴﺢ ﺍﻟﻒ ﺑﺎﻟﻤﻴﻪ ﻭﻓﺮﺣﺖ ﻣﻦ ﻋﺮﻓﺖ ﺍﻟﺸﻴﺨﻪ ﺭﺍﺣﺖ ﺍﻻﻣﻴﺮ ﻻ ﻟﺒﻮﻱ ﻭﻻ ﻟﻌﻤﺎﻣﻲ ﻻﻥ ﻣﻴﺴﺘﺎﻫﻠﻮﻫﻪ ﻭﺍﺛﺒﺖ ﺍﻣﻴﺮ ﺑﺎﻟﻔﻌﻞ ﺟﺪﺍﺭﺗﻪ ﺑﻴﻬﻪ ﻭﺍﻟﻨﺎﺱ ﻛﻠﻬﻪ ﺗﺸﻬﺪﻟﻪ
ﻧﺮﺟﻊ ﻟﻤﻮﺿﻮﻋﻨﻪ ...
ﺭﺣﺖ ﻭﺣﺎﭼﻴﺘﻪ ﻭﺗﻔﺎﺟﺄ ﻣﻦ ﺭﻓﻀﻲ ﻭﺳﺄﻟﻨﻲ ﻋﻦ ﺍﻟﺴﺒﺐ .. ﻣﺎ ﮔﺪﺭﺕ ﺍﮔﻠﻪ ﺍﻟﺤﻘﻴﻘﻪ ﺷﮕﻠﻪ ﻗﺎﺑﻞ ﺍﺣﺒﻦ ﺍﺧﺘﻚ ﺑﺲ ﻫﻲ ﻣﺎ ﺗﻬﻮﺍﻧﻲ
ﺍﻧﻄﻴﺘﻪ ﻧﻔﺲ ﺍﻟﺴﺒﺐ ﺑﺲ ﮔﺘﻠﻪ ﺍﺣﺐ ﺑﺖ ﻭﻳﺎﻱ ﻣﻦ ﺍﻳﺎﻡ ﺍﻟﺠﺎﻣﻌﻪ ﺑﺲ ﻫﻲ ﻣﺎ ﺭﺍﻏﺒﺘﻠﻲ
ﺣﻠﻲ ﺍﻟﺴﺎﻟﻔﻪ ﺍﻣﻴﺮ ﻭﻃﻠﻌﻨﻲ ﻣﻦ ﺍﻟﻤﻮﺿﻮﻉ ﻭﻓﻀﺖ ﺍﻟﺤﻤﺪ ﻟﻠﻪ
ﻃﻮﻝ ﻫﺎﻱ ﺍﻟﻔﺘﺮﻩ ﻣﻦ ﻋﺮﻓﺖ ﺑﺮﺩ ﻏﺪﻳﺮ ﻟﺤﺪ ﻳﻮﻡ ﺍﻟﺬﺑﻴﺤﻪ ﻣﺎﻝ ﺍﺑﻮﻱ ﺳﺠﻰ ﻣﺎ ﻋﺎﻓﺘﻨﻲ ﻭﻭﮔﻔﺖ ﻭﻳﺎﻱ ﻭﻇﻠﺖ ﺗﻮﺍﺳﻴﻨﻲ .. ﺑﺲ ﻗﺒﻞ ﺷﻬﺮ ﺗﻘﺮﻳﺒﺎ ﻣﻦ ﻳﻮﻡ ﺭﺟﻌﺖ ﺍﺑﻮﻱ ﻣﻦ ﺍﻟﺤﺞ ﺳﺠﻰ ﺭﺍﺳﻠﺘﻨﻲ ﻋﻠﻔﻴﺲ ﻛﺎﻟﻌﺎﺩﻩ ﺑﺲ ﺣﭽﺖ ﻛﻼﻡ ﻣﺎ ﻋﺠﺒﻨﻲ ... ﮔﺎﻟﺖ ﺍﻧﻪ ﺍﺣﺒﻚ ﻭﻣﻦ ﺻﻐﺮﻱ ﺍﺣﺒﻚ ﺑﺲ ﺍﻧﺖ ﺧﺘﺎﺭﻳﺖ ﻏﺪﻳﺮ ﻭﻓﻀﻠﺘﻬﻪ ﻋﻠﻲ ﻭﻣﺎ ﺣﺴﻴﺖ ﺑﺤﺒﻲ ﺍﻟﻚ ﻭﻻ ﻟﺤﻀﻪ
ﺗﻔﺎﺟﺄﺕ ﻣﻦ ﺟﺮﺃﺗﻬﻪ ﺑﺲ ﻣﺎ ﮔﺪﺭﺕ ﺍﻛﺴﺮ ﺧﺎﻃﺮﻫﻪ ﻭﺣﺴﻴﺖ ﺑﻴﻬﻪ ﻻﻥ ﻣﺜﻞ ﻣﺎ ﺭﺩﺗﻨﻲ ﻏﺪﻳﺮ ﺍﻧﻲ ﻫﻢ ﺭﺍﺡ ﺍﺭﺩﻫﻪ ﻭﻫﻲ ﺑﺖ ﻭﺻﻌﺐ ﺗﺮﻧﺪ
ﻃﻴﺒﺖ ﺧﺎﻃﺮﻫﻪ ﻭﮔﻠﺘﻠﻬﻪ ﺑﺖ ﻋﻤﻲ ﺍﻧﻲ ﮔﻠﺒﻲ ﻣﻠﺠﻮﻡ ﻭﻣﺎﻧﺎﻭﻱ ﺍﺗﺰﻭﺝ .. ﺑﺲ ﺍﺫﺍ ﻧﻮﻳﺖ ﺻﺪﮔﻴﻨﻲ ﻣﺎ ﺍﺧﺘﺎﺭ ﻏﻴﺮﭺ .. ﻭﺧﻠﺼﺖ ﺍﻟﺴﺎﻟﻔﻪ ﺑﻮﻛﺘﻬﻪ ﺑﺲ ﻇﻠﺖ ﺳﺠﻰ ﺗﺘﻮﺍﺻﻞ ﻭﻳﺎﻳﻪ ﻣﺜﻞ ﻗﺒﻞ ﻭﻣﺎ ﻏﻴﺮﺕ ﻋﺎﺩﺗﻬﻪ ﻭﻻ ﻛﺄﻥ ﻓﺸﻲ ﺻﺎﺭ
ﺍﺟﺘﻲ ﻓﺘﺮﻩ ﺻﻌﺒﻪ ﻛﻠﺶ ﻋﻠﻰ ﺍﻣﻴﺮ .. ﺣﺐ ﺍﻟﺒﺖ ﺍﻻﺧﺬﻫﻪ ﻓﺼﻠﻴﻪ ﻭﻫﻲ ﻣﺎ ﺗﻬﻮﻯ ﻧﻔﺲ ﻃﻼﺑﺘﻲ ﻳﻌﻨﻲ
ﭼﺎﻥ ﻳﺸﻜﻴﻠﻲ ﻣﻦ ﺍﻟﻌﺬﺍﺏ ﺍﻟﻌﺎﻳﺶ ﺑﻲ ﻭﺍﻧﻲ ﺍﺿﺤﻚ ﻭﺍﮔﻠﻪ ﺑﮕﻠﺒﻲ ﻟﻌﺪ ﻟﻮ ﺗﺸﻮﻑ ﺍﻟﻌﺬﺍﺏ ﺍﻟﻤﻌﻴﺸﺘﻨﻲ ﺑﻲ ﺍﺧﺘﻚ ﺷﭽﺎﻥ ﮔﻠﺖ ﻳﺒﻦ ﻋﻤﻲ
............
ﻋﺮﻓﺘﻜﻢ ﻋﻦ ﺣﻴﺎﺗﻲ ﺑﺼﻮﺭﻩ ﻣﺨﺘﺼﺮﻩ ﻭﺳﺮﻳﻌﻪ ﻭﻫﺴﻪ ﺭﺍﺡ ﺍﺭﺟﻌﻜﻢ ﻟﻠﺤﺪﺙ ﺍﻟﺘﻮﻗﻔﺖ ﺑﻲ ﺍﻟﻘﺼﻪ
............
ﺭﺟﻊ ﺍﺑﻮﻱ ﻣﻦ ﺍﻟﺤﺞ ﻭﺫﺑﺤﻨﺎﻟﻪ ﺫﺑﻴﺤﻪ ﻭﺍﻟﺘﻤﺖ ﺍﻟﻨﺎﺱ ﺍﻻﻗﺎﺭﺏ ﻭﺍﻟﻐﺮﺑﻪ ﺑﺒﻴﺘﻨﻪ ﻭﺻﺎﺭﺕ ﻫﻮﺳﻪ
ﭼﻨﺖ ﺍﻃﺐ ﻟﻠﻤﻄﺒﺦ ﺍﺭﻳﺪ ﻓﺪ ﺷﻐﻠﻪ ﻣﻨﻬﻢ ﻣﺎ ﺍﺷﻮﻑ ﻏﻴﺮ ﻏﺪﻳﺮ ﮔﺪﺍﻣﻲ ﺣﻈﻲ ﻣﻦ ﺩﻭﻥ ﺍﻟﺒﻨﻴﺎﺕ ﺗﺼﻴﺮ ﺑﻮﺟﻬﻲ ... ﺍﺍﻭﻭﻑ ﺷﮕﺪ ﻋﻠﻌﻠﺘﻲ ﮔﻠﺒﻲ ﻳﺒﺖ ﻋﻤﻲ ﻟﻴﺶ ﻣﺎ ﻫﻮﻳﺘﻴﻨﻲ ﻣﺜﻞ ﻣﺎ ﻫﻮﻳﺘﭻ ﺷﺒﻴﻪ ﻧﻘﺺ ﻭﻣﺎ ﺗﺸﻮﻓﻴﺘﻲ ﻓﺎﺭﺱ ﺍﺣﻼﻣﭻ ... ﻭﻟﭻ ﺍﻧﻲ ﻣﺎ ﺍﺷﻮﻑ ﺑﻜﻞ ﺍﻟﺴﻠﻒ ﻏﻴﺮﭺ .. ﺍﺣﺲ ﻛﻞ ﺍﻟﺒﻨﻴﺎﺕ ﺑﻨﻴﺎﺕ ﺑﺲ ﺍﻧﺘﻲ ﻣﻼﻙ ﺑﺮﻳﺊ ﻭﻃﺎﻫﺮ ﻟﻤﻦ ﺍﺑﺎﻭﻉ ﺑﻌﻴﻮﻧﭻ ﺍﺷﻮﻑ ﺍﻟﺒﺮﺍﺋﻪ ﺑﻠﻤﻌﺘﻬﻦ
ﺧﻠﺼﺖ ﺳﺎﻟﻔﺔ ﺍﻟﻐﺪﻩ ﻭﺻﺎﺣﺘﻨﻲ ﺳﺠﻰ ﻻﻥ ﺍﻟﺘﺎﻧﻜﻴﺎﺕ ﻓﺮﻏﻦ ﻭﺭﺍﺩﺕ ﺍﺗﺮﺳﻬﻦ
ﺻﻌﺪﺕ ﻓﻮﮒ ﻭﮔﻌﺪﺕ ﺍﺗﺴﺮ ﺑﻴﻬﻦ .. ﺑﻬﺎﻱ ﺍﻻﺛﻨﺎﺀ ﺳﻤﻌﺖ ﺻﻮﺕ ﺑﻨﺖ ﺗﺼﻴﺤﻠﻲ ﺿﺮﻏﺎﻡ
ﺩﺭﺕ ﻭﺟﻲ ﻭﻧﺼﺪﻣﺖ ﻓﺼﻠﻴﺔ ﺍﺑﻦ ﻋﻤﻲ ﺳﻤﺎ ﺻﺎﻋﺪﻩ ﻭﺭﺍﻱ
ﺧﻔﺖ ﻟﻴﻜﻮﻥ ﺻﺎﺭ ﺷﻲ ﻟﻮﺣﺪﻩ ﻣﻦ ﺍﻟﺒﻨﻴﺎﺕ ﻭﻣﺎ ﮔﺪﺭﺕ ﺗﻄﻠﻊ ﺗﺼﻴﺢ ﻻﻣﻴﺮ ﻟﻮ ﻟﻮﺍﺣﺪ ﻣﻦ ﺍﻟﺰﻟﻢ ﻣﻦ ﻫﻴﭻ ﺻﻌﺪﺗﻠﻲ
ﺣﭽﻴﺖ ﺑﺨﻮﻑ ﻭﺍﺳﺘﻐﺮﺍﺏ ﺑﻨﻔﺲ ﺍﻟﻮﻗﺖ ﺧﻮﺑﻦ ﻣﺼﺎﻳﺮ ﺷﻲ
ﺟﺎﻥ ﺟﻮﺍﺑﻬﻪ ﻻ ﺑﺲ ﻋﻨﺪﻱ ﻣﻮﺿﻮﻉ ﻭﻳﺎﻙ ﺿﺮﻭﺭﻱ
ﺗﻔﺎﺟﺄﺕ ﻭﺍﺳﺘﻐﺮﺑﺖ ﻭﺍﻧﺼﺪﻣﺖ ﻭﺧﻔﺖ ﻭﻛﻞ ﺍﻟﻤﺸﺎﻋﺮ ﺳﻴﻄﺮﺕ ﻋﻠﻲ ﺷﻨﻲ ﻫﺎﻟﻤﻮﺿﻮﻉ ﺍﻟﻤﻬﻢ ﺍﻟﺘﺮﻳﺪ ﺗﺤﺎﭼﻴﻨﻲ ﺑﻲ ﻭﺍﺣﻨﻪ ﻣﺎ ﺑﻴﻨﻪ ﻛﻼﻡ ﺑﺲ ﺍﻟﺴﻼﻡ
ﺗﻔﻀﻠﻲ ﺧﻮﻳﻪ ﺍﺣﭽﻲ ﺍﺳﻤﻌﻲ
ﺷﻔﺘﻬﻪ ﻣﺘﺮﺩﺩﻩ ﺗﺒﺎﻭﻋﻠﻲ ﻭﺗﺮﻳﺪ ﺗﺤﭽﻲ ﻭﺗﺮﺟﻊ ﺗﺪﻧﺞ ﻭﺗﺴﻜﺖ ﻣﺜﻞ ﺍﻟﺨﺎﻳﻔﻪ ﻣﻦ ﺍﻟﺸﻲ ﺍﻟﺮﺍﺡ ﺗﮕﻮﻟﻪ .. ﺣﺎﻭﻟﺖ ﺍﻃﻤﻨﻬﻪ ﻭﺣﭽﻴﺖ :
ﺧﻴﺘﻲ ﺳﻮﻟﻔﻲ ﺍﺳﻤﻌﻨﭻ ﺷﻨﻮ ﻋﻨﺪﭺ ﺣﭽﻲ ﻟﺘﺨﺎﻓﻴﻦ ﺍﻧﻪ ﺍﺧﻮﭺ ﻭﺑﻴﺮ ﺍﺳﺮﺍﺭﭺ ﻣﺜﻞ ﻣﺎ ﺍﻧﻪ ﺑﻴﺮ ﺍﺳﺮﺍﺭ ﺭﺟﻠﭻ
.... .....
ﺻﻌﺪﺕ ﺍﻟﻀﺮﻏﺎﻡ ﺣﺘﻰ ﺍﮔﻮﻟﻪ ﺑﺎﻟﺤﻘﻴﻘﻴﻪ ﺑﺲ ﺍﻟﺨﻮﻑ ﻣﺎﻛﻠﻨﻲ
ﻳﺎﺭﺏ ﺷﻠﻮﻥ ﺍﺣﭽﻲ ﻭﺷﻠﻮﻥ ﺍﺑﺪﻱ ﻣﺎ ﺍﻋﺮﻑ
ﻣﻦ ﮔﺎﻟﻲ ﺗﻔﻀﻠﻲ ﺍﺳﻤﻌﭻ ﺧﻔﺖ ﺍﻛﺜﺮ ﻻﻥ ﻻﺯﻡ ﺍﺣﭽﻲ ﺑﺲ ﺑﻨﻔﺲ ﺍﻟﻮﻗﺖ ﺧﺎﻳﻔﻪ ﺍﺣﭽﻲ .. ﺍﺭﻓﻊ ﺭﺍﺳﻲ ﺍﺭﻳﺪ ﺍﺣﭽﻲ ﻭﻳﺎ ﺗﮕﻮﻡ ﺷﻔﺎﻳﻔﻲ ﺗﺮﺟﻒ ﻭﺍﺭﺟﻊ ﺍﺩﻧﮓ ﻭﺍﺗﺮﺩﺩ
ﺣﺴﻴﺖ ﺑﻲ ﺣﺲ ﻋﻠﻴﻪ ﻣﺘﺮﺩﺩﻩ ﻭﺧﺎﻳﻔﻪ ﺣﺎﻭﻝ ﻳﻄﻤﻨﻲ ﺑﻜﻼﻣﻪ ﻭﮔﻠﻲ ﻟﺘﺨﺎﻓﻴﻦ ﺍﺣﭽﻲ ﻭﺍﻧﻲ ﺑﻴﺮ ﺍﺳﺮﺍﺭﭺ ﻣﺜﻞ ﻣﺎ ﺍﻧﻲ ﺑﻴﺮ ﺍﺳﺮﺍﺭ ﺭﺟﻠﭻ
ﺗﺸﺠﻌﺖ ﻭﺣﭽﻴﺖ ...
ﺿﺮﻏﺎﻡ ﻏﺪﻳﺮ ﺗﺤﺒﻚ
... ....
ﻣﻦ ﮔﺎﻟﺖ ﺿﺮﻏﺎﻡ ﻏﺪﻳﺮ ﺗﺤﺒﻚ ﻧﺼﺪﻣﺖ ﻭﺣﺴﻴﺖ ﺭﻭﺣﻲ ﺩﺧﺖ ... ﺷﮕﺎﻋﺪ ﺗﺴﻮﻟﻒ ﻫﺎﻱ ﺍﻟﺒﺖ ... ﻏﺪﻳﺮ ﺑﺖ ﻋﻤﻲ ﻣﺎﻏﻴﺮﻫﻪ ﻫﻲ ﺍﻟﺘﺤﺒﻨﻲ
ﺭﺟﻌﺖ ﺣﭽﻴﺖ ..
ﺧﻮﻳﻪ ﻳﺎﻏﺪﻳﺮ ﻗﺼﺪﭺ ؟
ﺷﻨﻮ ﻳﺎﻏﺪﻳﺮ ﺿﺮﻏﺎﻡ ﻏﻴﺮ ﻏﺪﻳﺮ ﺍﺧﺖ ﺍﻣﻴﺮ ﺍﻛﻮ ﻭﺣﺪﻩ ﻏﻴﺮﻫﺎ ﻋﺪﻛﻢ ﺍﺳﻤﻬﺎ ﻏﺪﻳﺮ
ﻣﻨﻮ ﮔﻠﺞ ﺑﻬﺎﻟﺴﺎﻟﻔﻪ ﺧﻴﺘﻲ ﻭﻣﻦ ﺷﻮﻛﺖ ﻫﺎﻟﺤﭽﻲ ...
ﮔﺎﻋﺪ ﺍﺳﺄﻟﻬﻪ ﺍﺭﻳﺪ ﺍﻋﺮﻑ ﺍﻟﻤﻮﺿﻮﻉ ﻻﻥ ﻣﮕﺎﻋﺪ ﺍﮔﺪﺭ ﺍﺳﺘﻮﻋﺐ ﺍﻟﺴﻤﻌﺘﻪ ﻣﻨﻬﻪ .. ﺍﻧﻲ ﻭﺟﻬﻲ ﻋﻠﻰ ﺑﺎﺏ ﺍﻟﺴﻄﺢ ﻭﻫﻲ ﺿﻬﺮﻫﻪ ﺍﻟﻪ
ﺷﻔﺖ ﺍﻣﻴﺮ ﺑﺎﻟﺒﺎﺏ ﺻﺎﻓﻦ ﻋﻠﻴﻨﻪ .. ﺷﺎﻓﺘﻨﻲ ﺭﻓﻌﺖ ﺭﺍﺳﻲ ﺍﺑﺎﻭﻉ ﺩﺍﺭﺕ ﻭﺟﻬﻪ ﻭﺷﻬﮕﺖ ﺍﻣﻴﺮ ....
