أبسط حقوقي

المقدمة

في واحد من المنازل البسيطه في حي ريفي مقعمز عمكم مصطفى مع مرته حسناء
مصطفى بعصبيه:قلت البنت تقعمز في الحوش ياسرها قرت الاعدادي تبي خوتي يديروني مضحكه يقولو سمع راي النسون وخلى بنته تخش المدارس والدوة الفاضيه
حسناء بترجي:حرام عليك بنتك شاطره وجايبتها الاولى على مدرستها علاش تكسرها وتقعمزها في الحوش
مصطفى:كلمتي وقلتها تقعمز تراجي نصيبها بنات عمامها مش خير منها متزوجات بصغارهم
حسناء:بنات صغيرات تزوجو فيهم يتحملو مسؤوليه وهما بروحهم قعدات يلعبو
مصطفى:معاش تناقشيني ونوضي من وجهي معاش تفتحيه معاي هالموضوع
حسناء طلعت بخيبه امل ودموعها في عيونها خشت للحوش قابلتها بنتها
قبس ببرائه:شن ياماما قولي وافق بالله عليك
حسناء شافت لبنتها وحضنتها وتبكي:سامحيني يابنتي ماعندي جهد ليك بتحملي هم على صغر سنك
قبس بدت تبكي:ياماما بالله عليك لا نبي نقرا مع صاحباتي كلهم بيقرو مع بعض نبي نقرا طب
حسناء تمسح على شعر بنتها:الله غالب بوك مسكر راسه قال زيها زي بنات عمامها
قبس ركبت تجري وسكرت على روحها دار
نتعرفو على بطلتنا الاولى
قبس مواليد96 بنت الوحيدة عند عيلتها
عندها خو واحد اكبر منها اسمه مجدي مواليد 90شخص اناني تهمه نفسه بس ديما طلعات مع صحابه ويروح نوم بس في الحوش
بوها مصطفى راجل يفتح في وذنه للناس واهم شي يتبع خوته ظلم بنته وكسرها واللي رح يخسرها بسببه
امه حسناء مرا طيبه وعلى حالها تزوجت مصطفى في سن صغير وقعدت تخدم في حوشها ومتأمله بنتها ماتعيشش نفس عيشتها بس للأسف 💔
نمشو لوسط المدينه في عمارة الدور الرابع شقه طالع منها صوت عالي
ايهاب بصوت شبه متوازن:والله ماك قاريتها وصاحبي تتزوجيه غصبا عنك يافرخه النم ناقص غير بنت تمشي رايها عليا
مروى:وعلاش مانقراش شنو فيا ناقص كان بوي حي رهو خلاني بس مات وانت تحكمت فيا ياريتني نلحقه
ايهاب يضحك:ايه ياريتك متي وارتحنا منك ومن وجهك بنوت يجيب الهم اقلبي وجهك من قدامي وديري في حسابك غدوة جاي الراجل وبتطلعي تشوفيه
مروى خشت لدارها طاحت على سريرها تبكي وتدعي:ياربي ساعدني انت عالم اللي في قلبي ااه ياريتك معاي يابابا ماكنتش سمحت بهدا كله ربي يرحمك 😢😢
نتعرفو على بطلتنا التانيه
مروى بنوته مواليد 93
خوها الكبير ايهاب سكير ويكرها شبح ويعتبر فيها هم على قلبه
بوها كان مدلعها وغير شن تبي بس من يوم مات وهيا عايشه في ظلام
امها مش مهتمة بيها ديما طالعه او عند صاحباتها واخر همها صغارها
اختها الكبيرة ميسون لما عرفت انه بتعيش عذاب مع خوها وامها بعد مافقدت سندها طول وافقت على خو صاحبتها اللي تقدملها وتزوجت وبعدت على عيلتها ونست اختها الصغيرة
شن بيصير في مروى وقبس وهل بيسلمو في قرايتهم ويشدو الحوش او بيصرو على قرارهم
نعرفو الاحداث في حلقات روايتنا #ابسط_حقوقي
تفاعلاتكم. معاي