أبسط حقوقي

part10

part10 الاخير
مجدي بعصبيه:كيف يعني بوك جي
قبس:اهدا خيرك بوك تعبان ومرته خدت منه كل رزقه واليوم جاني بالصدفه
مجدي:مش موضوعي يقعد بعيد علينا هوا بالنسبه ليا ميت وخليه هكا حتى ليك
قبس:لا بوك مش ميت مجدي بلاش منها القسوة هدي
مجدي:والله هكا انا شن نسيتي شن دار فينا نسيتي انه تبرا منك ولزنا من حوشنا
قبس:لا مانسيتش بس سامحت يكفي اللي هوا فيه
مجدي:وشن فيه يعني
قبس:بوك عنده ورم عالكبد ووضعه مايطمنش
مجدي انصدم وقعمز جنبها
قبس شدت ايديه:نعرف انه عذبنا وهلبا بس احنا ربتنا امنا نسامحو حتى اللي غلط فينا
مجدي سكت
قبس:ارجوك عاخاطري انا بهي معادش عنده غيرنا
مجدي هز راسه:بهي حاضر انتي تؤمري يا دكتورة
قبس ضحكت وحضناته:حبيبي ربي يخليك ليا لولاك مش عارفه شن يصير فيا
مجدي:هدا رضا امك عليك الله يرحمها قداش مستاحشها
قبس:امين يارب
بعد وقت روح عادل ومصطفي اللي كان بيموت من ندمه ويتمني الوقت يرجع ومايخسرش صغاره
نمشو لمروى اللي شاغله تفكيركم عارفتكم تبو تعرفو من اللي خش عليها 😂😂
انفتح الباب ويخش اي اي هوا وسيم 😁
خش يمشي بكل ثقه وهيبه لابس بدله رسميه ومحدد هديكا اللحيه والريحه سابقاته ولابس نظارات
وقف قدامها ونحاهم ابتسملها ومد ايده:اهلا بالمهندسة مروى سمعت على خدمت هلبا وأخيرا بنتشرفو ونحصلو على جزء منها
مروى في دقايق مر عليها كل اللي فات وماضيها معاه وحست بقلبها بيطلع وقف جمعت كل حاجاتها
سكرتيرة:شن فيه خيرك
مروى:اسفه مش رح ناخده الشغل عن اذنكم وطلعت
وسيم ضحك وفي خاطره: قعدا طرف زي قبل ربي يصبرني
سكرتيرة:شن بيصير استاذ
وسيم:ولا شي رح نشتغلو مع المهندسه مروى
مروى تجري بالسيارة ومش عارفه وين تمشي اخر شي وقفت عالبحر ونزلت "ياربي هدا من وين طلعلي كيف تعودت عاحياتي هكا وشبه نسيته لا وشخصيته الجديدة بكل لكن محلو ايح شن نخرف انا هبلت وخبطت جبهتها
وسيم:معاش تعاوديها لو سمحتي
مروى تلفتت مخلوعه:انت شن جابك هنا كيف..! 😳😳 تلحق فيا
وسيم ابتسم بهدوء:لا والله ظالمتني صدفه 🙂
مروى:شن تبي مني هات من الاخر
وسيم:تخدميلي الشركه الجديدة
مروى:بس?
وسيم:بس مانبيش نفتح الماضي و الواضح انك نسيتي فا خليها صفحه جديدة وكأنه ماعرفناش بعض قبل
مروى قعدت تشوفله وتفكر وبعد دقايق:تمام ماعنديش مانع طالما اللي بيجمعنا شغل بس
وسيم مد ايده:الاستاذ وسيم مدير شركه ....للتجارة 35سنه
مروى ابتسمت بهدوء وسلمت عليه:الباش مهندسه مروى 27سنه
وسيم:تشرفنا يا مدام وان شالله ترتاحي في الشغل معانا
مروى:ان شالله هي نستاذنك وركبت سيارتها روحت
عند قبس في العيادة تشتغل لين خشت عليها
ابرار:شنو فاضيه لفنجان القهوة
قبس ضحكت:ايه اكيد تفضلي
ابرار:شني وضع بوك
قبس:والله حالته صعبه ربي يفرج
ابرار:ان شالله سرحت شويه بعدين ضحكت
قبس:خيرك اللطف
ابرار:اذكرت زمان كيف كنا اللي يشوفنا قبل مستحيل يصدق كيف بدينا مقربين
قبس:اي والله
flash back
بعد شهرين من القصه وقبس معادش تتلاقى مع خوات عادل. في يوم
ابرار تبكي:عادل ياسر انا ضميري بيقتلني رهو
عادل:خيرك شن فيه
ابرار حكتله على كل شي
عادل تعصب وضربها وحبسها في دارها وطبعا حاول يكلم قبس بس هيا رفضت اي نقاش معاه وتحول تعذيب الضمير من ابرار لعادل 💔  end back
ابرار:يلا انا بنمشي لشغلي نتلاقو حبي
قبس:سلامات
كملت باقي خدمتها وطلعت فاتت على بنتها في المدرسه خدتها وروحت
حسناء:ماما امتى بجينا جدو
قبس:مانعرفش ياماما اسبقيني للدار هيا باش نغيرلك لبسك
حسناء:حاضر
مروى خشت للحوش:امي
امنه: اهلين
مروى:مش حاتصدقي منو مدير الشركه الجديدة
امنه تحرك في الطنجرة:منو
مروى:وسيم
امنه:ووك يا بنيتي فكك منه وسيبيها هالشركه مش ناقصه ترجعي تتعبي
مروى:لا يا ماما مش هكا لو تشوفيه كيف متغير وبدي شخص تاني شكله سيب المخدرات
امنه:قصدك بتخدميله
مروى:باذن الله ادعيلي بس
امنه:ربي يحفظك ويحميك يا بنتي
ومن ثاني يوم بدت خدمه في شركه وسيم اللي طلب انه كل شي يكون على ذوقها هيا 
وبدت علاقتكم عاديه يهدرزو ويضحكو ونسو الي صار قبل وكأنه مروى ووسيم القدم ماتو وهادو اشخاص جدد
مروى مقعمزة تشتغل وتوري لوسيم في الخدمه لين انفتح الباب وخشت
سلمى بمياعه:سيمو الحلو
وسيم وقف:فيه باب تخبطي عليه وتستاذني
سلمى ضحكت:سوري شنو قصيت عليكم حاجه
وسيم:بلا تفاهة شن تبي
سلمى:الحاجه اللي نجي على خاطرها ديما
مروى وقفت خدت شنطتها وبتطلع
سلمى:مش انتي الفرخه اللي كان متزوجها ههه شنو حنينا 😂
مروى:مش كل الناس واطيه زيك وطلعت
وسيم:حسابك بعدين ولحقها شدها من ايديها خيرك تجري
مروى:معليشي عندي خدمه تانيه بنطلع
وسيم:عااساس متفرغه لشركتي
مروى:ايه مزبوط بس حضرتك مشغول
وسيم حاول يخفي ضحكته:بهي تقبلي نعزمك عالفطور غدوة
مروى:للأسف قص عليها
وسيم:ارجوك بهي
مروى:تمام نتلاقو ومشت
وسيم رجع للمكتب متعصب:انتي خيرك ماتعرفيش تكبري بكل تقعدي طول عمرك عيله
سلمي بدون مبالاة:العيله كنت في يوم تموت عليها
وسيم:غلطه وحطي في راسك رح نصفي حساب بوك وتاخديهم فلوس وتقلبي وجهك معادش نبي نشوفك
سلمي:تمام وتوا اعطيني 4الاف هيا مستعجله
ثاني يوم في مطعم هادي وبعيد عالمدينه مقعمز وسيم ويتأمل فيها
مروى:جايبني باش تتفرج عليا
وسيم:والله ماعنديش مانع انتي محلوة ماشالله
مروى:تحشم
وسيم:بهي المهم نبي نوضحلك سوء التفاهم اللي صار امس رهو سلمى جايه بس عاخاطر لفلوس لانه الشركه نصها لعمي الله يرحمه وهيا من يوم مات تاخد في الفلوس مني
مروى:بس هدا شي مايخصنيش
وسيم:بس عيونك يقولو غير هكا
مروى شافت للجيهة:مابردك
وسيم:نحبك
مروى شافتله بصدمه
وسيم:ايه نحبك ومافيش يوم حبك في قلبي نقص بالعكس يزيد وكأنك عايشه معاي نحبك لانه بفضلك انا اليوم قدامك انسان كويس وناجح مانفوتش في صلاه والوسخ كله نسيته الحمد لله
مروى:تعالجت
وسيم:في نفس اليوم اللي طلقتك فيه خشيت للمصحه بعد امي لزتني من الحوش عرفت انه خلاص لازم نرجع انسان طبيعي قعدت سنتين فيها شفت عذاب ووجع ما ننساهم طول عمري
مروى:ورجعت لامك
وسيم:ايه كنت نبعتلها في رسايل كل فترة وبعدين بدت تجيني زيارات وبعد طلعت خديت حوش تاني وسكنا فيه انا وياها وبديت نخدم في شركه بوي لين رجعتها زي قبل وعلى عينك اهو بنفتح فرع جديد
مروى:ربي يوفقك ويعاونك
وسيم:تسلمي
عادل خش للحوش:حبيبي شاف للصاله لقاها مزينه كلها وعلي الطاوله كيكه مكتوب عليها "يخليك ليا يا نبضي"
قبس:كل عام واحنا بالف خير
عادل حضنها:غزالتي نموت فيك وفي حبك وفي اميرتنا الحلوة احلى هديه منك
قبس:انا اكثر
عادل:يا محلى نصيبي فيك
تبو تعرفو كيف تزوجو عادل وقبس 😂😂 خلاص بنرحمكم ونحكيلكم flash back
قعدت قبس تتهرب من عادل ماتبيش تكلمه لين يوم
مجدي:قبس انا طالع بنسهر مع جماعتي انزلي مع ارين
قبس:بهي تمام
طلع مجدي وقبس قعمزت تتفرج لحد رن الجرس فتحت وتفاجئت ب
عادل خش وسكر الباب:لازم تخليني ندير حركات المفرخ باش نحكي معاك
قبس:اطلع من هنا بلاش هبال
عادل:مش متحرك لين نحكو ونتفاهمو خليك مسكرة راسك والله ماني طالع حتى لو جي مجدي
قبس قعمزت عالصالون:احكي اللي عندك هي
عادل قعمز قدامها:اسف والله تصرفت غصب عليا هكا انا انوجعت هدا علاش كلمتك بالطريقه هدي باش تنوجعي زيني لما شفته حاط يده عليك دماغي وقف
قبس نزلو دموعها:بس هدا مايعطيكش الحق تكلمني هكا وتهيني
عادل:بهي ماتبكيش اسف واللي تبيه انا فيه غير ترضي
قبس:خليني في حالي
عادل:مانقدرش وربي الشهر اللي فات حاس روحي ميت وانتي بعيده
قبس:وعلاش شن انا اكسجين 🙄🙄
عادل ضحك:بلاش منها قلبت العيون هدي ايه انتي اكسجيني انا بهي
قبس:بلا برادة
عادل:يعني مش فاهمة اني نحبك
قبس وقفت:انت بعقلك ولا انجنيت شن نحبك هدي
عادل:غير اهدي خيرك تعيطي شن حرام ولا عيب كان حبيتك
قبس:الزوز ماتحبنيش عادل وتفضل اطلع هي
عادل اضايق من ردها:تمام اسف واعتبريني ماقلت شي وطلع
قبس قعدت مصدومة وتستوعب في كلامه
بعدها بدو امتحاناتها ومافهمتش مادة الفيزياء قلها مجدي رح يجي عادل يقريك لانه يفهم فيها وحي على قبس كيف بتقابله 🤣
مجدي:هي تفضل تعالي يا همي كان تبي تقري
قعمز عادل وفتح كتاباتها يراجع في المنهج باش يشرحلها
خشت قبس قعمزت جنبه:كيف حالك
عادل بجفاف:بخير من وين امتحانك
قبس:هنا
وبدي يشرحلها وهيا فهمت منه بس قعدت سرحانه فيه كيف يشرح ويتكلم
عادل:هكا كملنا شن فهمتي
قبس:اها شكرا تعبتك معاي
عادل:ولا يهمك حتى انتي اخت صاحبي
قبس بزعل:اخت صاحبك بس
عادل:ايه
قبس:زعلان مني
عادل:ماعندي علاش بنزعل جوابك وصلني بس وصلتيه بطريقه اخي يا قبس
قبس:بهي اسفه
عادل قعد يشوف لعيونها:خليني ننساه حبك
قبس:اني نبيش تنساه
عادل قام حاجبه
قبس واطت راسها:نبيه
عادل بحركه سريعه قرب منها باسها وسند راسه على راسها:نموت فيك يا همي
قبس دفاته:سخيف
عادل:نعشقك
قبس خدت كتاباتها:بهي نوض روح هي
عادل:تلزي فيا
قبس ايه ضحكت وطلعت
وبعد فترة خطبها وتزوجت سنه ثانيه جامعه وقعد مساندها ويساعد فيها لين كملت وتخرجت وفتحلها العيادة هديه
end back
  فاتت فترة ومروى ووسيم كثرت لقائاتهم وبدو اصحاب
مروى:كيف بندير يا ماما
امنه:اللي تشوفيه صح ديريه بنيتي
مروى:خايفه
امنه:صلي استخارة
مروى:ان شالله خير
ثاني يوم كله تتهرب منه لين جت بتروح خشلها في المكتب
وسيم معصب:ماتقوليش خيرك اليوم كله تتهربي مني
مروى:ااه لا شي غير خدمه هلبا
وسيم:حتي امس هلبا وفضيتي وحكيتي معاي خيرك اليوم
مروى:شي وجت بتطلع شدها
وسيم:ميمو يا روحي خيرك
مروى:شي
وسيم:تمام بري وردي بالك على روحك
روحت رقدت ومعادش مشت للشركه باقي الاسبوع لين في يوم
امنه:نوضي مروى جايينا ضيوف
مروى:منو
امنه:نوضي بسرعه غيري وانزلي قريب يوصلو
مروى دوشت ولبست ونزلت انصدمت بام وسيم واخته
فاطمه:ماشالله على بنيتي الحمد لله بترجعي كنتي
هدرزو وقالولها في المربوعه
طلعتله خشت عطاته القهوة وقعمزت
وسيم:نفس المكان ونفس البنوته الحلوة ونفس النصيب
مروى:نحبك
وسيم:حي عليا قداش استنيتها
مروى ضحكت:ماتوقعتش في يوم نحبك
وسيم:ولا توقعت بنرجع كويس بفضلك احلى ميمو
وتزوجت مروى وسيم بعد شهرين ودارلها عرس تاني ماصارش قبل وعاشت معاه حياة حلوة ومريحه كان معاها شخص عكس اللي كان زمان وغير شن تبي بس جابت بنوته سماها مرام على وزن اسمها
اما قبس سعيدة مع عادل وبنتها ونفس الشي مجدي وارين
ومصطفى توفى بعد فترة من العلاج 💔
مروى وقبس شخصيتين ماليهمش علاقه ببعض بس عاشو نفس القصه
والزوز كانو قويات وكافحو باش يحققو حلمهم وطموحهم وبعد معاناة قدرو يكونو مثال للمرأة الطموحه اللي خدمت مجتمعها وكانت عاملة وأم
the end
احنا وصلنا لوقت البنات بدو يفكرو في الخدمه والنجاح في الحياة العمليه اكثر من الحياة الزوجيه
فانتمنى الاهل اللي مزالو عقليتهم بالافكار هدي تتخلى عليها وتسمح لبناتها يثبتو وجودهم في مجتمعهم ويساهمو انهم يبنوه
في روايتي حاولت اني نوصللكم فكرة انه حتى المرأة قادرة تخدم وتكون ام في نفس الوقت ماتنسوش انها اساس حياتنا
يمكن مش كلنا امهاتنا كملو تعليمهم بس اكيد كلهم يتمنو يشوفونا في احسن الاماكن ومكملين قرايتنا وناجحين في حياتنا..
في الاخير نبي من الكل اللي قرا روايتي يدعي دعوة لأمه يسعد قلبها ❤️❤️
lole saad.