أبسط حقوقي

part7

part7
خشت بنت لحوش عيلة وسيم مأنقه وسلمت عالكل بترفع ولما وصلت في مروى نزلت لمستواها وقربت منها
سلمى:ماتحلميش انك تتهني معاه زي ماخديتيه مني نوعدك ناخد راحتك والنوم من عيونك رح نخليك تندمي عاليوم اللي شفتي فيه لوسيم
مروى ضحكت بوجع:اهلين بيك
سلمى:هه ناقصني عيله ومشت
قعدت معاهم ساعتين وتغدو بعدها ناداها وسيم لبست عبايتها وطلعت شافت نفس البنت قدام الباب
سلمى:تنسيش كلامي تمام
مروى:بعدي عليا وخليني في حالي عندي. هم سادني وكان على وسيم انا لا نحبه ولا نبيه تخدميني خدمه العمر لو تاخديه ويطلقني اما على راحتي فااطمني خدوها من زمان ومشت
في السيارة
مروى:مني سلمى
وسيم توتر:خيرها فوتيها وماتختلطيش بيها بكل
مروى:تحبها
وسيم:شي مايخصكش وسكري الموضوع
مروى:تمام امتى رح نبدو
وسيم:مانعرفش لما نقرر انا
مروى:مالا سجلني في الجامعه
وسيم بهدوء:تمام غدوة نمشي نسجلك شن تبي تتخصصي
مروى:هندسه ديكور
وسيم:تمام. حركات زايدة مانبيش من محاضرتك للباب طول وجدولك نبيه عندي
مروى:اخر تفكيري اني نلعب ولا ندير حاجات فاضيه
رفعها للبحر وتعشو في مطعم وخدالها شكلاته بس جوها قاعد زي ماهوا
وسيم حس انه كسر شي في مروى صعب يرجعه انه روحها ماتت وهيا معاه جثه بس لكن مستمر في قراره ومش مهتم
"وسيم من نوع الناس اللي يحبو الشخص يكون معاهم بأي طريقه حتى لو بالغصب حتى لو بيموت معاهم عادي المهم قدامهم والحب بالطريقه هدي اكبر غلط لانه مهما حاولت تخليه يحبك رح تفشل الحب عمره ماكان بالاكراه بالعكس هوا شعور حلو لما اللي يحبك يكون بالنسبه ليك راحة و امان ومعاه ماتعرفش الخوف"
عند قبس قعد تشوف مصدومه للبنت اللي قدامها
ابرار:خيرك تشوفيلي بس مايكونش عاجبك لبسي وتبيه وضحكت بهزوة
وقفت قبس وساوت لبسها:لا والله بس لفتت نظري كميه التفاهة اول مرة نشوفها في انسان
ابرار:هيي انتي يا ماما تحترمي نفسك راك قعدا في حوشنا
قبس:بفلوسنا مش قعدا فيه صدقه منك واللي مفهمك اني قعدا هنا لاجئه يجي يوقف قدامي والاحترام نوعدك تتعلميه مني ودفتها وطلعت
"يرعبهم ان تكوني انثى قوية في سن صغير 💪✊"
طلعت وركبت للسيارة بدون ماتشوف لخوها وعادل
مجدي:هي نتلاقو بعدين
عادل:تمام مع السلامه وركب سيارته طلع قبلهم
مجدي:خيرك ماتقوليش حتى صباح الخير للراجل
قبس:حيي والله ماركزت اسفه
مجدي:حصل خير خيره وجهك اصفر
قبس:شي غير قتلك بقداش ايجار الشقه
مجدي400 علاش
قبس:اها وتقدر تدفعه
مجدي:قبس خيرك ناسيه خوك مهندس نفط يعني الفلوس تفكريش فيهم بكل
قبس:اي بهي تمام
رفعها سجلها في نفس الثانوية مع صاحباتها وخدالها كل اداوات وكراسات ولبس جديد واحذيه وحقائب مانقص عليها شي وروحو المغرب تعبانين
قبس:الله مجود حبيبي ماخليت شي في خاطري ربي يخليك ليا
مجدي راقد عالصالون:وليا يا عويناتي ماعنديش غيرك في الدنيا انتي وصيه الغاليه
قبس:ربي يرحمها قداش استاحشتها
مجدي:نمشو نزوروها غدوة
قبس:ايه ان شالله
خبط الباب ناض مجدي فتح قابلاته بنت تباش في 20
ارين:مساء الخير
مجدي تلخبط:مسائك زي جمالك 🤤😉
ارين:احم عادل قلكم انزلو العشا عندنا باش نتعرفو عليكم
مجدي:تمام شوية وننزلو
ارين نزلت تجري
تعالو نتعرفو على عيلة عادل ماعندهمش دور في الروايه بس مجرد ذكر
عادل بوه متوفي وهوا الكبير في الحوش
امه خديجه مرا متسلطه وشخصيتها قوية وماتحبش حد يقرب من صغارها ونظرتها للناس ديما بالمستويات
ارين البنت الكبيرة طيوبه وماشيه عاحالها
ابرار امها نسخه مصغرة ويمكن اسوء 🤦‍♀️
عدي الولد الصغير عايش في كندا متزوج بنت عمته
نزلو قبس ومجدي تعرفو عالعيله وتعشو مع بعض
خديجه:ايي شن تقري يا قبس
قبس:اولى ثانوي
خديجه:اها بالتوفيق وحضرتك
مجدي:مهندس نفط نشتغل مع عادل
ابرار ضحكت بخبث ومش ناويه خير
كملو عشاهم وركبو وقبس مضايقه من نظرات خديجه وابرار بس ارتاحت لارين وحبت تبدا صديقتها
عند مروى مقعمزة في شقتها تقلب في التلفزيون بملل شافت للساعه لقتها 9 قررت تنزل لعمتها لبست ونزلت
مروى:السلام عليكم
فاطمه:اهلا بنيتي تعالي خشي
مروى:وسيم طالع وكسدت بروحي قلت ننزل نهدرز معاك
فاطمه:بهي خير من بروحك خلي ندير شاهي
مروى:لا قعمزي يا عمتي تو ندير انا وين البنات مالا روحو
فاطمه:ايه يا بنتي بكري جوهم رجالاتهم  والكناين عند اهلهم
قعدت تهدرز معاها وانسجمو ومروى حبتها هلبا
الساعه 11ركبت للشقه فتحت الباب وخشت
وسيم:وين كنتي
مروى خافت لما شافت حالته:انت شارب
وسيم يمشي وقريب يطيح:وين كنتي يافرخه
مروى دفاته:ابعد عليا وجت بتمشي شدها من شعرها
وسيم:وين بتهربي مني ها مرتي الحلوة بترقدي معاي الليله
مروى تبكي:لا بالله عليك سيبني مش قلت مش رح تقربني
وسيم:انا امتى قلتها الدوة هدي
مروى حاولت تفك ايديه بس ماقدرتش ضرباته على رجله وجت بتهرب
وسيم وقف متعصب وشدها ضربها
مروى حاولت دافع على نفسها بس بدون فايده لين دفها بقوة انخبط راسها في الطاوله انجرح واغمى عليها ....
عند قبس بدت تقرا ومبسوطه مع صاحباتها وقاعد مستواها ممتاز تقرا في الدروس اللي فاتوها ومجدي مهتم بيها هلبا وديما معاها
مجدي خش للمطبخ حط اكياس وطلع:وينك يا فرخه
قبس:مانيش فرخه
مجدي قعمز جنبها:قريتي كويس
قبس:يعني الكيمياء متعبتني مافهمت شي
مجدي:غير نوضي حطيلنا ناكلو جبت عشي من برا وتو نشرحلك
قعمزو تعشو وشرحلها الدروس وكيف بيخشو يرقدو رن الهاتف
مجدي:ها سفيان
سفيان:تي وين يا راجل ماشفتكش في الفاتحه ههههه
مجدي:فاتحه منو!
سفيان:...... 😏
مجدي: 😡😡😡😡يتبع
توقعاتكم للحلقه 8نبي نشوف كلامكم