أبسط حقوقي

part6

part6
وسيم:اكيد تفكري من وين جبته طلبي صح
مروى:ايه وكيف قارنت قرايتي بحاجه زي هدي
وسيم:خليني نحكيلك من الاول شن صار معاي وكيف بديت هكا
قبل 3سنين طالعين انا وصحابي زردة ومقعمزين نهدرزو وانا نضف في سلاحي طلعت مني طلقه بدون قصد وقتلت اعز صحابي اللي نعتبر فيه خوي مات قدام عيوني وصاني على امه وخواته وانا اللي قتلته بيديا معاش قدرت نعيش ولا نرقد ولا ناكل نشوف فيه في كل مكان في كل شخص ذكرياتي معااه تقتل فيا و في يوم دارو بيا صحبة سو واعطوني نجرب كوكايين وعجبني عطاني شعور ماحسيتاش قبل واللي خلاني نرجعله تاني اني معاش تخايلت صاحبي وقدرت نرقد بديت ندخن ونتعاطى وتعرفت على خوك وبديت انا وياه صحاب وهوا يجيبلي في كل اللي نبيه ونعطي فيه مبالغ كبيرة وادهور وضعي حاولو معاي خوتي بس بدون فايده لحد يوم سكرانين انا وخوك حكالي انه كان يلقى يزوجك لاي حد ويرتاح منك قتله انا ناخدها
مروى:شنو يعني?!.
وسيم:ايه فكرت اني ناخدك شهر شهرين ونطلقك يعني مش خاسر شي وليوم المقابلة الشرعيه كنت ماشي بالقرار هدا بس وقت شفتك انقلبت كل الموازين وقلبي تعلق بيك وتراجعت على قراري نعرفش كيف بس حسيت انك رح تساعديني وحكيت لامي عليك وافقت وقتلي ان شالله تكون هيا اللي ترجعك زي قبل بس خواتي رفضو لانهم حسو هالشي ظلم ليك وانتي صغيرة
مروى دموعها زي النار
وسيم:انا عمري 28سنه مافيش يوم قلبي دق لبنت ولا تعلقت بوحدا بس انتي خديتي قلبي مني حبيتك يا مروى وحق الله حبيتك ساعديني ارجوك نبي نرجع طبيعي وكويس فديت من روحي كرهت نظره الناس ليا اني واحد سكار ومتعاطي وانا نوعدك تكملي قرايتك ومانقربكش ولا نجي في جيهتك بكل
مروى:هالشي صعب وانا مانتحملاش
وسيم:نحاولو قتلك مقابل قرايتك
مروى بعصبيه:بس انت ماعندكش الحق تقارن حاجه زي هدي بقرايتي شن علاقتي لو انت مدمن انا مش ذنبي
وسيم وقف:ماعندكش خيار غيره انتي في ايدك الحل تبي تقري بتكملي معاي ومشي خش لدار وسكرها
مروى:ياربي ساعدني للدرجه هدي صعب حلمي 💔💔
عند قبس
مصطفى:لو تخشي مدرسه ماليكش مكان في لحوش هدا
قبس:بابا 😱😱
مجدي: تبي تتبرى من بنتك لانها تبي تقرا 😡
مصطفى:هدا اللي عندي وتلفت بيمشي
مجدي:اعتبر ولدك وبنتك ماتو مع امهم
قبس تبكي:مجدي لا
مصطفى:معادش نبي نشوف وجهكم في الحوش
مجدي:حاضر من غدوة مش رح تشوفنا وشد ايد اخته وركبو
وتي كل لبسك وحاجاتك بنطلعو
قبس:بس انا
مجدي:خلاص بري ديري اللي قتلك عليه
قبس:بهي ومشت خشت لدارها توتي في لبسها وتبكي خدت معاها صور امها وقعمزت تستنى في خوها
بعد ساعه ونص طلعو من الحوش
قبس:وين بنمشو
مجدي:صاحبي عندهم شقه فاضيه يبو يأجروها كلمته وقلي تعالو توا نمشو نباتو فيها وغدوة نضفوها تمام
قبس:تمام بس انا
مجدي:معاش تحكي فيه الموضوع انا صح كنت مش مهتم بيك بس والله نحبك ويوم شفتك منتحرة قلبي وجعني وكلام امي ليا صحاني من الغلط ونبي نعوضك
قبس:ربي يخليك ليا
مجدي:امين
وصلو لحوش كبير على 3ادوار نزلو وقعدو يستنو لحظات وطلعلهم شخص
عادل:اهلا اهلا انستنا
مجدي سلم عليه بحرارة:كيف الحال
عادل:الحمد لله في نعمة شن اخبارك انت
مجدي:سامحنا تعبناك
عادل:عيب ماتقولش هكا احنا خوت هي تفضلو
مجدي:تعالي قبس سلمي
قبس قدمت وهيا مواطيه راسها ومدت يدها لعادل:اهلين
عادل سلم عليها:اهلا بيك هي تعالو اركبو اكيد تعبتو
مجدي:اي والله انا تالف بكل نبي نرقد
ورالهم عادل الشقه وعطاهم المفتاح:غدوة تركبلكم الشغاله تنضفها ارتاحو اليوم ومن الصبح نعرفكم عالعيله هي ليلتكم سعيدة
مجدي:ليلتك اسعد منور
عادل:سلام ونزل
قبس:عيلته موافقين
مجدي:قتلك هما يبو يأجروها علاش مايوافقوش
قبس:نعرفش سالتك بس
مجدي:هي ارقدي غدوة يوم طويل
خش كل واحد لدار مجدي رقد طول وقبس ليل كله تفكر في قرارهم صح او لا وتبكي لانها طلعت من حوشهم وبوها تبرا منهم وتتذكر في امها
ثاني يوم الصبح فاقت مروى بعد ليله طويله دوشت وطلعت دورت المطبخ وجهزت الفطور وقعمزت تفكر لين قطع عليها
وسيم:صباحو
مروى شافتله:صباح النور هي تعالى افطر تبي قهوة ولا شاهي
وسيم:قهوة سادة
مروى وقفت دير في القهوة ووسيم يشوفلها:شن فكرتي
مروى:اها موافقه لانه ماعنديش خيار تاني
وسيم ابتسم:حتى اني هكا قلت
مروى حطت القهوة قدامه:ربي يساعدني
وسيم يضحك:ان شالله ان شالله هي افطري باش ننزلو لأمي وديري في حسابك كل يوم تنزلي شويه معاها
مروى:اكيد حبيتها امك مرا طيبه مش زي بعض ناس
وسيم:بلا تلقيح زايد خير من امك
مروى اضايقت ووجعتها الكلمه لانه بجد امها مش زي ام حد عيونها دمعو ووقفت طلعت من المطبخ
وسيم:اووف ولحقها لقاها مسكرة الدار بالمفتاح مروى هيا غيري بننزلو للعيله
مروى بصوت مغصوص:بهي شويه غيرت لبسها ومكيجت ونزلو
امه تزغرط وتبوس في مروى:مبروك كنينتي ان شالله ربي يهنيك
مروى:تسلمي عمتي
سلمت عالكل وقعمزت تهدرز معاهم لين خشت عليهم وحدا...
في مكان تاني
مجدي:هيا يا قبس تلقيني في السيارة
قبس:بهي
نزل يسخن في السيارة وتلاقى مع عادل قعدو يهدرزو
لبست قبس وشاحها ونازله تجري عالدروج خبطت في حد:ااخ يا راسي
........:مش تفتحي عيونك وانتي ماشيه ساد قبلناكم في حوشنا زي اللاجئين
قبس......يتبع
منو اللي خشت لحوش اهل وسيم?وكيف بتكون حياة مروى معاهم?هل بتوفق وتكمل قرايتها ولا بيصير شي يخليها تبطل وتنساها!
قبس ومجدي كيف حاتكون عيشتهم مع اهل عادل?هل بيحبوهم ويتعاملو معاهم كويس ولا بيلقوهم اسوء من العيشه مع مصطفى!!
تفاعلاتكم