أبسط حقوقي

part3

part3
الساعه 2الليل قربع ايهاب باب دار مروى وخشلها سكران:انتي يافرخه عجبتي الراجل وبياخدك نرتاح من وجهك
مروى:ياويلك من ربي
ايهاب:تي بلاش جو شيوخ بتوافقي عليه ونهارك نسمع منك زي الكلام اللي قلتيه بكري
مروى:مايهمنيش خلاص ربي فوق منا ويشوف فيكم
ايهاب ضحك وطلع طاح عالصالون ورقد
مروى مسحت دموعها:حسبي الله ونعم الوكيل
عند قبس خش مصطفى للدار شاف منظر بنته قلبه وجعه عليها ومانساش كلامها وهيا تبكي وتترجى فيه
مجدي لفلها ايديها وطلع بيها يجري حطها في السيارة ومعاه امه وطلعو بيها
وصلو للمستشفى دخلوها للعمليات طول وامها صاير فيها حاله ومجدي يدور وماقالش حتى كلمه ويفكر:ياربي احميها يارب ياريتني سمعت كلامها وكلمت بوي واقنعته تكمل قرايتها
طلع الدكتور:محاولة انتحار خيطنالها الجرح وحالتها كويسه نستنوها لين تفيق
مجدي وحسناء ارتاحو نوعا ما
وقعدو للصبح يستنو
الساعه 8 خش الدكتور لقبس شافها فاتحه عيونها وتشوف للسقف
د:الحمد لله عالسلامه يابنتي حرام عليك صغيرة تقتلي روحك تخسري دنيتك واخرتك
قبس!!
د:تسمعي فيا
قبس لارد
الدكتور كمل كشف عليها وطلع واضح على وجهه الحزن
حسناء:طمني ياوخي على كبيدتي
الدكتور:ربي يفرج البنت صايرلها انهيار عصبي وحالتها صعبه لاحركه لا كلام
حسناء خبطت على وجها:ووه عليا بنيتي
مجدي نزل راسه بحزن
الدكتور:رح نخلوها اليوم في الملاحظه وبكرا تطلع اهتمو بيها وحاولو ماتصيرلهاش انتكاسه
حسناء قعمزت حيلها مهدود:كله يديره بوك قداش قتله خليها تكمل قرايتها يسمع لخوته ان شالله يلقوه ويتلقوه "مليحه الدعوة "
مجدي:استهدي بالله ياامي غير تنوض بصحتها وان شالله يرجعها تقرا
حسناء:ايي بالله وينه هوا حتى شافها ماخسرش يجي يلحقنا
مجدي:اتصل بيا امس وبكري
حسناء شافتله:زيد تبعه وتصرف زيه والله يامجدي نغضب عليه ليوم الدين ونحرم عليك جنازتي هدي وخيتك لحمك ودمك ماليكم الا بعض نموت انا تقتلوها انت وبوك رهو هدا يردوهولك صغارك
مجدي خاف من كلام امه وجي يجري شد ايدها ويبوس فيها:لالا الا غضبك ياامي نوعدك والله نهتم بيها ونقعد جنبها ديما بس ارضي عليا
حسناء:ربي يرضى عليك انت ووخيتك ويحميكم
عند مروى خشتلها امها
امنه:نوضي البسي جايين اهل وسيم بيشوفوك
مروى وقفت شافت لامها بقهر ومشت تغير بعد ساعه وصلو امه وخواته الزوز متزوجات وعمته استقبلتهم. امنه وقعمزو يهدرزو
خشت عليهم مروى قدمتلهم العصير وسلمت وقعمزت جنب امه
عمت وسيم:ماشالله عليك
مروى ابتسمت
امه:ربي يحفظك ويجعلك من نصيب وليدي
خواته ساكتات وكانه مش عاجبهم
قعدو شويه وروحو
مروى طول ركبت لدارها لقت هاتفها يرن رقم غريب لوحاته وماردتش
مشت للمطبخ دارت تاكل وركبت لقت رساله منه:ردي على خطيبك
مروى:استغفر الله 🤦‍♀️
عاود تاني ردت:ايوا
وسيم:ياحليلي عالصوت تي محلاك يافرخه
مروى:شن تبي
وسيم:فيه وحدا حلوة تكلم خطيبها هكا
مروى سكرت عليه
عاودلها ماردتش وبعد خامس اتصال ردت
وسيم بعياط:اقسم بدين الله مزال نتصل وتسكري في وجهي لما نخربلك حياتك
مروى بلعت ريقها بخوف:ش .شن تبي مني
وسيم يتكلم بهدوء كأنه مش نفس الشخص اللي كان يعيط:يابنت خليك عاقله واسمعي كلامي احسن ليك رهو
مروى بتردد:بس انا مانبيش نتزوجك
وسيم:وانا نبي نتزوجك لانه مافيش حاجه عجبتني الا وخديتها
مروى:ربي ياخدك انت وايهاب
وسيم ضحك:الاعمار بيد الله يا غزاله المهم بهي نديرو صفقه جميله
مروى:مانبيش شي فوتني بالله عليك ليوم يتم هالزواج اللي خانقني
وسيم:تبيش تكملي قرايتك!
مروى:كيف
وسيم:نديرو اتفاق
مروى:اللي هوا
وسيم.......يتبع
اكيد اتفاق وسيم مش رح يكون ببلاش شن بيطلب من مروى??
قبس بتقعد هكا ولا بتقوى وتوقف على رجليها وشن السبب اللي بيخليها قوية ومايهزها شي??