أبسط حقوقي

part9

part9
عادل جت في عينه اللقطه وولعت فيه نار قرب منهم بصوت عالي:شن ديري انتي وياها ومن هدا اللي واقفه عليه
الولد طول ركب سيارته وهرب قعدو قبس وابرار يرعشو
"طبعا لانه عادل شاف الولد حاط ايده عاخد قبس فا فهم غلط"
قبس بخوف:شي
عادل بعصبيه:هدي اخرتها مواعيد غراميه في الليل
ابرار:مش زي مافهمت انت
عادل:سكري فمك انتي شن طلعك معاها وحدا زي هدي
قبس بصدمه:زي هدي..!
عادل:ايه زيك دايرتلي موعد مع حبيبك ومطلعه اختي معاك تبي ديري اللقطات هدي ابعدي علينا وخواتي خط احمر هه يا خسارة مادار على خاطرك مجدي وانتي...
ابرار تبكي:يا عادل حرام عليك رهو القصه انه
قبس:خلاص اسكتي خوك عنده الحق خايف عليك من الغلط شدت ايدها وضغطت عليها ردي بالك تغلطي
ابرار فهمت قصدها وتمنت تموت في اللحظه هدي حست قداش هيا انسانه حقيرة كيف بسببها انظلمت قبس للي ساعدتها وخلصتها من الولد
عادل:دموع التماسيح بطليهم واطمني مش رح نحكي لخوك على اللي شفته
قبس مسحت دموعها:بارك الله فيك ومشت للحوش خشت لدارها وسكرتها وانهارت بالبكي ومش ناسيه ولا كلمه من كلام عادل "اصعب شعور انك تنظلم وتنهان بينما انت كل همك انه تساعد وبس"
عادل:تفضلي قدامي للحوش ويا ويلك مزال نشوفك تبعتيها هدي
ابرار:اسمعني بس والله انت غالط
عادل:قلت امشي وكلامي يتنفذ احسن مانحرم عليك الطلوع
روح مجدي واستغرب هدوء الحوش خش لقبس لقاها راقده. غطاها وطلع اتصل بارين
مجدي:قلبي
ارين:كيفك حبيبي
مجدي:تمام وانتي...
مروى كتبلها الدكتور خروج وحولها لعلاج طبيعي ووصاهم بدكتور نفسي لانه وضعها مجرد صدمه بس صحتها كويسه
روحت بيها امها وقعدت تهتم بيها وتحاول تعوضها ولو جزء من حنانها اللي انحرمت منه
وسيم امه لزاته من الحوش وخدت منه كل شي وخوته رفضو يوقفو معاه لانه غالط ومافيش حد استقبله في حوشه
وهوا انكسر واذكر كل كلام مروى كل مرة طلبت منه يسيبها كل مرة تحسبت فيها عليه قداش ظلمها وعذبها و في الاخير خسرها قرر يتوب ويغير من روحه لعل ربي يغفرله ذنوبه ويسامحه
امنه تبكي:ربي يشفيك يا بنيتي ان شالله تسامحيني
مروى:ربي يسامحك ياامي
امنه فرحت لانه مروى تجاوبت معاها وحضنتها ربي يحفظك
يوم عن يوم تتحسن وترجع زي قبل وامها ماسيبتهاش بكل وميسون رجعت تتواصل معاهم وتجيهم اما ايهاب مختفي
عند قبس اللي بدت من الحوش للمدرسه ومن المدرسه للحوش لاعاد تطلع ولا شي حتى يقلها مجدي نطلعو ترفض شاده قرايتها وبس.......
وفات عدد لا بأس به من السنين:
"مانبيش نحكيلكم شن صار فيهم بنخش في صلب الاحداث ومعاها تو تعرفو اللي صار"
الساعه 10صباحا انفتح بابا الطوارئ ودخلو راجل داير حادث قوي بدو المسعفين يديرو في شغلهم لين يوصل الدكتور
بعد وقت في غرفه العمليات
الممرض:دكتور ملاحظ حاجه
الدكتور:كتلة عالكبد صح
الممرضه:ايه ان شالله مش اللي في بالي
الدكتور: احنا وقفنا النزيف وحالته مش خطيرة يفيق حولوه لدكتورة الاورام
الممرضه:حاضر
في مكان ثاني مكتب اقل مايقال عليه قمه في الجمال والذوق
السكرتيرة:باش مهندسه عندك شغل جديد
مروى:خليه يتفضل
خش الراجل وطلب شغل معين واتفقو عليه وطلع
مروى قامت الهاتف وطلبت السكرتيرة:معادش تقبلي مواعيد من حد ومانبيش اي ازعاج وسكرت
سندت راسها على ظهر الكرسي وسمحت لذاكرتها ترجع بيها للماضي.
Flash back
بعد تحسنت اطلقت من وسيم رسمي ورجعت للكليه بس مضايقات سلمى ليها خلتها ترجع تضايق وتقعد في الحوش ادهورت حالتها النفسيه وبدت تحلم بيه وتتخايل فيه في كل مكان هالشي خلى امها تبعتها لخالتها في كندا باش تبعدها على كل شي ارتاحت غادي وسجلوها في كليه وقرت وكملت ونجحت  وبعد سنين من الشغل والخبرة رجعت لبلادها وفتحت مكتبها الخاص للديكور end back
في المستشفى فاق الراجل وتحسنت حالته وحكاله الدكتور على وضعه
د:زي ماقتلك يا عمي احنا خدينا خزعه من الكتله خلال العمليه وتبين انه للأسف خبيث
الراجل بأسف:ااه نستاهله والله
د: لا ياعمي شن هالكلام قول ان شالله ربي يشفيني
الراجل:بالله يا ولدي
د:عموما انا درتلك تحويل للدكتورة شاطرة وان شالله على ايديها الشفا
الراجل:وامتى نمشيلها
د:اليوم بعد ساعتين
الراجل:بارك الله فيك
د:البركه في الجميع ربي يشفيك وطلع
غير عمكم الراجل لبسه وطلع اتجه للعيادة المتخصصه في الاورام السرطانيه "عفانا الله واياكم"  وخدي موعد وقعمز يستنى لين جي دوره وقف خبط عالباب وخش يشوف للدكتورة اللي لاهيه في الاوراق قدامها
الدكتورة:تفضل يا عمي ارتاح
الراجل:بنتي 😢😢
"ايه الراجل هوا مصطفى بو قبس ومجدي"
قبس نحت نظارتها ووقفت بصدمه:بوي
مصطفى:قعدا بتقولي بوي بعد اللي درته فيك
قبس قربت منه وشدت ايده ساعداته يقعمز:ايه بوي هدي حاجه مانقدرش ننكرها
مصطفى يبكي:انتي احسن مني بعد كل شي ااه يا بنيتي ياما صار فيا
قبس:انت اللي رفضت تقعد معانا يا بوي واخترت مرتك
مصطفى:سامحيني انا ربي خدالك حقكم مني والمرا بصمتني على رزقي كله وخداته مني وجاني العافن
قبس:لا حول ولا قوة الا بالله غير اهدا انت وكل شي ليه حل
مصطفى يمسح عل راسها:ماشالله عليك قريتي وبديتي دكتورة زي ماتبيك امك بهي اللي ماسمعتيش كلامي وبطلتي
قبس باست ايده:خليني نديرلك تحاليل ونبدو في العلاج
مصطفى:قبل نبي نشوف خوك
قبس:حاضر لكن قبل خليني نقوله وتوا هيا معاي
دارتله كل التحاليل والصور وروحت بيه معاها لانه معادش عنده وين يقعد
فتحت باب الحوش وخشت:اميرتي
جتها بنت عمرها 6سنين تجري:ماميتي
قبس قامتها وتبوس فيها:بنتي السمحه شوفي من جانا
حسناء:جدوو
مصطفى تفاجئ:تعرفيني
قبس:مالا شنو ديما تتفرج على صوركم انت وامي
مصطفى:شن اسمها
قبس:قولي لجدو شن اسمك
حسناء:اسمي حسناء
مصطفى قامها وقعمز يلعب فيها وتهدرز معاه
قبس ركبت للدار فتحت الباب وابتسمت لما قابلها:حبيبي
عادل:عيون حبيبك وحضنها
"ايه قبس تزوجت عادل تبو تعرفو كيف تو نحكيلكم الحلقه الجايه 😂 خلي فضولكم يشتغل"
نزلو تغدو مع بعض والعشيه جاهم مجدي وارين
مجدي:حبيبت خالها
حسناء:خالو يا عويناتي 😍😍
قبس:مابردكم 🙄
مجدي:انه الحسد يا سادة
حسناء:موتيي قهر ماما 😂😂😂
قبس:زيد علمها الكلام هدا
مجدي:مادخلكش بنت اختي وحر فيها وين عادل
حسناء:بابي مع جدو
مجدي:من جدو
حسناء:جدو اصطفى
مجدي حطها لوطه ومشي لقبس:شن تقول بنتك
قبس:بوك جاني اليوم
مجدي:.....
قبس 💔😔😔
مروى روحت للحوش تعبانه:امي وينك
امنه:تعالي اني في الصاله
خشتلها باست ايدها:كيف حالك
امنه:الحمد لله بنيتي يعطيك الصحه
مروى قعمزت جنبها وحطت راسها على رجل امها:تالفه بكل تعرفي
امنه:نوضي كولي وخشي ارقدي شويه
مروى:هدا اللي بيصير
خشت لدارها دوشت وطلعت شافت هاتف يضوي رقم
مروى:ايوا
البنت:باش مهندسه مروى
مروى:ايه تفضلي
البنت:سمعنا على شغلك هلبا وشفنا حجات حلوة واحنا بنفتحو فرع جديد لشركتنا نبوه يكون خدمتك
مروى:ان شالله بكرا تتصل بيك السكرتيرة ونحددو موعد باش نبدو خدمه
البنت:تمام مهندسه سلامتك وسكرت
ثاني يوم تفاهمو تمشي مروى مع سكرتيرة لموقع الشركه باش تشوف المكان وتتفاهم مع المدير عالشغل
الساعه 4 خشو للشركه ودخلوهم لقاعه الاجتماعات
مروى:قلبي مش مرتاح للخدمه هدي
سكرتيرة:علاش مهندستنا شغلك حلو وطبيعي تجيك عروض زي هدي
مروى:ربي يستر
بعد ربع ساعه انفتح الباب و....يتبع
استنوني في الحلقه الاخيرة 😉😉