part2
مروى انصدمت بوسيم كان جميل جدا وجنتل ولبسه مرتب بس واضح على وجهه وطريقه كلامه انه يتعاطى في شي
وسيم ابتسم عاجنب:حالك بهي!
مروى:اسمعني نبي نقولك كلمتين
وسيم قعمز جنبها ويشوفلها بتركيز:نسمع هي
مروى توترت بس حاولت ماتبينش:انا نبي نكمل قرايتي ومش موافقه عالزواج هدا لو سمحت ارفض انت او قول ماعجبتنيش او اي شي
وسيم:اي سنه انتي
مروى:طالعه من الثانوي
وسيم:وتعرفي انه الكدب حرام
مروى:يعني
وسيم:كيف تبيني نكدب نقول ماعجبتنيش
مروى قعدت مصدومة وتشوفله
وقف ساوى جاكيته:عموما تو نتفاهم انا وايهاب على كل شي ومش رح نطولو بالعرس ماعندنا علاش نستنو
مروى بدموع:بس انا
وسيم:فوتيه موال القرايا ماعنديش بال ليه وطلع وخلاها في صدمة كان اخر املها انه يقتنع ويرفضها
خشت بتركب لدارها قابلتها امها
امنه:شن صار في العريس
مروى شافت لامها بكسرة:علاش تسألي يهمك هلبا الموضوع
امنه:طبعا مش بنتي ونبي نتهنى عليك زي اختك
مروى ضحكت بهزوة:اختي هنت على روحها بروحها ماديريش روحك ليك الفضل ارتاحت منكم وحصلت انا
امنه:احترمي نفسك تكلمي في امك مش صاحبتك
مروى:هه وينها امي وركبت وخلتها
امنه نزلت ركبت سيارتها وطلعت
عند قبس حاولت تستجمع كل قوتها ونزلت لبوها استاذنت وخشت للمربوعه
قبس:كيف حالك يابابا
مصطفى بدون مايشوفلها:طيب فيك اذكرتي بوك وجيتي تسألي على حاله
قبس:حقك عليا غير كنت تعبانه شوي
مصطفى:بهي ان شاالله لاباس
قبس:بابا نبي نحكي معاك شوية
مصطفى:كان على موضوع القرايا تنسيه وماتحكيش فيه
قبس:علاش بالله عليك كان خليتني نكمل شن فيها
مصطفى:هكا احنا ماعندناش بنات يكملو بعد الاعدادي سادك ماقريتي
قبس:بس مافيش سبب يخليني مانكملش
مصطفى:عمامك كلهم زوجو بناتهم وانتي تقعدي دوري ويقولو طالق بنته
قبس طارتلها من اسلوب بوها وتكلمت بعصبيه:تي علاش طول عمرنا عايشين على راي عمامي عمرك ماخديت قرار بروحك
مصطفى وقف:وتعلي في صوتك يا قليلة الربايه وضربها كف لين طاحت
قبس وقفت:انا قرايتي مش رح نسيبها ولو تجبرني اقسم بالله يا بابا لما نقتل روحي وانت تحمل ذنبي وطلعت تجري
مصطفى قعد مصدوم في بنته الصغيرة كيف تجرأت وقالت كلام هدا ويفكر لو ديرها حق:لالا هدي فرخه صغيرة قتل شن اللي تعرفه
"ملاحظه مصطفى صح يسمع لخوته وكلمته مشيها على عيلته بس يحب بنته هلبا لكن بطريقته اللي يشوف فيها صح هوا خايف انها تغلط ووقتها احتمال يقتلها ولهذا اختار انه يبطلها من قرايتها ويقعمزها قدامه لين يجي نصيبها ويرتاح "
قبس ركبت لخوها
مجدي:شن تبي قبس
قبس بهدوء:ممكن تساعدني
مجدي:فكيني منه بوك مانحبش نخش معاه في نقاشات وهوا اصلا مسكر راسه استسلمي وقعمزي وخلاص مرات يجيك راجل يخليك تكملي
قبس:بس انا مانقدرش نعيش على الاحتمال هدا
مجدي بدون اهتمام:دبري راسك انا بوي مش رح نكلمه ره
طلعت قبس وهيا خلاص فقدت املها من كل عيلتها وانهارت قرايتها هيا اكتر شي تحبه حلمها انها تكون دكتورة معروفه مخليها تتعلق بالدنيا كل يوم بس توا شنو بعد حطموها
خشت لغرفتها لبست بدله الصلاة صلت ركعتين وطلبت من ربي يغفرلها ولو شوي عاللي رح ديره كملت ووقف خدت شفرة حادة وقطعت شرايين ايديها الزوز. ودموعها ينزلو وقلبها يوجع فيها وبعدين معاش حست بالدنيا وطاحت...
قعدت قبس تنزف وماحد حس عليها
الساعه 9 حطت امها العشا ونادت مجدي
خش مصطفى:وين بنتك
حسناء:في دارها اهو بنركب ناديها
مصطفى:بهي بري ومعاش تخليها في الدار بروحها تنزل تقعد معاك
ركبت خبطت عالباب مرتين لارد فتحت وخشت وشافت منظر مستحيل تنساه بنتها الوحيدة غارقه في دمها
حسناء عيطت باعلى صوتها:لاااا بنتي وطاحت على ركابها
ركب مجدي يجري ووراه مصطفى اللي يذكر في كلام بنته وخايف يشوفها ميته...
مروى فوتت اليوم كله في دارها لاماكله لا شراب قامت هاتفها واتصلت باختها
ميسون:الوو مني معاي
مروى:ميمي
ميسون:مروى حبيبتي وبدت تبكي
مروى:علاش خليتيني زي بابا قعدت بروحي معاهم
ميسون:اسفه بس ماكنتش رح نتحمل العيشه مع ايهاب انتي عارفه لو كبرت بينا رح نقتله
مروى:بيزوجني لصاحبه
ميسون بصدمه:شنووو وكيف
مروى:اليوم جي شافني حاولت نقنعه يرفض بس الباين مافيش فايدة قلي مش رح نطول بالعرس
ميسون:حي عليا يا وخيتي
مروى ضحكت بالم:مش باين حتى بصيص امل يا ميسون
ميسون:تبي نجيك ناخدك منهم
مروى:لا انا قررت قرار وخلاص مش رح نتراجع فيه....يتبع
قبس شن بيصير فيها? وهل بيتغير قرار بوها بعد اللي صارلها او بيقعد مصر على رايه
شن قررت مروى? وهل قرارها صح ولا خذاته في وقت غضب ورح ينقلب ضدها
تفاعلاتكم
أنت تقرأ
أبسط حقوقي
Romanceحتى البنات حقهم يقرو ويشتغلو ويحققو احلامهم وطموحاتهم ماانخلقوش لخدمة البيت وتربيه الصغار وبس ..
