سنة 2003 غزو البصره
جان عمري بوكتها 8 سنوات داخله على ال9
فرفحت من البجي اباوع الشارع عباره عن دم وناس نايمة
واهلي يمي مجطلين ابوي واخواني ثنين وامي كلهم دم ضليت ابجي
اريد اهلي اكعدهم ماكوو اباوع بس دبابات من بعيد وجيش ولا طير
بالشارع بس انه وكاعده ابجي ضليت كاعده على ما فرفحت روحي
من البجي ونمت على امي صح جنت صغيره بس جنت اتذكر كلشي
بالتفصيل كعدت على صريخ وبجي لكيت مره جبيره لابسه عبايه
تصرخ وتبحوش بالجثث وتصيح
يمةةة ابني وينك يمة عمت عيني عليك وليدي وتصرخ انه سمعتها
تصرخ ضليت اصرخ وياها شافتني اجت ركض شالتني وضلت
تبجي وياي
المره : يمة عمت عيني عليج يمة وين اهلج يمة
بتيل : بيبي اهلي نايمين .....احجي وابجي وامسح بعيوني
المره: يمةةة عمت عيني عليج يمةة
ضلت تبجي وانه اباوع على الشارع حتى اهلي اباوعلهم جنت طفله
اباوع منا ومنا
بتيل : اريد امي
المره : اي يمة امشي وياي للبيت هسه يكعدون ويجون ورانه
بتيل : اباوعلها تحاجيني وتبجي اباوع عليها واباوع على الناس
النايمة بالشارع واباوع على الدبابات من بعيد شافتهم المره
وركضت شالتني وضلت تركض وتتعثر
لحد ما سمعت الدبابه صارت قريبه علينه قنصو على المره ووگعنه
ثنينه بالكاع فرفحت روحي من البجي اباوع للمره دماغها واگع
بالكاع وكلها دم ضليت اصرخ ما شفت الا الدبابه تقربت مني ونزلت
الناظور عليه ضليت اباوع طلع منها جندي اشكر ضل يخرط انكليزي
بتيل : عمو وين امي
جندي : !!؟
بيتل : ضل ساكت ما حجه شي .....ابوي وينة ..رجع صعد دخل وطلع هو ووياه ثنين جنود
ضلو متخصرين ويباوعلولي ويحجون بيناتهم كلشي ما افتهم بس كل
شوي اكول وين امي وين ابوي لحد ما اخذني واحد من الجنود
ودخلني للدبابه ضليت صافنه واباوع وابجي على اهلي وكل شوي
وصيحو عليه وانه انخرست ابجي وامسح بأيدي على عيوني
اشوي ونزلنه شالني واحد من الجنود وطلعني من الدبابه دخلنه لغرفه جان
مشخصها واحد اشكر حييل جنه باچة مسلوكه كام الجندي وضربله
أنت تقرأ
لقيطة الحروب
Romanceراويه لاحدى الفتيات البصريات التي اصبحت لقيطه بعد حروب عانت منها في حياتها لتصبح يتيمة الاهل في حرب البصره ٢٠٠٣ فكيف تدبر امور الحياه وهي في الثامن من عمرها وهل تجد من يعينها على ثقل الحمل من على كتفيها وهي مشترده في ضواحي بلدها بقلم زهراء حسن الر...
