هاله : يمة يمةةةة من هسه تسأل على رجلها
بتيل : انجبي بس غير يقرون الفاتحه وهو موجود
هاله : اي اي ستوه اجه من الدوام دخل سبح واحنه اجينه
بتيل : هاا
هاله : اي وهسه كومي خليلج شوي كريم على وجهج حمره شي
بتيل : لا يمعوده
هاله : ياا شبيج انتي حتلو تخلين بس حمره بلا بياضج رباني.
بتيل : والله مالي خلك ...شوي وسمعنه هلاهل عرفت اجه بسرعه
هاله نطت يمهم وعافتني وحدي ضليت كاعده لحد ما اجتلي جده
الجده : ولج يمة انه كوه عليه امشي ما تجين الا انه احيبج كومي وياي
بتيل : اي بس خلي البس شالي ..لبست وعدلت نفسي وكرصت
خدودي ورحت وراها دخلت وهلهلن نسوان عمامي...يااا لعد همه شوكت
قرو حتى يغردن النسوان كعدت وشفت اسد كبالي لابس قميص
ابيض خفيف والفانيله الداخليه مبينه وبنطرون كابوي بس لحد هاي
اللحظه ماكو اي مشاعر اتجاهه يجوز احبه بس كأبن عم مو كزوج
قرينه الفاتحه والنسوان كبن بالهلاهل وجده كاعده يمي وتصلي على
محمد وتمسح على راسي مدري ياهو كلها اني مخبله 😿😿 المهم
كوموني اجيب الشربت واوزعه رحت للمطبخ شفت محضرين
كولشي اخذته وطلعت للاستقبال وزعت عليهم لحد ماوصلت اله كاعد انطي رفع حاجبه و..
اسد : مشكوره ياااا مرتي
بتيل : عفته ورحت كملت التوزيع وكعدت يم جده
الجد : اسد اخذ مريتك وكعدو بالحديقه سولفو تعرفو على اطباع بعض
اسد : اي والله جدي انه هم ردت اكول هيج
الجد : يلا بتيله ولج كومي وي رجلج
بتيل : اهوووو هاي شلون سالفه باوعت اله مبتسم بخباثه
اسد : جدي اشو جنها ما عاجبها تكوم وياي خلها براحتها
الجد : بتيل جدي كومي وياه كومي
بتيل : انحرجت من عمامي وجدي كمت باوعتله كام قبلي وكفنه
ثنينه سوه يم الباب وصبح عليهم وراح .. يااا ليش صبح عليهم
عشتو اليوم ناوي يكعد للصبح يسولف طلعنه ضلينه نمشي بالحديقه على الثيل وثنينه ساكتين
اسد : تعاي خلي نكعد على المرجوحه اخاف الثيل يأذيج
بتيل : رحت كعدت بدون ما احجي
اسد : اي يا ست بتيل شلونج
بتيل : يعني شتشوفني
اسد : اكيد فرحانه لان ماخذه واحد مثلي
أنت تقرأ
لقيطة الحروب
Romanceراويه لاحدى الفتيات البصريات التي اصبحت لقيطه بعد حروب عانت منها في حياتها لتصبح يتيمة الاهل في حرب البصره ٢٠٠٣ فكيف تدبر امور الحياه وهي في الثامن من عمرها وهل تجد من يعينها على ثقل الحمل من على كتفيها وهي مشترده في ضواحي بلدها بقلم زهراء حسن الر...
