بتيل : يمعوده اصلا الجمال بس الجن اشو وحدتجن جنها لعابه
حلا : لا صدك بس اليوم عبير طالعه تخبلين وبتيل كلعاده تجنن
عبير : يحياااتي فديتجن
حنان : اليوم يغص اسد اذا شافج
بتيل : غصتهم ان شاءالله
عبير : لا خطيه
بتيل : يعني اني مو خطيه من يضربني بالحايط
حنان : ساعه شيطان يا بتوله احنه النسوان لازم نتحمل كلشي في
سبيل نعيش حياتنه هاي امي تكول شفت الول من ابوج بس اعشقه يوم عن يوم
بتيل : هاي ايام قبل مو هسه بعدين يمعودات لتجيبن طاريه ...شوي
ودخلت حنين مبدله فستان قصير اسود والردان والصدر كله خفيف
عجبني موديل بدلتها بس ابقى اكرها وما احب اعلق عليها بشي
حلوو مو غيره بس ماريد ارفع منها ولو شووي معرف شعجب
كالت
حنين : اووه الصراحه اول مره انتبه لشعرج طويل
عبير : اي شعرها يجنن ما شاءالله كلش طويل
بتيل : اي بحياتي ممخليه المقص عليه احبه طويل
حلا : احسن من عدنه من صغرنه لحد هسه كضيناه كله ولادي لحد ما صار عمرنه 13 يلا بدينه نطوله
سحر : انتن وينجن من مساع اصيح عليجن يلا امشن نزلن اجت العروس ومحد يمهاا
حلا : يااااا واحنه ملتهين هناا
بتيل : ركضنه نزلنه كلنه نهرول على الدرج والبنات يهلهلن واني
كولشي ماكوو لا اعرف اهلهل لا شي شمصيبتي شافتني خاله سناء وضلت تبحي شابكتها وبست راسها
سناء : جنتي جنج لاعابه يحفظج الله من كل عين
هاله : بتييييل ولج تعااي
بتيل : شنو شنو شنو هاي الباربي الكدامي غير الحفافه مسويتلج غسل وتشحيم
هاله : هههههههههه والله انتي الباربي عبالك انتي العروس مو انه
بتيل : يا بعد گلبي
كعدت يمها وخاله سناء تاخذلنه صور كلت اكيد تريد تراويهن لاسد
عاد اخذت منها الموبايل بحجه نصور سيلفي وكعدت اخذ صور اني
وهاله واخذت سلفيات لوحدي ومطلعه صدري كله وحركه نفخ الشفايف
خاااله حبابه احتفظي بالصور حتى ارسلهم الي
أنت تقرأ
لقيطة الحروب
Romanceراويه لاحدى الفتيات البصريات التي اصبحت لقيطه بعد حروب عانت منها في حياتها لتصبح يتيمة الاهل في حرب البصره ٢٠٠٣ فكيف تدبر امور الحياه وهي في الثامن من عمرها وهل تجد من يعينها على ثقل الحمل من على كتفيها وهي مشترده في ضواحي بلدها بقلم زهراء حسن الر...
