بتيل : فتحت الباب وانصدمت هاي نفسها المره اي والله اذكر
ملامحه الحاده نفسها وحتى كانت اكو شامه كبيره يم خشمها بس كبرانة يطلع
عمرها بال40 فرحت يعني هذا بيتهم نفسه ..سلام عليكم خاله
المره : هلا بيج خاله تفضلي رايده احد
بتيل : خاله زوجج موجود
المره : بتعجب !! لا بالدوام منو انتي
بتيل : شوكت يجي
المره : بليل .. انتي منووو.
بتيل : هاا لا خاله بس اريده بموضوع
المره : زين تفضلي تفضلي على ما يجي
بتيل : ضليت كاعده متوتره وهي بس تسأل عبالك تحقيق
المره : شرايده منه ..تعرفينه يعني لو اقاربه
بتيل : ههف شكللها هاي اخاف اكللها اني نفسي الطفله انوب
تطردني وما اشوفه للرجال ...لا خاله ما اعرفه بس عندي موضوع
وياه من يجي رح تعرفين
المره : هاا اي بس شكلج مو غريب صارلي ساعه اريد اتذكره ماكوو اكوم اخابره واجي
بتيل : اي ياريت خاله ..جان ماكلها الفضول منو اني تقريبا نص ساعه واجه الرجال ..بس ما
اعرف ليش من شفته دمعت حيل كبران و لان اخر شخص شفته
بطفولتي ومن نفس ولايتي ..هو شافني وابتسم مدري عرفني او لا
الرجال : اهلا وسهلا بنتي تفضلي تفضلي استريحي
بتيل : شلونك عموو
الرجال : الحمدلله شوو جنج تعرفيني
بتيل : ليش ما تذكرتني معقوله
الرجال : والله وجهج مو غريب عليه
بتيل : عموو اني الطفله الي وديتني بدار الايتام من جنت
صغيره ...باوعت اله نزل راسه وابتسم ..بس مرته ضاجت
وعوجت حلكها ماعاجبتها جيتي
الرجال : والله وكبرانه وحليانه...شجابج للبصره وشدلاج وشذكرج
بيه
بتيل : سولفتله من طلعت من الدار لحد هذا اليوم
الرجال : استغفر الله ...انه جنت موصيها عليج وبأمانتها شلون
تخليكم اطلعون وانتم بنات
بتيل : ما اعرف ..المهم عموو اريد اسألك اذا تعرف اهلي
الرجال : اهلج ؟
بتيل : اي اهلي بيت (اجدادي )تعرف عنهم شي
الرجال : بويه انه ما اعرفهم لان انه من اخذتج جنتي بالشارع تبجين ومن سألت كلتي اهلي ماتو
بتيل : ضل يحجي ويحجي واني اتذكر شوي شوي لحد ما وصلت
للجندي الي راد يرميني ...عبالك جنت فاقده الذاكره وهسه كاعد
أنت تقرأ
لقيطة الحروب
Romanceراويه لاحدى الفتيات البصريات التي اصبحت لقيطه بعد حروب عانت منها في حياتها لتصبح يتيمة الاهل في حرب البصره ٢٠٠٣ فكيف تدبر امور الحياه وهي في الثامن من عمرها وهل تجد من يعينها على ثقل الحمل من على كتفيها وهي مشترده في ضواحي بلدها بقلم زهراء حسن الر...
