لقيطة الحروب

لقِـــيطـة الحُــروب( البارت 9)

اسد : لا عمي ما احب هالالوان

الجد : على امرك جدي الي تشوفه مريتك وبكيفك مالنه حق ندخل

بتيل : يااااا شبي جدو انگلب....تهي ياربي مو هو بكيف اسد والله

والقرأن اخلي مكياج وعلى عناده ...ضلو يحجون بأمور الخطوبه

واباوع لاسد منتجي على الحايط وكل شوي يباوعلي ومن ادور
يسوي نفسه مو يمي لشوي كلهم طشوو                     

الجده : يلا بتيله كومي نامي باجر وراج كعده من الصبح

بتيل : انشاءالله جده ....نمت وكعدت وي الاذان صليت ورجعت غفيت شوي وكعدتني جده

الجده : يلا يمة كومي صارت ب6 

بتيل : ياا جده صدك جذب منو كاعد هسه هنه امهات الصالون يكعدن بال8 اني شكو رايحه لازمة باب الصالون

الجده : ولج منا على ما تتريكين وتصحصحين نص ساعه وتبدلين

ساعه وتصفنين ساعتين هاي صارت ب10 هم مو ب8 يلا كومي ترا بس تتاخرين اسد يعصب

بتيل : ليش هو شكوو

الجده : يريد يوصلجن انتي وهاله يلا كوومي

بتيل : اااه يا جده كمتتتتتت .....وصدك كعدت ربع ساعه يلا

صحصحت وكعدت على صينيه الريوك وصافنه دغتني جده

الجده : يمة الصفنه مو الج اتريكي نشف ريجي

بتيل : اي اي جده ....كملت ريوك ورحت بدلت كعدت حلا وحنين وطلعت لكيت السياره بحديقتنه العامه

باوعت لاسد لكيته يباوع على الساعه صعدت ....صباح الخير

هاله : صباح النور كبدد

اسد : وين جنتي هذا كله تبديل

بتيل : لاا ب....   

اسد : شوفي من هسه اكلج التأخير ما احبه اذا انطيج موعد تجين على الوقت المحدد مفهوم

بتيل : مفهوم 😿

هاله : لا تضوجين ترا والله وهو طيب

بتيل : لا والله مرررر حييل .....خليت راسي على الجامه واباوع

على مناطق البصره شوي ودرت عليه لمحته  يباوعلي بالمرايه

درت وجهي وضليت اقره باسماء المحلات لحد ما وصلت للصالون

اسد : بتيل مكياااج ماااكووو خوش ومن تخلصن خابريلي حتى ادز عزام يجيلجن

هاله : خووش

بتيل : نزلنه بسرعه ودخلنه للصالون جان اكوو ثنين عرايس

كاعدات وخمس حلاقات صاحت ياهي تريد حفافه خلي تجي

رحتلها اني كتلها وجهي وحواجبي ضلت تحف واني كلساع

اصررخ ولازمة بأيد هاله ...ولج هااااااااله رح اموتت