هيلاااو شلووونكم
اليوم البارت احجيلكم بي عن مغامره سويتها
ويله ابديلكم السالفه
رحنه احنه وجيرانه تلث عوائل لكربلاء
بس ما رحنه للامام الحسين اول شي قررنه نزور القطاره مال الامام علي عليه السلام صايره باطراف كربلاء وبعدها نرجع للحر ثم للامامين عليهم السلام
المهم رحنه لهناك والطريق خلصناه ضحك وتحشيش
لدرجه حتى بالطريق من نشوف ملح
اخوي يسوي نفسه مرشد سياحي يكول تجدون على اليمين الثلج العراقي 😂
وصلنه للمكان المطلوب منطقه كلش حلوه وكلها جبال
زرنه وصلينه وتغدينه وبعدها كلها تطشرت
رحنه اني والبنات نفتر ونطك صور مر من يمي واحد صاح كافي عزوبيه اريددد ازوج
باوعت منا منا وحده يمشي ولا كامش مبايل هذا ويامن يحجي معقوله وياي 😳
غلست ومشيت وره شويه هم شفته واكف يمي ويسولف
واني فلتتت 🌚🏃🏃رحت لمكان بعيد
وشفت من بعيد اخواني والولد كلهم دايصعدون الجبل واني نخبلت😾 كلت شنو يعني لان هم ولد عادي يصعدون واحنه بنات لا 😢
تحزمت الهم ورحت اصيح جماعتي كروب البنات وبقيت ساعه اشجع بيهن علمود يجن وياي وهن يخافن المهم وره توسل هواي قنعن 🙌
وصارت هسه مهمه اقناع الاهل🌚
وبعد توسل وكلام مني قبلوا الاهل واخذنه مي ويانه وانطلقنه ومعلومه احنه كلياتنه لابسات عبي 🙈
جايات للزياره اكيد نلبس عبايه وتخيلوا تسلق الجبل بالعبايه اوويلي يابه 😗😹😹😹
بس ننو مستحيل تمنعها عبايه عن معامراتها 😏😌
ومو بس هاي وهمين لزكوا الزعاطيط ويانه 😩
هن تلث بنات صغار كلهن عمرهن 7
وحده اختي وحده بت السيد وحده بت ابو ساره
والبنات الكبار سته
المهم رحنه مشينه ووصلنه للجبل وبدينه نتسلق بس شنو مو عبالكم سهل كلللش صعب 😧
بس احنه خلصناها ضحك اني جنت بالمقدمه امشي سابقتهن ونضحك بدون سبب
بس اختي كامت تبجي خافت لان كل ما نصعد اكثر يصير العصود اصعب و هي طفله
اني لا اكدر اعوفها واصعد وهي خبصتني
كمشتها وبقيت اسحل بيها 😂😂😂
حتى البنات سبقني لان شايله اختي واتسلق بلكوه
تالي وصلنه لطابوكه جبيره ما نكدر نسلقها احنه وعبينه
البنات كامن يصيحن باسماء اخوانهن علمود يجون يساعدوهن لان تورطنه 🙈
وكلها تصيح واني منهن اكيد😌😌
تالي جزعنه يجينه واحد ردنه نشوف طريقه ثانيه
شفنه طريق جانبي بس ضيك بشكل
يعني سُمكه على كد جف بس ما عدنه غير حل
وبقينه نمشي وحده وره وحده نلزك روحنه الجدار ونمشي خطوه خطوه وعلى اقل غلطه نطيح 😷
بقينه نمشي ونتسلق وصعدنه🙌🙌
بس الولد متقدمين علينه واصلين لقمه اعلى
ردنه نكمل بس صاح علي ابن جيرانه كال ارجعن خابروا علينه كالوا يله
أنت تقرأ
عالم ننو المدهش😆✋
Humorنكت تحشيش نصائح اسئله قصص قصيره حبشكلاتيه مواقف مضحكه ذكريات في عالمي انا ننو 😆😆✌
