عالم ننو المدهش😆✋

سوالفي ويه امي 😐😂😂😪

هلااووو اليوم احجيلكم عني اني وامي

ابوي من صار بي السكر سوه دايت وكله نظام غذائي واكل صحي لا دهون لا سكر ولا حتى بقوليات
ودائما ياكل جرجير لدرجه حتى بالريوك ياكل جرجير 😒

من راح ابوي للدوام وهو يبقى هناك عشر ايام تذكرت جرجيرات ابوي😿
فدخلت ع الكوكل وبحثت عن الجرجير🔍

اشو طلع الجرجير اله فوائد بكد شعر راسي
يفيد لكلشي وحتى لابو السكر اله فوائد عظيمه ولابو القلب والمعده وحتى لابو الرجيم

فاني رحت لامي اعرض عليها معلوماتي الجديد😏
وحجيتلها على فوائده ادكلي لعد ما شفتي ابوج اخذ وياه علاكه هلكبرها جرجير 😹😹😹

فاني اريد اقنع امي انو هو صدك مفيد فكتلها يمه اكو مقوله ادكول "لو علم الناس فوائد الجرجير لزرعوه حتى تحت سريرهم" 

امي كال ياااااه ولج روحي شوفي خاف اكو جوه الجربايي جرجير 😹😹
اني عفتها ورحت
يمه انتي مو مال واحد يحجيلج معلومات 😒
ابقي على تحشيشج احسن 😹😹😹😹😹😹😆

......
اني بطبعي احب اتناقش ويه امي ع الروايات
فجنت اني داغسل امواعين وهي داتشتغل
وبديت احجي وياها عن قصه ازمه ضمير

واحجي واحجي واضحك على سالفه واعصب على شغله بس امي ما ترد عليه😐

عبالي راحت درت وجهي هاي بعدها داتشتغل
كملت سوالفي وهمين ما ترد😑

كلت خليني اغير السالفه او احاول استفزها
كتلها هذا قيس ابدد مو حلوو ما عجبني

ما ردت😤
فكرت بعد واجتني فكره كلت اوويلي يمه شفتي ادهم شلون يخبل فدووه يجنن الصاك ابن الصاك 😻😂😂

وامي ما ردت 😩
جنت كامشه خواشيك بايدي اغسل بيهن
كلت.. بس فهميني داحجي ويه الخواشيك اني..؟؟

كالت.. اكلي خرا
هزيت راسي وكلت بكلبي يله ع الاقل ردت مهما كان الرد اني عبالي انخرست 😐😂😂😂😂💔

وره شويه اخوي مدري شنو حجه هم كالتله اكل خرا
كتلها يمه اشو اليوم هواي وكلتيه على كيفج 😿كل ما واحد يحجي ادكليله اكل خرا 😑😂😂😂

كالت بكيفي 😒
اجتي اختي كعدت يم امي كتلها ولج دربالج تحجين بس ادكولين كلمه امي توكلج خرا

هي تصنمت بمكانها اخوي بقى يحجي وياها يريدها تحجي وهي مخليه ايدها على حلكها تخاف تحجي🙊

والله يالله ييمه شسويتي بينه 😿😂😂😂😂😂

.....

سوالفي ويه امي هووواي اي عجبتكم سوالف امي اسوي بعد بارت علينه

واكو بعد شغله نصائح امي تجنن همين تفيدجن 😂👊

المهم لا تنسون التصويت
صديقتكم ننو ❤✨
بااايووو