بالمدرسه جان عدنه امتحان فنيه والدرس الي قبل الامتحان جان شاغل لهذا رحنه للساحه نراجع او الصح نسولف 😹
موضوعنه عن النحت والفن وكذا اول شي يحجون عن مصر وشلون جان النحت والمعابد وامون 🌚 وبعدها عن الاغريق
فاني هنا صفنت😶 وكلت هاي الاغريق وين صايره🙏🤐🤐🤐🤐🤐🤐🙏 بقيت افكر وافكر ما طلعلي جواب 😢 كمشت الروقه مالتي الي اقره بيها ولفيتها على شكل مايكرفون 🎤
وصديقتي زهراء وياي تمشي وهي صارت المصور 😛 ورحت افتر ع البنات وصلت لاول ثنين ديتمشن ويسولفن وكفتهن وكلت ممكن دقيقه من وقتجن 😙 كالت.. اي عادي تفضلي
كلت(واني اقلد المذيعات) احنه عدنه بامتحان اليوم عن الاغريق وسؤالي الكم اين تقع الاغريق بالضبط 😇
فردت عليه كالت بمصر لان هم حاجين عن مصر وبعدها كتبوا النحت الاغريقي وجهت المايكروفون لصديقتها كالت اي اعتقد مصر 😃
الجواب ما اقنعني فكلت.. شكرا تعبناجن كملن سوالفجن حبيبات 😌 ورحت طفرت على مجموعه وكلت نفس المقدمه ☝ فوحده كالت مصر ووحده كالت اعتقد بروما لان اسمها مبين من ذني الحضارات القديمه 🙈
جوابها شويه حسيته حلو اغريق و روما يشابهون بس ما حسيته الصح 😟 رحت طفرت على غيرهن وتقريبا كلها نفس الجواب ولهسه ننو ما لكت الي تقنعها بالجواب😑
شفت تقى ابتسمت 😈 ورحت عليها كلت دكتوره ممكن دقيقه من وقتج كالت..هاا ام السحوره شتردين (فديتها تدلعني😚) ضحكت..ههههههاي
رحنه اني وزهراء للساحه الثانيه لكيت بنات ما اعرفهن بس بالاخير شفت مجموعه من خمس بنات من شعبتنه رحت ركض وطفرت يمهن وكلت..ممكن دقيقه من وقتجن
كالت حده منهن..اي عادي يالسجاجه اني اتخبل من هاي الكلمه بس سكتت ميصير اطلع كدام الكامره اتعارك عايشه اللحظه الله وكيلكم😂😂 فسئلتهن السؤال الي هو اين تقع الاغريق 😏
نفس البنيه جاوبتني وبكل ثقه انو هي بمصر😒 بس ابد ما احسها بمصر لان مصر عربيه واغريق مو عربيه بقيت افر المايكرفون عليهن كلهن لحد ما وصلت لشمس هاي شاطره كلش (وابوها دكتور وامها مدرسه لصف سادس يعني اكيد عدها ذكاء وراثي😳)
فكالت..الاغريق باليونان وانطيج مثل العالم الاغريقي ارسطو مرات يكتوب اغريقي ومرات يوناني
اني هنا صحت..اييييييي وعلي صححح بس البنيه ذيج اعترضت كالت..يااا شنو يونان ولجن بمصر حتى المدرسه كاتبه بمصر
كتلها..لا ولج بالونان المهم شكرا لوقتجن بااي
وانوب رجعت اقره واني بالي مرتاح لان عرفت الاغريق وين (ما اعرف احفظ اذا ما فاهمه الموضوع صح) وره دقايق صاحتنه المدرسه نمتحن
ومسويه اسئله أ _ ب يعني هذا السره ياخذ أ وذاك ب بس شنو الاسئله صعبببببه ونص الشعبه رسبت بالفنيه 😂😂😂😂😂🙈 بس اني الحمد الله نجحت😚
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
......
جان عدنه حل رياضيات وموضوع صعب ما فاهمته اصلا وما اعرف احل التمارين فاكيد كعدت انقل 😏😹✌ والمشكله ملزمه ما عندي ابوي راد يجيبلي بس كتله ما احتاج اني ذكيه بالرياضيات😌 تالي تورطت بس ما حجيت كرامتي اهم شي😏💔
رحت دورت يوتيوب ماكو احد شارح الموضوع بس واحد ناشر الحل نقل من ملزمه دار الاعرجي ما لكيت غيره المهم نقلت بدون فهم😂
باليوم الي بعده المدرسه تفتش الدفاتر من وصلت لرحلتي اني وصديقتي مريم كالت هم نفس المصدر
لان كل الشعبه من نفس الملزمه حاله😹😹👌 فمريم كالت (ومن تحجي باسلوبها) لا ست شنوو نفس المصدر اني نقلت من ملزمه الشمس وننو من دار الاعرجي 😂😂😂😂😂 غير فطست من الضحك المدرسه كالت يااا ليش هيج غير توحدون المصدر كالت.. هاي بعد صارت
