اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اذا عجبك هذا اكتب تم 1
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اذا عجبك هذا اكتب تم 2
بالنسبه لطريقه عمل الصاج هو صدور دجاج تم تقطيعها على شكل اصابع مع القليل من ليه الغنم وتم تتبيله ببهارات شاورما او الافضل الي تسويها بالبيت الي هي هيل وكزبره ودارسين وقرنفل وجوزه الطيب وكبابه وكمون وكلهن نفس الكميه طحنتهن واخذت على كد ملعقه ونص
خليتهن بطاسه ودرت فوكاها كاسه روبه عصرت ليموتين وملعقتين خل وبصل مطحون وثوم مطحون (ذني عند ابو البهارات موجوده واذا ماكو عادي مو اله تخلوهن اني ضفتهن من يمي اصلا 😅) واضافه الى تلث سنون ثوم تقطعينه ناعم وفلفل اسود وملح ودبس الرمان على كد ملعقتين وملعقه معجون تقريبا مابقى شي ممكن ينحط ما خليته حتى اشياء ما موجوده بالوصفه الي باليوتيوب بس اني احب اغير من يمي وبعد ما اخلط كل هاي المواد سوه اديرهن فوك الدجاج واخبطه لحد ما يتلابس وانوب اغلفه واخلي بالثلاجه
بالنسبه للوقت الي تبقى بي بالثلاجه هذا بكيفكم بس كلما تبقى اكثر كل ما تصير اطيب اني خليتها بليل وطلعته باليوم الي وراه العصر علمود اسوي عشه
المهم بعد ما تطلعينه اثرمي ليمون هو وقشره على شكل مربعات صغار وخلي فوك الدجاج واذا ما تردون عادي احنه نحبه حامص لهذا اخلي ليمون هيج
المهم تديرين الخلطه بمصفي علمود يبقى بس الدجاج وبين ميصفى تحضرين باقي المواد الي هو تلث حبات بتيته تقطعيهن على شكل اصابع وتسوين راسين بصل كذلك
گليت البتيته وضفتلها بس ملح ومن تستوي اخليها بورق مطبخ الي هو كلينس خاص علمود يمص الدهن وعلى جهه اسوي البصل والطاوه بيها دهن قليل تقريبا على كد ملعقه طعام وحده واضيف رشه ملح صغيره وشوي سماگ ينطي لون وطعم يجنن وهل شي بكيفكم الي ميحب السماك لا يخلي والبصل لا تخلوا يستوي كلش مجرد يبقى دقائق ع النار ما اريده يصير طري كلش
اما الدجاج فهذا تخلي بطاوه قليله الدهن وتقبقي تقريبا دقيقتين تجين عليه تلكين الطاوه متروسه مي لان الدجاج امتص التتبيله لهذا هسه بده يذبها فانتي حاولي تشيلين منها وتبقين كميه معقوله علمود تستوي الدجاجه بي واستمري بتقليبه لحد ما يحمس عدل اذا الدجاج مستوي اوك تم الشغل بس اذا بعده مو كلش مستوي ديري شوي من الصلصه الزايده الي طلعناها وخلي شوي يحمس بعد
اخير شي الي هو تحضرين خبز الصاج وتمسحي بكاتشب علمود تصير طريه من الداخل ومن الخارج مقرمشه وتخلين المواد الي محضرتها وتلفي وتشوي وماكو داعي اشرح شلون يصير اللف والشوي 😑
لان تعبت هاي الطريقه اخذت اساسياتها من اليوتيوب والباقي من يمي اكو هواي خطوات لغيتهن واكو غيرتهن وضفت خطوات همين يعني تكدرون تكولون الصاج على طريقه ننو 😆 اني احب اغير وما التزم بشي لهذا غيرت الوصفه وضفت كومه شغلات 😂 اني حتى بداخل اللفه خليت طرشي وخس واكو بعض اللفات خليت وياهن مايونيز يعني اغير
وطعمها كاااارثه اي واحد ضاكها تعجب على طعمها لو الحموضه بوويه تكطع تجنن ما تسولف اصلا اااخ اشتهيت من جديد خليني اشوف اذا اكو زايد احمي واكل 😂😂😋
